• 瀏覽: 23,904
  • 分享: 1
+2
要買部新車或者靚少少嘅二手車,可能都需要HK$20、30萬,都仲未計要每年續保嘅汽車保險!即使手頭上有足夠現金,係依家仍然低息嘅環境底下,唔少朋友都會選擇借錢買車,貪佢批核快,利息唔算高。傳統上,借錢買車最主要係經車行買車上會。不過,近年多咗朋友選擇申請私人貸款嚟買車。究竟兩者邊樣好?點先至最抵?MoneyHero為你提供6個簡單小貼士,助你輕鬆選擇適合自己嘅借錢買車方案!

上會供車是什麼?
不少人會以上會形式買車,上會則是傳統汽車貸款,分為會以「租購」或「租賃」形式計算,但總括而言,則是經車行或代理代辦進行的分期貸款;上述兩者的分別,只是在於前者需要先支付「首期」,而後者則以日後供款利率,代替首期預繳。

比較上會/私人貸款/低額月供方案利弊




汽車保險網上報價簡單又有保障

不少人買車時為方便都會委託車行或經紀辦理車保投保事宜,不過為清楚了解自己應得的保障,還是強烈建議各位車主/準車主親力親為去比較及選擇合適的車保計劃!

MoneyHero提供網上汽車保險即時報價,只需輸入簡單資料,大部分車款均可即時索取保費報價。經本網投保更可享折扣優惠,整個過程僅簡單幾步就能完成投保,非常方便。

6招精明借錢買靚車1. 上會定私人貸款好?好多人都唔知道究竟選擇汽車貸款定私人貸款比較好。傳統汽車貸款會以租購 (Hire Purchase) 或租賃 (Leasing) 形式計算。如果你選擇租賃,就要預繳幾期供款,雖然利率會比租購低,但你就需要先支付「首期」,一般為還款年期加一,例如還款期為4年,即需先繳付5個月的供款,較適合資金充裕嘅人士;相反,「租購」唔需要你預繳首期,簡單快捷,但一般利率較高。另外,上會大多要經車行或代理代辦,需強制購買「全保」,亦需要交出「牌簿」作為抵押品,待還款完後「牌簿」才會歸還予車主。

現時唔少朋友都會利用私人貸款買車,因為現時銀行提供的利息都算優惠。如果咁啱撞正稅季,仲可以考慮利息較低嘅稅務稅貸,實際年利率一般都低過4%。利息方面有優勢之餘,你仲可以自由揀選唔同車種同車齡嘅汽車,無上會咁多限制。而且「牌簿」由自己保管,當要換車、續牌或換車牌號碼等情況時就會較為方便。

2. 經車行/代理上會前先比較條款經車行或代理上會,利息比起私人貸款未必有著數,部份經紀提供的上會利率亦可能是「海鮮價」或因人而異,準車主須小心比較。部份二手車行會為上會客人提供額外車價折扣。不過羊毛出自羊身上,此情況下車行提供的上會方案未必實惠,利率或較高。有關做法可能基於車行與財務機構的合作關係,但對準車主則未必有好處。
反觀私人貸款的資訊則比較透明,整體利息水平仍見吸引。建議有意上會的車主可在簽約前將由經紀提供的借貸利率與條款,透過私人貸款比較平台與市面上的私人分期貸款作比較,以節省利息支出。

3. 留意貸款收費及條款即使上會,定係申請私人貸款,都要留意財務機構安排嘅條款同收費。以借錢買車來說,一般車主較關心提早還款的罰息政策及相關收費,因為會影響日後賣車同換車方唔方便。例如供款期間想賣車需唔需要先清尾數「贖會」?下手車主續供嘅安排?提前清還尾數需唔需要罰息等等。部份財務機構更會就貸款收取多項手續費或服務費,因此借貸前應該先了解收費。

4. 留意實際年利率不論係銀行或係財務公司,都習慣以月平息 (Monthly Flat Rate) 作為招徠,因其數字一般較低,容易令人產生低息同抵嘅感覺,但月平息並未計及手續費、現金回贈及貸款年期等因素,未能完全反映借貸成本。以上會為例,其年息一般都是以年計嘅平息,而唔係講緊實際年利率 (APR)。因此,大家申請私人貸款或者決定上會前,都要比較同留意APR,因為APR係按利息同相關費用(如手續費同服務費等)計算嘅參考利率,能夠準確反映真正嘅借貸成本,最啱用來比較唔同種類嘅貸款。

5. 比較貸款方案慳盡利息買車涉及嘅金額唔細,不論你係揀上會定申請私人貸款去買車,都要搵出最抵嘅貸款方案,事前一定要多作比較。MoneyHero貸款比較平台一次過顯示多間財務機構提供嘅貸款方案,等你可以一次過睇清楚利息、還款期、手續費等條款細則,個別貸款產品更設有獨家獎賞,幫你慳到盡!依家你亦可即時睇吓唔同銀行同財務公司嘅Plan,例如中銀Citibank東亞匯豐HSBC邦民AeonUA亞洲聯合財務等都有提供私人貸款。所以話,買車分期與其信經紀把口講,不如自己Check吓息口仲實際!

6. 低額月供財務方案除咗上會同私人貸款,近年唔少汽車代理均推出低額月供財務方案。車主首數年只需供一部分車價,數年供款期後再選擇代理提供的不同安排,包括繳付尾數或交還汽車等。與傳統分期相比,這類方案的每月供款額大幅減低,例如全新嘅Benz A250月供只需約HK$5,000。呢類計劃嘅每月供款比起傳統上會供款低HK$1,000至HK$3,000不等,視乎車價而定。市面上比較受歡迎嘅計劃包括︰ Benz 的「Agility星智選」、BMW 的「BMW Circle」及Tesla特選合作夥伴ORIX提供之「TVLP」。

最後更新 Jul 26, 2022

文章來源: 上會(汽車貸款)定私人貸款好?教你6招精明上會供車借錢買靚車



[按此隱藏 Google 建議的相符內容]