註冊 登入



打印

80後照_佐敦道碼頭30號珍寶巴士_轉貼p27_28_34

[隱藏]
Jimmy兄,地膽我就唔敢當了,你估出嚟行咩. 之不過是一點童年回憶啫,我都好樂意同人分享. 年少時好多人都會笑我喜歡巴士,但其實巴士喺全球的社會中,扮演一個好重要的角色,只是好多人都會忽略.

你講得啱,深水埗碼頭巴總,80年代有12A,31B,33,35A,36A,59A,68A,72.我通常會在三和模型行去總站後的第二個站上車,該站有31A,33,36A和35A.在候車期間,會見到46和2A的四方頭,和32在醫局街行過. 1988 年9 月一日起又有41A,開線時是用二手珍寶,我都係座上客.

你在欽洲街巴士站近軍營等36B的站其實是後期的,因為36B在83年底開始行長沙灣道,欽州街然後轉回入荔枝角道,因為當年的路線是和32重疊的.當年32和36B在經過蝴蝶谷後,會直出荔枝角道的船廠區後是上海街,條路都好悶下架.船廠區當年只有三條線行,32,36B和42.而由佐敦回石籬方向是行旺角道,塘尾道,詩歌舞街,太子道然後行入海壇街,之後再行哂成條荔枝角道.此線在前1975年之前是用單層巴士,包括亞比安和蒒頓,當中有AR7615.之後才轉用長牛.

我朋友曾說過31B當年被稱為是線皇.因為一出石籬總站就直出青山道,唔似35A咁和宜合道又一班,葵涌道又一班,死未? 而12A,是我該名荔廠朋友當年的掛牌,以深水埗碼頭和九龍車站為終站,之後被取消.他的掛牌車是百福SBO,俗稱紅頭仔.但他在80至81年間辭職.

59A則是雞車天下,而且多數都係好新下,有一部車牌CT5136是賣希爾頓廣告的.而68A就有CG9840和CG413(交通安全).
36B唔係在88年左右轉11米巨龍嘅.在86年底起用利蘭11米,該線的CB8851和CB8853,CE4277都被派到31B.而11米利蘭就包括有DL431,DL864,DL1412和DL4426.我記得第一次坐DL4426時,由石籬上車頂閘到麗瑤邨迦密愛禮信中學,但部車依然可以逢車過車! 犀利!約三四個月之後就全數換上11米龍,包括頭嗰十幾部,有DN342,當年仲上咗萬梓良的祝您好運和天官賜福的電影廣告(S3N14?),DN364,DN366,DM9890,DN1317,DP9840,DM8XXX等.
而36A比36B遲上三軸車,因為仲有大批利蘭9.7米,包括有DE2817,DE4413,DE2889,DE6085(BL91),總之幾乎全部DE牌的都在該線.但幾時開始有三軸車就不太清楚了.

33A掛牌BH6639我印象中冇見過亦無坐過,而我亦唔知佢係咁早被退,真係你唔講我都唔知.BL8959掛87B前應該都係掛33A的,之前我亦提及過.

髹萬寶路廣告的應該是第二部珍寶BG5125(D667),佢的方向盤是一字型的,所以成日見到D司機攞到死下死下咁.

45B只做咗兩年,81年取消,對!因為同46同一路線和冇人坐,而且仲係用亞比安!
印象中34B的珍寶掛牌都係BL牌嗰批,雖然我有一排成日坐,但就唔係好深印象.開線時是用51的亞比安車款,之後是珍寶,然後是四方頭.四方頭就有BT209和BT533和BT534.

重建車身兩部四方頭,一部係BP8764(D1007),另一部是BU3648(D1029),但固定行什麼線就唔清楚.

[ 本帖最後由 L800 於 2010-5-24 11:20 PM 編輯 ]



回覆 引用 TOP

精選樓盤
L800兄,

我在86年搭36B個時係經海壇街嘅,同跟住一年都係坐珍寶,所以先有錯覺呢條線曾掛珍寶!你提過嘅2A我都有印象,重

記得圓寶都行過添,個時比較成日搭嘅舊車就係12號嘅AEC去荔園或佐碼.其實圓頂寶真係比較登(可能當我常坐時它

已經年事已高),佢開車時嘅"氣勢"係宜家新型號無嘅(呢樣其實幾令人懷念)!平頭好似避震好 D,但講車廂佈置圓寶較

趣緻,我好中意個D菊花燈,有別於平頭D光管咁沉悶!



回覆 引用 TOP

提示: 作者被禁止或刪除 內容自動屏蔽
唔好意思遲咗回覆. 其實俾你咁樣問都好,因為隨住我年紀漸大,好多記憶都會逐漸忘記.你都可以見到有D當年日見夜見的車的車牌我都唔記得.所以我都希望再回憶一些關於這方面的資料.而小弟有幸在年少時認識到一些前九巴司機,佢地其實都好樂意同人講巴士的嘢,所以我才可略懂一二. 唔怕得罪D講一句,我敢大膽在這裏講,雖然喺巴士界同巴士迷中我唔係最叻嗰個, 但我相信我是我嗰一脫的巴士迷之中,知道的嘢都較其他的巴士迷稍為多一點,特別係荃葵青三區,因為我在該區成長.但我當年年少家貧,無辦法好似現在的青少年巴士迷朋友般有太多的消費,又買相機影相,又有各款不同的巴士模型,所以只有遊巴士河和留意巴士的資料作為自己日常的消遣,又經常坐在亞比安和珍寶的司機位傍睇住司機楂車,有時甚至和一些車長吹水.而我對一些巴士的知識亦係因此而得來.但我覺得喺嗰個年代做巴士迷其實反而仲開心.

蓮花燈有特色我都有同感,連亞比安和長龍AEC都係用這種車廂燈.但四方頭之後開始就轉用白光光管,直至現在.珍寶辣patpat的原因,係因為佢條死氣喉係向車廂的,唔似而家係向車外.普通珍寶的轉向重和行車時較為顛簸,是因為佢的車身用鐵做,行內叫'鐵廊珍寶',而四方頭車身是用鋁(或稱銻)造,又叫銻廊珍寶.當年楂珍寶其實真係幾威水架,話哂都係當時車皇嘛!而普通珍寶在1986年間的確係有段時間在36B做字軌車,但唔係全部,即係間唔中兩至三部咁啦.可能當時因為有太多車要維修,同時亦正如我之前講過,有一大批長牛要退役和被賣上大陸,所以要用珍寶這些車齡相對較短的車做替車. 當年詩歌舞街是有三條九巴路線行, 分別是12,30和36B,我相信嗰度現在已經唔會再有巴士線駛經.而塘尾道南行就只有12B.12B回程往美孚方向我記得是由塘尾道行入荔枝角道,然後黃竹街,好似現時44咁行.12B好得意,所行的路好多都只係得佢行.除了塘尾道,露明道法國醫院都係.我一直只係見過AEC行呢條線,另外有一次用珍寶和CZ745(M1)的MCW.而據我朋友講AEC之前是用改了電波的老牛,再之前是紅頭仔.當年總站跟7B和1號線一樣是在橫頭磡,即現時近聯合道公園的位置.此外,42由太子道橋底往葵涌方向路段都係得佢行.而42有一段時間是用MCW的,其中有DE8234.

深水埗區的巴士線我最有興趣的是2D和2F.不過唔係而家的版本!係因為佢地喺80年代前都是用短身亞比安,而我就偏偏喜歡亞比安! 其中2D我有印象的是在1979年在偉智街石硤尾地鐵站外埋站,但其實可能是一部紅頭仔,因為我只見到車尾.而2F,當年的總站是在長順街近南順,即現時的長沙灣廣場外,是擺街兼且冇避雨亭同只得站牌一個的所謂總站.用車我記得是亞比安,之後才用丹拿C.喺呢度我想問番你一個問題:2F當年去南慈方向,是否由青山道嘉頓行入大埔道再入石硤尾(即美荷樓的位置)?亞比安又係幾時全面撤出2F? 而現時2D的行車路線是否跟現時差不多?何時冇再用單層巴士?當時又是什麼車取代單層巴士?而當年又係咪有好多縮水AEC行馬騮山?因我記得它們是行71的.講開馬騮山,有一部CH3299的勝利二型行72時曾在琵琶山反車,你又有冇印象?

呢句又係我觀塘廠的朋友講的,佢話70年代期間,2C和2E都曾經用過紅頭仔的,特別是2C.而2E就較早冇用,因為全數被珍寶取代.2A都是用紅頭的,當年我學巴士的師傅佢係1976年入九巴,佢嗰陣時都是掛2A的,而我觀塘廠朋友他上工第一日又是楂2A的,不過佢第一轉車都楂唔夠兩個站就唔駛開工,因為佢話俾個波掌打親腳云云... ....講吓講下,原來紅頭仔當年仲威過亞比安,幾乎所有2系路線都行過,除了當年的2和2B(不是現在的2B!),可能是早過亞比安投胎入九巴啩?.但我本人就未見過紅頭仔.而3A,15A其實都用過.好以連11B,11C和11D油塘年代都行過添.就連40號在1968年開線的時候都係用紅頭仔的!!

咁阿占兄你閣下又有冇坐過甘泉街至官塘月華街的6E?此線是同現時102咁行法,但之後會好似42咁行白楊街,界限街一直到官塘道,之後上啓業邨天橋行入九龍灣同15A一樣咁行法,再由勵業街出番官塘道.但回程我就唔清楚.又有冇坐過當年由麗閣至順天,行丹尼士黑金剛的26?此線於1983年總站由麗閣搬咗去尖東直至現在. 以及當年的4號線?

而在八二年因荃灣地鐵的通車九巴曾取消了部份M系路線.至八三,八四年間,九巴亦曾作出一次路線執位,相信大家都會有印象. 我記得被取消的路線包括有:

31A - 由石梨至荃灣西約/深井.該線的用車是亞比安,但一直都未用過蒒頓和雙層巴士. 我記得從此線的乳豬牌中看到,每日早上頭七班車是去深井的.
60R,石梨至汀九的假日路線.用車是Seddon Pennine
62R,葵盛至汀九的假日路線.用車亦都係Seddon Pennine
40M,西柴灣角至大窩口地鐵站循環線,之前係由荃灣碼頭至石硤尾地鐵站.西柴灣角年代用車是二手珍寶.
6M,美孚至石硤尾地鐵站,用車是丹拿A
33M,荃灣碼頭至旺角地鐵站,用車是四方頭.
32M,石圍角至旺角地鐵站,用車是勝利二型.之後變成現時的32,但總站去咗大角嘴碼頭.
37M,葵盛至旺角地鐵站,用是四方頭和勝利二型
45M,荔景到旺角地鐵站,用車係勝利二型..
50M,元朗至葵芳地鐵站. 即係50的短版本,但用牛仔,之後摺埋.而在1978年的52,是由荃灣碼頭至當時的屯門新市,其實我都唔知即係現在邊度.用車是二手AEC和亞比安,當年去汀九泳灘游水必坐,排隊等上車條龍真係打哂蛇餅.之後九龍方向的總站曾被延長多過一次,先是長沙灣同2F做兄弟,之後就欽州街.而屯門總站就去咗屯門市廣場.
36M之前已提及過,所以在此不再重複.
246,麗瑤至唔記得咗去邊度.
206,美孚至尖沙嘴.
207,畢架山至尖沙嘴
250,元朗至佐頓道碼頭.
我記得仲有一條216,不過冇印象係去邊.而又有一條210係去馬騮山落一D的郝德傑道.即係柏立基教育學院.
但係我係完全無坐過當年的豪華巴士.

[ 本帖最後由 L800 於 2010-5-25 10:08 PM 編輯 ]



回覆 引用 TOP

[隱藏]
L800兄,

2F是在1987年左右改行現在路線(入石硤尾37-40座),我在84,85年間所見是由長牛行走.

2D在80年代班次已很疏落,83至85年間見過有D551(AD7486)短牛,之後有用過倫敦寶,88,89年已改由丹尼士大PUMP把和黑金剛掛

2E無錯係用過紅頭仔,之後是珍寶.前文我提到的BU3648(D1007)印象中在80年代後期開始行呢條線,重有其他用過紅頭仔嘅2C,7,7A等在80年代頭紛紛比倫敦寶取代,而這批高齡巴士亦開始被派到新界屯門廠行54,74,78,88等等安享晚年直至83.84年全面退役,4A都掛過紅頭仔,後來轉用AEC,4號線係同12號合併後取消.

6E向官塘方向係行成條長沙灣道轉入界限街,26號就真係無搭過.

根據巴士書資料,216係76年開線嘅由紅磡車站至美孚,約15分鐘一班,246由麗瑤至尖沙咀15至20分鐘一班,大部份豪華巴士路線在地鐡荃灣線通車後取消,208除外



回覆 引用 TOP

12B好似係用唔到AEC. 最長只可用到丹拿C, 但見得最多係丹拿B, 因塘尾道轉入亞皆老街AEC係唔夠位轉.

26我試過最快紀錄, 由窩打老道去麗閣總站, 只需4分鐘.

2F當年係全用丹拿F, 長牛(丹拿D/E)係唔可以用. 因南慈雲山總站唔夠位轉.

36A係88年開始加12米三軸(以我記憶, 因我學校球場出面係巴士站).

申報 : 我83-89年在麗閣對面返學.



回覆 引用 TOP

占兄,多謝你的回文.唔講真係唔知7號線以前都係行紅頭和2D是行過二手珍寶.而4A行紅頭李相信都係70年代後,我有印像的時候都已經行緊AEC和奧林匹克了.

CL1403兄所說的12B,當年我坐的時候即一九八六年間的確是行AEC的.而2F我亦都坐過AD72字頭的牛,時年1985年.但我都覺得當年的牛行橫頭磡的時候都好'文'下.因為的路都好窄下.

而倫敦珍寶我記得行過和坐過的路線有,2K,2C,2A,1K,5D,7,10,11B/C/D,14,14A/B/C,18,25,31,31M,44,44M(開線元老)等.其實我個人覺得倫敦珍寶比其它巴士都要好,因為車身短,適合香港的道路.



回覆 引用 TOP

引用:
原帖由 L800 於 2010-5-25 05:56 PM 發表

當年詩歌舞街是有三條九巴路線行, 分別是12,30和36B,我相信嗰度現在已經唔會再有巴士線駛經. ...
想問當年佢哋係點行呢?
由邊度轉入詩歌舞街呢?
跟住係咪轉番出大角咀道呀?



回覆 引用 TOP

yht4190兄你好. 如果冇記錯的話,當年這三線回葵涌方向的路程是由上海街左轉到旺角道,之後右轉行入塘尾道,在工廠區外有一個站的.但我忘記是什麼街街口,之後轉入詩歌舞街,在未到鮮魚行學校前是有一個站的.然後正如你講在詩舞街街尾油麻地小輪宿舍外的路口右轉入大角咀道,之後太子道和海壇街.12和30 因為係去元州街,好似係跟31B佢地咁行行欽州街,之後就左轉入元州街.
而36B就會行海壇街去荔枝角道,船廠區至美孚橋底前的一個彎位右轉,再一直行然後轉入青山公路.1980年之前由青山道轉入和宜合道之後是會右轉入大隴街的路上石籬,真係名符其實拉牛上樹.而且在斜路頂仲有一個分站,位置是現在石梨總站上小小.之後依現有的路線返梨木樹.當年年幼的我就真係好怕搭佢,因為由總站後的第一個站炮台街上車返石梨真係要粒幾鐘架! 有錯請各路英雄指正!

[ 本帖最後由 L800 於 2010-5-27 04:38 PM 編輯 ]



回覆 引用 TOP

貼G224翻車黑白意外圖片

[隱藏]


L800兄,

奉上圖片一張.

憑你記憶中,32號部掛牌CY3089(G543)係行到幾時甩牌,是CC8215(G109)代替了掛牌位嗎?(我在90年代初已不見此車在九巴車隊)

而2F之前CL1403 版友話曾有短牛掛,是否85年前?當時短牛(F型)多編入屯門廠行走郊區路線的.我有圖片是 一部D372服務於該線,難道是特見?



回覆 引用 TOP

占兄,多謝你的珍藏.
我都相信CL1403兄的所見,其實2F的用車我不太記得.只記得1984年有一次在興華街轉出長沙灣道有一部AR74字頭,車尾掛有兩幅盧冠庭與葉童半段情電影海報的牛仔.之後就用大泵把,有BZ1368.你所提及的那部牛我都相信係特見.但2F,3C當年在橫頭磡的行車路線是一樣的,用丹拿C我相信都唔出奇,因為3C是用丹拿D的.
CY3089就一直掛到32全線換車為止,但當時我都已搬離葵涌了.其實當年32和67M所用的CX和CY牌勝利二型係最靚的一批,司機們都保養得好好,又乾淨.至於其它32的掛牌,我記得的是有除正如你所說的CC8215外,亦有CG9770,CX4673,CX9069,CX7427,CX4015(卡樂B薯片),CL2401/2,CX8977(水鴨精Banner)等共十部左右.
而我忘記了36M亦曾經用過CW1186,CW1121,CW708,CW953等的勝利二型.
而CV7666和一部什麼字頭4555的勝利二型掛過36A.36B就全部都係老雞!



回覆 引用 TOP

引用:
原帖由 L800 於 2010-5-27 04:31 PM 發表

yht4190兄你好. 如果冇記錯的話,當年這三線回葵涌方向的路程是由上海街左轉到旺角道,之後右轉行入塘尾道,在工廠區外有一個站的.但我忘記是什麼街街口,之後轉入詩歌舞街,在未到鮮魚行學校前是有一個站的.然後正如你講 ...
L800兄您好!
我係喺大角咀長大嘅,所以對旺角,大角咀同深水埗嘅交通發展史都有啲興趣,
希望您同JIMMY兄可以講多D我聽,
因為我所知嘅真係好少,一定唔夠您哋多,希望您哋唔好介意.

我係喺詩歌舞街一所中學讀書嘅.
記得當年(1995年什至更早),已經再無巴士經過詩歌舞街喇.
L800兄所講嘅"上海街左轉旺角道,右轉塘尾道"我都仲有D印象,
但係由塘尾道轉入詩歌舞街就真係完全唔記得喇,
因為我印象中塘尾道只有一條後巷連接詩歌舞街,希望您可以詳細解答.



回覆 引用 TOP

引用:
原帖由 cl1403 於 2010-5-26 01:56 PM 發表

12B好似係用唔到AEC. 最長只可用到丹拿C, 但見得最多係丹拿B, 因塘尾道轉入亞皆老街AEC係唔夠位轉.

26我試過最快紀錄, 由窩打老道去麗閣總站, 只需4分鐘.

2F當年係全用丹拿F, 長牛(丹拿D/E)係唔可以用. 因南慈 ...
12B確實用過AEC掛牌,因為搭過



回覆 引用 TOP

大角咀地區巴士服務問題

yth版友,

先答左你入詩歌舞街巴士線問題,幾條路線在塘尾道去詩歌舞街係要轉去通洲街由消防局側入嘅.我估計你係就讀龍岡學校.

以前大角咀碼頭是一個各款巴士型號雲集地方,包括13D,16,18,32,33A,37,43C,46,66,66X,72B,72X,87,87A,87B,在90年代初18,46遷離總站,72B取消和72合併,由後者延長到大角咀總站.在80年代中期,13D用長牛行走是該處最舊型巴士,另一條是返荔枝角方向行經大角咀道的長龍AEC,16很早期(80年初)已由大PUMP把掛牌(有CJ1063,CJ1458,CJ2811,CJ4842,CL7949等等),18號由勝利二型掛牌,分別係:CD4317,4318,CE4387,等,32,72B,87號亦係,87仲有幾部珍寶混合行走,33A,37,87B全係珍寶,37先在88,89年左右轉十一米都城,33A,87B的珍寶一直行走至92,93年由雞車取代,66,66X在80年代尾已由十一米龍,都城掛牌,72X在86年開線是掛雞車的,在不久後便由11米都城和吉蘭取代.

94,95年間大角咀碼頭因應西九龍填海工程而停用,總站搬到原來位置500米外的一處爤地.直到奧運站和柏麗灣落成後.



回覆 引用 TOP

[隱藏]
引用:
原帖由 jimmy717 於 2010-5-27 09:30 PM 發表

yth版友,

先答左你入詩歌舞街巴士線問題,幾條路線在塘尾道去詩歌舞街係要轉去通洲街由消防局側入嘅.我估計你係就讀龍岡學校.

以前大角咀碼頭是一個各款巴士型號雲集地方,包括13D,16,18,32,33A,37,43C,46 ...
JIMMY兄您好!我係讀龍岡對面嗰間.
多謝您解答我轉入詩歌舞街嘅問題.
我覺得您同L800兄都好厲害,因為已經20幾年,
但係您哋對D車牌仲係記得咁清楚.



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。