• 瀏覽: 120,721
  • 回覆: 248
  • 追帖: 68
[隱藏]
月尾八月初, 一家四口去咗北海道 8 天.

機票酒店由四月中左右開始策劃, 因為最初太太唔希望住民宿, 結果揀嘅幾間有獨立洗手間嘅小木屋都取消晒.  後來太太話想試下, 已經滿晒 book 唔返了.  不過呢個旅程去得不巧, 一來因為想睇埋富良野肚臍祭, 但 7 月尾薰衣草少咗, 早知就睇四季彩祭, 早啲去好過. 二來咁啱臨出發收到部門通知, 工作上有啲調動, 結果搞到自己忙到死, 而家都未忙完.

今次行程, 最初兩日都由朝到晚落大雨, 本身計劃去金山湖花火大會都無去. 另外, 本身想去沼田睇螢火蟲, 但睇統計, 今年每晚得一百幾十隻螢火蟲, 同往年動輒上千差好遠, 結果亦無去, 俾啲女早啲瞓. 仲有就係如前所述, 薰衣草水尾啦.

8 日實在唔夠, 雖然早機, 但班機 delay 咗大半個鐘, 落地後開車去到佐幌, 都已經㥬晚. 之後喺富良野留咗 3 日, 去咗佐幌嘅 bear mt., 麓鄉嘅 Furano Glass Forest, 麵包超人館, 以及四季彩之丘, 六花亭, 富田農場, 睇咗肚臍祭 (但剛見到肚臍祭隊頭, 相機就無晒電), 北竜太陽花田, 大橋車厘子園, 富良野芝士工房, 然後就去咗一日旭山動物園, 途中經過 kanno farm 停咗一陣, 之後去札幌, 除咗目標嘅橡實共和國, 就只隨意逛咗陣, 食咗蟹本家, 去咗 Sapporo factory, 最後去咗小樽, 途中去咗 super autobacs 睇車用品, 喺小樽又係隨意逛咗陣, 住咗一晚宏樂園 special room, 回程日行咗陣 rera outlet, 逛埋機場, 喺多啦 A 夢館玩咗陣, 回程班機又 delay 咗差不多一個鐘, 結果同下一班機一齊到香港.

以呢個行程, 如果札幌可以留多日, 逛下大通公園甚至國營瀧野玲蘭丘陵公園, 小樽又留多日, 可以逛耐啲之餘, 又可以早啲到宏樂園, 甚至去下積丹, 應該更好.

目錄:
P.01 第一天: 租車篇
P.01 第一天: 富良野 (周邊) - Sahoro Resort Hotel 環境
P.02 第二天: 富良野 (周邊) - Bear Mt.
P.04 第二天: 富良野 - 麓鄉 (Furano Glass Forest, 麵包超人館)
P.04 第二天: 富良野 - Hotel Naturwald Furano
P.05 第三天: 富良野 - 四季彩之丘
P.06 第三天: 富良野 - カンパーナ六花亭
P.07 第三天: 富良野 - 富田農場
P.07 第三天: 富良野 - 北海肚臍祭 (影片)
P.08 第三天: 富良野 - 北海肚臍祭 (照片)
P.09 第四天: 富良野 (周邊) - 北竜ひまわりの里
P.10 第四天: 富良野 (周邊) - 大橋櫻桃園
P.10 第四天: 富良野 - 富良野芝士工房
P.11 酒店篇: 富良野 - Hotel Naturwald Furano
P.11 第五天: 富良野 (周邊) - Kanno Farm
P.12 第五天: 旭川 - 旭山動物園
P.13 第五天: 札幌 - 味之時計台
P.13 第六天: 札幌 - 場外市場北のグルメ亭
P.14 第六天: 札幌 - 蟹本家
P.14 第七天: 札幌 - Super Autobacs
P.15 第七天: 小樽
P.15 第七天: 小樽朝里川溫泉宏樂園
P.16 第八天: 小樽朝里川溫泉宏樂園
P.17 第八天: Rera Outlet & 新千歲空港

外傳:
P.1 參考網頁
P.1 b-mobile 用後感

[ 本帖最後由 tucuxi 於 2015-8-3 05:47 PM 編輯 ]



回覆 引用 TOP

熱賣及精選
計劃行程時得到呢度好多師兄師姐嘅遊記及問答等啟發, 恕不能一一鳴謝.

以下係一啲參考過嘅網頁, 無乜整理, 但都供大家參考:

摘水果: http://www.rurubu.com/season/summer/mikaku/list.aspx?KenCD=01

北海道觀光振興機構: http://tw.visit-hokkaido.jp/
富良野觀光協會: http://www.furanotourism.com/cn/
上富良野 http://www.kamifurano.jp/hantai/index.html
南富良野まちづくり観光協会 http://www.minamifurano.jp/index.html
札幌市官方旅遊網站 http://www.welcome.city.sapporo.jp/

富良野薰衣草資訊: http://www.furano.ne.jp/nakafurano/kaika/
南富良野薰衣草資訊: http://town.minamifurano.hokkaido.jp/ravender/ravender.html

國營瀧野玲蘭丘陵公園 http://www.takinopark.com.t.bn.hp.transer.com/
西岡公園 http://www.sapporo-park.or.jp/nishioka

気象庁 http://www.jma.go.jp/
日出日入時間及方位: http://suncalc.net/

Times info (停車場位置, 收費): http://times-info.net/

どんぐり共和国 http://www.benelic.com/shop/

ポプラファーム: http://popurafarm.com

Sapporo Sweets: http://sweets-sapporo.com/competition/2014/

b-mobile Visitor SIM http://www.bmobile.ne.jp/english/product.html
Telecom Square: https://www.telecom>><</tc/plan.html http://www.telecomsquare.co.jp/inbound/en/counters.html

Mapion (查 MapCode): http://www.mapion.co.jp/

因為今次全程自駕, 所以之前儲落嘅火車巴士等資訊都無包括在內.

遊記期間如果有其他有用網址, 都會提及, 亦歡迎師兄師姐補充.

[ 本帖最後由 tucuxi 於 2014-9-5 09:33 AM 編輯 ]



回覆 引用 TOP

大囡今次會喺旅程之中過佢嘅 5 歲生日, 而今次係佢第 5 次離港外出, 此前佢去過台北, 釜山, 関西, 首爾.  細囡剛滿 2 歲, 第 2 次離港外出, 此前只去過首爾.  兩個之前去過嘅地方都係短途機, 向來喺飛機都無哭喊嘅問題.

因為有小朋友, 唔希望轉機花費太多時間喺飛機上面, 增加哭鬧嘅風險, 所以選擇直航札幌.  特意 book 咗 7:55 嘅暑期加班機, 當天一早五點幾出門口, 希望兩個囡因為早醒瞓得少, 上機瞓. 人算不如天算, 航班延誤接近一小時, 幸好候機室有得玩.



終於上機. 大人嘅飛機餐無乜好睇, 我哋睇下兒童餐係點嘅.



大囡延續 "唔食" 嘅本色, 食咗幾啖就瞓著, 瞓到落機.

細囡第一次有自己嘅座位, 結果延續 "唔瞓" 嘅本色, 幸好直至落機都無扭計.

今次係自駕遊, 行前先喺網上 book 好車. 北海道暑期嘅租車零舍貴, 而且車同 HEP 都係手快有手慢無.  落機後, 辦好出境手續, 攞埋行李, 買完兩個囡當晚及翌日早上要飲嘅鮮奶, 搭升降機落到機場地下, 就見到租車櫃位. 個櫃位似係好幾家租車公司共用的. 埋去講返租邊間公司, 對 passport 及國際車牌. 我哋租嘅係 toyota rent-a-car, 登記期間, 櫃位職員就向附近 toyota rent-a-car 嘅職員示意, 登記完成後, 櫃位職員俾咗一張 A4 大小過膠嘅注意事項, 上面並用 label 貼咗到達千歳市 toyota rent-a-car 店鋪嘅輪候號碼, 向 toyota rent-a-car 嘅職員出示後, 職員就安排上佢哋嘅 shuttle bus, 約 10 分鐘就到達店鋪.

詳情: https://www.toyotarentacar.net/chinese/shop/guide/n-c-airport/

順附 HEP 網頁: http://www.e-nexco.co.jp/news/hep/ch/

今次租嘅係 sienta, 平常喺香港一年 365 日開住佢行遍十八區, 夠坐 2 大 2 小加 2 個 carseat, 而收起尾排座位, 尾箱亦夠放行李有餘, 而租金以五人細車計算, 抵.



對 sienta 有認識嘅朋友, 從尾燈嘅款式...



錶板嘅設計...



中座嘅配備...



大概可以估計到, 確實, 車係 2013 年出廠的



[ 本帖最後由 tucuxi 於 2015-3-12 02:29 PM 編輯 ]



回覆 引用 TOP

朋友介紹, 與其去登別熊牧場, 不如去南富良野附近,佐幌 Sahoro Resort 的 Bear Mt.

於是, 取車後, 我哋就驅車百多公里, 經道東自動車道, 穿過高山...



越過深谷...



臨近佐幌, 一片迷霧.



(當日富良野一帶天氣: http://www.data.jma.go.jp)

因為航班延誤, 加上落機時一班台灣嘅飛機亦同時到達, 以致過境櫃位花了好多時間, 原定先到十勝去柳月買三方六嘅計劃取消, 直驅酒店.

酒店係 Sahoro Resort Hotel.  外觀:



附近環境:



房間半舊不新, 但空間充足, 舒適愜意







窗外景色



(參考 Sahoro Resort 網頁: http://www.sahoro.co.jp/)

雖然道理上飛機係臨近 2 點降落, 但航程延誤加上路途遙遠, 到達酒店已經黃昏, 附近亦一片荒涼, 所以是日並無行程, 留喺酒店晚飯



晚餐前菜一例



主菜





另外飲品選擇了蜜瓜汁同提子汁



飯後甜品



飯後行下紀念品店. 小朋友當然有收穫



今日開車期間都有遇上大雨, 睇天氣報告, 之後幾日仍然大雨, 希望晴天公仔庇佑.



[ 本帖最後由 tucuxi 於 2015-3-12 02:33 PM 編輯 ]



回覆 引用 TOP

[隱藏]
期待更新






回覆 引用 TOP

正,留名睇遊記!


回覆 引用 TOP

個車牌咁靚既

ANYWAY多謝分享



回覆 引用 TOP

幾位好快手.

車牌無改過圖, 無花無假.

不過我都係當晚睇返啲相先見到.



回覆 引用 TOP

引用:
原帖由 tucuxi 於 2014-8-29 12:00 發表

幾位好快手.

車牌無改過圖, 無花無假.

不過我都係當晚睇返啲相先見到.
樓主用B-MOBILE,係出發前係香港買定, 送到酒店比你?好用麻?
Thanks!



回覆 引用 TOP

[隱藏]
引用:
原帖由 pennytung 於 2014-8-29 12:14 PM 發表


樓主用B-MOBILE,係出發前係香港買定, 送到酒店比你?好用麻?
Thanks!
師兄料事如神, 小的確係喺香港預訂 b-mobile, 送到酒店.  事前有聯絡酒店請佢哋代收.  當日黃昏時份到酒店, check-in 時已經俾埋 b-mobile 俾我, 過程十分順利.

因為會去佐幌, 麓鄉呢啲相對較偏遠嘅地方, 尤其自駕期間經過嘅道路, 網絡覆蓋未必好多, 所以選擇邊家上網時睇過覆蓋圖, 偏遠路段似乎以 ntt docomo 嘅 FOMA 覆蓋較好.

8 日裡面, 主要係睇返香港報紙, 有時以 whatsapp 向家人報平安, 分享少量行程相片俾家人, 又或者上 facebook 等, 行前最擔心嘅佐幌去麓鄉路段, 或麓鄉去富良野路段, 結果都接收良好.  8 日用咗接近 600MB, 都算滿意.



回覆 引用 TOP

等睇遊記~!!! 支持~!!


信じることがすべて Love So Sweet~*

回覆 引用 TOP

引用:
原帖由 cindylemon 於 2014-8-29 13:27 發表

等睇遊記~!!! 支持~!!
哈哈,係哩度又見到師姐妳



回覆 引用 TOP

引用:
原帖由 tucuxi 於 2014-8-29 12:53 發表


師兄料事如神, 小的確係喺香港預訂 b-mobile, 送到酒店.  事前有聯絡酒店請佢哋代收.  當日黃昏時份到酒店, check-in 時已經俾埋 b-mobile 俾我, 過程十分順利.

因為會去佐幌, 麓鄉呢啲相對較 ...
多謝你既分享,幫我解決左一個問題,一於買 b-mobile, 哈哈!不過我可以要買14日個隻先得,因為我去17日。



回覆 引用 TOP

食物好正.




Uploaded with ImageShack.us

回覆 引用 TOP

[隱藏]
多謝樓上幾位師兄師姐支持.
引用:
原帖由  於 2014-8-29 03:36 PM 發表
食物好正.
我相信係指酒店晚餐, 唔係指飛機餐吧?

可能係落機第一餐, 所以覺得係 OK 的.  不過呢度係北海道, 個標準要提高啲, 所以我哋都好期待之後有更好嘅嘢食.



回覆 引用 TOP

提示:支持鍵盤翻頁左 右
[按此隱藏 Google 建議的相符內容]