• 瀏覽: 33,077
  • 回覆: 18
  • 追帖: 1
[隱藏]
公司被人欠債, 拖半年都唔還錢, 之前搵過律師問意見, 但收費好貴, 而且追唔到數都要俾律師費, 所以老闆想委託收數公司追數, 但又怕收數公司有問題, 隨時追唔到數仲惹火燒身..
有冇方法知道邊d收數公司係合法?


委託收數公司追數, 除左合約內容外, 仲會有乜法律責任會上身? (例如收數公司用非法手段追數, 委託人會唔會有事?)



另外想問齋出律師信, 大約要幾錢? 之前老闆搵過律師問意見, 都話要先俾萬幾銀先至開case...



熱賣及精選
清佢盤,申請佢破產。


卒然臨之而不驚  無故加之而不怒
姑妄言之姑聽之  且半信之且疑之
引用:
原帖由 Cetena 於 2012-7-31 10:16 AM 發表

公司被人欠債, 拖半年都唔還錢, 之前搵過律師問意見, 但收費好貴, 而且追唔到數都要俾律師費, 所以老闆想委託收數公司追數, 但又怕收數公司有問題, 隨時追唔到數仲惹火燒身..
有冇方法知道邊d收數公司係合法?


...
你自己都講晒答案啦.
收數佬唔係唔駛錢,追唔到數都有定額服務費,收到之後同你分30%作為回報.買紅油都要錢啦.
律師信就好平,幾百蚊就有,不過你的情況因為要跟進,唔係就咁發出就算,所以佢要你落cost of account.可能跟進方法就係追唔到錢就清佢盤,清盤都要萬幾蚊政府收費,所以cost of account 要一萬都好正常.
間間收數公司都有牌,但有牌不代表佢地d收數佬會有禮貌及會用斯文方法.,講真,你著晒西裝叫人還錢,你估債仔理唔理你,要理你,一早還了比你公司啦.講真,家下d債仔惡過債主,佢地一見到收數佬,個收數佬未開聲,已大叫報警.若果你老闆係怕事的人或麻煩,收數佬奶野係會叫個債仔直接搵主事人講數.收數公司就扮無知.
所以你都係叫你老闆搵律師比意見,律師的服務唔單止出信或清盤,某程度上佢地同收數佬係有交情,可以減少你風險及麻煩.

[ 本帖最後由 accounthell 於 2012-7-31 01:25 PM 編輯 ]



有d收數公司攞正牌係合法既, 收費方面各有不同, 可以高達要收既金額60~70%, 化唔化算自己諗啦.


[隱藏]
有個好平的方法,

小額錢債,填張form 都係 $100 幾蚊. 因為政府安排律師.

如果判左果邊要比, 又收唔到錢, over $1 萬可以判佢破產.



引用:
原帖由 luckystarisme 於 2012-7-31 04:18 PM 發表

有個好平的方法,

小額錢債,填張form 都係 $100 幾蚊. 因為政府安排律師.

如果判左果邊要比, 又收唔到錢, over $1 萬可以判佢破產.
最慘係小額只受理五萬樓下,同埋小額係不會有律師,只係安排個官睇你自己表演.

我斷估樓主問律師,而律師開了個價,都一定係過五萬,入唔到小額,

律師收費係高,但不會明知小額對client 最有利而不建議佢入小額,呢個係操手問題.



唔.....餵accounthell, 好似親自申訴都得架~

http://www.judiciary.gov.hk/tc/crt_services/pphlt/pdf/dc_form1_c.pdf

有咩步驟,請指教~



引用:
原帖由 luckystarisme 於 2012-7-31 06:21 PM 發表

唔.....餵accounthell, 好似親自申訴都得架~

http://www.judiciary.gov.hk/tc/crt_services/pphlt/pdf/dc_form1_c.pdf

有咩步驟,請指教~
首先,自己填寫好的起訴狀表格和相關的證據(例如單據、合約、送貨單,),交到初級法院辦事處。之後,法院就會傳喚被告,要求他在十五日內答辯,向法庭解釋案件事實。靠自己來打官司其實亦不太複雜,而填寫一份起訴狀表格時,只須填上原告和被告的個人資料(例如姓名、身份證明文件資料、聯絡方法等)、申訴的案情和要求法院判決的理由、要求法院如何判決(內容要具體明確,例如還款金額及利息或其他款項)、案件利益值(即涉案金額),以及證人和證物資料(例如合同、單據等)。

當原告和被告都提交了起訴狀和答辯狀後,法官一般會在二十天內安排雙方上庭,聽取各自的理據。並讓大家當面辯論對質,最後才會作出判決。

離婚都可以自己搞,但係要大家講好數,無任何爭論. 若果對家有反抗,而論點涉及法律條文,最後咪又係要請律師.不過錢銀的野就算真係判樓主勝數,也不會即時收到錢,例如陳x聰咪又係輸完又輸,莊家都未有錢入袋. 假如對方判後都未還錢,樓主仲可以自己拿萬幾蚊比法院申請債仔破產tim.

不過呢d文件講就容易,下下要自己跟,而且呢d野係老闆,又唔係自己,除非老闆把請律帥的錢當糧出比自己就話跟下姐,若果只係為份糧,如果覺得值咪自己去做囉.做錯了唔駛坐監,又唔駛先打八十.

[ 本帖最後由 accounthell 於 2012-7-31 11:16 PM 編輯 ]



餵~accounthell, 你係咪 C ~ YEAH 來架 ~ 好醒AR 你 ~

樓主,我係你,唔會同老闆提咩自己申請區域法院 / 小額果D, 一間老細比你搞,好既~多謝你,衰左~賴鬼你~

你叫佢秘書格架找個平D律師好過



[隱藏]
一間公司唔會為5萬銀咁搞,真係狽費時失時。一筆壞帳都慳返好多啦。


卒然臨之而不驚  無故加之而不怒
姑妄言之姑聽之  且半信之且疑之
引用:
原帖由 luckystarisme 於 2012-8-1 09:13 AM 發表

餵~accounthell, 你係咪 C ~ YEAH 來架 ~ 好醒AR 你 ~

樓主,我係你,唔會同老闆提咩自己申請區域法院 / 小額果D, 一間老細比你搞,好既~多謝你,衰左~賴鬼你~

你叫佢秘書格架找個平D律師好過
我唔係你口中的c~yeah, 我只係發口痕,你份功課做成點呢?

現實與書本係兩回事,是否請律師做,都係要平衡各資源分配,呢d野書本只會用cost and benefit 去答完就算.
實質就要睇下現實中個人有幾得閒,同埋背後目的. 正如做幾千萬生意,會唔會為幾萬銀屎忽數搞咁多野呢,不如努力搵多單生意當睇唔到咪算囉.無理由全公司為幾萬蚊屎忽數而全村人服待佢.再講,現實中,叫人還錢又如乞米.

[ 本帖最後由 accounthell 於 2012-8-1 01:40 PM 編輯 ]



好多大公司有御用收數公司,專收屎忽數..


咬定青山不放鬆,立根原在破岩中。
千磨萬擊還堅勁,任爾東西南北風。
引用:
原帖由 決勝千里 於 2012-8-1 02:24 PM 發表

好多大公司有御用收數公司,專收屎忽數..
呢個唔駛講,好多仲係自己開出來的分支tim....好似aexon,creidtxxx



樓主可以比呢單野你老闆睇下,若果你個客欠債額夠勁,你睇下追數佬可以有幾落力,差人都唔會驚.

http://hk.apple.nextmedia.com/news/art/20120803/16572065



[隱藏]
找律師最好見一見面先...見完先傾費用...不過最好梗係有人介紹啦


提示:支持鍵盤翻頁左 右
[按此隱藏 Google 建議的相符內容]