Board logo

標題: 探索新界西極"厭惡設施"及終極爛角咀超污染之旅 [打印本頁]

作者: 青貓    時間: 2010-12-2 09:42 PM     標題: 探索新界西極"厭惡設施"及終極爛角咀超污染之旅

新界西極,包括曾咀,爛角咀,稔灣路,龍鼓上灘及龍鼓灘...因有大量厭惡性設施而很少人會前往..莫講話閒遊啦...今次呢條線確實冷門...探索一下呢個香港既荒蕪之地
不 過,真係好好好污糟....因為實在太大塵啦...真係去一次已經夠晒啦.....



今次路線圖

10:00am ,約好山民兄同snufkin.pig 響屯門碼頭門外集合,搭的士入到新界西堆填區閘口出發...車費$73
不過太失敗...唔記得影堆填區個閘口tim....








煤灰湖的正式入口....有食蕉看守,保安深嚴....呢度可以睇到煤灰湖既"護城河'


返轉頭,見到一條廢路,一個路牌,龍鼓灘路??....原來好耐之前條舊路都可以由屯門入到黎稔灣....



沿曾咀路入...冇風景...網上面話呢度有個英國海外電台...見唔到...唔知係咪折左??



行左五分鐘..見一閘口...右邊有個奇怪既裝置....唔知有乜用.
閘口上有一個高鐵告示..呢度咁遠又同高鐵有乜關係呢????唔知道..




再行五分鐘,見到一個荒廢果園...沿右邊曾咀路繼續入...



今日第一個目標...曾咀古廟...原來呢間係洪聖廟..






呢間廟有塊碑...刻左剛剛起呢座朝時捐獻既人名....原來捐$30已經係第一行.....真係年代久遠呵
因火災關係...現在見到既廟係於1991重建....雖然廟入面既祭品都似定期有人更新..不過四周依家已經好荒蕪....



廟旁有一段石級,越過後會發現鐵絲網有兩個破洞......大家決定由此進入下一個目標----煤灰湖.
(進入煤灰湖....會有被驅趕,或發生意外之可能...,此次志在分享行程,本人並無意鼓勵大家模仿)

[ 本帖最後由 青貓 於 2010-12-2 11:58 PM 編輯 ]
作者: 青貓    時間: 2010-12-2 10:47 PM

(進入煤灰湖....會有被驅趕,或發生意外之可能...,此次志在分享行程,本人並無意鼓勵大家模仿)






穿過鐵絲網後的情境...今日都有好多泥頭車在此處倒煤灰...所以只能沿靠近山既車路遠眺...
沿路有兩絛石棉管,可能係由堆填區輸送沼氣到龍鼓灘發電廠....不過純粹猜測..



煤灰..



私家重地不得擅進...不過只係有意外不負責...
呢度轉左就會到達龍鼓灘電廠...不過發現有警衛看守,需原路折返...煤灰湖行程結束.....
煤灰湖比想像中大...不過似一個大地盤....網上有師兄響入面影相影到D煤灰同水既倒影好靚...唔知響邊個位啦....




沿原路退返古廟....於那個荒廢果園探索一下之後...開始公路之旅.....稔灣路有勁多泥頭車垃圾車....好大塵..




行左10分鐘...見右邊山上有支標....橫掂咁遠黎到...上去睇下先...



上到去可以睇晒煤灰湖全景同龍鼓灘電廠近景...
龍鼓灘電廠用天然氣發電.....唔見有黑煙...






睇完風景,沿旱渠落返稔灣路....行多10分鐘..到達湧浪路交界,第三個目標----爛角咀,出發


繼續警告


危險地帶



湧浪路及龍鼓灘電廠閘口







[ 本帖最後由 青貓 於 2010-12-2 11:55 PM 編輯 ]
作者: 青貓    時間: 2010-12-2 11:14 PM







湧浪路最頂左邊位置有絲帶引路上山.....開始時沿旱渠接山徑,尚算明顯....不過過電搭後進入密林路徑飄忽....只隱約見到路胚...應該好耐冇人行過囉...呢段路唔長...不過冇風景,頗費時間同氣力...



經過一輪折磨...成隻手都比樹枝劃花晒........終於到達新界最西極既一支標.....又要出鏡啦....




原來西極呢個雷達站係海事用途既.....今日有工人響度維修......


照地圖係有路落到海邊...不過遍尋不獲...連絲帶都冇...睇黎應該都起碼十年都冇人行過啦.....完全冇路行...安全理由,決定向龍鼓上灘落山...





落龍鼓上灘條路就好行好多.....落到底係一個沙倉......哎...超級沙塵滾滾.....






難得黎到西極...大家決定綑埋個爛角咀......沿岸既石都幾大舊....需然唔係太難不過就好吃力.....路程都有番咁上下....所以綑到中間冇再去啦....就當呢舊大石係西極終點啦....



發現兩具死屍.....


黑色既沙灘,幾特別..





綑完邊,沿稔灣徑出龍鼓灘.....沿路都係回收埸,沙倉,地盤...超大塵....抹到毛巾都變地黑色.....下次黎真係要有個口罩旁身先得.....


龍鼓上灘

[ 本帖最後由 青貓 於 2010-12-2 11:57 PM 編輯 ]
作者: 青貓    時間: 2010-12-2 11:50 PM







沿稔灣徑續走龍鼓灘.....上埋白海豚亭...一路睇下日落,一路吹下水....正






當然唔少得搞笑日落相啦.......


完滿結束,回家吧

今次真係一條超冷門路線...多謝山民兄同snufkin.pig,冇你地黎,我係唔夠膽上爛角咀同煤灰湖呵
剛剛沖涼時發覺d鼻屎係黑色既.....洗左好耐....真係好污糟好污糟..不過都係一個難忘之旅呵....

多謝收睇

作者: 扮雲吞    時間: 2010-12-3 12:41 AM

貓貓!我諗呢條線都係你第一個o係度介紹....不過真係超厭惡
作者: Edward0331    時間: 2010-12-3 01:04 AM

多謝分享
行完變人肉吸塵機
作者: 森美2007    時間: 2010-12-3 01:05 AM

引用:
原帖由 青貓 於 2010-12-2 09:42 PM 發表

沿路有兩絛石棉管,可能係由堆填區輸送沼氣到龍鼓灘發電廠....不過純粹猜測..


龍鼓灘電廠用天然氣發電.....唔見有黑煙...
十年前因業務關係,應中電邀請,參觀及了解過青山發電廠及龍鼓灘發電廠之運作。

龍鼓灘發電廠用天然氣發電,天然氣由國內氣田直接用管道輸送至龍鼓灘發電廠,堆填區沼氣非供發電之用。

自從大亞灣核電廠投產後,本港用電(中電供電網)已基本上由青山燃煤發電及大亞灣核電聯合供應,龍鼓灘發電廠已成備用,只作定期啟動,以維持機組運作暢順,非投產所需。

[ 本帖最後由 森美2007 於 2010-12-3 01:50 AM 編輯 ]
作者: kwma    時間: 2010-12-3 10:28 AM

引用:
原帖由 青貓 於 2010-12-2 11:50 PM 發表



http://i156.photobucket.com/ ...
天貓食日
作者: simonng0101    時間: 2010-12-3 11:03 AM

記得係十幾二年前,由龍鼓灘可以揸車一路入到稔灣,再上下白泥出流浮山。個時呢度真係好靚、渺無人煙、好世外桃源feel,可惜當時冇影低相,今日已變成咁..
作者: snufkin.pig    時間: 2010-12-3 10:38 PM

哈~多謝貓兄開團..如果唔係真係唔會諗到去依D地方XD
好在有山民師兄係到咋 : ..如果唔係...都唔知點行好.
雖然真係好污糟...但好玩~
THX
作者: ckalbert    時間: 2010-12-4 02:10 AM     標題: 回覆 1# 的帖子

從來都冇諗過去龍鼓灘!
作者: people_1969    時間: 2010-12-4 02:31 AM

貓師兄嘅行程真係好另類,不過又真係一個難得嘅經驗,師兄部白色相機係Kx? Km?定係Kr呀
作者: 青貓    時間: 2010-12-4 04:12 PM

引用:
原帖由 people_1969 於 2010-12-4 02:31 AM 發表

貓師兄嘅行程真係好另類,不過又真係一個難得嘅經驗,師兄部白色相機係Kx? Km?定係Kr呀
係kx,我呢d傻瓜用呢部就岩晒




作者: gk3328    時間: 2010-12-6 10:16 AM

引用:
原帖由 青貓 於 2010-12-2 09:42 PM 發表

新界西極,包括曾咀,爛角咀,稔灣路,龍鼓上灘及龍鼓灘...因有大量厭惡性設施而很少人會前往..莫講話閒遊啦...今次呢條線確實冷門...探索一下呢個香港既荒蕪之地
不 過,真係好好好污糟....因為實在太大塵啦...真係去一 ...
支持青貓師傅的探索精神, 我曾經計劃過由屯門蝴蝶灣沿車路走到流浮山, 打聽之後, 原來稔灣已封閉做堆填區, 不能通過, 只好放棄, 看來還是不要去, 看完你的後記, 塵大兼多大型車, 真係行完要食豬紅清潔個肺, 還有成身都是沙塵.

青貓師傅換了新玩具, 看來是PENTAX, 呢部機好唔好玩架

作者: matamcon    時間: 2010-12-6 08:32 PM

呢段路著實唔好行,我地行過一次,煙塵滾滾, D 車隨時碌件大垃圾落黎,又隨時比人捉,囧路一條,好囧...............!
作者: kwma    時間: 2010-12-7 12:19 PM

引用:
原帖由 matamcon 於 2010-12-6 08:32 PM 發表

呢段路著實唔好行,我地行過一次,煙塵滾滾, D 車隨時碌件大垃圾落黎,又隨時比人捉,囧路一條,好...............!
乜 典故
作者: wawa2009h    時間: 2010-12-7 05:08 PM

一定有理由的,青山地膽都唔去.... 但龍鼓灘可以一遊
作者: a_drew    時間: 2010-12-11 01:20 AM

唔錯體驗, 可惜未有機會去睇睇!




Copyright © 2003-2018 香港討論區