查看完整版本 : 公務員

suencyin 2008-12-8 05:32 PM

公務員

聽講以前警署警長既制服好得意,有一條紅綵帶由右肩到左腰,重有一個大花球.

我有一個退休當差遠親,有日係酒吧見到一個人埋黎打招呼話,<阿乜生,你係唔係某差館既新郎哥?>佢欣然話係,我覺得新郎哥呢個形容詞好奇怪,纏住佢問原因,先知呢種制服似足新郎哥.

可惜當時已經取消左呢種制服,一時間親戚又無俾到照片我睇,無耐移左民,以前上網不易,我一宜引以為憾.

邊位網友有呢種制服既照片,俾大家分享下好嗎?

gozilla1941 2008-12-8 09:29 PM

[quote]原帖由 [i]suencyin[/i] 於 2008-12-8 05:32 PM 發表 [url=http://www.discuss.com.hk/redirect.php?goto=findpost&pid=182977884&ptid=8669068][img]http://www.discuss.com.hk/images/common/back.gif[/img][/url]
聽講以前警署警長既制服好得意,有一條紅綵帶由右肩到左腰,重有一個大花球.

我有一個退休當差遠親,有日係酒吧見到一個人埋黎打招呼話,佢欣然話係,我覺得新郎哥呢個形容詞好奇怪,纏住佢問原因,先知呢種制服似足新郎 ... [/quote]

[color=black]一九六零年代高級警長Staff Sergeant的冬季制服。
[/color][img]http://www.police.gov.hk/offbeat/760/images/p01_2.jpg[/img]

[[i] 本帖最後由 gozilla1941 於 2008-12-8 09:33 PM 編輯 [/i]]

ahmei 2008-12-8 11:04 PM

[quote]原帖由 [i]gozilla1941[/i] 於 2008-12-8 09:29 PM 發表 [url=http://www.discuss.com.hk/redirect.php?goto=findpost&pid=183005189&ptid=8669068][img]http://www.discuss.com.hk/images/common/back.gif[/img][/url]


一九六零年代高級警長Staff Sergeant的冬季制服。
[img]http://www.police.gov.hk/offbeat/760/images/p01_2.jpg[/img] [/quote]

個紅花球呢?:smile_46:

keylau20 2008-12-9 04:30 AM

憑記憶,戴授帶的沙展俗稱「咩渣」,沿於 major sergeant一詞,係警署入面最高級軍裝警員,但未到警官級。呢種戴紅帶的服裝,去到七十年代中還存在,記憶中,無花球呢回事。而同一警署的便裝沙展就叫「探長」。
七十年代後期廉政風暴,警隊改革,取消了咩渣,改為警署警長,station sergeant俗稱「士沙」。
以前警隊好階級化,警署入面廁所都分開警官同散仔,探長、咩渣好似好威,但都只係用散仔廁所。

愚人之石 2008-12-13 11:32 AM

當年根本沒有探長這個級別的,一般以沙展最大,而所謂辦則絕大部份係鬼頭。

不過,當年公務員的級別冇咁多的,仍記得在荃灣福來村的圖書館,最大的館長只不過是一位二級文員,即是COII,亦即是現在的ACO;助理文書主任。

六七十年代沒有太多別的,當時仍有三級文員。男女不同人工。

suencyin 2008-12-13 05:04 PM

做公務員當然越高級越好﹐做到甘上下就會升到高級公務員﹐最爽。
點先至算高級﹐級數只係比較﹐你話我老公係政府好高級﹐可能隔離個阿太話﹐呢個位我老公五年前未升級前已經做過。

通常可以用房屋津貼黎區別﹐用大家最熟(電視劇睇得多)既警務人員黎解釋。
督察(出面叫幫辦)有1。督察﹐2。高級督察﹐3。總督察
再上就係警司

總督察先有房屋津貼﹐所以好難升得上(當然你老哥英明神武﹐破兩單案已經做警司﹐我講既係一般)。大家見俊傑哥哥好威甘做阿頭﹐自己有房坐﹐望下門口個牌﹐其實係高級督察﹐無房津。

房屋津貼梗係好﹐多過人工既一半(重係免稅﹐趣趣地交少少)﹐要黎租樓﹐夠大。但係男人先有。當時好多人揾死黨一人買一層﹐通常係樓上樓下或對門﹐你租俾我﹐我租俾你。退休先換返﹐每個月有樓住﹐又有現金收。有的人重狼﹐直情叫自己老婆買樓租俾自己﹐近年衰左幾單﹐以前係公開秘密﹐邊有人理。

直至七幾年男女同工同酬﹐的女公務員先有呢個福利。但兩公婆只可以申請一份。好多家庭兩公婆公務員﹐幸幸福福﹐同工同酬後﹐老公辭工入商場﹐希望發達﹐而老婆有高薪房津做後盾﹐衰左返黎全家都唔使瞓街。結果係錢就賺唔到﹐賺多左個多年失散既表妹返黎﹐老婆明明懷胎兩次﹐竟然有四五個仔女﹐重好過龍鳳胎。

到左1990年﹐政府為左打救被六四打殘左既樓市﹐可以用房津供樓﹐當時大部份公務員都賺好多﹐連唔係好精明既我都有的微利。反而93-97年先升級既人入市就得不償失﹐損手爛腳﹐命運就係甘奇。

大學生入職通常會低房津一級或兩級(舉個例子﹐大學畢業去教書﹐入職叫<助理教育官>﹐做幾年後如果上頭睇起就升做<教育官>﹐開始有房津﹐後來政府覺的官官聲唔得親民﹐全部政府部門改稱主任)﹐如果想一畢業就攞房津﹐唯一途徑就係考AO﹐僧多粥少﹐難過考狀元。不過照陶才子話﹐考到既都係2流人才﹐係唔係﹐衛奕信或彭定康先知。

電視劇都有話﹐官場一般分滿漢﹐升級睇血統﹐滿人做官梗係著數的﹐所以有的大學生好慶﹐十年苦讀﹐入左政府﹐以為自己好叻﹐點知見個後生仔上司只係祖家考到個GCE A-level僅僅合格﹐黎到呢度平步青雲﹐指生曬(記唔記得有位葛柏)。鬼叫你係殖民地。

因為基本法保障公務員福利﹐所以有恃無恐﹐但97之後入職既福利就差左少少﹐子女教育津貼都無埋。所以而家公務員其實已經唔係天之驕子﹐香港最好既職業係議員﹐又或者係不問責既助理。

[[i] 本帖最後由 suencyin 於 2008-12-13 05:22 PM 編輯 [/i]]

愚人之石 2008-12-13 05:33 PM

回覆 6# 的帖子

老細,乜高級督察係高級過督察咩???

佢地同級咋!

另外你的說法似乎好多問題,例如「政府為左打救被六四打殘左既樓市﹐可以用房津供樓」這種說法有問題噃。

又另外:所謂教書以前不過2A3O位,根本不用大學生,來張文先生一意話教學要有學位,先同工不同酬,又入政府數?

[[i] 本帖最後由 愚人之石 於 2008-12-13 05:35 PM 編輯 [/i]]

suencyin 2008-12-13 05:53 PM

[quote]原帖由 [i]愚人之石[/i] 於 2008-12-13 05:33 PM 發表 [url=http://www31.discuss.com.hk/redirect.php?goto=findpost&pid=183596073&ptid=8669068][img]http://www31.discuss.com.hk/images/common/back.gif[/img][/url]
老細,乜高級督察係高級過督察咩???

佢地同級咋!

另外你的說法似乎好多問題,例如「政府為左打救被六四打殘左既樓市﹐可以用房津供樓」這種說法有問題噃。

又另外:所謂教書以前不過2A3O位,根本 ... [/quote]

呢個欄唔係論文﹐好多野都係憑回憶﹐大家感懷一下﹐並唔係用黎炫耀既﹐又更加唔係用黎抽秤別人既﹐事隔多年﹐而且例子有的唔係身歷其境﹐錯漏難免。

如果有乜唔對﹐歡迎指證補充﹐等大家知多的。

ahmei 2008-12-13 09:35 PM

[quote]原帖由 [i]suencyin[/i] 於 2008-12-13 05:53 PM 發表 [url=http://www.discuss.com.hk/redirect.php?goto=findpost&pid=183598059&ptid=8669068][img]http://www.discuss.com.hk/images/common/back.gif[/img][/url]


呢個欄唔係論文﹐好多野都係憑回憶﹐大家感懷一下﹐並唔係用黎炫耀既﹐又更加唔係用黎抽秤別人既﹐事隔多年﹐而且例子有的唔係身歷其境﹐錯漏難免。

如果有乜唔對﹐歡迎指證補充﹐等大家知多的。 [/quote]

Yin哥、石哥,大家算係哎呀街坊,傾計懷舊而已。
千其唔好搞到要去中央........................飯店擺和頭酒就得喇。:smile_35:

愚人之石 2008-12-14 11:32 PM

收到,特此向各位道歉,我係衝動咗多少。

教書在以前甚至現在,除了小數官校外根本很少公務員,而其它學校所要的教師標準以前亦各異,簡單來說,只要校長請你教,你就有資格,於是有所謂野雞夜學或無牌學校。但亦導致因政府權制而生風潮,後來就變同公務員人工掛鈎。

引一段戴希立的文章:
香港資助學校的教師編制與薪級,一直是與官校看齊(附帶福利除外),間接與公務員制度掛鉤。七十年代的教師薪酬事件催生了教師工會,而教師工會至今亦一直堅持這種掛鉤是利多於弊。基於上述原因,當醫管局、大學、以至社會服務等公營機構的編制與薪酬都相繼與公務員制度脫鉤之際,教統局仍然按兵不動,擔心編制和薪酬的改革會觸動工會的神經及引起部分教師的疑慮。

於是.,教師就變為人工高而責任少的金飯碗,只要同校長關係良好,好做過公務員。

suencyin 2008-12-15 11:34 AM

[quote]原帖由 [i]愚人之石[/i] 於 2008-12-14 11:32 PM 發表 [url=http://www31.discuss.com.hk/redirect.php?goto=findpost&pid=183765015&ptid=8669068][img]http://www31.discuss.com.hk/images/common/back.gif[/img][/url]
收到,特此向各位道歉,我係衝動咗多少。

教書在以前甚至現在,除了小數官校外根本很少公務員,而其它學校所要的教師標準以前亦各異,簡單來說,只要校長請你教,你就有資格,於是有所謂野雞夜學或無牌學校。但亦導致因政府權制而生風潮,後來就變同公務員人工掛鈎。

引一段戴希立的文章:
香港資助學校的教師編制與薪級,一直是與官校看齊(附帶福利除外),間接與公務員制度掛鉤。七十年代的教師薪酬事件催生了教師工會,而教師工會至今亦一直堅持這種掛鉤是利多於弊。基於上述原因,當醫管局、大學、以至社會服務等公營機構的編制與薪酬都相繼與公務員制度脫鉤之際,教統局仍然按兵不動,擔心編制和薪酬的改革會觸動工會的神經及引起部分教師的疑慮。

於是.,教師就變為人工高而責任少的金飯碗,只要同校長關係良好,好做過公務員。 [/quote]

補充少少。

而家官校越來越少﹐所以官校好少請老師﹐但以前官校都好多(福榮街福華街兩隔離都兩間官校加埋九工﹐一個街口有三間﹐沙田屯門的新區都有官中)﹐呢欄係香港懷舊﹐當然係講好耐以前既故事。

比較一下兩個大學畢業同學﹐一個入政府學校教師﹐做AEO(assisstant education officer)﹐另一個入津校做(GM﹐graduate master)。

人工一樣﹐但GM扣5%入公積金﹐雇主加供5%(5年後雇主供10%﹐15年後供15%﹐而雇員成世都係供5%)﹐AEO無公積金﹐但有長俸﹐各有各好﹐相差不大。AEO入院同睇牙唔使錢﹐但後生好少入院﹐而且就算公務員生仔都多數幫趁私家醫生﹐所以的福利唔多覺。
另外當紅既AEO當上司請長假有機會acting﹐(教師都有長假﹖產假或大病也)﹐但好少外人知﹐當紅既人多數口密﹐同事都未必知﹐所以GM唔覺有乜問題。

過左幾年﹐GM升做SGM﹐而AEO亦升做EO﹐人工突然多左好多﹐大家都好歡喜。直至有一日飲茶﹐SGM發覺除左人工一樣﹐原來EO有房屋津貼﹐相差好多錢﹐先知原來自己掛錯隊。

至於非學位教師﹐官津都叫CM﹐升上AM﹐再升到SAM先有房津﹐畢竟好少人會升到SAM(例如小學校長)﹐所以影響唔係好大。

工作壓力﹖官校因人口結構問題﹐好多會摺﹐但唔使驚﹐政府一定有工做﹐可能掉做文職﹐又或者做視學官(對唔住﹐叫視學主任)。
津校﹖好多要搬到好遠﹐每日交通時間唔短﹐搬屋唔易﹐因為要考慮屋企既化骨龍既學業。因為建成好多新校﹐所以好多學校都收唔夠生﹐要殺校﹐的校長壓力好大﹐因為殺左自己連校長都無得做﹐壓力傳到老師﹐所以唔論校長中唔中意既老師一的都唔輕鬆﹐又要顧成績﹐又要課外活動黎吸引家長。之前殺校只係小學﹐過左幾年就傳到中學﹐你話的校長同教師擔唔擔心﹐而國章兄鐵石心腸﹐話殺就殺﹐好彩而家孫公出盡八寶﹐緩和左﹐陰影依然在。君不見有好多教師因為工作壓力自殺﹖

點解政府甘傻﹖一面建新校一面殺校﹐有時重同埋一區﹖well﹐頂級高官可以退休從商﹐的中級既都有佢地既辦法﹐靠山食山﹐靠水食水。好多中級高官(又中級﹐又高官﹐比較而已)﹐例如PEO(principal education officer)同的當權SEO﹐佢地既出路就係退休做中學校長﹐如果唔起多的新校﹐邊有甘多校長位。邊個批淮起甘多新校﹖當然又係集體決定﹐政府唔會容許隻手遮天既。的社團又希望建校﹐例如有間新校﹐可以用你老哥既名﹐又可以用你老哥父母名﹐須知用左既名會用幾十年(就算摺左﹐都有一大批畢業學生成世同你宣傳﹐你好少機會話我係係陳阿水醫院割盲腸﹐但好常話我係陳阿水中學畢業既)﹐當然好多有錢佬爭﹐邊個爭贏﹖可惜我唔識畫公仔腸﹐所以話唔到俾大家知。

回歸後﹐政清廉明﹐當然絕唔會有官商勾結同利益輸送既情況﹐以上種種﹐講既全部係好耐好耐以前既歷史﹐大家不必多心。

[[i] 本帖最後由 suencyin 於 2008-12-15 10:24 PM 編輯 [/i]]

ahmei 2008-12-15 01:07 PM

[quote]原帖由 [i]suencyin[/i] 於 2008-12-15 11:34 AM 發表 [url=http://www31.discuss.com.hk/redirect.php?goto=findpost&pid=183806964&ptid=8669068][img]http://www31.discuss.com.hk/images/common/back.gif[/img][/url]


佢地既出路就係退休做中學校長... [/quote]


都退休,還想做?幹嗎要幫他們謀後路!
Yin兄所說的殺校又建校情況,簡直不合理 。

suencyin 2008-12-15 02:51 PM

[quote]原帖由 [i]ahmei[/i] 於 2008-12-15 01:07 PM 發表 [url=http://www31.discuss.com.hk/redirect.php?goto=findpost&pid=183817428&ptid=8669068][img]http://www31.discuss.com.hk/images/common/back.gif[/img][/url]



都退休,還想做?幹嗎要幫他們謀後路!
Yin兄所說的殺校又建校情況,簡直不合理 。 [/quote]

因為佢地係行政長才﹐五十零歲就退休種花養魚係社會既損失﹐亦係全香港既損失。大家都唔明文文既苦心。

九七前推出提早退休計劃﹐正係為呢的人早的離開政府﹐多的時間服務社會既最佳配套。

正所謂<老驥伏坜﹐壯心不已>(掉書包又唔知有無寫錯字)。

有乜野好得過打一份工﹐領兩份糧﹖唔好忘記﹐退休公務員都可以繼續享受全家醫療福利。

[[i] 本帖最後由 suencyin 於 2008-12-20 07:23 AM 編輯 [/i]]

高貝利之神2 2008-12-15 10:18 PM

*** 作者被禁止或刪除 內容自動屏蔽 ***

愚人之石 2008-12-15 10:33 PM

幫辦由基層升上???仲有廿百仙咩?

香港政府行英國例,所有公務員可粗分為官同吏,一日為吏生為吏,絕對不可能升到上幫辦,除非似當年五億探長呂樂才可以破格。

正如我以前做的市政署,康樂事務員叻到會飛都只是SAA,人工是SCO而級數差不多等同EOII,行政主任,但絕不會升為行政主任。

不過,往事來的,現在是不是又改了例我就唔清楚嘞,不過以我多年做”惡使”經驗,應不可能。

不過又咁講噃,而家好多花腰本身己有大學程度,而幫辦是可以考上去的,咁考上去而不是因為年資或有重大貢獻而升上則叻計。

不過,直到現在高級督察仍是同督察同級,見面可以直行直過。

高貝利之神2 2008-12-15 11:03 PM

*** 作者被禁止或刪除 內容自動屏蔽 ***

愚人之石 2008-12-15 11:21 PM

[quote]原帖由 [i]高貝利之神2[/i] 於 2008-12-15 11:03 PM 發表 [url=http://www.discuss.com.hk/redirect.php?goto=findpost&pid=183888099&ptid=8669068][img]http://www.discuss.com.hk/images/common/back.gif[/img][/url]

據說是可以的, PC ---> 柴頭 ----> 入 camp, 冇錯失, 有兩個or above 大Sir肯寫令個File就ok, 始終這些才是真正的做得野fit 馬 (靠U仔邊handle到三柴及古惑仔)
基層升上的pencentage在九十年代多過以前很多 :
1) ... [/quote]

花腰升柴頭已經要兩個不同環頭的大蛇噃<<這點相當肯定,除非現在又改咗。

沙展同幫辦是兩個編制,你可以考幫辦但不會升上去的<<這點我可能所知或有不同。

[[i] 本帖最後由 愚人之石 於 2008-12-15 11:22 PM 編輯 [/i]]

高貝利之神2 2008-12-16 12:43 AM

*** 作者被禁止或刪除 內容自動屏蔽 ***

suencyin 2008-12-16 06:15 AM

一般大

古往今來﹐好多政府人員都好中意係外人面前吹話同上司同級﹐人地問起﹐只係話<一樣的,不分甚麼大小>﹐今日摘錄一段<官場現形記>俾大家欣賞﹕

趙溫雖然是鄉下人,也曉得典史比知縣小;聽他說得高興,有意打趣他,便問他道:「請教老伯:典史的官,比知縣大是小?」錢典史欺他是外行,便道:「一般大。他管得到的地方,我都管得到。論起來,這一縣之主還要算是我。有起事情來,我同他客氣,讓他坐在當中,所以都稱他『正堂』。我坐的是下首主位,所以都稱我『右堂』。其實是一樣的,不分甚麼大小。」

人既心理﹐古今無乜分別。

ahmei 2008-12-16 12:51 PM

[quote]原帖由 [i]suencyin[/i] 於 2008-12-16 06:15 AM 發表 [url=http://www31.discuss.com.hk/redirect.php?goto=findpost&pid=183916763&ptid=8669068][img]http://www31.discuss.com.hk/images/common/back.gif[/img][/url]
古往今來﹐好多政府人員都好中意係外人面前吹話同上司同級﹐人地問起﹐只係話﹐今日摘錄一段俾大家欣賞﹕

趙溫雖然是鄉下人,也曉得典史比知縣小;聽他說得高興,有意打趣他,便問他道:「請教老伯:典史的官,比 ... [/quote]

有聼聞因政府不能炒人,若不想留住討厭無能的人,就寫好佢,調走他們。真乎?

愚人之石 2008-12-19 06:29 PM

[quote]原帖由 [i]ahmei[/i] 於 2008-12-16 12:51 PM 發表 [url=http://www.discuss.com.hk/redirect.php?goto=findpost&pid=183941267&ptid=8669068][img]http://www.discuss.com.hk/images/common/back.gif[/img][/url]


有聼聞因政府不能炒人,若不想留住討厭無能的人,就寫好佢,調走他們。真乎? [/quote]

傳聞啫,其實不用的,為內部可以調位,例如電影所見,做仔令阿蛇唔開心,咪調你去守水塘咯。:smile_13::smile_13::smile_13:

不過,得罪講句,有能者升職好易的,留返係度都只是五十步笑百步<<<千萬別對號入座。:smile_30::smile_30::smile_30:

suencyin 2008-12-29 08:13 AM

點解同埋一個公務員﹐係回歸前英明神武﹐回歸後樣樣撞板﹖

原因係最高領導﹐以前由英國派黎﹐係香港全無人脈﹐所以可以大公無私﹐睇下近數十年既紀錄﹐除左魏生﹐大多數督爺就任前都未係香港生活過﹐所以唔會有親友拖住。
而家﹖的領導人係香港大﹐親友繁衍﹐的執法者見到係阿sir表哥﹐認真執行就真係傻仔。
無親無故既好處就係無包袱﹐可以鐵而無私﹐委任公職量才不量親﹐同的公務員打交道理直氣壯﹐的公務員自然醒醒定定﹐雖然係鐵飯碗﹐但唔係唔炒得。而家﹖因為終審庭係香港﹐下下可以申請司法覆核﹐為鐵飯碗添加保障。只要唔犯刑事﹐安安穩穩等咬糧。

你話勒﹐係甘既工作環境﹐邊有人會認真﹐就算你想認真﹐的同事都會話你spoil the market﹐好容易被孤立。

suencyin 2009-1-2 08:52 PM

十幾年前既地雷

有人話阿英搬走時一定放好多地雷﹐阿彭係絕世高手﹐放得高明﹐放完的人重千多萬謝﹐或者啞仔食黃蓮。

突然升格幾間大學係其一﹐另外為公務員狂加薪係其二。走前個幾年的公務員人工加到自己都唔信﹐我同一位同事講﹐甘加法﹐加速通漲﹐將來香港會唔會有問題﹐同事話﹐理得佢﹐有錢袋左先。我個陣時後生﹐經同事點醒先明白<愛國愛港>只不過係口號﹐袋錢越多將來先可以更加愛港。不過當時人微言輕﹐又點能夠改變人工狂加﹐人心狂熱既狂潮﹖不過經過甘多年﹐除左令公務員同非公務員分化外﹐都唔覺得有乜唔妥﹐難怪阿sir承繼呢個志向﹐繼續狂加落去。

陶才子成日話中國人統治既政府唔及得西方國家﹐佢用海關為例﹐我唔係好服氣﹐上月出門幾次﹐留意一下﹐真係如佢所言﹐難怪才子甘得戚。

遊客每到一度地方第一波接觸係入境處同海關﹐我入境香港用身份證電子入境﹐對入境處態度無從比較﹐但海關麻﹐不論歐美日韓﹐還是祖國臺灣﹐甚至小國如星州馬來﹐所有海關都係嚴肅立正﹐打雀甘眼。我地特區﹖第一次過關聽佢地講仔經﹐另一次既話題係邊度有正野食﹐唔知係唔係專登如此﹐麻痺的走私不法分子﹐我不敢亂加判斷﹐但俾遊客既第一個印象真係唔惦。

愚人之石 2009-1-2 09:12 PM

公務員我有點同意,但大學升格我覺有需要的,只不過收生的標準不應該由因為港人不濟而下降,寧缺無濫的話,香港人是有進取心的,則學生會有助香港發展的。

可惜是學子自己唔爭氣罷。

G388 2009-1-5 10:19 PM

[quote]原帖由 [i]愚人之石[/i] 於 2008-12-15 10:33 PM 發表 [url=http://www.discuss.com.hk/redirect.php?goto=findpost&pid=183883600&ptid=8669068][img]http://www.discuss.com.hk/images/common/back.gif[/img][/url]
幫辦由基層升上???仲有廿百仙咩?

香港政府行英國例,所有公務員可粗分為官同吏,一日為吏生為吏,絕對不可能升到上幫辦,除非似當年五億探長呂樂才可以破格。

正如我以前做的市政署,康樂事務員叻到會飛都 ... [/quote]

現在都是一樣, AAIII, AAII, AAI, SAA 不過現在大部分館同泳池都擺個M, 等於以前的ARSOII, 以前就主任現在叫經理

愚人之石 2009-1-6 02:08 PM

[quote]原帖由 [i]G388[/i] 於 2009-1-5 10:19 PM 發表 [url=http://www.discuss.com.hk/redirect.php?goto=findpost&pid=186468190&ptid=8669068][img]http://www.discuss.com.hk/images/common/back.gif[/img][/url]


現在都是一樣, AAIII, AAII, AAI, SAA 不過現在大部分館同泳池都擺個M, 等於以前的ARSOII, 以前就主任現在叫經理 [/quote]

這個我好肯定話俾你知,泳池的經理只負責泳班而不能做管理工作,泳編制一般是ADLM>SAA>AAI>AAII>AAIII


而ADLM是以前的ARSO I,亦是現在是助理經理,這個助理經理權力大過場地經理一級的。

注意的是SAA級數文書的鮮茄級,已好高的,大約等於EOII

問君還有幾多 2009-1-7 02:52 PM

[quote]原帖由 [i]愚人之石[/i] 於 2008-12-15 11:21 PM 發表 [url=http://www.discuss.com.hk/redirect.php?goto=findpost&pid=183891094&ptid=8669068][img]http://www.discuss.com.hk/images/common/back.gif[/img][/url]


花腰升柴頭已經要兩個不同環頭的大蛇噃<<這點相當肯定,除非現在又改咗。

沙展同幫辦是兩個編制,你可以考幫辦但不會升上去的<<這點我可能所知或有不同。 [/quote]

愚人兄, 幫辨係可以升的.
公務員編制事實上祇有兩個POST要考試的
PC - Sergeant
CO - SCO

愚人之石 2009-7-13 02:50 PM

[quote]原帖由 [i]問君還有幾多[/i] 於 2009-1-7 02:52 PM 發表 [url=http://www.discuss.com.hk/redirect.php?goto=findpost&pid=186658645&ptid=8669068][img]http://www.discuss.com.hk/images/common/back.gif[/img][/url]


愚人兄, 幫辨係可以升的.
公務員編制事實上祇有兩個POST要考試的
PC - Sergeant
CO - SCO [/quote]

多謝指教。:smile_13:
頁: [1]
查看完整版本: 公務員