最新成就
風頭躉
受到10位會員追蹤
已達成會員: 17829人
達成日期: 2023-02-17
雞精帖王
帖子得到10位會員訂閱
已達成會員: 20961人
達成日期: 2021-10-29
勁𥄫
瀏覽10條帖子
已達成會員: 932630人
達成日期: 2021-02-08
原來花展完左之後，大會冇即場棄置哂啲花，仲見到有至少8棵拎左去天水圍公園呢度。因為康文署佢地有8棵移植左過黎，所以有好多市民都叫左佢做八重櫻，住天水圍附近既朋友仔有興趣既會唔會專登帶埋朋友仔入去睇下？
屋企呢排成間屋都好潮濕，洗左啲衫之後可能晾足一日冇太陽都乾唔到，因為屋企人唔想咁早四月都未到就開冷氣，於是而家都係開住部抽濕機放係廳度抽乾啲衫，同埋順便可以抽下屋企啲濕氣。但係聽人講如果開冷氣去抽濕既話，抽完之後熄左部冷氣之後好易會損耗到部機件既壽命，同埋唔知會唔會因為咁樣而交多左電費。屋企而家用緊既果部分體冷氣機都有一個獨立既抽濕功能，如果屋企真係要抽濕既話，你地會開冷氣定係抽濕機？
而家有好多餐廳都轉哂做用qr code同手機去scan完之後落單，早幾日因為屋企人生日去左間西餐廳果度慶祝，點知阿媽一坐低見到人地畀左張有個qr code既單畀佢，佢都係舉手叫人過黎同人講想食d咩，見到個侍應好似都黑哂面咁。個侍應照幫你落單都算啦，之後人地張餐單上面寫好哂有A-F幾多個既餐，點知屋企人就問左佢有冇呢D餐之外既其他野食，feel到個侍應都好好禮貌咁，話所有餐已經係哂呢張餐牌上面架啦...最後我同個侍應講我地再睇下先，轉頭自已手機落單就ok啦。真係好想屋企人可以唔好咁難為人地，仲要佢行開左之後同老豆係度大大聲話用人手落單有咩唔好，你咁樣先至可以有生意炸！真係聽到我好想即刻走...係米同屋企人食野都係咁麻煩？
平時想過一條明明冇燈位既路，如果做行人想過馬路永遠都係要等側邊所有車行哂一架車都冇先過得，行人多數都係對車有少少自主讓路權既，離遠側邊可能見到架車過緊黎就會下意識唔敢衝出去...明明果條路又係冇燈位，車主係好應該讓左畀行人過先既，但係我地行人就要係度等左可能成2、3分鐘先過得，架車就永遠都唔會收油，仲見過幾架重型車一過黎好似火箭咁快，完全冇打算比行人過先~~你地係米都會覺得有時過馬路都有呢個情況發生？？
查看更多帖子
|
