查看完整版本 : 經過多年經驗, 想係度講講二線財務

本人本來係大好青年, 專業人士條路又行得唔錯, 月薪幾年前已達6位數字, 但因為人生行錯左一步, 開始接觸左賭博而且極深度既沉迷, 導致我人生有超過7-8年時間, 係陷入左欠住幾百萬債既困境 (就係因為搵得多先欠得多, 諗返轉頭我寧願自己由頭到尾都搵1萬幾千), 差唔多家破人亡, 極度後悔, 捱到近年雖然債務仲有, 但係只得返D 1線順供既數, 開始經濟上有返D希望可以計劃人生.
 
回想果幾年我人生咩都失去哂, 時間光陰親情健康, 唯一有得著既, 我淨係諗到係借貸既知識, 因為我當時為左賭係會無所不用其極咁去借錢, 1線借爆哂20幾倍月薪TU I 呢D基本野, 係好頭段已經係, 然後2線扣底加加埋埋我諗上過去100次俾人check電話都有…  所以我今日特別想講講既, 係2線扣底
 
我知呢度好多師兄都係1,2線, 電話數, 咩都爆哂, 經驗十足, 但同時都有好多岩岩開始借錢既人, 所以希望我既經驗幫到下大家, 起碼等真係要借果時, 都可以知清楚少少先做決定.
 
首先, 點解我要講2線扣底? 因為1線講黎都無謂, 簡單黎講所有睇TU既一律叫1線, 唔理係銀行定財務公司, 因為呢堆同2線睇TE係行完全唔同既system, 你仲可以考慮借一線既, 基本上你既問題都唔係好泥足深陷 (講緊係你既總欠債仲係你月薪20倍內, 或者你月供仲係比你人工低), 如果係咁首先恭喜師兄你, 努力打工戒左d壞習慣佢慢慢還, 唔好開始借2線, 2線既知識都最好唔好知, 唔而要知
 
另外就係電話數, 由於電話數根本就無咩好講, 9出13歸屈錢咩都有, 間間都唔同….而且去到呢步其實都真係唔洗講了.. 所以無論真係點想要拎筆錢博又好cum第條數又好, 真係唔好借電數…..人生好有機會返唔到轉頭
 
好喇跟住入正題, 講2線
2線我分3種
**首先無論係邊種都好 上唔上門都好 一定要係under放債人條例!!!! 如果無放債人條例, 果d就係電話數, 一律咁樣分!!**
第1 係唔扣底
呢一類2線, 其實係借貸黎講, 算係好好既選擇黎, 甚至有時比1線仲好
點解? 因為2線好彈性靈活, 你邊1日還都可以提早截息, 相反銀行1線財好多時提早還要手續費, 點都要順供哂佢
至於有邊d係? 呢個post我係唔會開任何名, 只會in general咁講知識.
其實你要知好易, 首先有幾間好出名係人都知, 用app直接搞whatsapp都唔洗傾既就唔洗講啦, 正氣到無得正氣, 然後有幾間就係全程whatsapp搞店, 唔洗上去
其實新手有時未熟行程唔識分果間扣唔扣底, 好簡單, 總之佢批完之後要你上門搞既2線, 就90%係扣底!! 而家科技先進, 要做網債verify身份有幾難, 要得你上去既, 目的就係要check你電話同埋扣你底
 
而家有部分公司佢月同時有扣底同唔扣底, 佢會批個細俾你可以網貸, 然後大d數就要上門市搞, 其實”上門市”就即係”扣底”, 呢2個詞語意思係無分別的
呢類公司一般都正氣, 佢地一般都有英文名 (因為有英文名會令你覺得間野pro d, 如果淨係聽個中文名, 你心理上可能會覺得係d 九龍行上樓唔3唔4既財務, 我已經熟到連佢地呢d心理招數都睇穿), 個網站整到好cyber咁, 講到識ai批呀, 智能呀, 咁樣, 呢個係佢地既招數黎, 因為正常上個網咁樣睇到都會個感覺好好多
 
好 然後第2種呢 其實都即係上面講果種 就係扣底 但係一d比較規模大既, 我會叫佢做 2線扣底之中既 “頭會”
可能有d師兄未聽過咁分, 咩叫”頭會”呢?
“頭會”就係雖然佢係扣底, 但係佢間野都好正式, 網上search到哂佢公司資料, 甚至呢d公司你te評分好既可以有唔扣底既小額網貸
呢d扣底財, 其實間間程序一樣, 你第1次上去既話, 就填下表報下數, 填幾個聯絡人, 佢就會開始拎住你部電話禁, 目的係開你d銀行, whatsapp紀錄睇你仲有冇其它街數無報, 同埋check下你同聯絡人d對話睇下真唔真, 因為扣底財唔睇tu, 佢地望你電話, 就係睇你個人既可信性同有無其它奇怪野, 呢d就係2線財既”信貸評級” 所以, 當你有經驗, 你每次上之前, 你一定要get prepared自己部電話, 有咩可以俾人睇, 有咩唔俾得, 有咩銀行app, 係樓下你最好花15分鐘搞店佢, 因為佢地係乜野都會開, whatsapp, msg, fb, 銀行log in, 你諗到既都可能開, 我曾經見過d人上到去話咩無帶電話, 電話上唔到網之類, 你又唔好當人傻啦, 你完全唔俾人睇, 人地就唔會借俾你啦, 你上得呢d都係急要錢, 所以你要俾少少心機去營造一個可以俾人睇既畫面出黎
 
呢d “頭會” 呢, 其實無咩野, 你只要接受佢地係會扣你20, 期數唔長, 其實其它野都正正當當, 唔會有咩手段, 準時還錢就得
 
然後最後喇, 就係扣底財中既 “尾會”
咩叫”尾會”? 就係你2線跑數生捱入面, 已經唔再係開頭既階段, 而係後期既階段了, 呢堆”尾會”佢地雖然都係放債人條例入面, 但基本上你唔會有任何網站check到佢地資料, 佢地大多係佐敦尖沙咀一帶, 搵得佢地既, 9成經中介, 自己唔會聽話. 咁到底點解好人好姐要搵中介? 以下落黎我上講下2線財既手段
 
其實呢 2線扣底黎講 批幾多主要睇以下既野
 
第1 係睇你月薪 如果你te新數唔多 批你月薪3倍唔係咩問題 假如你有10萬月薪 係俾到30萬你
注意 你tu爆到點都唔係問題 可能你tu數每月本身都供緊8,9萬, 但佢一樣可以批到30萬俾你
你te有數 如果唔係多新數 問題都唔大
 
第2 呢個無借開既未必知 ===>>> 就係睇最近期既te批左幾多俾你, 佢係會望返你之前既數, 批出既係只會愈來愈少
例如你第1間做30 你第2間唔會做多過30, 可能20,  到你借到咁上下, 可能只會批得5,6萬俾你, 去到1個位, d數爆得勁, 就會變左半月數, 當你有1間半月數 (而又上左機俾人發現既), 咁下一間絕對唔會批得返月數俾你
 
***記住! 扣底財同tu既概念係唔同! 佢地唔係睇你爆唔爆數, 係睇你月薪, 同埋佢睇你te數最近批俾你既係幾多, 同埋多唔多遲還紀錄, 如果你te數唔算好多,  當你月薪5萬咁計, 你月供到已經7,8萬, 爆左數, 佢地都可能仲會批俾你, 點解??? 係因為佢原則上只要唔批得多過你既上一條數, 同埋check你電話時feel到你個人唔似會走佬就得, 因為, 到有一刻佢地check到你多查詢, 或者check到你唔係好店, 佢最多係call你loan, 之後俾個中介帶你去幾間"尾會"  到跑返條數俾佢, 簡單黎講, 佢地預左佢地條數會有下一間接, 所以你爆唔爆數, 佢地根本唔concern
 
 
 
以上我只係略略講住少少先…因為唔知有冇人會有興趣睇, 如果多人有興趣, 其實仲有好多野可繼續講……

支持

師兄，講下追數。

唔明樓主講尾會二次唔介意債仔有冇能力還，唔通一定有下家肯接或者一定可以再從債仔身上揸出血？

意思係佢比較唔介意你爆唔爆數
佢地concern係你俾d資料可唔可信 (工作, 聯絡人), 你有無te遲還紀錄
因為如果你無遲還紀錄, 代表你之前係無論點爆數都會諗到方法死筆數出黎 (債cum債又好咩都好)
只要佢feel到你個人唔似會走佬, 到有一刻你真係d數好唔店, 你就會係咁上其它te財借, 佢check到你多查詢自然會call你loan, 收返哂你 (佢會話你借果時講過唔再借下間, 而家反口, 所以call你), 佢如果見你搞唔店會介紹中介俾你跑幾間, 佢除左即時call你loan收返, 仲可以收返d中介費
 
所以其實, 扣底財第1樣睇既根本唔係你爆唔爆數, 重視既係你過往既還錢reocrd

[[i] 本帖最後由 forgetthepast 於 2024-12-12 12:01 編輯 [/i]]

呢個就係而家扣底財既營運模式
 
2線頭會 佢搞到都會盡量自己續俾你, 唔得既, 佢會refer你去其它相熟頭會
你供得到2,3期既, 第1間頭會就會話做返筆大既俾你清返幾間, 又從中食多你1次扣底費同利息
如果你順利唔到供2,3期, hold左3,4間頭會係身, 又或者第1間頭會幫你清返幾間之後, 你再借而俾佢發現 (因為清得數多史會講明唔俾你再借), 佢就會call你之後refer個中間俾你去跑尾會
然後尾會都會差唔多做法, 到後期你會去到尾會半月數都太多唔批俾你, 就會refer你去d扣30/35既尾尾會, 然後就係電數

[quote]原帖由 [i]forgetthepast[/i] 於 2024-12-12 10:49 發表 [url=https://www.discuss.com.hk/redirect.php?goto=findpost&pid=570086371&ptid=31783834][img]https://www.discuss.com.hk/images/common/back.gif[/img][/url]

本人本來係大好青年, 專業人士條路又行得唔錯, 月薪幾年前已達6位數字, 但因為人生行錯左一步, 開始接觸左賭博而且極深度既沉迷, 導致我人生有超過7-8年時間, 係陷入左欠住幾百萬債既困境 (就係因為搵得多先欠得多, 諗返轉頭我寧願自己由頭到尾都搵1萬幾千), 差唔多家破人亡, 極度後悔, 捱到近年雖然債務仲有, 但係只得返D 1線順供既數, 開始經濟上有返D希望可以計劃人生.
 
回想果幾 ... [/quote]
咁你自己博完發達夢，衰咗！又以過來人身份叫佢哋唔去博發達，其實真係好自私！

如果扣嗰啲清晒,唔扣果啲重會唔會做？

結論兩個字：戒賭

[quote]原帖由 [i]kingdash[/i] 於 2024-12-12 12:32 發表 [url=https://www.discuss.com.hk/redirect.php?goto=findpost&pid=570087801&ptid=31783834][img]https://www.discuss.com.hk/images/common/back.gif[/img][/url]

咁你自己博完發達夢，衰咗！又以過來人身份叫佢哋唔去博發達，其實真係好自私！ [/quote]
邊個賭發左達,講黎聽下!打咁大篇仲話人自私
自私就水你繼續賭繼續借啦,等多d人同佢一樣

可以講講最後點搞掂d數?

[quote]原帖由 [i]tom167169[/i] 於 2024-12-12 11:44 發表 [url=https://www.discuss.com.hk/redirect.php?goto=findpost&pid=570087125&ptid=31783834][img]https://www.discuss.com.hk/images/common/back.gif[/img][/url]

師兄，講下追數。 [/quote]
立即還錢，否則行動升級

[quote]原帖由 [i]kingdash[/i] 於 2024-12-12 12:32 發表 [url=https://www.discuss.com.hk/redirect.php?goto=findpost&pid=570087801&ptid=31783834][img]https://www.discuss.com.hk/images/common/back.gif[/img][/url]

咁你自己博完發達夢，衰咗！又以過來人身份叫佢哋唔去博發達，其實真係好自私！ [/quote]
發達? 我諗只有賭博好初期既人先會諗發達
相信絕大部分嚴重沉迷賭博既人, 心中已經無發達好耐, 亦深明賭博無得嬴錢, 每樣野俾人抽水幾多%可能仲熟過精算師, 沉迷得咁深既, 都係根本明知道再賭都係會再輸, 但係因為自己個賭癮深得太緊要同埋眼前既債逼得好嚴重, 都係明知最後會輸底下得0.001%希望身體都不由自主咁控制唔到繼續 根本已經唔係諗緊發達

[quote]原帖由 [i]d981142[/i] 於 2024-12-12 12:47 發表 [url=https://www.discuss.com.hk/redirect.php?goto=findpost&pid=570088035&ptid=31783834][img]https://www.discuss.com.hk/images/common/back.gif[/img][/url]

可以講講最後點搞掂d數? [/quote]屋企人賣左樓 (係賣..唔係按...) 再加用佢地名借左筆大額 俾我頂左大部分2線既數 
我忍耐左1年完全唔問TU, 加上盡力用月入盡清卡數等爆我唔咁嚴重 1年後TU回返好左, 有間比較次級D既銀行批左筆7位數字俾我清卡數 拉60期還
而家我盡力還錢, 有生之年唔知還唔還到1半俾屋企人, 但至少俾佢地有生之年睇到我真係改變
 
你地睇完可能話... 最後都係要搵家人幫手, 但我想講, 無錯, 其實每一個爆數既故事, 有幾多個係最後自己搞得到? 再加埋你既賭癮
收收埋埋只會愈來愈嚴重......呢一刻個問題可能要賣哂所有家產先幫到你, 但如果呢一刻呢一秒開始改變, 至少大家都仲有呼吸心跳 人生好多野都仲可以救到...... 係呢度我都鼓勵爆數既各位....幾難都好...首先真係唔好諗以前輸左幾多..真真正正洗心革面...而且情況許可下真係唔好自己收埋哂所有野.. 自己既力量真係唔夠

[quote]原帖由 [i]偉大豪[/i] 於 2024-12-12 12:39 發表 [url=https://www.discuss.com.hk/redirect.php?goto=findpost&pid=570087925&ptid=31783834][img]https://www.discuss.com.hk/images/common/back.gif[/img][/url]

如果扣嗰啲清晒,唔扣果啲重會唔會做？ [/quote]
如果你扣果D清哂, 意思係你手頭上無任何扣底數, 基本上大部分TE網貸 都會做到俾你
你係呢個討論區用心追下post, 會搵到好多唔扣既網貸, 你可以試下

月入六位數，要清七位數10年左右應該得？
同埋搵得呢個數都係叻仔
專心做野應該年年加人工

而且我想講多一個發現
就係當你未去到經中介搵尾會呢個stage, 其實好多頭會佢地雖然係扣底, 但真係幫你做到唔上機, 即係你繼續續你d 唔扣底網貸果時, 佢地真係check唔到你有數
只要你d銀行紀錄好好睇睇 (2線跑開數既, 有返3,4個虛擬銀行acc呢d基本野吧..) 其實真係check唔到
 
但係!!!!!!!!!!!
我發現一到我開始左中介跑尾會 我就開始次次上去借新數果時都俾人逗到哂我d數出黎 (雖然我有時都死口唔認話只係批左無拎數), 但明明果d公司都講左唔上機
後來我知道, 原來由你經中介開始, 你d數根本就好難瞞, 因為果班中介佢地會幫你上機, 你經佢地跑既, 一般都已經會俾人睇到哂, 你死口唔認都好難
 
講到呢度我想講到少少TE data base 既knowledge...........
就係TE查詢紀錄係會留7日, 即係你7日內查過既數, 其它公司會睇到, 有時如果你問得太多數, 你忍一忍, 7,8日完全唔問, 其它新公司真係好多時會CHECK唔到你上過去
不過 如果FOR 一D你供緊既會, 因為你已經有ACC係佢公司度, 佢地係會有專人定期CHECK實你有無新數, 佢地TE SYSTEM係有notification, 所以就唔存在7日呢樣野, 你預左佢地會check到, 如果你果排問太多, 要有心理準備佢地會無啦啦打黎call你loan

[quote]原帖由 [i]海邊捉西瓜[/i] 於 2024-12-12 13:18 發表 [url=https://www.discuss.com.hk/redirect.php?goto=findpost&pid=570088527&ptid=31783834][img]https://www.discuss.com.hk/images/common/back.gif[/img][/url]

月入六位數，要清七位數10年左右應該得？
同埋搵得呢個數都係叻仔
專心做野應該年年加人工 [/quote]
當你沉迷賭博既時候, 條數就唔係咁計, 因為個數係會不停改變.............
所以一切....搵多搵少都好...欠10萬又好100又好.... 真係要完完全全停賭先係唯一希望!!

[quote]原帖由 [i]海邊捉西瓜[/i] 於 2024-12-12 13:18 發表 [url=https://www.discuss.com.hk/redirect.php?goto=findpost&pid=570088527&ptid=31783834][img]https://www.discuss.com.hk/images/common/back.gif[/img][/url]

月入六位數，要清七位數10年左右應該得？
同埋搵得呢個數都係叻仔
專心做野應該年年加人工 [/quote]
講真諗返以前我真係覺得自己幾叻架 由細到大讀書唔差數口又好好 係因為人生行錯左一步有左呢個癮變到一敗塗地..............
我已經唔敢講自己叻唔叻, 好多野都返唔到轉頭, 以前既自己已經離開左好多年, 而家既我, 只係想做返一個人, 一個正常人, 可以令身邊人既生活同心靈安穩返..  慶幸既係我d野失去到咁都仲保得住份工同事業, 全靠屋企人奮不顧身咁保住左我...而家真係唔想再令身邊人失望

利申下
我開呢個post無任何其它目的, 只係想講下自己感受同埋多年黎既血淚得出既經驗, 等所有真係逼於無奈要上2線又唔係好了解既, 可以有更深一步既了解, 好過唔知頭唔知路咁去到又借左d唔應該借既錢.....

借左2線 會唔會影響借1線既機會？？謝謝🙏

[quote]原帖由 [i]forgetthepast[/i] 於 2024-12-12 13:31 發表 [url=https://www.discuss.com.hk/redirect.php?goto=findpost&pid=570088732&ptid=31783834][img]https://www.discuss.com.hk/images/common/back.gif[/img][/url]

利申下
我開呢個post無任何其它目的, 只係想講下自己感受同埋多年黎既血淚得出既經驗, 等所有真係逼於無奈要上2線又唔係好了解既, 可以有更深一步既了解, 好過唔知頭唔知路咁去到又借左d唔應該借既錢..... [/quote]
我想講嘅係,借開二線一定收到好多message,試過有一間直情打畀我問我要唔要數,真係乜都唔需要只係要身份證同提款卡就批咗兩萬畀我
當然係扣底20半月數,咁嗰時啱啱急用錢就要咗,喺第四期嗰時已經全數清咗
所以想問下,以後借啲唔扣底嘅會唔會有影響

[quote]原帖由 [i]forgetthepast[/i] 於 2024-12-12 13:27 發表 [url=https://www.discuss.com.hk/redirect.php?goto=findpost&pid=570088678&ptid=31783834][img]https://www.discuss.com.hk/images/common/back.gif[/img][/url]

講真諗返以前我真係覺得自己幾叻架 由細到大讀書唔差數口又好好 係因為人生行錯左一步有左呢個癮變到一敗塗地..............
我已經唔敢講自己叻唔叻, 好多野都返唔到轉頭, 以前既自己已經離開左好多年, 而家既我, 只係想做返一個人, 一個正常人, 可以令身邊人既生活同心靈安穩返..  慶幸既係我d野失去到咁都仲保得住份工同事業, 全靠屋企人奮不顧身咁保住左我...而家真係唔想再令身 ... [/quote]
睇晒，師兄幾多歲 最尾點樣介賭！？

[quote]原帖由 [i]forgetthepast[/i] 於 2024-12-12 10:49 發表 [url=https://www.discuss.com.hk/redirect.php?goto=findpost&pid=570086371&ptid=31783834][img]https://www.discuss.com.hk/images/common/back.gif[/img][/url]

本人本來係大好青年, 專業人士條路又行得唔錯, 月薪幾年前已達6位數字, 但因為人生行錯左一步, 開始接觸左賭博而且極深度既沉迷, 導致我人生有超過7-8年時間, 係陷入左欠住幾百萬債既困境 (就係因為搵得多先欠得多, 諗返轉頭我寧願自己由頭到尾都搵1萬幾千), 差唔多家破人亡, 極度後悔, 捱到近年雖然債務仲有, 但係只得返D 1線順供既數, 開始經濟上有返D希望可以計劃人生.
 
回想果幾 ... [/quote]
支持樓主。樓主願意花時間打出心路歷程去教化別人，好心有好報。

借扣底好難接受

[quote]原帖由 [i]forgetthepast[/i] 於 2024-12-12 10:49 發表 [url=https://www.discuss.com.hk/redirect.php?goto=findpost&pid=570086371&ptid=31783834][img]https://www.discuss.com.hk/images/common/back.gif[/img][/url]

本人本來係大好青年, 專業人士條路又行得唔錯, 月薪幾年前已達6位數字, 但因為人生行錯左一步, 開始接觸左賭博而且極深度既沉迷, 導致我人生有超過7-8年時間, 係陷入左欠住幾百萬債既困境 (就係因為搵得多先欠得多, 諗返轉頭我寧願自己由頭到尾都搵1萬幾千), 差唔多家破人亡, 極度後悔, 捱到近年雖然債務仲有, 但係只得返D 1線順供既數, 開始經濟上有返D希望可以計劃人生.
 
回想果幾 ... [/quote]
照你咁講啲財仔真係好冇道德:smile_38: :smile_38: :smile_38:

[quote]原帖由 [i]kingdash[/i] 於 2024-12-12 12:32 發表 [url=https://www.discuss.com.hk/redirect.php?goto=findpost&pid=570087801&ptid=31783834][img]https://www.discuss.com.hk/images/common/back.gif[/img][/url]

咁你自己博完發達夢，衰咗！又以過來人身份叫佢哋唔去博發達，其實真係好自私！ [/quote]
事實係直搏率唔高:smile_38: :smile_38: :smile_38: 
唔值得去搏命:smile_38: :smile_38: :smile_38:

21哥應該睇下呢個post:smile_30:

[quote]原帖由 [i]as8178[/i] 於 2024-12-12 13:39 發表 [url=https://www.discuss.com.hk/redirect.php?goto=findpost&pid=570088852&ptid=31783834][img]https://www.discuss.com.hk/images/common/back.gif[/img][/url]

借左2線 會唔會影響借1線既機會？？謝謝🙏 [/quote]
借到一線，又使乜問2線呢
通常都係一線爆咗，先走去二線
如果一開始走去借，根本就係傻嘅

一線查TU
二線查T E
感覺上應該冇任何聯繫
唯一嘅關聯就係賭仔爆咗一線先至會借二線

[quote]原帖由 [i]forgetthepast[/i] 於 2024-12-12 13:27 發表 [url=https://www.discuss.com.hk/redirect.php?goto=findpost&pid=570088678&ptid=31783834][img]https://www.discuss.com.hk/images/common/back.gif[/img][/url]

講真諗返以前我真係覺得自己幾叻架 由細到大讀書唔差數口又好好 係因為人生行錯左一步有左呢個癮變到一敗塗地..............
我已經唔敢講自己叻唔叻, 好多野都返唔到轉頭, 以前既自己已經離開左好多年, 而家既我, 只係想做返一個人, 一個正常人, 可以令身邊人既生活同心靈安穩返..  慶幸既係我d野失去到咁都仲保得住份工同事業, 全靠屋企人奮不顧身咁保住左我...而家真係唔想再令身 ... [/quote]
努力吧!
我頂不了, 破產清算中