打印

[越南] 去越南胡志明需要注意事項

daihonman

高級會員

Rank: 3 Rank: 3

帖子: 1340
積分: 656
金幣: 0
註冊時間: 2005-4-22

發短消息加為好友

1^# 大中小發表於 2015-6-4 12:21 AM 只看該作者

瀏覽: 63,407
回覆: 80
追帖: 36

去越南胡志明需要注意事項

[隱藏]

1）簽證:
持BNO及香港特區護照人士均須申請簽證
簽證所需文件：相片1張、護照。
發證工作天：4個工作天。快證即日可取。
費用：單次入境簽證$640.

Visa Types/簽證類型	Rush/即日 (30分鐘取)	Next day/第二個工作日	2 working days/第三個工作日
1 month single/一個月單次	800	720	560 (16年減價)

簽證按申請人於申請時填寫預計入境日期起計30天內有效。准許逗留越南時間由到達日期起計30-90天, 按入境時蓋章為準.
地址: 香港灣仔灣仔道230號，佳誠大廈15樓。辨公時間：0900-1300 / 1430-1730 (星期一至五)
電話：25914510
簽證申請表格： http://www.vietnamconsulate-hongkong.org/en/nr070521170031/nr070521170514/ns150625164452
影印本有效。可以他人代辦, 不用委託書。

2015年7月1日起, 英國護照持有人可免簽證去越南.
但 BNO 不享有越南免簽證待遇. 已問過越南航空, 得到越南總領事館證實.

如果想又快又平又唔使親身去做，可以選擇做預批落地簽証：
網上有好多家在越南的旅遊公司都有提供幫客人做預批落地簽証服務。你只要填表，俾錢。佢地就會EMAIL你既預批落地簽證批文俾你。你就可以拿住張批文在香港辦理登機手續。到達越南機場，你去落地簽証櫃檯交US$45(2015年11月23號開始, 收費US$25, 3個月多次收US$50) 及相片辦理正式簽証就可以入境。費用US$8-20. 大陸人唔可以用落地簽證，因為中國對國民有出境管制。最重要係航空公司接唔接受，因為如果你被拒絕入境既話，航空公司係要負責你既回程安排。網上有好多間做落地簽証服務我就未試過，你地要試既話都可能會有D風險。

有網友試過 http://cheapvietnamvisa.net, 一天出到批文.越南落地簽證注意事項：
1。要自行跟出發地航空公司確認能接納落地簽證批文傳真件辦理登機手續。越南航空, 國泰是肯定能接受的。
2。辦理登機手續時, 必須出示落地簽證批文傳真件。
3。護照有效期超過6個月。
4。帶同落地簽證批文傳真件、照片、以及US$45到越南機場Landing VISA 櫃位領取正式入境簽證。
5。 Landing VISA 櫃位在入境大堂旁邊。
6。落地簽證安排只適用於從越南國際機場進入越南的旅客。
7。落地簽證批文有效期為30天。

有APEC Business Travel Card係唔需要簽證。注意背後要有 “VNM” (Vietnam簡寫)先可以免簽證。胡志明機場的APEC入境櫃位在最左邊。唔使排隊咁耐。

2）天氣
胡志明市並無四季. 只有雨季(5月至11月)及旱季(12月至4月). 復活節前後氣溫最高, 可達40度, 不宜旅遊. 雨季比較涼快, 而每場雨一般不會超過1小時. 旅遊或更舒適.
有趣的是因地理關係, 颱風從來不會吹襲胡志明市. 最多只會吹到越南中部地區.

3）語言
胡志明市人口800萬, 約有150萬華人. 官方及主要語言為越南文, 一種類似法文的拼音文字. 由29個基本字母, 加5個音標組成.
一般溝通或地址書寫可以將音標省略, 變成英文文字. 基本上所有越南人都能看懂沒有音標的越南文.

華人主要聚居在第五郡(又叫堤岸Cho Lon, 意為 "大街市"), 主要華語為廣東話. 在第五郡可用廣東話跟大部份人溝通.

英文通用性比泰國及菲律賓低. 但所有旅遊相關地方都可以用英文溝通, 自由行問題不大.

4）要帶以下物品
防蚊貼(或蚊怕水), 縮骨遮, 太陽眼鏡, 太陽帽, 太陽油, 沐浴露洗頭水(三星酒店的很差)

5）金錢
越南貨幣是越南盾dong, 符號đ (d字中間一劃) 目前電匯價1美元兌 22400đ(15年9月).
雖然用港幣或人民幣換都可以換到越南盾, 在越南用美元去換越南盾是比較方便及化算. 香港係冇地方可以買到越幣的. 建議你地如果有美金就帶美金(比港紙通用, 而且匯率高D).

在國際機場大樓, 過海關後有幾家找換店, 如用美元兌換, 匯率都可以. 不過要小心格價.其中有一家係免手續費的.

兌換價最好係市內的金鋪, 會用黑市價兌換, 比較銀行價有時會高兩三點. 不過有些金鋪無外匯牌照, 越南海關會罰, 所以唔係熟客未必會換. 酒店同旅行社(The Sinh Tourist) 都有找換服務, 兌換價比機場好些.

提款卡：
在越南可以用銀聯提款卡提越南盾 (香港匯款銀行都已經轉用銀聯系統). 機場國際到達大堂出口左邊及右邊都有ATM櫃員機, 匯率一般係用電匯價, 比現鈔價高些少.
市內好多ATM機. 隨時都可以提款.
匯豐銀行既ATM地址:
http://www.hsbc.com.vn/1/2/miscellaneous_en/atm-branch#

你要將越幣價錢換算成港幣, 可以遮住銀碼最後三個零, 然後乘 0.35 , 就係港幣價了. 例如: 100,000đ, = 100 x 0.35 = 35HK$。人民幣就乘 0.29.

VISA Card 越南唔算好普遍, 只有大酒店, 高級餐廳, 大商場至會接受. 而且好多時都有某些卡被拒絕過數.

6）衛生
胡志明市衛生唔算好差, 同曼谷, 雅加達差不多. 但係你地最初到越南果兩日, 飲少D冰. 因為好多餐廳D冰都係工廠用水喉水係咁咦過濾做成的. 礦泉水通街都買到, 4000d 一瓶. 比較安全既可以買 Coca Cola 出既 Dasani; Pepsi 既 Aquafina, 或者係本地牌子LaVie.

越南的醫生講, 傳播登革熱病毒的蚊係早蚊, 即是早上先出來吸血的蚊. 大家早上要特別小心防蚊.

7）手信
一般手信可以在安東街市(An Dong, Windsor Hotel旁邊), 檳城街市(Ben Thanh), 或超市(最多是 Co-op Mart, 有一間在 Tax Center 內, 135 Nguyen Hue, Rex酒店對面)

手信比較值得買既係咖啡. 可以買VINACAFE生產的一款叫Wake-Up的三合一即沖咖啡,賣45000d 一盒(20小包) 約HK$17. 或者G7的三合一即沖咖啡。喜歡慢慢嘆咖啡既, 可以去買Trung Nguyen(中原)或 Highlands的咖啡粉(約5至7萬500克), 另買一個滴漏杯, 自己返去做滴漏咖啡. 銻造的杯約6000d一套. 聽講沖出黎既咖啡味道比不鏽鋼杯仲好. Trung Nguyen 有一隻頂級咖啡粉, 叫 Legendee, 黃色包裝, 係仿貓屎咖啡生產.

扎肉大約係180,000đ /kg. 在第五郡陳興道(Tran Hung Dao)近阮志芳(Nguyen Tri Phuong) 街口的越北扎肉比較出名. 依家有款豬耳扎肉, 口感爽脆, 賣170,000đ/kg. 值得試下.

其他可以買: 檳知椰子糖, 大樹菠蘿乾, 腰果餅, 魚露(可惜航空公司已經禁止手提及托運魚露及榴槤), 海味(包括蝦米, 魚翅, 燕窩等, 如果你識揀既話至好買). 有款新出既連衣焗腰果, 200,000 đ/kg, 可以連衣一齊食. 營養價值仲高.

工藝品建議去安東街市3樓(An Dong Plaza旁邊), 全部可用廣東話講價. 一般係7折成交.

仲有出名的Cara貓服飾(Hikosen). 日本廠家在越南設計生產. 有好幾間分店

8）治安
越南治安只有三樣野要注意，就係的士濫收、旅遊區扒手，同埋電單車搶手袋、相機。

好多人話越南治安差, 但我就肯定比廣州深圳好. 佢地話越南多扒手, 其實係因為佢地淨係去D旅遊區. 你睇下香港銅鑼灣有幾多扒手搵食? 嚮胡志明市需要小心既係旅遊區D扒手, 同埋電單車搶野 : 影相同講手機唔好企馬路邊. 如果唔穿金帶銀, 或背住個裝出街, 晚上行街基本上十分安全. 不過話時話, 越南本地人係冇人會 "行街" 既. 因為佢地所有人都有電單車(最少一部), 去到邊都只係會嚮電單車上. 睇到有人嚮行人路行, 就知九成九都係遊客.

任何人去到越南都會話交通亂, 唔敢過馬路. 但越南人其實比大陸人更有規矩. 過馬路只要望住D電單車，一步一步慢慢行出去，如果有車beep你，你停步等佢行過就可以繼續行啦。記住只可以前行或停步, 唔可以後退. 否則一定(係百份百肯定)俾電單車撞. BTW, 我嚮越南開電單車十幾年, 都冇見過有行人俾電單車撞倒.

[ 本帖最後由 daihonman 於 2016-4-2 02:00 PM 編輯 ]

回覆引用 TOP

daihonman

高級會員

Rank: 3 Rank: 3

帖子: 1340
積分: 656
金幣: 0
註冊時間: 2005-4-22

發短消息加為好友

2^# 大中小 本主題作者 發表於 2015-6-4 12:24 AM 只看該作者

回覆 1# 的帖子

9）打電話及上網
越南電話卡同3G都好普遍，價錢仲好平。

Mobifone所有的電話卡都可以開通3G無限上網30天套餐。買張面值5萬盾的，再充多5萬入去，就可以發SMS開通，費用7萬盾。首600MB 7.2M/s 網速，之後降回30K/s 。不過要記住唔好同店員講要3G卡。因為3G卡係無電話號碼，唔可以打電話的。

申請：發SMS內容 [ dk  miu ] 去電話號碼999.
      看到回覆內容： Qui Khach DK thanh cong goi cuoc MIU… 就可以，重啟手機。

Mobifone 上網收費及開通方法:
http://www.mobifone.com.vn/wps/portal/public/dich-vu/internet-data/internet-data-chi-tiet/mobileinternet
電話卡價錢有好多種. 50,000d～100,000d. 機場出門右邊有兩家可以買到，只係比在外面買要貴3萬盾一張。Micro-SIM同Nano SIM都可以叫佢剪埋。街邊好多檔口仔都買到的. 如果買 Mobifone公司的Mobi4U,或MobiCard 的話, 打國際電話00 + 852(香港), 價錢係4100d/ min.
打市內電話1380d/min, 接聽免費. SMS 2500d 一條

越南所有CAFE都有免費WIFI (password 可以問waitress 拿). 上網都好方便. 但在酒店上網要問清楚價錢.

要漫遊香港手機號碼到越南, 可以用 “華美” 既飛線漫遊卡，好適合商務朋友使用：香港飛線漫遊到越南只係HK$0.67一分鐘. 可以在越南買到電話卡後,打電話返香港設定飛線到越南號碼. 然後將香港手機飛去華美的飛線號碼30599888, 在越南用香港SIM CARD設定飛線係唔會產生漫遊費. 方法係手機撥 **62*30599888#
華美飛線漫遊卡

10）交通
在機場坐的士，最好係在二樓出發大廳坐。全部接錶收費，無附加費用。
出海關門口後，出門右轉搭電梯上二樓，就會見到有的士站。

越南的士周街都係. 有大量7座位TAXI, 價錢跟4座是一樣的. 人多坐真係平過搭巴士. 可以打電話38383838 叫 Mai Linh Taxi, 或38262626 Deluxe Taxi 叫車, 不收叫車費. 好多的士佬會兜路, 你拎住地圖同佢講點行點行可能會穩陣D. 有事直接打去佢地的士公司投訴, 佢地就會腳軟.
三輪車 (Cyclo). 免得過就免, 亂收費.
摩托 (Xe Om) 你行街既話, 好多坐嚮電單車上既人會同你打招呼, 意思係問你坐唔坐摩托. 你夠膽既唔怕坐, 好少搵笨. 一般2公里約1萬盾, 要講價.
巴士依家都有好多線路, 每程2000-5000d. 全部有冷氣. 坐既人唔算多. 機場去Pham Ngu Lao 可以去國內航樓(出國際航樓門口轉右行100米)坐152號巴士. 從第一郡檳城街市去第五郡, 可以坐1號巴士, 沿陳興道直達.
長途車:
越南流行一種叫Open Tour 的玩法, 就係你買一張大巴車票, 可以隨意在中途站落車, 玩到夠之後再通知旅遊巴公司邊日去同一地方接你繼續行程. 由於越南係一個長條型既國家, 你買一張車飛就可以玩晒差不多全國所有旅遊點.
Open Tour 好多公司有做:
The Sinh Tourist          www.thesinhtourist.vn
Phuong Trang Bus http://futatrans.com.vn/Default.aspx?tbid=9

11）自由行
搵The Sinh Tourist 啦 (以前叫Sinh Cafe）, 幾乎全世界去越南自由行都係搵佢. 勝在平靚正, 免小費, 冇購物, 英文講解, 團友8成外國人, 一日團費US$16全包. 2天團包兩餐, 住宿, 坐冷氣旅遊巴, 住冷氣房, 門票, 船費…只係$26.
地址: 246 De Tham, Q.1在鬼佬區范五老 (Pham Ngu Lao) 附近. www.thesinhtourist.vn

12）夜生活
好多人以為越南好開放, 其實開放程度比香港仲要低. 夜遊除左BAR, DISCO之外, 只有三幾間冷清既夜總會, 卡啦OK. 最多都只係SAUNA. 仲有, 三星級以上既酒店係絕對唔會容許外國客人帶本地女人返酒店過夜. 一般做法係要你另外開一間房俾本地女人. 呢D係當地公安執法甚嚴, 唔係酒店要昆你.

按摩黎講越南無咩特別。我覺得唔係好值得去。我見過咁多外國客人，都話越南人按摩無力。
如果你係想去打發下時間，可以去Windsor Hotel溫莎酒店3樓，收費好似係12萬90分鐘，有自助水果小食。另外小費要俾10萬。越南按摩基本上係要俾小費既。雖然無明文規定，但一般要5-10萬一個鐘。

13）SPA
日本資生堂(Shusido)在越南有幾家SPA，叫 Qi.
www.qispa.com.vn
在 Caravelle Hotel 同 Movenpick Hotel 都有分店。

本地的SPA，在第一郡 (Quan 1)有一家 An Nam 都值得一試，收費都唔貴。
http://www.annamspa.vn/en/contact.html

其他越南SPA資料，可以上 http://www.spasvietnam.com

[ 本帖最後由 daihonman 於 2015-8-13 10:46 AM 編輯 ]