[遊記]1-4/7/2011超hea 遊台北四日三夜(夜宿漫畫店體驗、兩碗魚生蓋飯、辦統一證號)

瀏覽: 33,326
回覆: 81
追帖: 11

列印

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

[遊記]1-4/7/2011超hea 遊台北四日三夜(夜宿漫畫店體驗、兩碗魚生蓋飯、辦統一證號)

#1

發表於 2011-7-30 04:41 PM

[隱藏]

1-4/7/2011

超hea 遊台北四日三夜^_^ (夜宿漫畫店體驗、我在台北的兩碗魚生蓋飯、辦統一證號)

提示: 我既行程真係超級hea!! 所以唔係好岩新手….因為真係志在去食下野relax 下…

今次真係好好彩, 4日來只係落過半個鐘頭雨，真係謝天謝地..

不過7月去台灣真係超熱, 大家要有心理準備, 我真係熱到個人無咩胃口..

事前準備篇:

今次係我第7次去台灣了，今次係出發前兩星期先決定去台北玩，所以有少少趕。
不過好在台北都少少熟路，加上呢度無限上網又平，可以用 “Google map” 同埋 “轉乘通 Iphone 公車指南apps”，所以行程唔成問題。

由於行程急，最麻煩都莫過於book機票酒店了。

我發現1/7-3/7雖然係連續公眾假期，但asiamiles 既國泰機仲有位!!
去程1/7 無哂朝早機, 得番13:35 班機, 都好, 可以訓好D 先出發;
回程4/7 有18:45班機, very good!

機票$: 每位 = $0 (asiamiles) +$715 tax

酒店方面，之前住開台北車站。但由於今次唔洗依靠台鐵/高鐵 (之前去中南部or九份都要坐)，所以決定住宿西門町。其實我地真係好忟水，得兩個星期book 酒店。新驛旅店果d 唔洗講一早full 哂了…所以就打長途book 左間唔係好出名但網絡口碑唔錯既“內江商旅” (距離捷運西門站1號出口三分鐘路程)，nt$1680 一晚，共book 左兩晚。

其中一晚我地決定試下訓下漫畫/網咖店

，開頭有諗過係因為慳錢, 但計計下條數其實真係同住酒店唔差得遠….但為免掃興，都係堅持去住。
上網睇過d 資料，發現最多人推介既有 “e書漫”、“漫畫王”、 “麥歡樂”、”Qtime” 同埋 “網聚休閒館”等…其中以“e書漫”既和室包廂最受歡迎，而且有消毒毛毯提供 (nt 30)一張，最緊要佢係最新淨! 鄰近捷運南京東路站，符合我地既行程，於是就打長途去book 左和室包廂, 星期五晚二人連會員咭費用共nt$1150。

行程如下:
1/7/2011 (五) 香港--> 桃園機場 --> 西門町內江商旅放行李-->五分埔--> 饒河街夜市-->夜宿e書漫

2/7/2011(六) 金泰食品有限公司(台北有名既魚生蓋飯!!)

-->淡水-->士林夜市-->家樂福-->馬辣麻辣火鍋

3/7/2011(日) 永康街-魚豐魚豐就是海鮮蓋飯

--> 101-->東區地下街-->樂也日式炭火燒肉

4/7/2011 (一) 移民局辦理統一證號-->台北車站買李儀太陽餅-->西門町-->出發至桃園機場

[ 本帖最後由鄉下妹於 2011-7-30 05:30 PM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#2

樓主發表於 2011-7-30 04:42 PM

Day 1 1/7/2011 (五) 上半部

行程: 香港--> 桃園機場 --> 西門町內江商旅放行李-->五分埔--> 饒河街夜市-->夜宿e書漫

坐13:35 國泰航班，早兩小時已抵達機場。
用Macro poloclub 會員咭，可以去商務客位服務台check-in,唔洗排隊..

之後就用Citxbank信用卡免費進入環亞機場候機室

呢度環境係幾好, 但就無咩好食..得沙律、蕃茄湯、包包、少少cake 仔…最好味都係個魚旦河..

雪櫃汽水任欏..

本身諗住嘆埋個免費十分鐘肩頸massage，可惜無位..

上機了…

呢班機臨時改左機型，聽空少講話原本班機番唔切..
但呢班機比較新，座位舒服同大d，有賺!

國泰去台北飛機餐只有個芝士三文治，但又幾好味~~有少少似PIZZA, 響候機室食左野，唔洗食得咁heavy..

一落機就去借寶貝機sim咭(內含nt$100通話費), 出台灣大哥大無限上網plan(nt$250/3日)，之後就買國光票去台北車站…國光的嬸嬸話有免費接駁車響台北車站接駁去西門町…

好多人排國光，等左兩班車先有位上…

車程50分鐘…到總站後, 等15分鐘先有接駁車去西門..(早知行過去算了)
不過都好感激國光提供呢個免費服務…

一到西門, 就去內江商旅放低行李, 再執少少日用品出來, 因為我地今晚會訓漫畫店…

唔..內江商旅地點真係好好

, 捷運西門站1號出口, 唔洗五分鐘就到, 斜對面係好出名既 “河岸留言”既bar，有時會有明星響度表演…
而向酒店背面行七至八分鐘就有間家樂福 (詳見day2)。

好, 放低行低就出發去五分埔, 響西門買杯西瓜牛奶先, 呢間 “北回”既西瓜牛奶係勁好味!!有少少碎冰, 好冰涼!!

哇, 有多多龍 (龍貓)公仔!!!

呢隻係咪“草泥馬”?

我地由西門坐捷運到後山碑站，沿途有路牌指示點樣行去五分埔商圈，大約7-8分鐘就到..

五分埔商圈超大, d 街縱橫交錯，全部都係買衫的…睇到眼都花…男女裝都有..其中有幾間專賣made in Korea 的店印象最深刻, 因為價廉物美! 今日係星期五晚, 人流都唔算好多 (無女人街/花園街咁迫), 算係好好行!

為免男友響度呆等, 我係咁e 行左一個鐘, 咩都唔買, 就行過去饒河街夜市了..

五分埔行去饒河街大約10分鐘到…我主要靠Google map帶路, 但其實沿途好多人都係咁行去的

待續......................

[ 本帖最後由鄉下妹於 2011-7-31 01:17 AM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#3

樓主發表於 2011-7-30 04:42 PM

Day 1 1/7/2011 (五) 下半部

去到饒河街已經7:30pm 了, 都幾肚餓, 但呢度人好多,又迫, 加上今日成32度!! 真係熱到死左!!!!

饒河街我都來過幾次, 最印象深刻係佢既十全藥膳排骨!!! 真係勁好味, 又好淋!!

我食過士林夜市3-4間及高雄既瑞豐夜市既藥膳排骨, 始終都係覺得饒河街呢一檔最正)唔理天氣幾熱…諗起美味既十全排骨就狂飛奔過去食!!

攤檔內超多人, 好不容易先搵到兩個位坐下, 但店員都好熱情有禮, 多謝前多謝後, 唔會因為生意好而 “唔憂做”咁款。

來了, nt$60 的排骨, 熱辣辣, 真係超熱, 好香藥膳味…d 排骨有如以往的軟稔,好正!!

咁熱食排骨真係熱到傻 (但好多人都食緊), 十全而家有賣埋冰,諗住求其叫一盤芒果冰解下暑…一心諗住排骨店既冰都唔方會好好味..但食落很有驚喜!! 佢只係刨冰唔係綿綿冰, 但都好綿!芒果又好甜!! 正~!

好多人食呢檔麻辣鴨血…本身想試, 但太多人, 要放棄了…(男友熱到無咩心機…)

有人表演魔術..

咁鬼熱, 食番個 “雪在燒” 先啦, 係一塊餅皮包住三球雪糕, 再加花生糖碎, 捲起一齊食的, 很消暑。

有一間店係我極力推介比大家的!!!!!

由於我地太熱無胃口, 諗住求其食多一兩樣野就離開呢度, 求其見到呢檔野都有四五個人排下隊，加上有部電視不停做宣傳(食尚玩家?)，於是就求其來排下…
呢間叫‘富野玉子燒’，有好幾款味道選擇..我地比較保守, 都係食番原味好了…好似nt$50..

年輕既師傅即叫即燒……

哇, 真係熱辣辣!! 超超超級好味!!!!

D 玉子蛋好甜又好滑滑滑!!! 配下d 甜粟米粒一口一口食, 好幸福!! 我同男友幾乎搶住食哂了,haha!!

叫杯nt$20 便宜西瓜汁解下暑先

另外一間店都好推介的

, 就係響胡椒餅出少少既蟹肉店…有炸的同埋奶油蒸的, 我order 左nt$100, 想兩隻味要少少, 結果兩隻味各有四隻1/4 蟹, 即係差唔多足足有兩隻蟹!!!!抵食!!

本身諗住炸係香口好味d的, 原來蒸既仲好味!! D 蟹肉好嫰!! 一d 都唔 “梅”, 呢間真係好正!!

好了, 行到9:30pm, 好熱, 要出發至“e書漫”…
搵公車時行左少少冤枉路, 好彩都好快有車…
大約坐左10分鐘公車就到捷運南京東路站了

見到兄弟大飯店, 再行過慶城街, 大約5分鐘就見到了..

樓下的招牌很明亮..

上到去, 做會員咭nt$100, 由於和室包廂有一台電腦, 所以收一人上網+看書費(nt$550)及一人看書費($500) (12小時), 共nt$1150(星期五的價錢), 另外借毛毯一張，收清潔費nt$30。

呢度有約十間包廂..我地到時已經係尾二果間，仲有一間單人和室係空的(一個小時後都比人佔用了)….因為要除鞋入房，因此見到走廊放哂d 鞋響度，我見有上班族既鞋(即黑皮鞋+黑高跟鞋)。睇來呢度真係好受歡迎…好full..

由於店內係不准拍照的, 所以我只係偷偷地影幾張相來交貨..

一入和室，地下係梳化料…所以一入去就可以訓

有部大mon 電腦, 可以上網/睇電視..

免費飲料list…

呢度既私隱度真係好高, 就算唔係和室包廂, 只是看書/上網的座位都有倘門可以拉上…

而職員全都係後生女…

女廁有兩格共用, 算乾淨，而淋浴間就得一格，淋浴用品自備，不過呢度都有得買(好似nt$100 一pack)。淋浴間好似唔多人用咁(d 人唔沖涼!?) 我臨瞓沖一次, 朝早沖一次都唔洗等位…

其實呢個價位一d 都唔平, 我地真係志在玩下體驗下..

借了幾本Gantz 來睇..果然漫畫比電影血腥許多..

惱人的事情發生了…隔兩間房有個男人既鼻寒聲超大!!

真係嘈嘈嘈得好緊要…呢個都算, 佢都唔想的…最慘係有有男人遲過我地來入左和室包廂!! 佢真係超過份!! 我唔知佢睇電視定睇漫畫,佢不停咁響度大笑, 笑到好似森美小儀喘下喘下果隻大笑!!!!!!!!好滋擾!!! 不特只, 佢仲一路笑一路拍打地下塊墊辱!! 佢真係好鬼自私!!

果時成十二點幾,真係唔洗瞓咩!! 我有諗過開門鬧鬼佢, 但又怕鬧完瞓瞓下比人尋仇 (和室既房門無得鎖的)。過左一陣, 聽到一把溫柔既女仔聲(我諗係職員)，過多陣就無哂聲lu…

希望果條友唔係香港人啦…真係影衰哂..

Day 1 完

[ 本帖最後由鄉下妹於 2011-7-31 12:42 AM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#4

樓主發表於 2011-7-30 04:43 PM

Day 2 2/7/2011(六) 上半部

行程: 金泰食品有限公司(台北有名既魚生蓋飯!!) -->淡水-->士林夜市-->家樂福-->馬辣麻辣火鍋

琴晚都算瞓得舒服(除左比隔離房嘈果下)，我地今早既目標係要到 “金泰食品有限公司” 食台北知名既魚生蓋飯!!

呢間店響愛評網(台灣openrice)有好多好評，令我好期待。不過佢的所在位置比較遠離旅遊區(近工業區?)，位於內湖區。我地由南京東路站坐公車都唔係好耐, 20分鐘度到, 一過左民權大橋就要落車…

下車位置

落車後, 再跟住google map 行10分鐘到..
今日係星期六, 所以附近人影都唔多個, 點知一去到金泰食品，已經有排人龍響度!!

店舖11:00am 開, 我地大約11:30am 到..都已經排到傻了

門口排隊時, 服務生已經會派菜單比你點選, 等你進店前將單子交回, 就可以一進店就等食, 慳番d 時間…但服務生說由於輪候人數較多,故請我們要一次過下單, 避免食食下再加單..

我地order 了兩客無敵海鮮蓋飯(每客nt$630)，另外我order 多一份海膽，男友order 多一份牡丹蝦，各加nt$130。我地真係太豪氣了

…呢餐真係一d 都唔平!!不過見咁有名氣, 又唔可以追加單，而且仲要排大隊，豪一點也不怕吧..

註: 無敵海鮮蓋飯比普通海鮮蓋飯多一碟生蠔(兩隻)同埋一隻特大牡丹蝦
等了約35-40分鐘，下一張就到我地了! 回頭一看! 哇!!

愈來愈多人! 好誇張!! 估唔到成34度烈日當空都有咁多本地人來排隊食呢間店..睇來此店真係好有名氣!

美女店員就快要幫我們下單了..

好! 等左45分鐘終於入到去了!! 店面唔大, 但好乾淨..

餐具同熱茶要自己出去欏的

有個牌教點食海鮮蓋飯，大家要記住由淺色既魚肉開始食哦!

o…服務生送上我們的餐點! 好~大~份!!!哇, 個飯咁大, 我真係無信心會食得哂

(註: 呢份係加錢要多份牡丹蝦的)

隻牡丹蝦超長!! 長過部iphone4好多!!

餐點配有兩隻大肥美生蠔同埋Miso湯.

.

個湯好鮮甜!!

入面有好多魚肉料, 幾好味..唔似一般既Miso湯只有海帶豆腐

隻生蠔超肥味!!!

配埋d 酸酸甜甜既汁同好多蔥，更能勾出生蠔的鮮味

不過男友怕肚痾, 比埋佢果隻我, 即係我一人要食三隻生蠔..就覺得有點吃不消…

主菜，無敵海鮮蓋飯...台灣人d 刺身飯好似都好興加隻生蛋黃落去, 睇落好怪, 但原來d 魚生沾下生蛋黃再放入口, 滑滑的很幸福..

材料有: 海膽, 干貝(生帶子), 鮭魚(三文魚), 鮭魚子, 草蝦, 尤魚, 蟹子, 吞拿魚, 大牡丹蝦..

老實說, 初初食就覺得好鮮味, 但食食下覺得太大碟就開始有d 夾硬食..

加上天氣熱, 胃口差...而且最奇怪既係, d飯係熱架...怪怪的感覺..

而且有個最大既敗筆(對於我來講), 就係此店強調每碗蓋飯都有鼓油, 所以唔會另外提供鼓油..

但我習慣左每件刺身都去沾下混有wasabi 既鼓油...所以而家無一碟鼓油比我沾, 我真係覺得欠左一口接一口刺身既感覺...

最終都食唔哂, 比男友鬧...我都知道浪費食物很不對..但真係食唔到..(明明就係我男友夾硬質我食生蠔搞到我食唔落!!)

之後我地就去附近既巴士總站坐番公車去捷運民權西路站(坐左35分鐘), 再坐捷運去淡水

由於今朝食得太貴, 我地將前幾次去台灣洗剩既台幣洗光了, 走投無路, 要去ATM 襟錢..

每個捷運站都有國泰世華既ATM (就好似香港既MTR一定有恒生ATM,XD)。聽網友講話銀聯個rate 最好, 原來國泰世華既銀聯logo 收得好鬼祟，各位要細心D 睇。之後我再發現台北好多便利店都有ATM機, 而90%都係有銀聯的。

原本計劃坐船去八里行下的, 但好猛大陽, 所以係咁e買下許儀魚酥，飲下酸梅湯就出發去士林..

待續...............

[ 本帖最後由鄉下妹於 2011-7-31 01:16 AM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#5

樓主發表於 2011-7-30 04:44 PM

[隱藏]

Day 2 2/7/2011 (六) 下半部

去士林夜市, 主要係食 “吳記螃蟹羹”呢間店既總店響基隆廟口，見佢響士林開左分店真係好開心，因為佢真係好好味!!

入面有ok 大粒既蟹肉，有d幼筍片(好爽)，有髮菜，聽聞佢既油飯都好好味,但我興趣不大...個螃蟹羹nt$50一碗，我地兩個人食左三碗, 正!

行過見到麥芽味既牛舌餅(nt$20),買左塊來食, 好味道!

捷運劍潭站個出口有間粟米燒, 好多人買, 又好香, 忍唔到買左包來食(nt$50)，好似香港既雞蛋仔, 但入面有粟米味既蛋漿，好好味!!

唔得, 真係好飽

, 番西門內江商旅check-in同埋眠一眠先..
眠到10:00pm, 都仲好飽, 就去24小時家樂福睇下野..
由我地酒店背面行7-8分鐘就到了

買左少少零食番香港做手信(紫菜, 樂事薯片)，呢度好多廣東話人, 原來好多香港人都鐘意行家樂福的。

行到12點, 要食正餐了 (超hea), 再一次去食西門町既馬辣麻辣火鍋, 哇, 12點都好多人等位!

我地都等左20分鐘先有得入, 仲諗住咁夜先去到一定有位tim! (間舖關凌晨5點)

叫了蔬菜鍋+小麻辣鍋, 呢度既牛肉好好味, 海鮮選擇也多..

哈根達斯雪糕任食, 我見好多人都係埋單走人時一人挖一杯走, 邊行邊食

我地當然入鄉隨俗啦.

愉快既一天..

Day 2完

[ 本帖最後由鄉下妹於 2011-7-31 01:31 AM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#6

樓主發表於 2011-7-30 04:44 PM

Day 3 3/7/2011(日)

行程: 永康街-魚豐魚豐就是海鮮蓋飯--> 101-->東區地下街-->樂也日式炭火燒肉

瞓到11:00am 先起身

，12:00pm 出發去永康街食lunch。我地又係用google map + 轉乘通apps 搵公車, 響信義永康路口落..

我地既目的地係魚豐魚豐就是海鮮蓋飯, 個名係咪好得意呢?

呢間店我係睇台灣網拍正妹Liz 個Blog 推介的, 佢話又平又好味

間店一d 都唔難搵, 響“永康15”冰館樓上,

途經永康15, 貼了告示講明食品不含塑化劑..

永康15就迫爆, 但魚豐魚豐就無咩人

Order 左兩碗豪華海鮮蓋飯, 各nt$398
首先比左兩碗湯我地, 服務員稍後才把主食端上..

個湯好鮮甜

, 有魚肉, 蝦…飲完可以欏去服務台續碗, 但就係 “只續湯,唔續湯料”..我地一人飲左兩碗(美味)
主食來了, 個賣相都幾靚喎! 細心一睇, 唔對路, 點解無海膽既??

我最心愛既海膽….

上次來食都有架喎..

忍唔住去問下服務生，佢話而家海膽唔靚, 所以其他食材份量多左補番
我細心睇一睇, 係喎, 干貝(生帶子)有3顆, 生蝦刺身都有3隻, 的確比上次份量多了(本身每樣兩件)，果然係老實商家

豪華海鮮蓋飯材料有:
三文魚, 吞拿魚, 尤魚, 白色的魚(唔知名), 白色啫喱狀既物體(男友話超好味), 干貝, 蝦, 三文魚子, 蟹棒, 酸蘿白, 青瓜粒..仲有上乘既蛋黃

呢間蓋飯既飯係涼的壽司飯, 很美味

(實在有D 怕左金泰食品暖暖的壽司飯..

), 青瓜粒很甜很爽, 混在蓋飯中一起吃, 很滋味…而每款食材都好很鮮! 個干貝真係甜到不得了!!

食完美味既海鮮蓋飯, 本身諗住去食永康牛肉麵 (雖然湯很濃,但覺得很美味), 但真係又熱又飽, 所以放棄了

行番出大街諗住坐公車去101時途經一間 “松青超市”, 入去八卦下..

估唔到外表有少少殘, 但入面就似足日資百資既超市, 有一兩間食店, 而且乾淨明亮...見到有好多本地人購買日用品

好, 坐信義幹線既公車出發至101了, 車程約13分鐘, 響世貿中心落車

行行下見到有班龍友在影個o靚模

噢, 天色陰暗, 下起雨來, 來台北第三日先有雨落, 我地算十分好彩..

襯落雨去新光三越A4館買飛牛牧場既布丁同埋江記華隆豬肉紙..

江記華隆並沒有獨立counter, 而係放響超市入面的, 價錢與迪化街一樣, 原味nt$270

買完出番來時雨已停, very good!

之後去左誠品個foodcourt 坐, 再行下坐捷運去忠孝復興行東區地下街..太累了, 都係早少少食飯..(7:00pm)

今次去忠孝敦化站附近既“樂也日式炭火燒肉”

好奇怪, 西門都有一間樂也, 但官網無提及到,所以都係去番忠孝敦化呢間穩陣

早幾年前香港未流行炭火燒肉放題時, 我響呢間店食過, 覺得好好味!! 選擇又多 (西門町既熊一都不錯), 而家再來食睇下水準有無變

同之前一樣, 都係一個火鍋一個燒爐

肉類海鮮選擇多, 我覺得牛肉好淋幾好味, 奶油干貝, 魚下巴都好正

呢間店既服務生態度超好!!

好主動咁介紹你有咩好食, d 野點燒, 主動換網, 同埋肯主動幫你燒!! 超讚!!

呢度都有生蠔食, 未開殼的, 我見隔離果枱人起勢咁食!!但我被琴日d 生蠔嚇怕了…

呢間都有哈根達斯同明治雪糕任食!! 但係明治雪樣個雪櫃, 比個廣東話小朋友玩過!! (不停挖d 雪糕出來再掉番入去, 無家教!)

搞到我唔敢食..

埋單每位大約nt$499+10%, 都算抵食

9:45pm 番到西門, 見到有間日資既大創百貨DAISO JAPAN, nt$39 店, 入面樣樣野都nt$39, 好多都係madein Japan, 我見連Iphone4既mon貼都有, 仲有d 得意文具, 所以都好多人買..

間店10:30pm關門, 15分鐘前有廣播..

好累了, 回酒店執行李了

Day 3 完

[ 本帖最後由鄉下妹於 2011-8-2 11:45 PM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#7

樓主發表於 2011-7-30 05:26 PM

Day 4 4/7/2011 (一)

行程: 移民局辦理統一證號-->台北車站買李儀太陽餅-->西門町-->出發至桃園機場

最後一日, 影下內江商旅既房同外觀先

內江商旅響著名既河岸留言斜對面

, 呢間酒店都幾好, 房間比新驛大, 也不是用玻璃廁所門 (雖然我也很喜歡新驛既時尚感), 我只係住nt$1680 既便宜房, 其實比多少少住nt$1790 既房型係有按摩浴缸架! 呢間酒店無線上訂房, 只可以打電話book, 所以不用先付訂金，但請各位大大, 如果突然有事住唔到，一定要事先打電話取消訂房，唔好令人家留左房比你而造成生意上的損失...

由於我地搭6:45pm班機, 預計最遲3:00pm要離開酒店出發去機場, 所以今日活動很少..

10:30am 起床, 早餐都未食就飛奔內政部入出國及移民局, 目的係整統一證號 (本身係用來網上賣拍開戶用, 後來發現網拍要有手提電話認證, 預付咭唔得, 所以開唔到拍賣戶口

)

移民局響捷運小南門站附近, 但我睇過地圖, 隔離酒店唔算遠, 三個字步程..
其實就係家樂福再行遠少少, 係花園大飯店果邊..

烈日當空...好哂, 終於到了, 唔算難搵

門口有表格欏, 同埋有得好似銀行咁襟飛仔 (後來發現申請統一證號唔洗欏飛!!!

)

填好哂d 表格, 就要去影印台證 (護照早在香港影好了, 台證未影係因為入境後先有蓋印的), nt$2 一張, 唔貴, 但得一部機, 要排隊..

好, 到我地號碼了, 我地滿心歡喜欏住張飛仔去辦手續..點知職員話辦統一證號響門口服務台排隊做就可以了

, 欏護照果d 先至要欏飛仔..

好, 拿拿臨飛番出去詢問處, 個姐姐好好人好有禮貌, 仲肯一次過幫我同男友辦手續(我男友唔識聽國語), 兩個人加埋十分鐘度就完成手續了!佢會比一張針孔打印機print 出來的紙你, 上邊有你既統一證號

。

Ok, 搞掂了, 行去捷運小南門站(3分鐘), 坐捷運去台北車站地下街買李儀太陽餅, 順手買小食醫肚...

再去埋西門食阿宗麵線, 就番酒店pack 行李, 出發去機場了

我地選擇了坐捷運去台北車站, 再響台北西站坐國光..一到國光站就有車了, 架車好full

一號航廈真係比較舊..

響登機閘口前有間冠軍牛肉麵, 我地見有少少台幣剩就買左碗來食, 唔係特別好味

上機了, 飛機餐係芝士火腿包 (影得好差,sorry)

再見了台北~~

Day 4 完

[ 本帖最後由鄉下妹於 2011-8-2 11:41 PM 編輯 ]

回覆引用 TOP

鄉下妹

尊貴會員

帖子: 1117
積分: 1284
註冊時間: 2009-10-27

發短消息加為好友

#8

樓主發表於 2011-7-30 05:27 PM

小手信分享:

1. 響菓風小舖買左 “一日喪命散” nt$90, 之前去台灣只係見過
“含笑半步癲”, 應該係新出的。入面係白朱古力提子乾, 都係“含笑半步癲”既白朱古力爆炸糖好味d.. (大家留唔留意到盒上面果個女人係 "華夫人"來架?

)

2. 飛牛白布丁(無影相, 唯有網上轉載別人的相

) nt$180: 賣相得意, 一桔穿個汽球就食得, 有焦糖醬, d布丁好香滑, 好味! 我買左芒果味同牛奶味, 牛奶味真係好好好香滑

3.
Starbucks 星巴克Mocha粉 nt$240, 即飲沖粉, 香港無得買,但台北幾乎間間Starbucks 都有售, 略嫌朱古力味重左d, 但也不失Starbucks 風味,Starbucks fans 切勿錯過!!

多謝收看!!

[ 本帖最後由鄉下妹於 2011-8-2 11:43 PM 編輯 ]

回覆引用 TOP

kazaf07 一星級會員帖子 193 積分 183 註冊時間 2006-8-30 發短消息加為好友	#9 發表於 2011-7-30 05:34 PM 只看該作者大中小繁簡見你行程有辦理統一證號我遲d去都諗住整個黎開銀行戶口留名睇
UID 1670050 帖子 193 精華 0 積分 183 金幣 0 閱讀權限 20 在線時間 588 小時註冊時間 2006-8-30 最後登錄 2018-8-13 查看詳細資料	回覆引用 TOP

chankakwan 新手帖子 20 積分 20 註冊時間 2011-2-4 發短消息加為好友	#10 發表於 2011-7-30 06:34 PM 只看該作者大中小繁簡 [按此打開] [隱藏] 睇唔到圖呀！全部死曬～
UID 4423993 帖子 20 精華 0 積分 20 金幣 0 閱讀權限 10 在線時間 142 小時註冊時間 2011-2-4 最後登錄 2019-7-15 查看詳細資料	回覆引用 TOP

richard321 二星級會員帖子 411 積分 442 註冊時間 2007-1-15 發短消息加為好友	#11 發表於 2011-7-30 06:46 PM 只看該作者大中小繁簡 the photos have some problem, please check, looking forward your trip
UID 2075535 帖子 411 精華 0 積分 442 金幣 0 閱讀權限 30 在線時間 3441 小時註冊時間 2007-1-15 最後登錄 2020-8-9 查看詳細資料	回覆引用 TOP

c0ldheart 冷心資深版主只戀你化身的蝶帖子 24174 積分 27873 註冊時間 2009-2-2 發短消息加為好友	#12 發表於 2011-7-30 07:05 PM 只看該作者大中小繁簡引用: 原帖由 kazaf07 於 2011-7-30 05:34 PM 發表見你行程有辦理統一證號我遲d去都諗住整個黎開銀行戶口留名睇其實置頂已經有詳細資料… 用狂草寫雲門用蜂炮築一座城
UID 3566468 帖子 24174 精華 0 積分 27873 金幣 2277 閱讀權限 101 在線時間 15395 小時註冊時間 2009-2-2 最後登錄 2021-4-19 查看詳細資料	回覆引用 TOP

kazaf07 一星級會員帖子 193 積分 183 註冊時間 2006-8-30 發短消息加為好友	#13 發表於 2011-7-30 08:28 PM 只看該作者大中小繁簡引用: 原帖由 c0ldheart 於 2011-7-30 07:05 PM 發表其實置頂已經有詳細資料… http://i.discuss.com.hk/d/images/r10/androidD.jpg 置頂我睇過因為呢排我見po個d都係美食呀個d 有d特別行程既,我都想支持下樓主
UID 1670050 帖子 193 精華 0 積分 183 金幣 0 閱讀權限 20 在線時間 588 小時註冊時間 2006-8-30 最後登錄 2018-8-13 查看詳細資料	回覆引用 TOP

tamc50 尊貴會員帖子 1071 積分 1270 註冊時間 2009-10-21 發短消息加為好友	#14 發表於 2011-7-30 10:27 PM 只看該作者大中小繁簡睇唔到圖呀！全部死曬～
UID 3929064 帖子 1071 精華 0 積分 1270 金幣 138 閱讀權限 50 在線時間 4363 小時註冊時間 2009-10-21 最後登錄 2021-4-19 查看詳細資料	回覆引用 TOP

tobee_bee 高級會員帖子 543 積分 584 註冊時間 2006-1-3 發短消息加為好友	#15 發表於 2011-7-30 11:07 PM 只看該作者大中小繁簡 [按此打開] [隱藏] 死哂圖喎....咩都睇唔到... 期待之後既行程..
UID 1082079 帖子 543 精華 0 積分 584 金幣 566 閱讀權限 40 在線時間 762 小時註冊時間 2006-1-3 最後登錄 2019-4-6 查看詳細資料	回覆引用 TOP

引用:

引用: