『杜拉格斯』 2024-8-26 13:19
日本札幌競馬場今日(8月25日)除咗舉行係世界星級騎師大賽日之外，同日上演1200米三級賽堅蘭盃，呢場賽事有唔少日本短途佳駟參戰，同時係短途馬錦標嘅熱身戰。濱中俊坐騎「奈村佳盈」近仗戰績彪炳，上仗出戰高松宮紀念賽先過「維港智能」過終點，最終跑第2，今場賽事成為日本當地大熱門，結果只得第5名。
呢場賽事贏馬嘅係連達文次熱門Satono Reve，呢匹馬出道至今8仗合共取得6捷，無論係好地抑或變化地都應付裕如，結果今場連達文接手，沿途守好位下，以個半馬位輕勝莫雷拉A Shin Spotter。
如無意外，Satono Reve下仗應會出戰9月29日1200米一級賽短途馬錦標，相信會係香港代表「維港智能」及「綠族無限」嘅主要勁敵。
原文網址：【札幌直擊】日本新星贏堅蘭盃 短途馬錦標港隊勁敵曝光！ | on.cc東網 | 馬經 | 新聞專欄 [url]https://racing.on.cc/news.html?articleId=bknrac-20240825150439474-0825_01002_001[/url]