註冊 登入



打印

淺談,介紹碟剎文 (碟剎新手必讀)

淺談,介紹碟剎文 (碟剎新手必讀) E-mail 此主題給朋友

[隱藏]
碟剎 - 1 - 必要之配件:

碟盒, (IS / CenterLock )

XTR果隻係Centerlock盒。
DT240果隻係is, 6孔。

車架碟碼: IS Mount 上面/ Post-Mount下面



某d車架原本無碟碼, 可以裝adapter


想裝碟剎就最起碼要有呢兩樣野先, 無碼/無盒唔洗諗。

2. 碟剎種類

2.1 - 線碟 (機械式)



2.1.1 - 原理
同V制/C夾無分別, 用威也拉動, 從而令Brake Pad壓向剎車碟產生磨擦力減速

2.1.2 - 好處
重量中等, 最大優點係平, 普通shimano/tertko線鮑可以500有找, bb7都係1千有找. 制手可以自己再配. 簡單方便, 靠威也, 唔受溫度濕度影響。

2.1.3 - 壞處
剎車力十分有限 (相比油碟), 手感無咁好, 威也會拉長導致手感會改變, 單邊Brake pad作動, 易淆碟/high碟, 左右Brake pad 會磨蝕程度不一 。

2.2 - 油碟




2.2.1 - 原理
制手拉動制手入面既pump, 制手行幾多, pump行幾多。
成套油制入面, 油管、 鮑魚、制手都充滿油。
pump推油由制手->油管->活塞從而令brake pad壓向剎車碟。

2.2.2 - 好處
輕手, 大部份油制都可以用較細既力度去拉brake lever, 因為制手入面既pump會將力量放大去推動剎車皮剎車。
E.g. 用1既力量去拉制手, Pump會將力量x1.5 變成1.5力量去剎車。 用2既力量, 就變左3去剎車。
所以每間廠既放大率唔同, 會有唔同手感同力量出現。
但最終目的係想 減低手指用既力量 同埋 增加剎車力量。

線性 - 油碟兩邊brake pad一齊壓向剎車碟, 力量較均勻, 唔會咁易淆碟之餘, 亦因為咁會令力量更加線性。
同時, 線性同設計/放大率/碟盤都有關。over all 係比線制更有線性, 更加容易控制剎車, 係Lock呔同唔Lock之間既max braking area更加大。

自動補油 - 因為Brake pad會蝕, 會令剎車皮同剎車碟距離慢慢變大。但油制既好處係會自動補油填左呢段空間, 令到剎車既手感同力量不變。
(* 所以要自己睇剎車皮幾時無哂)

重量輕, XX WC vs BB7 (277 vs 309) XX WC完勝

2.2.3 - 壞處
第一貴, 單遮油碟唔討論, 有興趣可以自己搵 (Hayes sole)
孖遮油碟(對向活塞), 大部份起跳都要幾百至一千不等.
高級如Hope tech V2, Magura MT8, Avid Elixir 9/XX/CR Mag, Shimano XTR 等等都要幾千蚊
Elixir XX vs BB7 已經爭好幾倍...

第二, 煩
基本上分兩種油, Dot 油 (AVID, Hayes, Hope...etc) 同 礦物油 (Magura, Shimano )
首先兩種油唔可以混搭, 入錯有排煩, 買定新制都得。

其次, 油制長期唔用要換油, 有可能會令油入面既沉積物積死左係活塞。
再者, 保護較煩, 換油唔可以入氣, 要更多工具/技術/步驟去完成換油程序。線制換條威也15分鐘唔洗。

三, 因為設計上預左液壓係密封係系統, 如果油封/O-Ring 用耐左, 係要更換, 唔係就會滲油/無制。
比起線制, 線制幾乎Trouble free.

四, Dot油對氣溫/濕度更加敏感, 有天生吸水既特質, 一段時間就會變質, 較難服侍。

五, 兩種油都係, 液態, 高溫長拖會有機會令佢氣化, 剎車力會衰減 (熱衰退), 要求更高剎車技術。

六, 力量太強, 新手唔識控制可能易lock-up 反車/lock呔, 剎唔到車。

3 - 碟剎好壞
3.1

線制 - 輕,  左右皮調較。

因為線制主要用死一邊皮, BB5/BB7既好處就係可以調較紅色個制, 將皮移出/移入。
唔好既線制就係連睇既位都比較少, 可能要成隻拆出黎睇/對調皮, 但無得將皮移出移入, 一邊皮蝕得太多會令隻碟偏側。

3.2
油制 - 輕, 手感明顯, 線性, 力量足夠, 保養容易, 可靠性

由於油制已經發展成熟, 如果一對xc油制唔連碟仲重過一對線制(650g左右)絕對重

手感明顯, 比較個人, 所以呢段都好個人感覺
有人鍾意avid較淋既手感, 但比較一致, 可以好明顯感覺剎車力度(進程)
有人鍾意shimano較硬少少既手感, 但較熱之後會衰退令剎車感模糊
*shimano有servo-wave技術, 好似頭段用1:1, 尾段用1:3咁既比例去剎車, 主要係減低剎車時手指所用既力量

線性 - 呢個其實都比較個人習慣, ON/OFF制 vs 水龍頭, 岩自己習慣最好
有人話formula係有強勁既力量但無線性, 變相一係剎車力不足, 一係剎車力過大, 造成難以控制速度。
我自己覺得咁唔算好既制。
好既油制應該線性, 剎車時初段同尾段既力量唔會有2-step好似開關制咁出現, 而係較柔和, 循序漸進咁出現。

(呢兩個因素都比較主觀, 所以好大比例係取決於自己, 落手試下先知)

力量
簡單講, 好科學去比較, 剎車距離。唔lock呔情況下, 20km/h咁去睇, 剎車距離最短一定最好。
(*當然, 越大力越易Lock, 所以20km/h黎講應該可以搵到剎車力足夠既制掛)
ps: bike radar既brake test有更詳細既測試
===================================
就設計而言, 一體式鮑魚會比分體式鮑魚既力量更好。
因為一體式唔會有力量去左推開對鮑魚, 力量集中係活塞同Brake pad對向。



前者係2011舊款XT, 一體式鮑魚設計
後者係2012新款XT, 分體式鮑魚設計

保養容易
基本上, 而家既油制應該唔洗踩踩下停低放一放油, 所以大部份都好好架啦
但!! 有d制較易漲/要勤保養/易嘔油既, 呢d就無咁易保養
E.g. : Avid Juicy系列, 舊款Hope, Hayes 9 呢d都係較"出名"既.
當然, 保養得好就咩制都基本上無問題。(除左隻制本身有問題)

可靠性
剎車用黎減速, 如果低速收到車, 高速無制就大件事
所以一定要可靠, 靠佢收車嘛
熱衰退較線性會好。能夠承受較高熱力既更加好。
但有d制可能承受到高溫, 但一過某一個溫度就會無制, 呢種就唔夠可靠。

簡單:漲制停車 vs 無制跳車
=====================================================
最後, 理論既野就講到7788
十分之希望呢到有人幫幫手, 有咩要執要改出句聲, 幫幫新手。
話說呢個Thread 睇幾個月都仲有, 打篇野出黎希望有人置頂精華吧。
有錯請細力插, 謝!

[ 本帖最後由 y031027 於 2012-5-10 05:49 PM 編輯 ]



回覆 引用 TOP

精選樓盤
大力支持


回覆 引用 TOP

麻煩版主,置頂及精華






回覆 引用 TOP

碟剎車點上地鐵,會晤會拆埋套碟出黎






回覆 引用 TOP

[隱藏]
引用:
原帖由 sze_james 於 2012-5-10 14:31 發表

碟剎車點上地鐵,會晤會拆埋套碟出黎



多謝提醒
遲下有時間, 打埋碟片/使用注意事項先
ps : 拆轆之後, 鮑魚無碟係入面....千其千其唔好手多多拉制手...唔係就預備定一字批/錢



回覆 引用 TOP

回覆 4# 的帖子

只有C記左仔(或同類設計的車)先要拆一口bolt
其他車唔需要,不過拆返對轆有可能要再set返鮑魚個位,好很討厭



回覆 引用 TOP

引用:
原帖由 y031027 於 2012-5-10 14:35 發表

多謝提醒
遲下有時間, 打埋碟片/使用注意事項先
ps : 拆轆之後, 鮑魚無碟係入面....千其千其唔好手多多拉制手...唔係就預備定一字批/錢
哈哈,bb5/7就無有怕



回覆 引用 TOP

提示: 作者被禁止或刪除 內容自動屏蔽

              『 懂 得 珍 惜 、 承 擔 ,學 會 放 下 、 包 容 才 是 大 成 ! 』

正呀!






回覆 引用 TOP

[隱藏]
引用:
原帖由 光頭哥哥斑毛仔 於 2012-5-10 14:51 發表

跪拜,師兄!詳盡!
Thanks
如果有人接力打我都好樂意Update上去



回覆 引用 TOP

引用:
原帖由 y031027 於 2012-5-10 02:35 PM 發表

多謝提醒
遲下有時間, 打埋碟片/使用注意事項先
ps : 拆轆之後, 鮑魚無碟係入面....千其千其唔好手多多拉制手...唔係就預備定一字批/錢
ching 關於呢度唔係好明 可否解釋下?因為小弟就係手多多 而家整唔返隻碟入去



回覆 引用 TOP

引用:
原帖由 y031027 於 2012-5-10 14:35 發表

多謝提醒
遲下有時間, 打埋碟片/使用注意事項先
ps : 拆轆之後, 鮑魚無碟係入面....千其千其唔好手多多拉制手...唔係就預備定一字批/錢
帶張咭紙插住個鮑魚位



回覆 引用 TOP

我自己用緊XTR M975,好好用,其實無咩要打理,不過就係唔知點睇需唔需要換油~
我2手買番黎用左都年幾,上手就唔知,用落又無咩事,甘我應該去換油定點?THX~~~



回覆 引用 TOP

好精彩既文章
可以睇完再睇!



回覆 引用 TOP

[隱藏]



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。