打印

[遊記分享] 名古屋~高山~白川鄉~金澤~下呂 7日hea爆遊記 #@! 已加後記

名古屋~高山~白川鄉~金澤~下呂 7日hea爆遊記 #@! 已加後記 E-mail 此主題給朋友

[隱藏]
http://www.mytour.com.hk/blog_details.php?id=1917

↑ hea 遊雲南

http://www.mytour.com.hk/blog_details.php?id=2599

↑ hea 遊北京

http://www.discuss.com.hk/viewth ... &extra=page%3D7

↑ hea 遊西藏

http://www.discuss.com.hk/viewthread.php?tid=22790509

↑ hea 窮遊京阪

http://www.discuss.com.hk/viewthread.php?tid=23180682

↑ hea 睇櫻花



前言

http://www.discuss.com.hk/viewth ... p;extra=&page=1

承接返呢一個post ( *新手用* 應該如何由頭到尾計劃一次日本自由行程 )

除左有新手自由行教學外 , 仲有直播同遊記


第一樣野想介紹個乘換apps比大家..




就係呢個啦 , 係google play打乘換案內就會search得到..

時間 , 距離 , 價錢 , 乘換方法可以一次過睇到晒..

我今次旅行就係靠佢..

重點教學我就唔係度講啦 , 其實用起上黎都好易 , 大家自己摸索一下啦..  



有幾點我先講明

* 名古屋d舖頭好早閂 , 大約係8點左右 , 所以行街要趁早

* 高山 , 金澤舖頭比名古屋閂得更早 , 大約6,7點左右就已經開始閂門

* 金澤無地鐵 , 好多時都要靠巴士 , 但係巴士好早尾班車 , 要注意

* 無景點係必要去 , 無野食係必要食 , 全憑自己個人喜好

* 由於濃飛巴士部份由高山去白川鄉既班次係無預約制 , 所以記得要就住時間 , 因住人多上唔到車

* 由名古屋玩到金澤再返轉頭既 , 必定要買pass , 否則一程一程買就會貴到hihi

* 記得必定要買旅行保險 , 否則出左事無人幫到你

* 名古屋好大 , 人既密度亦比較低 , 玩既野相對大阪東京亦都較少 , 但係無乜陸客..



由早幾年揹住個袋去左雲南十幾日開始..

東奔西跑左咁耐..

其實我係從來都未試過跌野同漏低野..

不過今次我就試到啦 , 仲足足三次咁多..


首先我好感謝高山alpina酒店幫我執返部相機既員工or客人

相機同支鏡都係其次 , 裡面d相先係最重要


其次我好感謝係飛驆號話比我知跌左電話果個日藉大嬸

電話都係其次 , 裡面d相先係最重要


最後我好感謝名古屋bic camera果位追住出黎比返條locker鎖匙我既收銀員

條鎖匙都係其次 , 裡面d野我一定拎得返 , 但係肯定趕唔切返香港班飛機


有時d野真係整定 , 要你唔見既點樣小心都會唔見

但係要保住你既 , 都會遇到d好人好事 , 令你失而復得  


真係非常感謝你地   



今次旅行既行程 , 要去既景點 , 由教學post出果陣就已經plan定..

但係細節同流程 , 其實都係上個月中先定好 , 酒店都係近兩個星期先訂晒..

因為要考慮既野比較多

比如天氣 , 酒店既價錢 , 交通距離等等


好似我咁日日換酒店會唔會好麻煩呢 ?

其實只要你有好好既體力同腳骨力 , 又唔會將d野飛晒出黎有排執既..  

都唔會好麻煩既...   


由於上一個分組式遊記好似唔係太受歡迎..

所以今次做返傳統直上直落式既遊記 , 希望大家會鍾意睇啦..

不過今次有成500幾張相 , 我唔會一次過出晒架..  


好啦 , 遊記開始啦..






上網卡今次用富士卡

原則上1.8g我係用唔晒既 , 頂盡都只係用到1g咁上下

我用既係lg l22既電話 ( 日本 lg g2 水貨 )

接收方面去到邊度都收到訊號 , 但係速度同反應比我預期中差左少少

尤其係下呂果陣..






pass方面我一早就係香港買定

呢張野可以話係性價比高

因為唔用pass既話 , 車費都真係貴到hihi咁

而且除左名古屋同北陸外 , 仲可以用到去大阪同京都

如果open jaw 大阪入 , 名古屋出 or 名古屋入 , 大阪出

咁就真係fit到漏油咁無敵...

唯一缺點就係唔可以經富山去金澤 , 必定要係高山轉巴士入白川鄉再去金澤..

比較返昇龍道巴士pass

5日計價錢平兩千之外 , 亦都限制左只係可以坐某d班次既巴士

好難做到突然心血來潮想去呢度果度情況..

希望將來可以將距離延長到新穗高甚至係富山














原來係飛機度食杯面真係好香架..   





其實一去到名鐵站 , 係有班express係度既

不過由於唔趕時間 , 所以平平地坐班普通車出市區..  





唔好睇個名叫準急就好似急急地咁 , 其實只係岩d唔急既人坐架咋....   





其實日本住得平 , 食得平 , 買野都平..

唯獨撘車係超貴 , 坐兩個站地鐵都要200yen


其實名古屋站周邊酒店既價錢都唔貴 , 三幾舊水就有交易..

揀住榮呢間酒店既原因 , 除左因為近地鐵站外 , 仲包早餐..

附近又係名店區 , 食飽飯可以行街街 ( 我plan果陣真係咁諗 )










5000令yen一晚 , 仲包埋早餐 , 其實都算係咁架啦..  


原來出漏左張相..

因為部電話set左日本時間 , 搞到同相機d相唔同步..  











放低d野後當然係要去行街街啦  





當日天氣其實都算幾凍 , 入左夜之後得返3,4度左右..

凍野唔想食 , 西餐唔想食 , 所以走左去居酒屋食野..


實情係間野係酒店樓下 , 懶得搵野食就真..   



















兩個人埋單5千幾yen , 話平唔算好平 , 話貴亦都唔算貴..

不過d野幾岩食就真既..



第一日完   

[ 本帖最後由 cashierr 於 2015-3-24 11:23 PM 編輯 ]



回覆 引用 TOP

Like



回覆 引用 TOP

擺個位先



回覆 引用 TOP

中部真係正,期待



回覆 引用 TOP

[隱藏]
名古屋比我既感覺真係好過大阪同東京得多..

至少無咁多人 , 無咁多車 ,

行街睇野唔洗同人迫 , 無咁大壓迫惑....  



回覆 引用 TOP

引用:
原帖由 cashierr 於 2015-3-19 11:27 AM 發表

名古屋比我既感覺真係好過大阪同東京得多..

至少無咁多人 , 無咁多車 ,

行街睇野唔洗同人迫 , 無咁大壓迫惑....  
之前聽FRD話果邊好悶, 似乎又唔係喎?!



回覆 引用 TOP

插旗
我下次都要去名古屋
借C兄D資料抄考



回覆 引用 TOP

入黎抄行程先 .


回覆 引用 TOP

引用:
原帖由 galichips 於 2015-3-19 11:34 AM 發表

之前聽FRD話果邊好悶, 似乎又唔係喎?!
呢樣野真係好睇個人取向..

睇你想要d乜..

名古屋同金澤會旺d , 但係高山同岥阜真係無乜人架咋..

單純行下食下睇下其實係幾好..

要玩當然大阪同東京多野玩啦..



回覆 引用 TOP

[隱藏]
行程唔洗抄啦..

咪一般中部北陸常規行程  



回覆 引用 TOP

果架準急, 瞓幾覺都可以.


回覆 引用 TOP

引用:
原帖由 cashierr 於 2015-3-19 11:27 發表

名古屋比我既感覺真係好過大阪同東京得多..

至少無咁多人 , 無咁多車 ,

行街睇野唔洗同人迫 , 無咁大壓迫惑....  
我都覺得係, 好RELAX, 咁先有旅行FEEL.

農曆年剛去完, 暑假又再去.



回覆 引用 TOP

引用:
原帖由 cl1403 於 2015-3-19 11:47 AM 發表

果架準急, 瞓幾覺都可以.
所以回程我都係坐返架EXPRESS算啦  



回覆 引用 TOP

引用:
原帖由 cl1403 於 2015-3-19 11:50 AM 發表


我都覺得係, 好RELAX, 咁先有旅行FEEL.

農曆年剛去完, 暑假又再去.
大人都話要再去..  



回覆 引用 TOP

[隱藏]
請問你係榮邊間酒店?



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。