套戲真係睇到人都痴線，劇情不合理之處唔係一兩處，而係日日都有，而且越黎越多。
皇宮又點會有野獸？仲要太監響皇宮放捕獸器？真係千古奇聞，皇宮，係皇城，入面禁衛森嚴，又會有兔仔？咁就唔係皇城啦。
成間皇宮，好似酒店咁，除左太監，點會有人響皇宮可以走黎走去？後宮咁多女人，得了既？最奇怪既係高耀安原來又住皇宮，萬將軍又住皇宮，連三好個老豆都可以響皇宮自出自入。
三好老豆，見到皇帝唔使跪，打個揖就算，作為皇帝，一D威嚴都冇，講句免禮或平身已係好俾面，仲要話不必多禮，又要稱三好老豆做尊翁，三好老豆同皇帝講完野走時，連告退都唔講一聲，只講：都唔阻兩位嘞，挽住個包轉頭就走。
