• 瀏覽: 56,864
  • 回覆: 271
  • 追帖: 25
[隱藏]
【男人的浪漫】SAXOPHONE 自學筆記 - 第 0 堂

型. 一種入骨既型. 唔係要電死哂週圍D女. 而係走一條可自我滿足. 能渲洩感情既路. 一種默默地完成一件事既執著. 係呢個生活壓力無上限既社會. 失敗多於成功既年代. 呢度有我小小既,能得到安慰既空間…

Background
玩左好耐結他,高不成低不就,rhythm唔係好穩定,solo唔係好強勁。就係玩到有d悶。
趁自己又踏入另一個階層,就係生日搵樣完全唔同既野挑戰下自己。
首先,要坦白承認自己係月光族既骨幹成員,任何要俾錢既嗜好對我黎講都會係一個幾重既負擔,不過,比起食煙,同樣既效果,同樣既成本,覺得學音樂真係100%健康囉。

點解揀色士風?
公司系商場入邊。附近都系d補習社或者係教音樂嘅地方,教鋼琴教小提琴都有,所以新手既音樂氣氛非常濃厚 。不過,鋼琴唔系好啱我,又不想再學弦樂小提琴。咁啱公司附近新開咗一檔教黑管同色士風既音樂室的同學仔係度日吹夜吹。覺得色士風男人的浪漫有得諗喔。醞釀左幾個月,終於生日就爆啦。

買sax過程
身邊冇朋友吹色士風。亦都冇上網睇新聞群組。只係去左附近中型琴行睇過。其實而家識士風嘅價錢一d都唔親民。三四百蚊有一枝結他。但系要十倍價錢先買到一支色士風。又放曬系櫃入邊唔比人地摸。真系要付出十倍決心先可以叫貨。而且新手根本一d都唔知點試。所以d色士風永遠都系金碧輝煌的陳列在玻璃櫃裡。

自己算去淘x嘅忠實friend屎,雖然知道寫嘅評語未必系真。但系勝在價錢平成半,以自己既淘logic : 低價唔輸得,同價必高級。高價當神級。加上乜春都唔識,買乜春都是一樣的。邊間乜LINK唔駛講. 今日係度明天都唔知重係唔係變左買春藥. 呢個就係遊戲規則. 平就係冇保證. 要搵既自己去用「薩克斯風」search. 最貴最平唔要. 第二平又多comment就落單啦. 於是, 就係咁洗左$@%#%買左我一生人第一套色士風。
既然都買開野。就集運埋其他用品配件 ❨後述…❩,覺得自己好醒冇得輸。未開始學已經好有成功感。

經驗值 0 ❨練習色士風的時間,單位係小時❩
金幣數 -2731 ❨投入色士風相關的HKD。❩
待續…

[ 本帖最後由 人弓火木 於 2017-3-12 12:47 AM 編輯 ]



回覆 引用 TOP

引用:
原帖由 人弓火木 於 2016-8-24 03:06 AM 發表

【男人的浪漫】SAXOPHONE 自學日記 - 第 0 堂

型. 一種入骨既型. 唔係要電死哂週圍D女. 而係走一條可自我滿足. 能渲洩感情既路. 一種默默地完成一件事既執著. 係呢個生活壓力無上限既社會. 失敗多於成功既年代. 呢 ...
歡迎加入Sax行列,以價錢來講就堅係平,一開始吹用基本裝備ok 架喇,到吹熟咗對音色有追求先再upgrade啦,因為一upgrade就返唔到轉頭,配件都幾貴,中毒就大獲
自學有D難道,最怕就係學壞基本功就好難改,例如:呼吸、嘴型、手勢等等,一係多D上YouTube  做D功課睇下D人點吹



回覆 引用 TOP

引用:
其實而家識士風嘅價錢一d都唔親民。
哈,我去年報了Music Office 的班,交了九百大洋學費後才發現這樂器價錢甚貴。有生已來從未想過學管樂 並也不熟悉sax的聲音。我本來是打算學件中樂器,剛好當時音樂事務處外展班招生,但我看course list 時發現saxophone班的時間和地點超方便的時候便報了sax。

怎料lunch時到TL看時被價錢嚇了一跳。所以和你一樣立即到淘淘search. 不過因運送保養和付款的難度放棄。最後在mk某shop買了一個$1800樓下的 。學了40堂後我仍然覺得自己買得好(我個人比較cheap)。

我的口水布,harness, stand 和music stand 都是淘寶的... 所以至今配件樂器連學費都是花under $4000,倒比想像中便宜。反而是三四個月前上堂時亞sir 發Bach 的Air 時弄得我無端端超想play piano,一發不可收拾之下極速買了一台digital piano 解癮,成為因為學色士風而生的最大開支。



回覆 引用 TOP

引用:
原帖由 CatherineQ 於 2016-8-25 01:11 AM 發表


哈,我去年報了Music Office 的班,交了九百大洋學費後才發現這樂器價錢甚貴。有生已來從未想過學管樂 並也不熟悉sax的聲音。我本來是打算學件中樂器,剛好當時音樂事務處外展班招生,但我看course list 時發現sax ...
哈, 同師兄(姊?)你好似呀! 不過我想慳埋個九百蚊師傅錢. 而且學下學下唔覺唔覺PIANO會勁左. 好彩屋企有部CSIAO 32鍵琴仔頂得下. 無你咁傷



回覆 引用 TOP

[隱藏]
勸大家去買返個yamaha平平地既吹咀,淘仔野,始終唔知佢用咩物料整吹咀。你唸下每次吹你都會放個吹咀入口。唔好揾命駁


回覆 引用 TOP

引用:
原帖由 luckycst 於 2016-8-24 03:06 PM 發表


歡迎加入Sax行列,以價錢來講就堅係平,一開始吹用基本裝備ok 架喇,到吹熟咗對音色有追求先再upgrade啦,因為一upgrade就返唔到轉頭,配件都幾貴,中毒就大獲
自學有D難道,最怕就係學壞基本功就好難改,例如 ...
多謝CHING提省. 都有學壞過. 好彩得呢度D CHING 教路. 而家執返好少少.



回覆 引用 TOP

支野大陸既都還可接受, 吹咀真係唔好啦
吹咀同簧片既影響唔會少過支野

求其Yamaha 4C或者Rico Royal (B5?)都係一百左右



回覆 引用 TOP

引用:
原帖由 patkwok 於 2016-8-25 07:00 PM 發表

勸大家去買返個yamaha平平地既吹咀,淘仔野,始終唔知佢用咩物料整吹咀。你唸下每次吹你都會放個吹咀入口。唔好揾命駁
的確,物料會否影響健康係考慮因素。
不過,本身吹嘴成本唔貴的,
所以,我個人認為平價淘寶嘴唔好試,
名牌的,dd peng, kenee,係個不錯的選擇,
不過一定貴過yamaha cm嘴



回覆 引用 TOP

【男人的浪漫】SAXOPHONE 自學筆記 - 第 1 堂

等待既過程少不免有各種擔心. 但係就冇得返轉頭了. 係好係醜, 就係要硬食. 可以美化佢既, 叫做有冒險精神(既傻佬)囉. 等既時間, 都唔會嘥既. 咪上網做下預習先. 而家既資訊咁發達,學乜都有大把免費資源. 有時連網頁都懶睇, 直接係YTUUBOE搵薩克斯風 / 色士風SAXOPHONE教學就已經一大堆. 呢度叉開少少. SAXOPHONE讀音係「SEXY逢」中間係讀I音唔係O音. 但係點解拼O而唔係I. 聽講話係因為發明家Mr. Antoine Sax 唔想俾iPhone告侵權. 又唔想自己太SEXY於是改左做ophone.(爛GAG !? 加深印象啫. 知點解既講黎聽下. 順便話我知LEGO NEXO KNIGHTS 點解咁讀.) 所以, 港譯色士風係非常之優雅的.縱使我覺得廣東話「錫士風」會跟原讀音更為接近… 講返D免費教學, 無論係YUBOTUE上既, 還是D/L既. 共通點都係主要係英文同普通話.廣東話的甚少見. 所以, 自學要有準備. 學好英文同普通話先.
第一個要學習既重點係. 了解點組裝支SAX. 外國D片比較詳細. 可以參考以下.
Alto Sax BeginnerLesson - How to Put the Sax Together
https://www.youtube.com/watch?v=Ett8eG-3Ie4

用Ligature / 束圈 / 卡子 將 Reed / 竹片 / 哨片 裝在 MP/ mouth piece / 吹嘴 / 笛頭 上
旻傑的薩克斯風教學-----有關"吹嘴"這件事
https://www.youtube.com/watch?v=9MRI88a_DVo
以上學左佢, 就叫做識裝. 如果唔係支SAX到手都唔知可以點做.

咁等左七日,支SAX終於到手了. 係好感動. 快遞冇虐待佢. 紙皮盒冇乜損傷, 入面個背包盒好新, 打開個盒, 佢好似BB仔咁瞓左係個盒度. 對住你微笑(or奸笑), 佢閃爍既眼睛令人暈眩, 好神聖不可侵犯咁. 冇錯, 係聖衣既感覺. 印象中好似唔駛自己拿起. 佢會飛出來.唔, 小宇宙唔夠強. 會好好修練的. 其他都好滿意添. 因為外盒係背包款好實淨. 而且樣又唔差. D實用既基本配件都有齊. 普通布(只能抺外面), 頸繩(用來拖狗隻狗都會好唔開心), 一對白手套 (銀樂隊表演用) , 原來支SAX入面重插住一支好似雞毛掃的東東. 除左個盒外. 呢支野最實用.
返到屋企, 指定動作係selfie一下. 唔吹得都睇得. Update下自己既profile相之類. 然後就做左d而家都唔知有冇用既野…

SAX的管頸練習 (NECK+MP ONLY)
薩克斯風 入門課程11 - 吹嘴+吹口管的練習 - 藝術蒲公英計畫
https://www.youtube.com/watch?v=5d6KOkAtDhc
唔知係咪睇左佢同另一個外國片影響, 一開始便選擇只用鵝頸(我咁叫)和吹嘴練習發聲。而冇用整支色士風練習,一來認為發聲係吹奏既根本。二來好似方便D, 三來真係唔想俾條頸繩界頸. 另一方面,一開始就立刻放棄用原本既竹屑片。而改用膠屑片。因為唔駛換來換去。可惜一試就將美夢粉碎了。換左膠片後根本吹唔響。結果被迫選用原來既竹片練習。
跟著網上短片的方法練習。調整嘴型及呼氣的方法。練習用橫隔膜呼吸。即是吸氣時肚脹。呼氣時肚縮,將空氣逼成氣柱。從嘴中噴到吹嘴。相信係要適應期的。橫隔膜的肌肉又要訓練。令吹出來的空氣更有力量。
就係咁B..BB..B.., 完成左DAY 1
由於鵝頸要經常拿來練習。清潔後又想要佢吹吹風。所以跟吹嘴一樣不收回盒中。從此聖衣部件分開了.

經驗值 +1.0 ❨練習昔士風的時間,單位係小時❩
金幣數 -2731 ❨投入昔士風相關的金錢。❩
待續…

[ 本帖最後由 人弓火木 於 2016-8-26 02:33 AM 編輯 ]



回覆 引用 TOP

[隱藏]
引用:
原帖由 timcazz 於 2016-8-25 09:34 PM 發表

支野大陸既都還可接受, 吹咀真係唔好啦
吹咀同簧片既影響唔會少過支野

求其Yamaha 4C或者Rico Royal (B5?)都係一百左右
4c 要二百到



回覆 引用 TOP

引用:
原帖由 人弓火木 於 2016-8-26 02:09 AM 發表

【男人的浪漫】SAXOPHONE 自學筆記 - 第 1 堂

等待既過程少不免有各種擔心. 但係就冇得返轉頭了. 係好係醜, 就係要硬食. 可以美化佢既, 叫做有冒險精神(既傻佬)囉. 等既時間, 都唔會嘥既. 咪上網做下預習先 ...
師兄你好有心機,加油!分享多D定多D人可以從中學習。
之前我決定去馬既時候都係呢到爬左好耐文先出發。

我自己幾鐘意睇呢個youtube channel
https://www.youtube.com/user/HelloSaxophone

呼氣時真係要肚縮?呢點我唔係咁肯定。
縮左個音會無咁定

[ 本帖最後由 patkwok 於 2016-8-26 08:56 AM 編輯 ]



回覆 引用 TOP

引用:
原帖由 人弓火木 於 2016-8-26 02:09 AM 發表

【男人的浪漫】SAXOPHONE 自學筆記 - 第 1 堂

等待既過程少不免有各種擔心. 但係就冇得返轉頭了. 係好係醜, 就係要硬食. 可以美化佢既, 叫做有冒險精神(既傻佬)囉. 等既時間, 都唔會嘥既. 咪上網做下預習先 ...
記得買或DL 個Tuner嚟調音
通常我組裝方式喺嘴同頸裝完先再+塊reed上去,防止移位
另外如果你支saxophone係銀色的話,條頸長期擺外面唔用盒包你氧化,小心!



回覆 引用 TOP

引用:
原帖由 patkwok 於 2016-8-26 08:53 AM 發表



師兄你好有心機,加油!分享多D定多D人可以從中學習。
之前我決定去馬既時候都係呢到爬左好耐文先出發。

我自己幾鐘意睇呢個youtube channel
https://www.youtube.com/user/HelloSaxophone

呼氣時真係要肚 ...
我呼氣時肚無縮, 早年喺上TL班時學, 習慣咗都無改過



回覆 引用 TOP

引用:
原帖由 passionindesert 於 2016-8-29 07:12 PM 發表




我呼氣時肚無縮, 早年喺上TL班時學, 習慣咗都無改過
縮肚係壓埋d氣,練橫格膜有用的。練勁左可以吸多d, 吹長d, 響d, 音準d, 音的變化大d. 初練時會因為唔夠力而俾個音飄走,練勁左就唔會,呢d應該就係傳說中既內功。



四年級學生

回覆 引用 TOP

[隱藏]
【男人的浪漫】SAXOPHONE 自學筆記 - 第 2 堂

應該跟師傅嗎?
有左支SAX. 接下既問題係搵人教定自己學, 搵人教有分大班同個人: 大班有: MISUC OIFCFE, $())有20堂. 業修中餘進心 $!)))有12堂, 協會$!%))有10堂.  TL, 柏C, 同私人教都係個人$@))-#))一堂咁上下. 大班好似返學. 一班人10-20人一齊係一個鐘至個半鐘聽書學野. 做一做堂課. 回家再做家課. 好處係唔會泵波鐘. 一班人有比較. 可以谷起自己既競爭心. 識D朋友仔亦得. 但係阿SIR, MISS 最多一人睇5分鐘. 又唔會為住飯碗討好你. 想得到老師既垂青, 眷顧, 就有D難度. 而且要就地點同時間. 另一面個人教. 老師就真係可以按住你既進度教. 按你既弱點去加強鍛鍊. 應會吸收得快D. 而且時間同地點都分分鐘可以就你. 但係缺點就係貴 (其實都唔算, 因為對你既時間長左. 所以成本高左), 同埋要講運氣睇下係咪咁橋可以跟到個好師傅. 所以而家都係興大班做入門, 之後轉個人去執.

呢度講少少題外話. 坦白講: 自己覺得學SAX一D都唔易既. 唔會好似YBUTOUE 師兄咁有天份, 4個月可以係隧道玩SOLO. 而一個12堂3個月既COURSE 好難話真係吹倒一首好聽的歌. 但係偏偏有音樂中心為左令你覺得可以3個月學好外語咁. 所以叫D初學同學一齊吹一首歌. 就話佢包教識你之類. 實情一班人一齊吹一首好熟既流行曲. 就算每粒音只有一個同學吹啱. 你聽落去首歌都係冇問題的. 因為人會自動搵熟識既音, 忽略左其他唔啱既音. 加上你又講明係初學. 同情分都要俾D啦. 呢個就係成語「濫竽充數」既現代版本. 一到單飛就原形畢露. 聰明既你覺得佢既居心係乜? 提高未學者既興趣? 初學者既信心? 定係話自己教得好, 想收多D「靚」呢?

講返自己個CASE. 為左要貫徹火腩飯既精神, 絕對係有咁CHEAP做咁CHEAP. 本來想去工會大班. 可惜唔啱時間. 去專業會? 時間都係唔啱. 音樂辦工室要抽籤 – 每5個月只有10個位 (個時唔知, 最近都有問, 但已FULL. 無緣.) 大班算啦. 唓, 又話有個師傅係附近? 個人教囉. 好唔好彩, 個師傅就係支SAX到貨既時候去左… 第二度擺檔. (可能係好搵所以升大舖. OR 打遊撃吸客). 上網搵附近有乜私人教授. RESULT係0. 總之, 命運就係叫你行呢條自學既路…

經驗值 2 ❨練習昔士風的時間,單位係小時❩
金幣數 -2731 ❨投入昔士風相關的金錢。❩
待續…

[ 本帖最後由 人弓火木 於 2016-9-4 09:46 PM 編輯 ]



回覆 引用 TOP

提示:支持鍵盤翻頁左 右
[按此隱藏 Google 建議的相符內容]