又再一次重複重複又重複走勢，如果重有人同你講港股係收貨格我覺得真係匪夷所思，香港股市已玩到數倉、數人頭、大數據年代一上到18000就大家都走鬼，18500以上已經足足有一年蟹貨都未計港股已經連跌三年⋯⋯，咁樣港股真係無得玩，大家唔想輸錢就繼續做定期啦，年尾真係唔似會有基金佬再來粉色櫥窗，外資都走曬，本地既就更加唔會同你地癲⋯⋯咁既市場好快玩死自己，散戶慢慢離場只會係時間問題。

睇好既：琴日又一次大成交下今日又大跌，已經發生左太多次⋯⋯再咁樣走勢⋯⋯12月都唔似有運行⋯⋯11月底12頭目標18111，下年準備股災。

睇淡緊：先戴返頭盔先，我都係跟大摩睇淡

大摩睇港股明年底18500 高盛降評級 憧憬習拜會 恒指升222點結束四連跌
https://news.mingpao.com/pns/經濟/article/20231114/s00004/1699892453165

港股真係攪唔掂⋯⋯9月至11月上面18200-18400做左4個頂⋯⋯同6月至8月情況一樣4頂⋯⋯咁淡友又叫胡啦只要跌穿17500⋯⋯目標12月16500-16000見。

經過上個post既一碌柒，港股(今年)認該柒完⋯⋯準備向頭post數字一路發！之後餘下2個月唔夠嘅2023年一定發到尾⋯⋯⋯

港股真係無乜野好討論，11月來緊日子又係業績期⋯⋯如果同上一季一樣玩法如果多數大股都一出業績又跌⋯⋯ 咁下年多數無運行⋯⋯祝大家好運。

睇好既： 下星期一返來認該可以挑戰18000⋯⋯當然我11月都睇希望有18444，去到果到附近大家要開始小心⋯⋯港股今年已經有8個月時間係18500 樓上玩上面大把蟹貨技術上好難上返19200以上⋯⋯ 

睇淡既：風頭火勢，睇淡既先暫停一會。下個post再睇下先講，今個月認該無運行。

港股情況同今次標題數字一樣，基本上10月打後都柒下柒下咁係17000樓上上落落⋯⋯下星期港股又到業績期高峰時期，睇下會唔會有得彈下，又係咁易夾下淡倉⋯⋯

睇好既： 港股連跌左3個月，10月份都認該會收跌，反彈同之前套路一樣逢彈高位就要食胡，否則空歡喜一場，港股每一個月都有得彈下，如果套路一樣11月可能跟上年一樣出現大彈，但效果會減半⋯⋯目標18300-18500。

睇淡既：跌下跌下又去到雙底年底， 港股今次又畫張靚圖俾淡友， 外圍先剛剛開始跌⋯⋯ 港股已經又去返20年前低位，一個市場用3年時間被人廢左20年功力， 大家可以再深諗下值唔值得再投資？ 目標15400-15600

係股市市場最重要唔好鬥氣， 大戶想跌就跟買跌，睇錯方向最緊要識走位，唔識玩就放棄做定期啦，港股已失去了一切，咁樣走勢邊個唱好乜野都無用，事實港股恒指已去返10年前既位置，並不是什麼一年底位，來緊幾年好快會到大家既人工好快就會出現推倒重來。

睇好既： 我睇10月頭會有一下大夾倉， 今日17400買既認該可以有錢贏，果日大夾倉一定食胡，完。

睇淡既： 10月 最差情況太約可以去到15400-15700，今日去到17400⋯⋯所有熊都唔可以過夜（除非有利潤），現在已經貼住所有下降軌底行緊，策略彈高沽，只要由今日開始計（28號）再行多3-5日到17000 附近會有大反彈，先睇17000 附近，再穿就耶蘇都救唔到港股。