• 瀏覽: 148,012
  • 回覆: 183
  • 追帖: 1
  • 分享: 5
+43
引用:
原帖由 Jaydy 於 2012-4-24 11:20 AM 發表
yu1an, 你以前住灣仔,我到而家都仲駐紮此區,你有多D關于此區的分享嗎?期待



http://i1.hk/d/images/r10/mobile.jpg
各位叔伯兄弟、嬸母姊妹...

舊時我起灣仔住過 , 我已經大晒鑼、敲晒鼓...


有邊個唔知吖.

呢位老友你家陣駐紮起灣仔...你用「駐紮」, 咁即係生左根末呀?



舊時...


唯一去玩滑梯嘅地方 , 就係波地.


波地 , 咪即係修頓球場囉.



http://www.youtube.com/watch?v=CN_1kOVfH6o



話就話去波地玩滑梯.

其實 , 醉翁之意不在酒.

靜雞雞走去睇我個遠房親戚個仔踢波就真.

呢個衰仔有書唔讀 , 日日走去波地踢波...

唉 , 估唔到條友仔讀唔成書 , 都可以有出頭.

唔洗我介紹 , 你哋係老餅都識佢架...

[fly]劉榮業[/fly]



波地隔離有間貝夫人診療所.

之不過 , 我從來都冇幫襯過.

有咩頭暈身熱 , 我會落樓下「聖光診所」睇醫生.

咁我樓下即係起邊吖 ?

[fly]太原街[/fly]



[隱藏]
返學呢 ?

幼稚園 , 我返「利瑪竇」幼稚園.

呢間利瑪竇 ...若果唔係地膽 , 又點會知起邊吖 ?

[fly]利東街[/fly]

小學 , 我讀「賽馬會」官立小學.

你唔係紮根起灣仔 , 我想你係唔知間小學起邊 ?

[fly]活道[/fly]

中學 , 住起太原街更係讀「樹仁」中學啦.

非也...唔係考唔到 , 而係覺得搭車返學先至夠型.

結果每朝都起龍門酒樓門口 , 搭電車去中環必列者士街返學.

[fly]威靈頓英文中學[/fly]



放左學...

通常起星期六 , 簡中約埋三兩個死靚仔去踩單車.

我鐘意踩蝴蝶頭...

起學校對面就有單車租.

活道近京都戲院果度 , 數埋都有三幾檔租單車.

初初學踩係起摩利臣山泳池一帶兜圈...

後尼夠膽死踩上去司徒拔道 , 然後沿斜路飛馳落去大道東...

....去到防癆會對面呂祺小學...先至停番陣.

諗番轉頭...點解當年會唔識驚 !



飲茶呢...

老豆成日帶我去雙喜茶樓.

我唔鐘意呢間茶樓 , 因為好多三行佬.

若果比我做庒 , 我會選擇去龍門茶樓.

唉 , 做尼做去咪係做閒.

老豆唔去雙喜咩 , 佢咪帶我去龍門斜對面果間龍團酒樓囉.

之不過 , 簡中老媽子都會帶我去英京酒家飲下午茶.

但係 , 我又覺得英京對面果間歡樂酒樓時髦 d 喎 !



老實講 , 我就唔喜歡飲唐茶.

住得起太原街 , 冇咩理由冇去過金鳳.

當年金鳳冰室係起太原街 , 後尼幾時搬左去春園街...我唔知道.

我家陣講嘅...係太原街金鳳.

果陣時入到去 , 若果閣樓有開的話.

我一定會上閣樓 , 可能靜 d 卦...都冇得解.

金鳳有咩馳名 , 對我尼講...我每次只係鐘意飲一支鮮奶.



斬料加餸呢....

太原街與交加街果處 , 有間叫振興醬園.

若果我懶得行的話 , 我會起振興買义燒.

唔懶又點呀 ?

咁咪由太原街穿過交加街 , 行過去灣仔道.

果處有間名叫福來燒臘 , 嘩哈哈...果 d 义燒真係正到頂呱呱.


******************



嗱嗱嗱...狗仔版主咪抄我牌呀.

我唔係賣廣告.

我而家講緊果 d ....係往事 , 係 n 年前嘅往事.

果 d 比我點名出尼嘅檔口 , 或者已經面目全非.



[隱藏]
多謝Yulan,雖然老相片欠奉,但文字嘅憶述,同樣令人勾起往事種種!不過,最令人感動的是lan姐,竟如此上心,2星期前的隨便一句留言,郤花上功夫回應,小弟在此謝過:-P






順帶一提,灣仔一帶,以前由羅素街,洛克道—帶嘅橫街都有好多大牌檔,前國民戲院那邊仲炒到"hom hom"聲,都幾懷念






引用:
原帖由 Jaydy 於 2012-5-12 09:58 AM 發表
多謝Yulan,雖然老相片欠奉,但文字嘅憶述,同樣令人勾起往事種種!不過,最令人感動的是lan姐,竟如此上心,2星期前的隨便一句留言,郤花上功夫回應,小弟在此謝過:-P


...
近排興口述歷史嘛.

有相片當然相得益彰啦.

喂 , 亞小弟...

我冇上心 , 借題發揮吹吓水啫.

唔洗咁客氣喎...釘咩橋吖.
引用:
原帖由 Jaydy 於 2012-5-12 10:04 AM 發表
順帶一提,灣仔一帶,以前由羅素街,洛克道—帶嘅橫街都有好多大牌檔,前國民戲院那邊仲炒到"hom hom"聲,都幾懷念



http://i1.hk/d/images/r10/mobile.jpg
羅素街一帶...到左晚頭...真係好多宵夜食.

果 d 牌檔抄起個獲 , 火光紅紅...

我都好常去幫襯.

事關當年我父母住起太原街 , 而我後來因某種原因....

搬左去鵝頸橋消防局側面果座香島大廈.

所以落去羅素街宵夜 , 都成習慣.



百貨公司...

印像中 , 灣仔當年我最為認識嘅有...

新中華國貨公司 , 佢起龍門茶樓對面.

台灣物產 , 佢起電車路近中國酒樓.

先講台灣物產 , 呢間嘢我好少去.

點解 ? 唔知呀 , 行到門口就覺得入面怪怪地 !

講到新中華國貨公司 , 我又係有某種原因...起果度做過售貨員.

返 11 點、放十一點 , 包食三餐...每個月有三日假期咁大把.

之不過起果度做果段短時間...自己幾巴屎閉 , 簡直係高高在上咁嘅樣.

因為國貨公司入面 , 連主任都唔識講英文 ! 部長同埋 d 售貨咁都係唔識架啦.

每當有鬼佬入到尼 , 嘩...成班人打鑼咁搵我.

嘻嘻...果時我認屎認屁 , 仲開班教佢哋雞腸添.

唔講果陣...時光到流返去再 n 年前...

唔記得邊年 , 有隻叫雲南白藥起香港出售.

當年只得國貨公司先至有得限量賣 , 仲要排隊攞籌添.

傳聞雲南白藥中間果粒丸仔 , 可以起死回生喎.

果陣時 , 我伯爺買左幾樽返尼...嘩 , 真係執到寶咁嘅樣.



我在八十年代都在灣仔浦過一段長時間,住過"大王東街",果陣成條街都是大牌檔,不過條街就好污"租"囉!

另外,當年灣仔好多奇人異士,"黃婆"個朵最響,我經常在菲林明道見到佢,係"小祇園'果頭又有一位終年都只穿單薄衣裳的街頭奇女子!每朝在"摩利臣山泳池"游早水,都撞到位以黑白間條及格仔做裝飾,自稱"斑馬士"的亞叔,個個D image都好勁...

[ 本帖最後由 kinpicture 於 2012-5-13 04:36 PM 編輯 ]



[隱藏]
我現在每日都經過金鳳最少兩次。有次去吃早餐,發現麵包都幾香,其他還是麻麻。


鍵盤翻頁
左右
[按此隱藏 Google 建議的相符內容]