catskiky 2008-9-23 15:15
我 B座7室是否一樣望新都會果邊？代理講向西南。
catskiky 2008-9-23 15:36
你買了未，我做事很心急，9月11日買咗526呎單位，之後回想，其實應該遲些買，朋友及外間消息都睇會再跌。
catskiky 2008-9-23 16:02
可否養貓，我剛買了這裏，家有三隻貓，但很靜，不是那些很凶的家貓，很少尖叫。
mikona 2008-9-23 17:34
7室係向西南呀!
我睇樓時代理話唔俾養,
不過都有人養, 出入唔好搞到人, 平日唔嘈又冇大陣味都冇咩人理你.
如果三個單位投訴為唔得喇~!
good_boyben 2008-9-23 21:18
我都想知, 因為我唔係禁鐘意D寵物ar, 公契有無寫明ga?
[[i] 本帖最後由 good_boyben 於 2008-9-23 09:21 PM 編輯 [/i]]
flora00 2008-9-23 22:35
[quote]原帖由 [i]catskiky[/i] 於 2008-9-23 03:15 PM 發表 [url=http://www.discuss.com.hk/redirect.php?goto=findpost&pid=172821113&ptid=7437073][img]http://www.discuss.com.hk/images/common/back.gif[/img][/url]
我 B座7室是否一樣望新都會果邊？代理講向西南。 [/quote]
你無睇樓的嗎?
連租約買嗎?
catskiky 2008-9-24 10:59
我有親身去睇，不過個代理講向西南，是否指廳個窗，另外屋主將兩間房打通變成一個大房，係咪多數住戶都會將526呎單位間隔改動，原先圖則我無看過，不知道會否影響樓宇結構，當時被戶主之裝修吸引，在代理游說下，就很怏決定買了，之後回家細心想，雖然不用裝修，個半月後便可直接入伙，但樓價明顯貴咗，又是中層單位，始終高層日後放賣較容易及價錢會高D，自住的確話，景觀也會開揚些。
catskiky 2008-9-24 11:10
我也問過代理，他說你養貓又唔係狗，問題不大，狗要出街，貓只會在家，又無乜聲音發出，唔影響其他住戶，無人投訴就得，但亦有機會帶出去沖涼及睇病，驚管理員問長問短。
pl512 2008-9-24 11:40
[quote]原帖由 [i]catskiky[/i] 於 2008-9-23 14:56 發表 [url=http://www30.discuss.com.hk/redirect.php?goto=findpost&pid=172818427&ptid=7437073][img]http://www30.discuss.com.hk/images/common/back.gif[/img][/url]
你好pl512，你住邊座，自從9月11日落訂後，就好忙。四處找銀行申請做按揭，而且呢排美國日日都出禁多壞消息，喲銀行突然好似對借貸嚴謹咗，冇之前手鬆，而且我申請做8成按揭，要經按揭証卷公司審批，又多一重障礙，找 ... [/quote]
你好呀.........
我入住0左差唔多兩個月喇,
我住低層, 向東 (即係向葵芳閣0個邊),
初頭買左之後, 好擔心條馬路會好嘈,
不過而家住落又唔係好嘈咋喎...都唔係好多車聲,
可能因為我經常開住個電視啦.....
雖然住低層, 不過我個廳個景觀都好開揚,
因為望出去方向有多好綠色樹木, 都幾好丫......
catskiky 2008-9-24 14:04
你好，係咪望警署果邊，是否529呎，兩房單位，左鄰右里如何，
請問你搬屋果間公司服務做得好嗎？我想找一間信得過，上次果間另令我很激氣。多多幫忙。
mikona 2008-9-24 19:52
我知你買o左邊間了~! :loveliness:
因為我都有睇過... ...
真係幾好呀~ 我本來都想買, 不過個價太貴了, o個時佢開 208萬.
不過一入屋o的裝修同傢私都好正, 簡單得o黎都好實用;
入埋房仲俾佢個打通房吸引到實一實.
o的入牆櫃又新又搬唔走, 唔介意用二手新o野真係一流.
原業主都有養狗, 不過隻狗好乖, 唔吠又唔大陣味.
佢仲留o左o的咩俾你呀?
你都買o左咯, 當裝修傢私值七八萬, 又唔使自己跟裝修o既時間金錢煩惱,
又賺o左早o的入住, 即使家o下估佢樓價跌都有水位啦.
如果遲o下真係買o左六或七室我都會咁拆牆.
catskiky 2008-9-24 23:06
估不到你都有睇過，你重未有賣入？可能有機會執平貨，雖然可節省裝修時間，但係位於中層，得一房，望落係又大好見使，不過入牆櫃無得改，將床放在房門側，風水上話不太好，佢全屋純白色合我女性用，但他們最後很多電器都要取回自用，（洗衣機、乾衣機、微波爐、雪櫃、睡房天花燈、大廳天花燈、客廳地櫃及梳化等），最慘佢哋拆咗個廚房門，我養了三隻貓，又要找人整番，想落我蠢咗，應再要求減多幾萬，無晒以上電器用品，同一間吉屋無分別，起碼要兩三萬元，倒不如當初選擇無裝修，自己找人做傢俬套餐重化算，而家好似有D不倫不類，門口鞋櫃入牆就留給我，飯廳有個高身櫃，忘記問是否入牆定係可拆走，唯一可取厠所造了玻璃企江，感覺光猛，廚房實在太細，我有好多書，書櫃放係邊又唔知，重有我的貓咪用廁所，貓糧碟仔，飲水器，真頭痛。:handshake
flora00 2008-9-24 23:15
其實有O岩心水的裝修同傢私都幾好呀!
因為今年裝修D價錢貴左好多呀, 整埋廚房十萬都未必埋到單啊
仲有傢私, 要諗款訂造 時間金錢都唔少 (只計木造傢私, 我響細舖訂造都3萬幾蚊, 諗款同佢一件件傾搞左一個月, 依家仲擔心緊效果如何)
我未睇過B7, 所以無乜comment比到
526那房的牆不是主力牆, 是可以打通的, 不用擔心
你應該係望葵青劇院啦,
中層.. 我又係.. 仲好可能你響窗望到我呢~ 呵呵 :loveliness:
其實買左都唔好諗貴唔貴啦
根本唔到未來大家都唔知嘛
市場是很公平的, 大家都睇好時自然貴
人人都驚時才會平, 但那個時侯又唔敢買、或買唔到(銀行都收緊貸款, 好似沙士時, 好難做按揭架)
自己計掂條數就OK, 控制唔到既野唯有睇開D啦.... 開開心心收樓、諗下掂搞靚靚自己既安落窩啦 :loveliness:
flora00 2008-9-24 23:21
[quote]原帖由 [i]mikona[/i] 於 2008-9-23 01:53 PM 發表 [url=http://www.discuss.com.hk/redirect.php?goto=findpost&pid=172810516&ptid=7437073][img]http://www.discuss.com.hk/images/common/back.gif[/img][/url]
o係網上估價o既時候睇到, 可以作為參考... ...
單位 1,8 2,7 3,6 4,5
建築面積 510 526 519 490
實用面積 398 402 397 405
百分比 78 ... [/quote]
我都覺得很奇怪, 因為我看恆生那個實用面積跟呢個有D唔同
唔知係咪計法唔同... 唔知邊個O岩呢? :smile_13:
catskiky 2008-9-25 09:44
Hello , 你好，其實好似我526呎，實用應該係415呎，恆生無將窗台的呎數加入去，我在律師樓簽約時，佢哋係差响物業估價署做了一份search給我，政府出的，應該信得過。
catskiky 2008-9-25 10:09
flora00，很高興日後同你做鄰居，係呢你是否都住B座？你的分析令我安心很多，之前比朋友們說三道四，又話我太急，就快通街旬盤，有錢驚無得買呀！好似比人看作傻瓜，好唔開心！真係驚比他們把臭口講中，樓價下跌，而家只待一個多月後收樓，開心過新生活，其實我都煩緊之後要買電器、傢俱，最煩係未找到好的搬運公司。:handshake :smile_15:
mikona 2008-9-25 13:59
其實佢拎走o的o野都好o架,
如果唔係遇著唔o岩心水, 掉o左買過又好似好浪費.
o依家一次過自己配番差唔多型式, 自己喜歡o既燈, 櫃, 梳化, ... ...
書桌書櫃擺房ok啦(即原先細房, 大衣櫃對面)~ 出面都冇咩好位.
貓仔o野如果你小開飯可以考慮飯廳找個角落.
廚門方面, 如果你都唔多整o野食 or 整o既方法唔大油煙,
可以考慮o下加兩條細框, 插塊板上去阻住o的貓, 再加心機訓練唔俾跳入去就 ok 了.
度身做傢私我聽過一張床, 有積可起床板, 內做儲物, 加一個小梳妝台加一個衣櫃, 要二萬幾.
flora00 2008-9-25 22:45
[quote]原帖由 [i]catskiky[/i] 於 2008-9-25 10:09 AM 發表 [url=http://www.discuss.com.hk/redirect.php?goto=findpost&pid=173107513&ptid=7437073][img]http://www.discuss.com.hk/images/common/back.gif[/img][/url]
flora00，很高興日後同你做鄰居，係呢你是否都住B座？你的分析令我安心很多，之前比朋友們說三道四，又話我太急，就快通街旬盤，有錢驚無得買呀！好似比人看作傻瓜，好唔開心！真係驚比他們把臭口講中，樓價下跌，而 ... [/quote]
算啦, 總有呢D"朋友"架啦, 唔關自己事就多多意見, 扮晒專家... 連D大行分析員都係升時話升、跌時話跌, 有幾多人真係識睇丫? 咁叻都發左達啦, 就算你真係買平左賺左, 他們也不見得會真心恭喜你啦.. 所以唔好為呢D人咁上心, 影響心情..
我唔係B座呀! 不過如果我地只係相差兩三層的話, 你應該望到我個單位, 我有隻窗望番你果邊, 不過我貼左磨砂玻璃紙~:loveliness:
flora00 2008-9-25 22:55
要拎走都無辦法啦
不過通常電器梳化都唔留俾下手業主
但燈都拎走埋就真係差勁D
我覺得你都係住落再儲埋要整既野一次過搵師傅整啦, 例如裝門裝燈換電制等
因為唔駛裝修, 淨係做少少野都要左人地"一工", 唔化算嘛
catskiky 2008-9-26 10:07
[quote]原帖由 [i]flora00[/i] 於 2008-9-25 10:55 PM 發表 [url=http://www.discuss.com.hk/redirect.php?goto=findpost&pid=173198876&ptid=7437073][img]http://www.discuss.com.hk/images/common/back.gif[/img][/url]
要拎走都無辦法啦
不過通常電器梳化都唔留俾下手業主
但燈都拎走埋就真係差勁D
我覺得你都係住落再儲埋要整既野一次過搵師傅整啦, 例如裝門裝燈換電制等
因為唔駛裝修, 淨係做少少野都要左人地"一工", 唔化算嘛 ... [/quote]
不過以我過往賣樓經驗，入牆裝修不可拆，要已現狀交樓，但私人物品可全部取回，除非業主話留給下手業主，不過燈拆咗就要補回，至少都要安裝一個普通燈泡上去。但係有D唔明，如果係幾年新樓，好似我現在住的這層褸，剛賣出但全屋電器都要留給下手，因為係發展商隨樓附送，唔知係咪行規，定係我蠢，個地產代理問我( 你全部留番唔拎走ga la )，我以為常規，無問番轉頭老逢呀？因為我個度只有四年多樓齡，全部非常新淨，搬出去新葵芳用，就可節省一筆。
catskiky 2008-9-26 10:48
[quote]原帖由 [i]flora00[/i] 於 2008-9-25 10:45 PM 發表 [url=http://www.discuss.com.hk/redirect.php?goto=findpost&pid=173197205&ptid=7437073][img]http://www.discuss.com.hk/images/common/back.gif[/img][/url]
算啦, 總有呢D"朋友"架啦, 唔關自己事就多多意見, 扮晒專家... 連D大行分析員都係升時話升、跌時話跌, 有幾多人真係識睇丫? 咁叻都發左達啦, 就算你真係買平左賺左, 他們也不見得會真心恭喜你啦.. 所以唔好為呢D ... [/quote]
聽你分析完之後，心情好了，講得很有道理，好似97年之後，樓市下滑，好多人當時都話，以後都不會再買樓，睇淡樓市，點知 07年尾至08年頭，突然升了很多，都只係在兩、三個月內所發生。好似莎士屋苑 ( 淘大 ) ，估不到大把人搶貨，推高樓價，香港人真善忘，莎士期間大膽入貨的業主，當日可能都比親朋笑，現在他們賺錢，所有人跌眼鏡，所以要把握一個入市良機，幾時係合適，只有自己才最了解。
flora00 2008-9-26 11:05
[quote]原帖由 [i]catskiky[/i] 於 2008-9-26 10:07 AM 發表 [url=http://www.discuss.com.hk/redirect.php?goto=findpost&pid=173241785&ptid=7437073][img]http://www.discuss.com.hk/images/common/back.gif[/img][/url]
不過以我過往賣樓經驗，入牆裝修不可拆，要已現狀交樓，但私人物品可全部取回，除非業主話留給下手業主，不過燈拆咗就要補回，至少都要安裝一個普通燈泡上去。但係有D唔明，如果係幾年新樓，好似我現在住的這層褸 ... [/quote]
其實並無話明隨樓附送傢私電器係要連埋樓一齊賣架..
咁你賣果度.. 有無在合約上寫明包埋電器傢私?
如果無逐樣寫明.. 係可以帶走埋架 (不過就真係衰d...)
[[i] 本帖最後由 flora00 於 2008-9-26 06:38 PM 編輯 [/i]]
mikona 2008-9-28 22:39
今日忽然諗起裝修o既問題,
想問o下大家大約用o左幾多錢裝修 (不包電器)
當中又做o左o的咩o野呢~!? 謝謝~!
flora00 2008-9-28 23:55
[quote]原帖由 [i]mikona[/i] 於 2008-9-28 10:39 PM 發表 [url=http://www.discuss.com.hk/redirect.php?goto=findpost&pid=173592596&ptid=7437073][img]http://www.discuss.com.hk/images/common/back.gif[/img][/url]
今日忽然諗起裝修o既問題,
想問o下大家大約用o左幾多錢裝修 (不包電器)
當中又做o左o的咩o野呢~!? 謝謝~! [/quote]
我買時已經有裝修了
所以只係換左電燈制插蘇頭、抽氣扇, 我諗用左兩千多些
燈飾廳3支 - $2700
窗簾 $2200
都係用左好少錢.. :loveliness:
[[i] 本帖最後由 flora00 於 2008-9-28 11:56 PM 編輯 [/i]]
flora00 2008-9-29 00:03
不過我屋企人就剛裝修
兩房實用大我地單位少少既, 唔計料用左九萬
當中包括拆牆移位、廚、廁、全屋牆油油、換地磚
未包地磚、廚櫃、潔具.. 我諗計埋十三萬以內OK..
amydog2005 2008-9-29 01:11
我都係買左冇耐，想問下大家，你地鐘意呂字廳定直廳ar?直廳就見洗d，但廳同房好暗；呂字廳就冇咁見洗，但廳房都光猛
flora00 2008-9-29 01:27
我鍾意直廳.. 因為呂字個飯廳太細啦, 感覺唔太合比例.. 同埋好多地方係窗台
光暗我唔介意.. 我都係夜晚先響屋企...開燈多..
[[i] 本帖最後由 flora00 於 2008-9-29 01:38 AM 編輯 [/i]]
mikona 2008-9-29 09:06
你買o左咩單位呀? 我諗緊向新都會就西北,
東南又向警局, 唔知塊吉地幾時起o野... ...
雖然我未買, 不過就喜歡呂字龐多o的,
心目中諗緊好唔好拆牆變一房一廳,
房廳都可以大o的.
o依家計緊裝修,
介唔介意講o下你裝修又用o左幾錢, 整o左o的咩呀?
o係邊度搵o架?
pl512 2008-9-30 10:24
我買時已有新裝修,
所以冇特別整, 只係整左.....
1) 玻璃浴屏 $3000左右
2) 全屋窗簾 $1500
3) 兩盞廳燈 $1700左右
(原本全屋都有燈(新的), 不過我唔鍾意, 所以自己換左廳燈, 只留下兩盞房燈)
pl512 2008-9-30 10:38
唔好意思, 我想問一問有關樓下停車場0既野.....
我幾個月後就結婚喇,
我諗住可能會用新屋0黎做男家,
因為同我媽咪屋企近 d,
我想問, 花車可以停0係邊呀???
我上次聽送貨師傅講,
泊車如果停平台, 超過半小時要 $60...
但係如果唔停平台, 咪冇得影相囉,
我想0係平台同埋架車一齊影大合照0架喎,
咁點算呀??
我會有一架 benz 主花車, 一架28座小巴, 同埋一架七人van,
如果我落車時在平台影一影, 之後佢地駛去停車場泊車,
之後再駛回上平台再影一陣, , 咁樣又會點計呀??