[按此打開]
[隱藏]
想帶個仔游水,都早了出門,九點半已到黃金海岸mic表場, 一去到已知唔對路, 你早人地仲早, 基本上已泊滿等位的車, 想等位都冇位等, 一場去到都冇理由走, 咁就泊埋左一邊, 搵個位唔左人, 堂然已有會被抄的覺悟, 預左比320, 話就話預左, 但玩到咁上下, 都望下架車, 就見到有架衝鋒車到, 停在酒店門口, 兩個pc落車, 見同個酒店保安和主任傾, 個主任話d車泊晒在路邊, 攪到兩邊車得單行行車, 我聽到個pc同佢講, 就算炒晒d車如車主唔走都冇辦法, 跟著就同主任講會諗諗點處理, 我見兩個pc之後商量, 話廣播叫d車走, 咁架衝鋒車在條路響晒號, 叫d車離開, 如果唔係會票控, 我又見個pc好似call返上台, 可能搵支援, 因酒店投訴路邊, 我在停車場裡面, 所以我都未走住, 不過我都係游到差不多了, 返去沙灘執埋d野, 去到停車場, 見到另一架警車駛入停車場, 兩個pc落車已開始派片, 我剛好離開冇事。
事後覺得警察做野, 好多時都係比人投訴先出動, 都唔係每次一下就抄, 同埋假期去海灘玩,真係自尋煩惱, 最緊要泊車唔好阻人, 同埋預比320先可以玩得開心。
