cat.com.hk 2009-6-20 20:13
新手出砌機福袋... :smile_o06: Q & A... (第 2 版, 舊o既吾去, 新o既吾來)
問: 去邊到出砌機好? 係屋企附近電腦店出砌機又得吾得?
答: 去深水埗 黃金電腦中心 / 深水埗 高登電腦中心 / 旺角 旺角電腦中心 出砌機較好. 選係旺區電腦商場出砌機, 因為旺區電腦商場出貨流量大, 貨品 選擇 / 品質 / 甚至換貨 都較有保証...
係屋企附近電腦店出砌機, 獨立電腦店為o左 揾食 / 生存, 現貨選擇吾多, 而且要去存貨, 又要平, 吾多吾少會老點你, 小心. 近便, 自然貴. 識人除外.
問: 我家住港島, 去灣仔 298 電腦中心 / 灣仔 灣仔電腦城 出砌機 ok 嗎?
答: 如果已經有 list, 要求指定品牌型號靈件砌機. 灣仔區同一間 shop, 未必有齊指定品牌型號靈件(例如: 主機板, VGA card, DVD Writer, 火牛, 機箱, LCD Mon.), 部份靈件有可能要退而求次(後備 list), 你接受到就得. 另外, 灣仔區價錢較貴, 貴幾多, 各 shop 各靈件不同, 但可慳回車費(Van 仔過海車費約 HK$ 140)及時間.
問: 電腦商場果度係 5 係有 d 傳單出砌機電腦組合 list?
答: 係, 不過多數麻麻地o既. 為o左 揾食 / 生存, 要去存貨, 又要平, 吾多吾少會老點你. 市道吾好, 無辨法. 唯有自己執生, 係 e 到, 問定 list(準備首選 list + 後備 list), 立定主意, 搵識少少電腦o既朋友仔去幫下眼, 先一齊去電腦商場出砌機.
問: 係 5 係即買即砌?
答: 係, 約 1-2 小時後, 可取機. 到時行開下, 去 飲荼 / 行街, 再返來取機.
問: o甘... 幾錢部砌機架?
答: 各靈件價錢 + 人工費, 所以有 list, 先知幾錢. 一般由 HK$ 2,500 起, 要求越高越貴.
問: o甘... 各靈件幾錢?
答: 你可以係香港 google 到選香港的網頁 search ... "jumbo+價目表", 留意第一個結果. 入o左去果個網頁, 係產品名稱, 選你要搵o既靈件, 自有參考價錢.
問: o甘... 係 shop 出砌機, d 人工費幾錢?
答: 人工費超值, 約 HK$ 150(黃金 / 高登), 約 HK$ 150-250(旺角), shop 砌機會包 保養 / check 機 若干年, 詳情請向 shop 查詢(自己砌吾包).
問: 咩 list 好? o甘... 有 list, 部砌機幾錢?
答: 吾同用途, 吾同價錢, 機箱大細, 各有不同組合. 講清楚要求(主要用途: 文書, 上網, MSN, VCD, DVD, BD, 睇高清片, 睇電視, online game, 3D game, BT, Graphic, AutoCad, 3DS, high end 剪片, 24 小前長開 / 預算價錢 / 機箱大細 / 要包o的咩, 主機, LCD Mon., keyboard, mouse, speaker, 數碼訊號接收卡), 客氣o的懇求 e 到o的 師兄 / 師姐 出俾你, 一定好過晒電腦商場果度 d 傳單出砌機電腦組合 list. 搵我幫手? 吾得, 我只係新手, 我吾識架, e 到o的 師兄 / 師姐 成日笑我玩我架 bo. 有o左 list(首選 list + 後備 list), 立定主意, 跟住買, saleman 話無貨, 就去第二間買, 切勿信 saleman 改 list, 老點你居多, 小心. e 到o的 師兄 / 師姐 出 list, 多數有埋價錢架啦(各靈件價錢 + 人工費 = 總金額, 靈件價錢可依上術方法, 自己參考).
問: 會吾會有師兄肯一齊去出砌機?
答: e + 吾覺眼有啦, 係呀, o的好人越來越少. 後生仔, 吾好o甘易係網上信人. 係現實世界, 人心難測, 小心為上. + 上 e + 個個各家自掃門前雪, o的好人可遇不可求. 你都係係 e 到, 問定 list(準備首選 list + 後備 list), 立定主意, 搵識少少電腦o既朋友仔去幫下眼, 勿俾 saleman 改 list. You are on your own, 要有自信, 靠自己, 穩陣.
問: 去邊間 shop 買 貨齊 / 穩陣靠得住 / 有良心 / 有 service?
答:
去黃金地庫近廁所揾o個 3 間英文字母 C 字頭o既龍頭大商店砌機, o個 3 間龍頭大商店流量最大, 吾得閒偷工減料同老點你, 亦吾做呢o的野o既, 價錢公道, 放心啦. 3C 係指人流較多o既其中 3 間商店, 個名用英文字母 C 字行頭:
1) Centralfiel... 人稱 中央田
2) Capita... 人稱 正刀
3) Comde.. 人稱 會信
去黃金地庫近廁所揾...
重有旺角電腦中心, Jumb... 人稱 珍寶. 係一樓二樓都有, 最多分店果間就係, 價錢公道.
問: 選擇太多, 我重係心大心細, 決定吾到, o甘點算?
答: 係 e 到問清楚 師兄 / 師姐 意見, 定o左 list, 先去電腦商場出砌機, 吾好三心兩意, saleman 講下, 你又改 list, 最不智. 要有信心, e 到o甘多 師兄 / 師姐, 吾會個個都老點你o既. 一人計短, 二人計長, 搵識少少電腦o既朋友仔去幫下眼.
問: 黃金到砌完機會唔會幫你 set 埋 Bios 果 d 野?
答: 只會 set Bios o的基本野, 新手一般夠用, 吾駛自己再 set. 如有興趣, 可睇主機板 manual, 跟住 set.
問: 出砌機, 要點先用得?
答: 砌機 - 裝 Windows OS - 裝各硬件 driver - 裝軟件 - 可使用
問: 出砌機, 要注意o的咩?
答: 訂機時, check 發票內容, 是否與你要求相同. 要先俾錢, 後取機.
取機時, 集齊同時 check 發票 / 硬件 / 保用証 / 包裝盒 與你所訂o既 list 相同. Shop 會 show 硬件型號俾你睇, 其它要自己留意. Shop 會 boot 機俾你睇, 一步一步帶你 check 機.
買機頭 7 日盡量試機, 好好把握有壞包換頭 7 日.
問: 如果係shop 淨買靈件, 自己砌機得嗎?
答: step by step, 吾難. 不過最好先去圖書館, 借砌機書, 睇o左先. 搵埋識少少電腦o既朋友仔幫手睇住下好o的.
問: 同埋番屋企自己裝 Windows, 過程難唔難架?
答: step by step, 吾難. 不過最好先去圖書館, 借 Windows 安裝書, 睇o左先. 搵埋識少少電腦o既朋友仔幫手睇住下好o的.
問: 我自己有 Windows OS, 搵 shop 幫手裝埋 Windows 得嗎?
答: Shop 幫手砌機時裝埋 Windows, 得(佢試機都要裝, Windows 碟由你提供), 正版咪得羅.Shop 會裝埋各硬件 driver.
問: 正版 Windows 邊到買?
答: 係砌機o個陣, 如果你係砌機 shop 買埋正版 OEM Windows, 砌機 shop 會幫你係砌機時裝埋. Shop 會裝埋各硬件 driver.
問: 想問電腦商場辨工時間? 幾時少人o的?
答: 一般辨工時間: 12pm - 9pm. 早 / 晚 少人o的. 平日放工 6-8pm / 星期六 / 星期日 / 假期, 人山人海.
問: 砌完機, 有好多野, 點運返屋企?
答: 人多幫手, 一人"羅"o的, 坐 港鐵 / 巴士. 人少太重, 坐 的士 / call Van 仔.
問: 砌完機, 有好多野, 咩無用, 可以掉? 咩要保留?
答: 買機發票 / 保用証(有部份產品會貼係紙盒上, 必須取回) / 說明書 / driver 碟 / 跟機 線, 小靈件 有用, 要保留. 買機 7 日後, 紙盒包裝可掉.
問: 砌機有無保養架?
答: 首先 shop 多數買機 7 日內有壞包換, 詳情買機時問清楚 shop. 另外每件靈件, 會由各自o既代理商保養, 年期及細則各有不同, 請參閱各靈件o既保用証. 重有如果你俾錢 shop 砌埋機, shop 會包保養 / check 機若干年, 詳情請向 shop 查詢(自己砌吾包 shop 保養, 但仍有買機 7 日內有壞包換及代理商保養). 所以買機頭 7 日盡量試機, 好好把握有壞包換頭 7 日.
問: 砌o左部機, 有問題, 點算?
答: 係 e 到將遇到o既問題題出, 請求 師兄 / 師姐 指導.
or 先 backup data, 重新安裝 Windows 軟件, 安裝官網硬件 update driver. 先勿裝其它軟件, 以確定問題, 非軟件因素引至. 之後...
1) 7 日內(有壞包換), 返 shop 大 check, 大換特換, 務求解決問題.
2) 過o左 7 日, 只要係 shop 砌, 未過 shop 保養, 一樣返 shop 大 check.
3) 自己砌, 靈件未過保養, 要分別將有問題靈件, 交各靈件代理 check.
4) 過晒保養, 要自己 check, 自己整. or 俾電腦維修店 check(要俾 check 機費, HK$ 150-300), 之後報價, 再決定整吾整.
問: e 到幾時多高手出現?
答: 6:30am - 8am / 10:30am - 12:30pm / 2:30pm - 4pm / 7pm - 10pm / 12am - 2:30am (平日, 假期幾乎一樣).
問: e 到有無資深電腦醫生架? 點搵人救命呀?
答: e 到有大堆資深電腦醫生係到, 放心. 只要你係 e 到將遇到o既問題題出, 客氣o的, 懇求 師兄 / 師姐 指導, 大堆資深電腦醫生會掙住幫你診症. 有人識 / 問題容易... o的人會掙住答. 萬一無人答, 即係奇難雜症, 群醫朿手無策, 你只可以耐心等待, 早 / 午 / 晚 各推一次(夠架啦, 心急俾人鬧架), 再耐心等待, 求人係o甘架啦. 大俠係可遇不可求架.
問: e 到最叻係邊個? 可以介紹下嗎?
答: 邊個最叻? 梗係有俠義之心, 待人有禮, 永無 黑面 / 鬧人, 有教無類o既 閃眼貓俠 前輩 啦, 只可惜 前輩 行事低調, 實吾肯認架 wor...
呀... 有啦, 電腦菜鳥 前輩.
電腦菜鳥 前輩 - 係世外高人, 電腦見識高絕群雄, 人緣極好, 人稱香港討論區電腦硬件版 通天堯 / 周伯通. 前輩 周身刀, 張張利, 無野吾識. 重成日玩玩下, 大吾透, 係老頑童一名. 再加上佢夜晚根本吾出現o既, 十足十灰姑娘o甘, 成個 造型 / 性格 very funny. 前輩 好 nice, 又玩得, 無架子, 同佢交朋友, 一流... 讚絕... 強大正能量, 快樂感染所有人, 真係無人能及... 前輩, 係我偶像.
拿, 前輩, 蜀中無大將，廖化作先鋒... 辛苦你啦. 前輩, ok, 得... 我請食飯, 大家樂, 好嗎? 喂, 我好窮架, 大家樂好好食架啦, 就下我啦.
問: 你係邊個? 叻吾叻架? 可以自我介紹下嗎?
答: 我好屎o既, 我只係細半個黃綠見習電腦醫生, 我咩都吾識o既, 我成日俾人笑俾人玩. 你吾介意至好, 請多多指教. 我o既志願係做個好o既電腦醫生, 吾做電腦醫學界經紀.
問: 你都吾識我, 點解肯幫我o既?
答: 幫助有須要o既人, 係吾須要理由架. (e 個我係卡通片抄o既, 現實世界係: e + 好少遇到好人啦)
香港重有好人o既, 只係比較少, 向o甘多位心地好, 無私心, 真誠幫人o既 師兄 / 師姐 致敬...
差o的漏o左 e 到 2 位版主, 佢地都出o左吾少力o既, 管束 e 班大細路, 真係心力交瘁, 吾容易架.
希望幫到你. 我並吾係o的咩高手, 我只係新手, 我咩都吾識o既, 請多多指教. :smile_o05: