• 瀏覽: 27,570
  • 回覆: 75
  • 追帖: 7
[隱藏]
我媽早兩個星期發現小便入面有少少血(之前小便一直正常) 即刻排左今日去照膀胱鏡
照完後 醫生話見到有個1.5cm腫瘤 咁初步就話膀胱腫瘤 拎左組織化驗 後日先覆診 真擔心
請問有患過膀胱腫瘤既人分享下治療心得嗎 因為search哂都冇乜post講膀胱腫瘤

謝謝



回覆 引用 TOP

膀胱腫瘤係好似好少人講.
我也是膀胱腫瘤 2cm, 星期一內視鏡切除手術, 今日剛出院. 但3個月要做一次內視鏡, 連續2年, 睇下有無番發.
我個醫生照完第一次膀胱內視鏡, 見到有腫瘤, 就叫我即刻切除, 因為一定不正常, 而且做晒電腦掃描, X-ray 確保無擴展去腎, 肺等等.



回覆 引用 TOP

引用:
原帖由 rocksmile 於 2014-6-11 11:27 PM 發表

膀胱腫瘤係好似好少人講.
我也是膀胱腫瘤 2cm, 星期一內視鏡切除手術, 今日剛出院. 但3個月要做一次內視鏡, 連續2年, 睇下有無番發.
我個醫生照完第一次膀胱內視鏡, 見到有腫瘤, 就叫我即刻切除, 因為一定不正常,  ...
請問你是第幾期?是否有血尿即刻去照?



回覆 引用 TOP

係呀, 一見啲尿是鉄銹色, 就知大鑊, 更有血塊柯埋出來. 即刻睇普通家庭醫生, 驗尿,照X-ray. X-ray上的膀胱有白點, 所以轉到泌尿科, 就安排照內視鏡. 就發現腫瘤.
因為星期一才切出來, 化驗腫瘤的報告要下星期覆診至有. 希望個腫瘤唔會生得太久, 可完全切除. 因為可生到膀胱外壁, 生到肌肉組織, 甚至生到前列線.



回覆 引用 TOP

[隱藏]
因為每次柯尿完最後都有血塊, 所以好驚, 又唔想再拖, 即刻做手術. 由發現血尿到安排手術約3個星期.
一定要記住多飲水, 除可沖淡尿的血色, 使自己去小便時無咁驚, 亦可減少血塊盈固塞住管道, 到時會柯唔出尿並會好痛.



回覆 引用 TOP

電視星期日晚10:00 有個節目關於癌症, 第一集是講膀胱癌, 你可睇下, 資料並不算多, 但可初步認識膀胱癌.
http://www.hkatv.com/zh-hk/video/11734/良醫有方-滅癌獻愛心/第01集《與癌慈行》



回覆 引用 TOP

我媽3月發現膀胱癌, 切除了兩個差不多6CM的瘤, 醫院再驗組織發現還有惡細胞要我媽使切除膀胱手術, 我們拒絕了.

現轉介了去伊院做電療, 下星期二開始,為期6 個半星期.  醫生又建議用埋化療同步, 我們有點卻步.問醫生, 現只有在膀胱軟組織有癌細胞, 屬第三期. 但媽媽身體冇異樣, 精神爽利  我就唔係咁想媽做喇!  但唔知點解中醫又話做埋去.   V_V



引用:
原帖由 fansigns 於 2014-6-14 11:22 PM 發表

我媽3月發現膀胱癌, 切除了兩個差不多6CM的瘤, 醫院再驗組織發現還有惡細胞要我媽使切除膀胱手術, 我們拒絕了.

現轉介了去伊院做電療, 下星期二開始,為期6 個半星期.  醫生又建議用埋化療同步, 我們有點卻步.問醫 ...
兩個6CM 都好大個, 之前無血尿咩 ?
其實有無發現惡細胞擴散到其他器官?
我都好驚腫瘤好快會復發.



回覆 引用 TOP

Test






回覆 引用 TOP

[隱藏]
讓我分享一下我的經歷,希望幫到大家。我在2013年頭發現小便有血,因為不是得密,初時以為熱氣或尿道炎,所以一直沒有理會,但直至3月份發覺唔尋常,所以搵私家醫生求助,之後做內窺鏡手術顯示有腫瘤。嗰時佢仲話抽啲組織化驗睇下有幾惡先啦。我嗰下都未識驚,仲同太太講話有瘤,但未知係良性定惡性。點知醫生夜晚巡房我再問佢幾時知係良定惡,佢即時話膀胱腫瘤係無分良定惡,係癌症嚟架喇,睇下化驗係第幾期啦。我嗰時直頭晴天霹靂,直頭想喊出嚟,嗰晚响醫院都瞓唔著,諗住個老婆同得2歲嘅女,好無助。跟住落嚟嗰幾日就係等報告,由於顯示已侵蝕到肌肉層,屬於第二期,而啲癌細胞又係agressive嗰隻,所以醫生建議我做切除膀胱手術,我當然自唔想啦,但嗰時佢話無辦法,如果只做電,化療係殺唔死啲癌細胞。而佢亦講做手術會同時用我一截小腸來做一個人造膀胱代替舊嘅膀胱。佢亦都好好幫我轉介沙田威爾斯排期見泌尿科醫生,因為嗰邊係中文大學有一隊團隊負責,而且儀器亦新。咁我同老婆亦不段搜尋有關呢科嘅資料,大部份都話侵蝕肌肉層要切除膀胱,我亦都睇多幾個私家醫生問意見,而答案都係一致。嗰時我哋好灰心,之後都有求助中醫,但佢都好保守咁無話實醫好,我食咗一個月後就見威院嘅醫生,佢好斬釘截鐵叫我唔好考慮搵偏方可以根治,我同老婆商量之後就決定做手術喇。好在手術順利而我康復進度亦理想,三個月後仲可以做返運動添。






引用:
原帖由 raykei 於 2014-6-18 02:34 PM 發表

讓我分享一下我的經歷,希望幫到大家。我在2013年頭發現小便有血,因為不是得密,初時以為熱氣或尿道炎,所以一直沒有理會,但直至3月份發覺唔尋常,所以搵私家醫生求助,之後做內窺鏡手術顯示有腫瘤。嗰時佢仲 ...
謝謝分享.
請問現在身體怎樣? 有否3個月檢查一次?
切除膀胱外有無做其他化療呢?
而家去厠所有無分別呢? (不好意思問這個問題, 因我怕我會有這一日. 超驚 )



回覆 引用 TOP

切除之後醫院攞咗個膀胱做切片化驗,証實無擴散到淋巴,所以唔需要做任何治療。而醫生都有安排定期返醫院覆診,由於用小腸係會吸收養份,所以做咗假膀胱之後要飲多啲水同定時去痾尿確保唔會儲存太多尿俾佢吸取尿液嘅養份導致電解質不平衡。
其實做手術前醫生都講咗好多最要壞打算俾病人知,包括手術中途會先响病人尿道抽取組織化驗有否癌細胞走咗去附近,如有就不能做人造膀胱。要另外開一個造口在肚臍旁邊,第時用嚟插導尿管放尿的。而如果驗到擴散至淋巴附近亦不可做切除手術,要先做電,化療後才由醫生決定是否適合做切除膀胱及再造人造膀胱手術,到時就可能要做外置尿袋嘅手術喇。所以我都好慶幸我唔使外掛尿袋。
不過初期醫生話通常康復後係要坐响度去痾尿,亦未必夠力痾,要用導尿管插入尿道直入假膀胱放尿,而且係要每次都做,放完仲要用針筒泵水入去洗,我初時都好擔心同好唔想,但又好彩亦可能我都叫後生(三十幾歲),好返之後都可以夠力企响度痾,亦唔使用導尿管幫手,真係萬幸。但由於切咗個膀胱,所以再無尿急嘅感覺,只能靠附近肌肉感應到尿意或尿道feel到有尿想湧出嚟,呢種感覺真係靠自己感受,非筆墨能夠形容。但都叫做忍到尿,不過夜晚就唔得了,要每2小時起床痾尿,如果唔係就一定瀨尿,所以唯有用尿墊來防止漏尿,攪到日頭都唔夠精神返工架。
而我睇你情況應該係屬於第1期,所以要每3個月做檢查同打卡介苗藥水入膀胱度殺癌細胞,不過我做資料搜集知道膀胱癌復發率係85%以上,所以你即使係一期都要check密啲同注意飲食。我亦都搵到台灣有個案是食布緯食療而醫好,所以唔使太擔心,試下食清啲睇下有無幫助先。






回覆 引用 TOP

我媽已經做左內視鏡切除手術 切完醫生即刻將化療注入膀胱治療 2日就出院了

明天就覆診睇報告



回覆 引用 TOP

引用:
原帖由 raykei 於 2014-6-18 11:00 PM 發表

切除之後醫院攞咗個膀胱做切片化驗,証實無擴散到淋巴,所以唔需要做任何治療。而醫生都有安排定期返醫院覆診,由於用小腸係會吸收養份,所以做咗假膀胱之後要飲多啲水同定時去痾尿確保唔會 ...
多謝晒你的分享. 祝你身體健康, 繼續加油.
我切左腫瘤之後, 無任何藥物冶療. 醫生話如果再番發才作哈介苗冶療. 所要叫我一定要3個去照膀胱鏡, 不可遲過4個月.
以你所講85%番發, 真的很可怕. 有時諗, 有番發又要切, 再有又再切, 咁最終好似要切晒個膀胱. 諗到這真不知可以做什麼... 真係好擔心.
請問你由發現腫瘤到現在有幾多年?
現在身體壯況可以打波, 跑步, 游水嗎?



回覆 引用 TOP

[隱藏]
我啱啱做完手術一年。其實回想如果當初係一期每三個月一次去檢查知道會返發跟住要做一系列療程都幾辛苦同令人擔憂,畢竟每次都要做內窺鏡手術嗰種痛楚只有我哋至知。做咗就叫做一勞永逸,但都要keep住檢查,只係驚會走咗去其他部位啫。而家我身體同平時一樣可以做任何運動都無影響喇。不過當然唔使做手術梗係最好啦,我諗你可以响食療方面著手,試下食清啲囉。






回覆 引用 TOP

提示:支持鍵盤翻頁左 右
[按此隱藏 Google 建議的相符內容]