註冊 登入



打印

[技術討論] 如何選擇一隻適合自己既棒球手套+保養 (2015 己更新)

如何選擇一隻適合自己既棒球手套+保養 (2015 己更新) E-mail 此主題給朋友

[隱藏]
作為一個棒球員,手套就係你最親愛既戰友,就如桂神話齋「龍門柱就係龍門最佳既朋友」一樣
所以選擇一隻適合自己既手套就成為打棒球前最重要的一個決定
因為一隻好用的既手套,起碼都跟你3,5,7年,保養得宜既話超過十年都有可能(如果你係咁專一的話)
但唔好用既分分鐘幾個月就Sayonara,而且接波既時候可能會接到你手好痛。
一切一切都要因你對棒球有幾多passion而定
如果你係好確定你會打好多年既不仿可以買一隻好D既,但如果你係為左參加棒總訓練班而「需要」一隻手套的話就買隻平平地既就算。

手套既牌子五花百門,台灣,日本,美國既牌子多不勝數。
在香港比較常見既牌子有 Mizuno,Zett,SSK,HATAGEYAMA呢幾隻日本牌子(多為台灣版平價款)
台灣牌子有蜻蜒,JJS,雙塔,WOODZ,KZM等等(太多小牌子,我真的不能盡錄)
美國牌子最出名的有RAWLINGS(用過一致讚好),EASTON, WILSON, BRETT等等
手套多數係因守備位置而不同,但類別就基本上有5種,分為一壘手套,內野手套,外野手套,投手手套及捕手手套。
基本上初學者都會買一隻內野手套,因為佢係可以打最多唔同既位置的。
以下Ctrl+V自台灣棒球維基館(我懶)

投手手套對於大小及顏色都有所限制,其中縫製線、皮繩、綁繩、網都被要求顏色,而且禁止白色或灰色的投手手套,嚴格的更不得在手套上附加與手套不同顏色之異樣物件。投手手套的「球擋」是密閉式的,有整片皮革及用皮條編成網狀兩種形式,因為投手必須攔截中間方向的強勁平飛球,且距離較其他野手近球速快而猛,球擋必須強韌厚實。投手由於要隱藏投球前持球的方式,因此球擋必須是密閉式的,因而手套也會比較大,除了減少握球姿勢被看到的機會外,還有就是防禦時比較有機會把球攔下。大約11.5-12寸。
這是SSK的投手手套可見球擋是密封式,加上護指套防止受傷及被看到要投什麼球(老實說實際作用不太)

捕手手套為單片式之球擋。捕手必須接捕投手所投出之強勁快速球,手套必須特別厚,避震力好,球擋寬廣強韌,也因此重量通常比較重。

肥大加厚的捕套

一壘手是使對方出局最多的野手,往往必須與跑者分秒必爭,因此一壘手手套較大較長,反到像削薄的捕手手套,因為夠大順利接住一些傳不好的球,夠長就會比較先接到球。


內野手套類似較小的投手手套,是單片式的球擋,而其「球擋」也比較淺。二壘手,遊擊手是雙殺的製造中心,因此「球擋」比較淺,方便接到球後可以迅速地把球拿出來再傳給其他野手。大約11-12寸


外野手手套,「球擋」一般都會做成雙十字型的,使外野手接高飛球時不會因手套而擋住視線,由於外野防區極大,因此手套也跟著做得比較大,但質料卻需要比較輕的,才不會過於笨重,越大則越容易接到球。大約12.5-13寸左右。
Ichiro用過的外野手套

以上既所有圖只供參巧,而Size都係用一個正常男仔來計算,女仔或小童又係唔同的。
我之後會繼續介紹關於如何「開」手套,養一個正確既接球點,買手套有乜野要留意,香港有邊幾個地方有手套賣,真皮同仿皮使用後有什麼分別。

[ 本帖最後由 cmgyau 於 2015-5-12 08:07 PM 編輯 ]



回覆 引用 TOP

精選樓盤
介紹完各類手套有乜特點之後,到底買手套既時候有乜野要注意既呢?
其實都有幾點大家需要留意既
第一點就係你要睇番自己有幾「需要」一隻手套,因為其實買一隻好既手套同一隻初學者手套,價錢分分鐘相差幾倍
所以第一件事就係睇下自己係為乜野而買一隻手套啦
如果係為左參加棒總既訓練班而去買一隻手套既話呢,其實都冇謂一開始就投資一隻咁好既手套,去棒總或太子東京買一隻Cheap cheap地既手套就夠啦,價錢大約係300-450左右,視符你係買咩位置而定,初學者手套通常都係內野手套,或女仔手套(或兒童手套,因為有d女仔隻手好細可以用兒童手套)
有女仔問過我可以買咩手套,我會咁答佢:你認為自己有幾想打棒球?好認真的話可以買一隻男裝內野手套,如果係試下參加訓練班的話,可以去棒總,太子東京買一隻普通入門級既仿皮手套,或者你搵到有壘球手套的話都可以買,因為壘球比較多女仔打,所以買到適合女仔使用既手套都會比較多。
壘球手套通常都會有一個比較大既pocket位(接球位),因為壘球比棒球大很多,但其實都可以用來打棒球的,只要你「養」既時候係用來打棒球的,唔好一時打棒球,一時打壘球就得,因為接得壘球多個pocket就會比較大,到你用黎接棒球的時候就會有機會接到個波之後個波係手套入面彈番出黎。


咁買手套時有乜野要注意呢?最最最重要的當然係價錢啦
曾經遇過幾個訓練班既初學者,有男有女,去左某一間賣棒球用品既鋪頭
俾人Sale左佢買一人一隻一千一百蚊既Zett/ssk手套,先勿論果隻野係台灣賣2500twd,而佢就賣1100hkd啦
但唔知係因為佢地冇初學者款定點,就點左個新手買幾隻咁貴既手套,呢個行為就唔係咁好啦
所以係呢度要同各位初學者講,如果你地係打算買一隻初學者仿皮手套既話,價錢大約係450以下就好
如果想要好少少既,香港就比較多人會買zett既呢隻8300系列 (更新:現在改叫8300了,但因為價錢升了)


呢一隻係香港就係一隻好常見既手套,超過一半既初學者都係用呢一隻的,但我個人感覺呢一隻比較難養到一個比較好既球型
因為佢既皮比較軟,所以就會軟得比較快,想打得比較長久的話都係俾多一二百買過一隻更好的,呢一隻既價錢大約係$550左右,邊個賣貴左就係佢謀取暴利啦,因為呢隻野係台灣平得好緊要,1600twd都有交易,上網買+運費都平幾舊水。

令外要注意既就係皮質既問題,要分辦一隻手套係真皮定仿皮最簡單既方法就係真皮係有陣「皮味」的,通常一隻真皮的手套新買番黎既時候都會係好硬的,要對接埋都冇乜可能,當然而家市面上(香港比較少)都有一些即戰型既真皮手套賣,一買番來己經差唔多可以接得埋。通常一隻皮質比較好既手套最少都要3-4個月先至叫做「開好」,養得成一個好既接球位。

而仿皮手套就通常會比較便宜(嗯,睇價錢係最簡單的),一買番來己經好軟,可以對接到,唔使花任何時間去開(當然接球點還是要養的),但因為是仿皮而且個手套好薄,所以接球時會比較痛的(如果好大力扔既話)。但比起真皮手套,仿皮手套好快玩完,好彩既話都用到1-2年,唔好彩又好勤力既話,3個月都有人試過玩爛左一隻,睇運氣同勤力程度而言。

香港既棒球圈好細,黎黎去去都係果幾間,咁到底香港有邊幾間係有賣棒球用品的呢?
以下既介紹都係我打棒球買用品既經驗,完全係我主觀既睇法,己經盡量寫得好客觀了,如果各店主還是覺得我所說的有失公平,不彷加以改善,如有其他師兄有意見亦不彷提出討論,比如說有其他賣壘球既用品店我是不知道的也可以提供一下,等小弟可以去拜訪一下。
最出名既當然係太子東京體育用品啦。
東京係Mizuno既代理商,所以佢賣既球具都係Mizuno的,價錢方面就有平有貴,但佢d貨一定係比較舊既,如果買鞋同褲的話更加唔一定有size要睇彩數,而褲更加係全港最貴,成人棒球褲成$47x一條,貴過對鞋LOL。講番手套方面就會有比較多初學者款同女仔手套,價錢大約係4xx-5xx左右,硬式棒球手套既話可以唔使睇,款少又貴最貴既一壘套要1100左右,不過有樣好既就係佢d手套係日本賣既款,唔係台灣Mizuno既貨,所以會貴少少。bat就只係得d小童或者壘球bat,可放棄。因為有好多地方已經執左同太子越來越少貨,現在只剩下觀塘工廈的一億 Ichioku,大家可以係FB搵佢,佢地係由一班港隊前教練所開的,現貨未必好多,可能要落訂先有貨,但如果你想試下手套,同聽下d專業意見的話,佢地係香港的最佳選擇

更新按:因為現在越來越少地方有賣棒球用品了,而淘寶也是一個不錯的入手地方,但因為有很多初學者不小心淘了隻膠PU手套,甚至是景品玩具手套去訓練班現特別列出兩間我比較常買東西的淘寶店,平一定唔係最平,但最少肯定是正貨同非劣質玩具精品棒球九局下半 (分店是九局上半,賣日本台灣貨多)
如果只係想要一隻求求其其既手套去參加訓練班,不仿考慮一下棒總或者佢係新蒲岡既代理商所賣既仿皮Mizuno手套,我相信佢地應該係平過東京既,但如果想要d唔同既款不彷去東京或major league stadium睇睇。但如果想要硬式手套既話可以參巧我上面所講既地方。

[ 本帖最後由 cmgyau 於 2015-5-12 08:01 PM 編輯 ]



回覆 引用 TOP

相信好多人都會有呢個問題手套買左番黎咁點算好呢?
新手套好硬,合唔埋,個波接到後會彈番出黎
咁點算好呀?
其實呢D全部都係好正常既現象。
因為新買番來既皮點都會硬D既,
試想想手套係點造架?
請睇呢個video:
http://www.youtube.com/watch?v=wknV5koSoM0
係由一塊塊原本係平既皮做成的,皮有一定既硬度,同記憶能力可以塑造成使用者喜歡的「形狀」
正正因為呢D原因,所以保養手套,培養正確的接球點猶其重要
因為如果保養得宜,手套既壽命將大大提高
保養包括左:清潔、擺放,上油,三大項

手套係由幾十塊皮,同線所組成的
拉鬆拉調整手套線,可以造成完全不同既形狀
調整線的鬆緊可以影響手套的大小,接球面變大,Pocket變大都有可能
但我要事先聲名,調整完之後如果發現唔合適就好難調番原本咁
「呢D野下左海就好難番轉頭」所以先了解果條手套線有乜用先好調整

好啦,明白左手套係點造之後
買左手套番黎啦,咁要做乜呢
第一步就係

1.「開」手套篇

顧名思意「開手套」就係使手套變成一個可使用既狀態,
要知道開手套係一件好漫長既事,唔係一日半日就搞掂既
開手套快則一個半個月(好勤力的話),慢則一年半載,
彷間有幾十種唔同開手套既方法,乜野湯柔(浸水),焗爐,清蒸,焗油
方法多到好似煮飯咁,其實係work既,但必需由專業人仕同專用設施才可以成功
而我唔係專業,亦唔係有錢,唔夠膽將幾百蚊-幾千蚊既手套去試
失敗既手套輕則變重,重則殘廢,整唔番好個形狀
你有種/錢就去試下啦

所以以下既方法都係幾種基本方法去開一隻手套,
但係開之前有幾個基本既理論要教大家先,

接球點(pocket位)


要明白咩叫接球點呢,最簡單就係
接球點就係個波接係呢個位隻手套會自自然然咁合埋,個波會自自然然咁停留係pocket位
簡單來說就係睇圖


(抱歉用朋友既手套上鏡)

門柱
理論上門柱係支撐手套既重點,門柱既健康同壽命係有直接既關係的
所以好多時要睇手套用料好唔好其實睇門柱「肥」「厚」就知呢間廠有冇偷工減料了(入面係用咩料做內襯係令一個問題)
門柱最好保持直係最好的,但好似我呢d唔正規既人會將門柱屈曲

精華
參巧台灣Crash大既blog

"圖中的紅色圈處,就是我建議的接球點;甚至誇張一點講,養球型的主要目標就是把這塊虎口部分的皮革打軟。如果接球有準確的接到這邊,絕大部分的手套都會發出很響的撞擊聲,因此大家也可以藉由接球聲音來判斷接的點準不準、可以用聲音來輔助判斷,鍛鍊自己的接球技術。"


"球入手套之後,其實就是這樣,只需要很輕微的、施一點點力,讓手套能夠把球稍微夾在其中即可。像這張圖和上面那張,其實手套開闔角度相差不遠,只需要用一點點力把球"含"在手套裡就可以了;如果技術練的比較純熟的話,其實接球就是用虎口去擋球,把球擋在虎口的位置上,配合上右手在旁邊直接將球取出,左手手指和手掌根本不必出力呢!"

想清楚D咁明白接球點既重要性可參巧
http://blog.yam.com/czBaseball/article/10685542
http://blog.yam.com/czBaseball/article/16832514


好啦,明白左手套基本既理論後
終於要開啦!
以下有幾種基本既方法

1. 用手/整型鎚打pocket位
用手/整型鎚打,用手當然係會痛D啦,我試過打到隻手「魚」左
整型鎚
2. 不斷用球投pocket位
好處係唔會痛,但壞處係唔係球球都投得中pocket位

3. 用多D,多D用,日日用,日日投,成日用,成日投
冇錯用得多就一定會快D軟既
最好搵個投球大力有球威,控球又準,球速又快既(160km左右)
就可以好快開到手套架啦(以上講笑)

4. 保形帶
雖然有唔少人講過冇乜用,但我相信還是要提一提的
保型帶給你的形,並不會係你真正接球的形
但用左之後會好少少既
我個人就只會係移動既時候先會用到

其實老老實實手套上每一個位(除左門柱)都雖要弄軟的
有好多人都怕會弄壞手套,所以我借人家手套來看的時候都不敢幫人弄形狀
但其實有幾種「熱身運動」是一定要幫手套做的,否則就很難會軟起來
以下呢幾種都怕會弄壞手套的話,大可以買個箱放係屋企裝手套「供憑」一下
因為其實你接球無論點都會用到手套既呢幾個地方,
咁都唔做其實你都唔打算打波架啦,供憑下佢話唔定棒球之神會保祐下你呢?



(小弟上鏡了,羞~,請認得小弟既唔好響我名,唔認得小弟既都唔好起我底,分享下姐唔洗下下話起底咁大獲既)
呢個動作好多時職棒既球員都會做既,因為咁壓隻手套既area就會變大




對接,大多數人會對接到中指或無名指位置





反方向對接

因為新手套買番來既時候D手套線都會好硬,因為長時間擺放係倉既關係而變硬
導致開合唔係好順,所以仲有一種「熱身運動」可以做
就係捉住手套既門柱,拉開隻手套到最大
呢個動作好重要,因為手套可以開得越大就可以接到越大既area既波

最後附上極危險開手套討論串(非宣傳其他論壇)
http://www.mobile01.com/topicdetail.php?f=293&t=1543381&p=1

附錄:
超推介
大家睇呢篇野,寫左幾個鐘先見到有呢篇,都唔知寫黎做乜?早知cltrl c+v就得啦
http://blog.yam.com/czBaseball/article/20329474

清潔篇

清潔手套係十分十分重要既一件事
大家要知道其實皮係十分怕水的
遇到水,手套既皮會好快咁變軟,影響到手套既型狀同壽命,所以要十分留意呀
但無可耐何棒球呢種戶外運動無可避免一定會遇到落雨既情況
有時接地波搞到成隻手套都係泥積,落雨又成隻手套濕晒
如果亂清潔的話隻手套分分鐘講bye bye

第一遇到泥積的時候,先用超小水既濕布或濕紙巾,抹去污積先,或者東京都有清潔手套專用的濕紙巾/去污液賣,但十分之貴
第二如果濕了的話,用報紙包起手套風乾數天,等報紙將手套入面既水吸走,最好每日換一次報紙,視濕的程度包幾日
第三用報紙吸水後,將手套放在通風地方數天以達至全乾

保養篇

上油(真皮手套適用)呢支係就保革油啦,係東京會見到有得賣,大約七十幾蚊


用法係用牙刷/手(最好用手,怕浪費)平均咁塗在手套上每一個位置,接球點同埋常用既地方可以多D最好係買番黎既時候做一次先,因為咁先至可以軟化d皮,開手套會方便d
一支可以夠你成隊波用幾年,最好同人夾錢買
大家唔好見買左番黎就成日用,因為其實係冇呢個需要的,3個月(成日用)至半年先至需要用一次保革油架
個人介紹大家用呢一隻nokona既保革油,使用簡單,手套又快吸收d油

淘寶有售
http://item.taobao.com/item.htm?id=5006995250


有關手套上油詳情:
http://blog.yam.com/czBaseball/article/15838902


擺放篇
基本上擺放手套既方法都會影響到手套既壽命的
打平咁放好就得,好似咁


但要記住手套要放在避免太陽暴晒的地方,因太陽光同熱會令手套變硬同裂開
要放在屋內通爽的地方
由於手套都很怕急速的溫度變化,所以都不要放在溫度會有太大變化的地方(比如超級冷氣雪房同超猛太陽窗台)

詳情請參巧:
http://blog.yam.com/czBaseball/article/10559184



保型帶
有好多人話手套最好成日用保型帶包好,中間放個波
冇錯,咁樣長期放係會有個球型的,但我個人認為如果你唔打波,齋放個波係入面既話,d皮係唔會軟
所以最好就係打多d波平時係屋企打平放(為左保護門柱不會歪掉),而保型帶就最好留番出街先用
詳情請參巧:
http://blog.yam.com/czBaseball/article/7903125



邪道開手套方法:

湯柔 http://blog.yam.com/czBaseball/article/7902555

http://blog.yam.com/czBaseball/article/27723249
烘箱 http://blog.yam.com/czBaseball/article/11990917

http://blog.yam.com/czBaseball/article/16509731

[ 本帖最後由 cmgyau 於 2015-5-12 08:04 PM 編輯 ]



回覆 引用 TOP

thx 師兄
資料好有用,對新手好有幫助
之前我都上過wiki睇過
但諸如牌子、質料o個d真係完全冇idea

要求置頂



回覆 引用 TOP

[隱藏]
好詳盡,thx ching~~~


回覆 引用 TOP

THX~~~~


回覆 引用 TOP

提示: 作者被禁止或刪除 內容自動屏蔽
係咪每一隻牌子佢都有唔同級別o既手套?
由平到貴,由初級到專業用。
上網睇過好似用唔同顏色黎區別,請問點分?(除左用價錢)



回覆 引用 TOP

引用:
原帖由 weissrot 於 2010-6-30 01:04 PM 發表

係咪每一隻牌子佢都有唔同級別o既手套?
由平到貴,由初級到專業用。
上網睇過好似用唔同顏色黎區別,請問點分?(除左用價錢)
呢個問題問得好
當然每一個牌子都有分唔同級別既手套
由平到貴,比如說Mizuno的金標同紅標
但因為我唔係手套達人,而且手套又有好多特別版,所以我好難答到你
基本上睇價錢就最簡單的了,平既由$200起到日製$3000以上都有
簡單地講個進化圖表你睇下
小童<中童<女裝壘球仿皮<仿皮<入門級真皮<普通真皮<特別版真皮<訂造真皮<Pro Preferred <職業球員使用

當然手套係有好多特別版,唔同那設計,唔同既刀模,唔同既皮,唔同既產地都會對手套既價錢同質數有影響的



回覆 引用 TOP

回覆 2# 的帖子

[隱藏]
哈哈.....你既資料都真係幾詳細!!不錯不錯

我係野球部既Billy,你講既野我地都會檢討、改善,但我想澄清一下,我地唔係成日唔開架!我地真係有開架,或者會遲少少開,因為我地唔係全職,有別於其他同行,可以全職搞棒球,我地只係以兼職形式,所以要放工先可以趕到開鋪,或者我地唔可以準時6點開鋪,但我地係一定會開的,除左星期三及日休息!我地會盡我地既努力去滿足各位!其實我都覺得cmgyau既提議好好,可以先跟我地通一通電話,或者咁會麻煩到各位,但總好比各位白行好,我地以後會盡可能準時落鋪頭,畢竟我地4個都係係港島及渝景灣返工! 如對各位做成不便,敬請原諒!我地會作出改善



回覆 引用 TOP

引用:
原帖由 billy36 於 2010-7-5 12:56 PM 發表

哈哈.....你既資料都真係幾詳細!!不錯不錯

我係野球部既Billy,你講既野我地都會檢討、改善,但我想澄清一下,我地唔係成日唔開架!我地真係有開架,或者會遲少少開,因為我地唔係全職,有別於其他同行,可以全職 ...
打得棒球既都知道你地既苦處同苦心,,其實要長時間打點一間鋪頭真係要好多心血,,我都相信樓主5係話你地成日5開,,只係打個電話去問左先到會安全D,,我自己都試過打電話去問價,,你地都好有禮貌咁覆我,,多謝 =]



回覆 引用 TOP

[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。