• 瀏覽: 27,542
  • 回覆: 75
  • 追帖: 7
[隱藏]
引用:
原帖由 steveshing 於 2014-6-19 12:07 AM 發表

我媽已經做左內視鏡切除手術 切完醫生即刻將化療注入膀胱治療 2日就出院了

明天就覆診睇報告
請問你媽在政府定私家醫生做? 我個真係無注入化療入膀胱.
另外你媽是T幾期?



回覆 引用 TOP

引用:
原帖由 raykei 於 2014-6-19 10:14 PM 發表

我啱啱做完手術一年。其實回想如果當初係一期每三個月一次去檢查知道會返發跟住要做一系列療程都幾辛苦同令人擔憂,畢竟每次都要做內窺鏡手術嗰種痛楚只有我哋至知。做咗就叫做一勞永 ...
我平時都食得好清, 多菜少肉. 都一樣中招. 這幾年, 我晚餐都沒有食飯, 只食麵條, 烏冬等, 再加回小小豬肉,或魚肉, 每次都食一個番茄. 點至係再食清一啲?



回覆 引用 TOP

其實我都唔太識,同你比較我以前反而係好俗,完全無戒口,大魚大肉。而家我都無全戒口,只係飲多好多水,每朝榨一杯五青汁,日日食蘋果,一個小型蕃薯咁囉。所謂食清啲都係針對控制酸醶度咋,儘量食啲唔會令身體太酸嘅食物,戒除所有糖份飲品。






回覆 引用 TOP

引用:
原帖由 raykei 於 2014-6-20 09:50 PM 發表

其實我都唔太識,同你比較我以前反而係好俗,完全無戒口,大魚大肉。而家我都無全戒口,只係飲多好多水,每朝榨一杯五青汁,日日食蘋果,一個小型蕃薯咁囉。所謂食清啲都係針對控制酸醶度咋,儘量食 ...
其實係未可以講你已無後故之優呢? 因為你已切除整個膀胱, 癌細胞又沒有走到其他地方.
你說是蕃薯? 定蕃茄 ? 蕃茄可防前列線癌我就知.



回覆 引用 TOP

[隱藏]
都可以咁講,因為壯士斷臂了,但醫生都保守哋講唔排除有少數癌細胞响手術前潛伏在其他器官而未被驗出,所以都要定期檢查。
我是說蕃薯,因為蕃薯也具一定抗癌功效。而當然知蕃茄,士多啤梨,奇異果都具防前列腺癌功效,但我做手術時醫生幫我將前列腺也一併割掉,所以理論上已不會有前列腺癌,但而家人體全身都有機會生癌,所以都係要做多啲保健養生好啲。






回覆 引用 TOP

引用:
原帖由 raykei 於 2014-6-21 12:07 PM 發表

都可以咁講,因為壯士斷臂了,但醫生都保守哋講唔排除有少數癌細胞响手術前潛伏在其他器官而未被驗出,所以都要定期檢查。
我是說蕃薯,因為蕃薯也具一定抗癌功效。而當然知蕃茄,士多啤梨,奇異果都具防 ...
不好意思, 以為打錯字.
請問你是在政府醫院定私家醫院做?
我是在私家醫院做, 其實我最初是月睇政府, 但驗血照X-ray都要3星期, 所以去左私家醫院做. 最近才收到政府排期, 所以想轉番政府做follow up. 唔知政府肯唔肯跟手尾? 因為私家醫院實在太貴.
另外我現在是在泌尿科排期, 要唔要轉腫瘤科?



回覆 引用 TOP

如有腫瘤如有TSC1突變,可以試EVEROLIMUS呢隻標靶藥

http://www.ncbi.nlm.nih.gov/pubmed/22923433



回覆 引用 TOP

我起初是私家醫生幫我做內窺鏡切除腫瘤的,但報告話係2期之後佢轉介我到威爾斯排期,好快就安排見醫生同埋一個月後就做手術。以你個案佢應該都會收,但排期可能都耐。我初期做完手術個切咗出嚟嘅膀胱送咗去腫瘤科做化驗,佢証實未蝕入淋巴層,所以睇咗一次腫瘤科醫生佢就話我已假設無腫瘤,所以無嘢可以做就唔使再跟進。但我諗如果無做切除手術或者去到3期都要俾埋佢哋跟進的。
其實私家係好貴,我初期唔想做手術都睇多咗三個私家醫生攞意見,每次診金都過千元,另外做一次內窺鏡手術都幾萬元起,如果做切除膀胱手術就要廿萬起,好貴。而且原來私家醫院嘅儀器無威爾斯咁新,佢哋無機械臂輔助,靠人手開刀,有個私家醫生俾佢個病人我睇過啲相佢聯針嗰條疤痕好似蜈蚣咁好唔靚同核。而家我用機械臂做埋口就靚好多,一條直線咁囉,同埋醫院配套亦唔比私家差吖,所以政府有政府好嘅。






回覆 引用 TOP

引用:
原帖由 raykei 於 2014-6-22 01:02 AM 發表

我起初是私家醫生幫我做內窺鏡切除腫瘤的,但報告話係2期之後佢轉介我到威爾斯排期,好快就安排見醫生同埋一個月後就做手術。以你個案佢應該都會收,但排期可能都耐。我初期做完手術個切咗出嚟嘅膀 ...
多謝晒C兄分享.
私家醫生實在太貴, 諗起要3個月一次內窺鏡, 即係3月要用幾萬蚊, 我會寧願唔做, 心靈接受到, 財力都唔得. 不如唔好拖累家人. 尤得佢番發又好, 唔發又好. 已經唔重要.
其實由醫生確診到現在都已1個月, 我都未接受這個事實, 亦未平伏. 成日會問自己點解是我. 我唔怕死, 但生就怕累人累物. 真係唔想打咁長久的戰.



回覆 引用 TOP

[隱藏]
人生本是如此,唔好太悲觀,有啲嘢煮到埋嚟就要食。唔好諗住會累人累物,身邊人先係最重要,點都好,有咩事家人都會支持你,記住珍惜眼前人,呢樣先至係生存嘅最大動力。
重有私家醫生真係貴的,長期睇都唔係辦法,儘快叫私家醫生寫轉介信安排排期睇政府醫生啦,而家政府嘅配套已十分完善,相信亦都會定期檢查你個個案的,唔好太擔心,努力。






回覆 引用 TOP

我有同事早幾個月亦驗到有3期膀胱癌,佢啱啱做咗化療,報告話腫瘤明顯縮小了,可以接受做切除膀胱手術,之後好似我咁做人造膀胱,佢都好正面同我分享,見佢心情都無乜擔憂,所以大家都唔好因為有呢個病而自怨自艾,因為而家癌症實在年輕化同太普及,積極面對先係最佳嘅解決方法。






回覆 引用 TOP

係旣, 已經是事實, 亦唔可改變. 唯有接受, 希望唔會復發.
我已經排左政府泌尿科, 下月會第一次睇. 我無私家醫生轉介信, 只有腫瘤病理報告. 應該政府會接受.



回覆 引用 TOP

引用:
原帖由 raykei 於 2014-6-23 08:43 PM 發表

我有同事早幾個月亦驗到有3期膀胱癌,佢啱啱做咗化療,報告話腫瘤明顯縮小了,可以接受做切除膀胱手術,之後好似我咁做人造膀胱,佢都好正面同我分享,見佢心情都無乜擔憂,所以大家都唔好因為有呢 ...
第3期都好嚴重, 點解一開始就有3期呢, 之前無血尿症狀?
不過最緊要啲惡細胞唔好周圍擴散. 希望你同事都加油.



回覆 引用 TOP

佢又係好似我咁有血尿但唔係好密,因為佢有跑步入好多水所以唔係覺,攪到遲咗至處理囉。






回覆 引用 TOP

[隱藏]
有隻尿片叫molicare. 可索2公升水份。約6-8元一條  用尿片或許可以一覺睡天光


回覆 引用 TOP

提示:支持鍵盤翻頁左 右
[按此隱藏 Google 建議的相符內容]