細個屋企窮，因為要供樓，班親戚個個都睇我哋唔起。試過家族聚會同班親戚食飯，食食吓飯，我姑媽指住我同我講：「你屋企咁窮，食多啲啦！」嗰陣時我仲讀緊小學。因為我姑媽有錢，一早買咗樓，仲送個仔去英國讀書。我嗰吓直頭醜到想搵窿捐。好多年之後，到佢知道我屋企供完樓，層樓升咗，就和顏悅色同我哋講話：「你哋嗰到交通好方便啵，升咗好多啵！幾好呀。」

仲有一次，我中學畢業，冇再讀書走去full time做百佳。(之後先至用年長生入高級文憑，再上大學）我阿叔又係食食吓飯，同第二個親戚講：「你睇吓，咁多工唔做走去做百佳！？」，然後擰轉頭問我：「你唔係諗住成世做百佳呀嘛？」到後來我發奮高級文憑駁返上大學，同一個啊叔同我講：「華仔，一早話你掂㗎啦！一早話你得㗎啦！」真係好難捉摸。

咁我做百佳，做咗一年半。攞夠經驗，跳槽走去做DFS，做SA。又係家族聚會，我啊叔笑笑口，不懷好意咁問我：「點啊華仔，而家做緊咩呀？搵幾錢個月呀？」，一知道我搵錢多過佢，就表現好驚訝，黑口黑面咁走咗去。因為喺佢眼中，我永遠都係垃圾，唔會搵到咩錢。

每次同佢哋食飯，佢哋傾嘅話題都係某某姑媽個仔入咗邊間公司做經理，某某叔叔買咗隻朗格錶幾多幾多錢，某某姑丈買咗層新樓。不外乎都係講錢互相攀比。

真係好嘔心，唔想再出席佢哋嘅聚會。成班狗眼看人低，你唔掂低潮嘅時候，就怕你唔死踩多你兩腳，到你掂嘅時候，就圍喺你身邊為你歡呼。

我今年25歲，讀緊大學。我預咗自己會單身一世，唔會結婚，唔會拍拖，唔會生仔。你問我想唔想拍拖？屌，咁梗係想啦。想有個人陪下自己，但係自己能力唔許可。

喺呢幾年，我睇到好多港女嘅真面目。不過當然，相比之下好過大陸妹嘅。試過返part-time，無啦啦比條港女係咁奚落侮辱。又話乜嘢：「點解你咁窮嘅？」，「點解你阿爸阿媽咁廢嘅，做咗10幾年人得嗰一層樓咋？」，「你銀行戶口有幾多錢？」，「屋企住緊嗰度係乜嘢樓？係租定買？」，港女嘅話題，永遠嚟唔開錢。就係講緊，一個男人搵幾多錢。如果搵少過呢個數，就係唔正常，就係垃圾。

好老實講，我meet 唔到佢哋嘅Standard。雖然我屋企有樓，不過冇車。喺一般港女嘅眼中，同一嚿垃圾冇分別。

咁，既然咁辛苦。不如我正正常常咁生活，唔去溝女，唔去拍拖，咁我嘅人生會輕鬆好多。喺香港女人嘅眼中，你嘅錢就係等如你所有嘅一切。作為一個香港男人，我決定放棄。我咁樣自己一個，好開心。得閒可以玩下錶，買下自己鍾意嘅衫，買新iPhone，唔使買埋俾條女。我咁樣好自由，既然我係你眼中，唔夠有錢，都冇問題，咁我咪唔溝女囉。

同埋我識得一啲港女，自己喺18，22嘅時候亂咁周圍同人上床扑嘢，到咗自己30歲，就埋街食井水。求其搵條老襯嫁咗佢，跟住結咗婚仲繼續偷食。牛肺都唔緊要，仲要個老公，頂綠帽由頭笠到落腳指尾。咁結婚，結嚟把撚啊？

你可能會覺得我係一個失敗者，咁你既然咁諗嘅，冇所謂，我覺得開心咪得囉。最後，奉勸各位香港男人一句，唔好咁戇鳩，做港女隻兵。寧願搵五姑娘，都唔好受港女氣。