註冊 登入



打印

[翡翠台] 郭富城、袁潔瑩、黎姿主演嘅《烈火狂奔》(長文+問題+討論)

郭富城、袁潔瑩、黎姿主演嘅《烈火狂奔》(長文+問題+討論) E-mail 此主題給朋友

[隱藏]
唔知上一代嘅版友仲記唔記得呢套戲呢? 生於90後嘅我,唔知點解對90年代嘅野特別有興趣...
例如90年代嘅歌星、歌曲、戲劇、公共交通同大事件等等...
睇《烈火狂奔》嘅原因都係因為聽郭富城嘅歌,之後聽到套戲嘅主題曲《天涯凝望》...
呢首歌比我嘅感覺係好好聽嘅主題曲,再加埋係MV中嘅情節,更令我想呢套戲嘅意慾!
P.S.第一次聽《烈火狂奔》呢個名,仲以為同消防員有關...

我都係第一次睇《烈火狂奔》,由係土豆網睇第1集開始
就已經吸引到我繼續睇第二集,但係因為果陣時自己要做功課同番學
漸漸失去左追呢套戲嘅意慾...(都唔知點解考完試都咁多野做...)
到而家新年了,大部分時間都係留係屋企,冇乜野做
就諗住開番土豆網睇第2集,點知土豆網睇唔到 禁左幾次都唔得...
好彩搵到另一個網睇咋...如果唔係真係嬲死...
而家終於睇晒啦,雖然只係20集嘅戲,但係我都想同大家分享下:

人物方面,阿暉(郭富城)係一個有理想、有心地同埋對朋友有情有義嘅人
佢原本係一位好醫生,可惜就因為被奸人阿杰(王書麒)同甘醫生所害,搞到上法庭
好彩打甩左,但係因為甘醫生屈佢搞到連醫生都冇得做...
其實,甘醫生都係因為聽阿杰講嘅野先搞成咁...
阿杰仲對阿風(袁潔瑩)亂咁講阿暉嘅野,阿暉同阿風嘅感情亦開始破裂...
阿暉亦都開始同阿梅(黎姿)一齊...
可惜阿梅患有先天性心臟病,想同阿暉分手
最後好彩都係繼續係埋一齊
同時,阿風知道左阿杰嘅衰野後,鍾意番阿暉
最後阿暉會同邊個一齊,你地就估下啦!

另一方面,阿泰同阿芳係一對夫妻,仲生埋個仔
但係阿泰都係對朋友有情有義,係阿芳要生果日唔小心殺左阿暉嘅契大佬
阿暉嘅契大佬亦都係一個衰人黎,可以同阿杰有得比
好彩只係判為誤殺,得以綬刑
但係之後感情路上就遇上重重障礙,更差D搞到離婚...
因為阿泰始終都離唔開黑社會影子...

總括黎講,劇中阿杰係一個大奸角,殺人、威脅、綁架乜都有
仲搞到阿暉同阿風冇左八年嘅感情,睇到佢就真係想打佢...
雖然阿暉係一個有情有義嘅人,但係就因為太過幫人
而搞到前途好坎坷...其實佢遇到唔好嘅事就應該出聲...

係情節方面,劇中有唔少刺激嘅場面
例如黑社會劈友、開槍等等
呢D亦都係呢套劇嘅好睇部分
而家嘅戲已經好少有呢D情節出現...
另外就係劇中阿暉教阿龍(黑社會手下)唔好再羣埋班黑社會度,要佢行番正路
呢套亦都富有教育意義嘅戲,叫人唔好加入黑社會
另外仲有少許嘅醫生、法庭等嘅情節...

係對白方面,套戲用嘅某D對白對我黎講係比較新鮮的
例如:「食X狗」、「你個腦生係屎忽度嫁」、「吹脹」等
呢D說話真係聽人講就講得多...簡直同而家嘅電視劇好唔同
估唔到係90年代嘅電視劇可以比人講呢D粗口同術語...
相比起而家嘅戲,鬧人嘅時候只係用「痴線」、「衰仔」等
真係欠缺左D特色同新鮮感...而家呢D說話只可以係電影睇到...
係咪因為而家電視劇嘅作風太過保守? 驚會教壞細路?
定係因為年代唔同,同埋係編劇問題?

係主題曲方面,就係我上面講過嘅《天涯凝望》,由郭富城主唱
大部分集數都係用分半同兩分鐘嘅版本
有D集數就用達3分鐘嘅版本,成半首歌咁滯...
而家真係冇乜電視劇用咁長嘅版本啦...
而插曲就係《燃亮今生》同《因你真正活過》
前者由郭富城同黎姿合唱,後者由黎姿主唱
對於我黎講,兩首都係好好聽嘅歌
真係難得係套劇嘅3首歌裡面都係咁好聽!
但睇點擊率人氣就唔係好高...
而且《燃亮今生》得個1分40秒嘅版本...唔知有長D嘅版本?

呢套咁好睇嘅戲,唔知當年收視同意見係點呢?
果時嘅另一熱潮應該係郭富城頭啦...
而家我睇下呢個頭都覺得幾型!
唔知呢個熱潮幾時開始同完結?
聽講當年好多學生都剪呢個頭,唔知果感覺係點?
最後我想講嘅係,呢套雖然係短短20集嘅小品劇集
但係我覺得比而家D戲更好睇,因為有唔少勵志同刺激嘅場面
而家20集D戲,主要都係講家庭生活、同埋一D好悶嘅情節...
呢套真係值得推薦嘅戲,大家得閒嘅不妨去睇下!
問下各位版友,唔知仲有邊套90年代嘅戲係好睇?
如果有呢D類型嘅戲咁就最好...比下意見我!

P.S:
主題曲:天涯凝望-郭富城
http://www.youtube.com/watch?v=ci0loYsHGEw

插曲:燃亮今生-郭富城+黎姿
http://www.youtube.com/watch?v=7PloOI6mysU

另一插曲(片尾曲):因你真正活過-黎姿
http://www.youtube.com/watch?v=nfxRTjQ9sdY

歡迎討論!進入香討影片區



回覆 引用 TOP

熱賣及精選
引用:
原帖由 過海隧巴@106 於 2011-2-7 08:30 PM 發表

呢套咁好睇嘅戲,唔知當年收視同意見係點呢?
果時嘅另一熱潮應該係郭富城頭啦...
而家我睇下呢個頭都覺得幾型!
唔知呢個熱潮幾時開始同完結?
聽講當年好多學生都剪呢個頭,唔知果感覺係點?
最後我想講嘅係,呢套雖然係短短20集嘅小品劇集
但係我覺得比而家D戲更好睇,因為有唔少勵志同刺激嘅場面
而家20集D戲,主要都係講家庭生活、同埋一D好悶嘅情節...
呢套真係值得推薦嘅戲,大家得閒嘅不妨去睇下!
問下各位版友,唔知仲有邊套90年代嘅戲係好睇?
如果有呢D類型嘅戲咁就最好...比下意見我!
我以前係城城fans, 所以睇過好多次
依套劇當年播出無論收視同口碑都一般, 平均收視好似唔過30點, 以卡士計的確幾差(城城拍幾套tbb劇收視都唔太好,之後佢有套又係同袁潔瑩拍既廉政追緝令都係麻麻 相反黎天王幾套如原振俠,阿sir早晨都有較高收視同話題)
依套劇我冇記錯應該係94至95年拍, 當時黎姿同袁潔瑩都係剛剛出唱片算樂壇新人, 所以拍時有傳二人不和, 而黎姿因為同城城都係華納, 所以爭贏有得唱插曲, 不過佢同城城合唱果首燃亮今生就一直冇收錄過0係任何唱片入面
依套劇涉及黑社會問題,近年tbb比較少掂, 加上時裝劇大部份都有sponor等商業考慮, 所以相信短期內都好少會拍番類似劇種
其實劇中唔少情節都幾老土(esp最後2個女主角換心), 但城城當時得令, 兩個女角都叫靚女有戲交, 加上鄭浩南比較少拍電視,效果幾有新鮮感, 但其實製作上有唔少馬虎地方, esp黎姿個頭成日唔連戲.....而且又用了不少大頭去影城城chok樣, 比較造作, 不過幾首歌又真係幾好聽, 天涯蹙望仲有劇場版, 由黎姿同袁潔瑩讀旁白襯番劇情(當年因為電台廣播劇大熱關係, 有輪劇場版好hit下)

至於城城頭, 當年除左佢外, 龍珠入面既杜拉格斯都係類似髮型,兩個加埋令分界頭大熱, 當時大概係93至96年到啦, 但城城大概0係98年左右已經冇梳依個頭(要剪短頭髮拍電影浪漫風暴), 依種髮型都開始out喇, 反而開始興起伊健古惑仔頭

[ 本帖最後由 kakapippo 於 2011-2-7 08:45 PM 編輯 ]



回覆 引用 TOP

當年我有lei 餅卡式帶....首合唱歌好好聽...


回覆 引用 TOP

天涯(國語版)比廣東話版仲好聽
不過全碟最精彩既係"你是我的1/2"



回覆 引用 TOP

[隱藏]
引用:
原帖由 kakapippo 於 7-2-2011 08:39 PM 發表


我以前係城城fans, 所以睇過好多次
依套劇當年播出無論收視同口碑都一般, 平均收視好似唔過30點, 以卡士計的確幾差(城城拍幾套tbb劇收視都唔太好,之後佢有套又係同袁潔瑩拍既廉政追緝令都係麻麻 相反黎天王幾套如 ...
哦...原來係咁 多謝你嘅解答!
我諗當年對台嘅亞視收視都唔差...
其實30點都算唔錯...對20集嘅劇黎講



回覆 引用 TOP

我都很想找回這套戲的歌曲,很動聽的。


回覆 引用 TOP

引用:
原帖由 過海隧巴@106 於 2011-2-7 11:55 PM 發表

哦...原來係咁 多謝你嘅解答!
我諗當年對台嘅亞視收視都唔差...
其實30點都算唔錯...對20集嘅劇黎講
至於你講到話對白方面, 以前d人唔會旭d就投訴, 最起碼冇互聯網依樣野比人save起以一傳萬先, 呎度鬆好多, 好似壹號皇庭成日都會聽到x街, 大時代既趁地淋, 而家都唔洗旨意再0係電視聽到, 多得一班假道學觀眾, 攪到依家tbb劇d對白假到唔似會係日常生活講既



回覆 引用 TOP

我剩係知黎姿唱片尾首歌"因你真正活過"好好聽ar


回覆 引用 TOP

提示: 作者被禁止或刪除 內容自動屏蔽
對住個公廁, 你最想做咩
[隱藏]
黎姿好正


回覆 引用 TOP

睇到都想睇返呀


回覆 引用 TOP

天涯凝望既劇場 version 超正. 有晒郭富城、袁潔瑩、黎姿既讀白


回覆 引用 TOP

引用:
原帖由 dalkigirl 於 9-2-2011 03:20 PM 發表

天涯凝望既劇場 version 超正. 有晒郭富城、袁潔瑩、黎姿既讀白
係啊! 我都聽過呢個版本 而且果讀白都幾長下...



回覆 引用 TOP

提示: 作者被禁止或刪除 內容自動屏蔽
[隱藏]
好耐了
好想睇番
有無廣東話 同要清=.=



道不同不相為謀

回覆 引用 TOP

 24 12
 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。