標題: 心煩 [打印本頁]
作者:
崖上紫色的樓主 時間: 2023-3-22 13:01
同老婆拍拖結婚到依家都有17年，有個8歲小朋友。
我同老婆一齊做嘢開公司，都有10年，由當初冇乜錢，做到依家都算有車有樓，生活都可以！
係6,7年前我曾經有做過衰嘢，岀去玩俾佢發現左，最終佢都原諒左我，所以我好感激佢有咁大勇氣去原諒我！自從果次之後，我乜都就佢，嘈交之後我係唔係都會認錯先！但依幾年生意差左啲，佢壓力大，睇得岀佢有啲精神上嘅問題，有時無端端會黑面，問佢做咩事，問多2句佢會唔耐煩，咁又會嘈交，當一嘈交，其實我都會忍，唔岀聲，但係佢會講啲好難聽嘅說話，講埋我屋企人又盛咁，就算我即場say sorry，佢都唔會停，繼續鬧，鬧到我忍唔住到最後要同佢對鬧為止，依種情況，可能每2個月都發生一次。我曾經有係傾計時建議下佢去睇醫生，但佢覺得自己冇事唔肯去，佢係一個超級硬頸嘅人，我自己都知唔會叫得到佢去睇醫生，唉！
到左上2個星期發生左件事，因為大家一齊工作關係，佢不嬲都會睇我電話，睇吓我會唔會漏左啲客單大頭蝦冇跟到，果日如常睇我電話，突然間有個message就話：我今晚有時間，可以約😊，我老婆問我咩嚟，我話唔知喎，都唔識佢！之後老婆就問佢約乜，佢就send左一間spa嘅卡片叫我上去！我老婆一口咬定我之前又去過，所以佢先會話佢今晚有時間可以約！
我即時問果間spa，我之前都冇嚟過，你點解會咁樣send message過嚟？佢回覆就係話，我哋都係試吓send岀去，睇吓點客會唔會上嚟試吓，搞到你唔好意思！我俾返我老婆睇，佢都係唔信，我提議一齊走上去問下係咩一回事，佢又唔肯，認定左我係有去過！我都明白一次不忠…明明佢點解唔唔信，點解咁嬲！
唉，依家老婆話要離婚，叫俾一星期時間我執哂屋企啲嘢走，都唔知點算好⋯⋯
作者:
fwho 時間: 2023-3-22 14:48
先唔理件事既真假，其實你要處理左老婆既情緒問題先。
主要唔係要佢睇醫生。
係如果真係因為生意問題，就不如乂家摺左間公司，出返來打工，壓力可能細Ｄ。
人壓力一大，小小野都會好大件事，
而且你照佢意思做，離婚點都要一年時間，呢一年你都仲可以做返Ｄ野。
作者:
崖上紫色的樓主 時間: 2023-3-22 16:10
引用:
原帖由 fwho 於 2023-3-22 14:48 發表 
先唔理件事既真假，其實你要處理左老婆既情緒問題先。
主要唔係要佢睇醫生。
係如果真係因為生意問題，就不如乂家摺左間公司，出返來打工，壓力可能細Ｄ。
人壓力一大，小小野都會好大件事，
而且你照佢意思做，離婚點都要一年時間，呢一年你都仲可以做返Ｄ野。
其實係有諗過唔做架，老婆之前就算打工都好全力去做，何況而家係自己嘅！講真而家生意就算差左，都仲夠養到自己一家，外父外母，呀爸呀媽3家人，我唔怕岀返去打工，但到時岀左去，搵錢冇咁多，可能壓力仲大
作者:
fwho 時間: 2023-3-22 16:38
引用:
原帖由 崖上紫色的樓主 於 2023-3-22 14:10 發表 
其實係有諗過唔做架，老婆之前就算打工都好全力去做，何況而家係自己嘅！講真而家生意就算差左，都仲夠養到自己一家，外父外母，呀爸呀媽3家人，我唔怕岀返去打工，但到時岀左去，搵錢冇咁多，可能壓力仲大
其實做生意既壓力在於會蝕。
打工可能無搵咁多，不過最多比人炒。
生意就要交租，使費等等，就算你每個月收入夠多，
當個生意走下坡，你個人就會開始慌，無形壓力非常大。
我由曾經攪生意，到而家純打工，好感受到個分別。
作者:
只愛陌生人 時間: 2023-3-22 17:53
其實男人曾經做過衰嘢將會永遠係女人心裏一條刺，
好難放低.......
但人生流流長，點會沒做錯事啊。
不過女人都好情緒化，需要男人多d諒解及關心，
而且女人年紀越來越大，自信亦會降低，靠老公多d俾支持增强信心。
有時真係覺得十幾年的婚姻會越過越沒癮，
如果想重現婚姻活力，男人需要多d努力，贊賞、欣賞老婆。
讓佢知道你心中的重要性，及你在乎佢。
多D愛老婆，佢一定感受到。祝你早日走出困局！
作者:
崖上紫色的樓主 時間: 2023-3-22 18:14
引用:
原帖由 只愛陌生人 於 2023-3-22 17:53 發表
其實男人曾經做過衰嘢將會永遠係女人心裏一條刺，
好難放低.......
但人生流流長，點會沒做錯事啊。
不過女人都好情緒化，需要男人多d諒解及關心，
而且女人年紀越來越大，自信亦會降低，靠老公多d俾支持增强信心。
有時真係覺得十幾年的婚姻會越過越沒癮，
如果想重現婚姻活力，男人需要多d努力，贊賞、欣賞老婆。
讓佢知道你心中的重要性，及你在乎佢。
多D愛老婆，佢一定感受到。祝你早日走 ...
多謝，可能真係小贊賞，會努力學習點欣賞佢
作者:
崖上紫色的樓主 時間: 2023-3-22 21:12
引用:
原帖由 崖上紫色的樓主 於 2023-3-22 13:01 發表
同老婆拍拖結婚到依家都有17年，有個8歲小朋友。
我同老婆一齊做嘢開公司，都有10年，由當初冇乜錢，做到依家都算有車有樓，生活都可以！
係6,7年前我曾經有做過衰嘢，岀去玩俾佢發現左，最終佢都原諒左我，所以我好感激佢有咁大勇氣去原諒我！自從果次之後，我乜都就佢，嘈交之後我係唔係都會認錯先！但依幾年生意差左啲，佢壓力大，睇得岀佢有啲精神上嘅問題，有時無端端會黑面，問佢做咩事，問多2句佢會唔耐煩，咁又 ...
有同路人吹下水嗎？
作者:
silly__marso 時間: 2023-3-22 21:14
引用:
原帖由 崖上紫色的樓主 於 2023-3-22 21:12 發表
有同路人吹下水嗎？
偷食被發現了
絕對唔係同路人
作者:
崖上紫色的樓主 時間: 2023-3-23 03:21
引用:
原帖由 silly__marso 於 2023-3-22 21:14 發表
偷食被發現了
絕對唔係同路人
睇你應該好死心塌地啦
作者:
silly__marso 時間: 2023-3-23 09:26
引用:
原帖由 崖上紫色的樓主 於 2023-3-23 03:21 發表
睇你應該好死心塌地啦
通常D人會形容我係
衣官禽獸
作者:
batison 時間: 2023-4-19 17:35
引用:
原帖由 崖上紫色的樓主 於 2023-3-22 13:01 發表
同老婆拍拖結婚到依家都有17年，有個8歲小朋友。
我同老婆一齊做嘢開公司，都有10年，由當初冇乜錢，做到依家都算有車有樓，生活都可以！
係6,7年前我曾經有做過衰嘢，岀去玩俾佢發現左，最終佢都原諒左我，所以我好感激佢有咁大勇氣去原諒我！自從果次之後，我乜都就佢，嘈交之後我係唔係都會認錯先！但依幾年生意差左啲，佢壓力大，睇得岀佢有啲精神上嘅問題，有時無端端會黑面，問佢做咩事，問多2句佢會唔耐煩，咁又 ...
呢啲情況盡量避免叫當事人睇醫生, 睇精神科, 會令佢覺得你話佢痴線, 無人鍾意, 你可以講話搵心理/情緒支援, 仲要一齊去, 俾佢覺得唔係單單佢自己問題, 係大家想處理雙方狀況, 到時情緒支援人員問你地情況, 以佢地的專業自然知道要點幫佢, 或者幫你地轉介去醫生
Copyright © 2003-2024 香港討論區