京阪美食 合輯 （已完成）

瀏覽: 72,251
回覆: 144
追帖: 158
分享: 38

+152

列印

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

[綜合資訊] 京阪美食合輯（已完成）

#1

發表於 2015-8-4 14:11

岩岩有朋友計劃緊年尾京阪遊，問我有咩好食，我就搵番上年倉底貨出黎，整合左資料俾佢。橫掂整左不如分享埋俾大家。

小妹係2014年4月頭去左大阪、京都賞櫻七日遊。都過左咁耐行程上可能唔多Update，就唔特登分享啦，有需要都可以留言交流下嘅。但有關美食就唔會out，我都check過各餐廳美食都仍然健在，大家計劃行程時不妨參考下。

本篇將按地區分類，分享我食過嘅正野。其實好多間餐廳唔同地區都有分店，可以搵間就腳嘅。

京都

嵐山 #2
京都駅 #3
錦市場 #4
祇園 #6
祇園 (甜品篇) #7

大阪

天神橋筋 #15
新世界 #16
天保山 #20
天王寺 #22
梅田 (早餐篇) #23
梅田 (拉麵篇) #41
梅田 (正餐篇) #42
梅田 (甜品篇) #48
道頓堀、心齋橋 #67
黑門市場＃71

京阪七日遊行程美食足本連結（按此）

[ 本帖最後由 teeniehung 於 2015-8-26 10:16 PM 編輯 ]

#京都 #大阪 #心齋橋 #梅田

回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#2

樓主發表於 2015-8-4 14:11

此行有去京都嵐山，行完竹林再出最旺嘅商店街係必去之地。嵐山商店街有七十幾間商店，有野買，有野食，用黎做午餐中轉站就最岩，黎到嵐山有好幾樣美食藉得推介。

豆腐茶屋嵯峨豆腐三忠
超人氣嘅豆腐名店嵯峨豆腐三忠，店仔細細好似一個涼亭咁，店外有一排木椅可以坐住食。叫左兩樣必點京都名物，にしんそば鯡魚蕎麥麵（¥450），一個ごま豆腐（¥380）。鯡魚蕎麥麵係新鮮熱辣，份量比想像中多，鯡魚似煙燻醃製過嘅魚，味道好濃好甘甜，蕎麥麵麥味重，口感煙韌，湯係清淡嘅鰹魚高湯，加上少少青蔥，簡單味美嘅京都麵食！另一味的確係新奇，芝麻豆腐口感唔似豆腐，似麻糬咁腍得黎黏黏的，好香芝麻味，加上醬油同Wasabi，感覺好微妙，係好食嘅。

古都芋本舖
食完鹹食，正好食下甜野，另一樣嵐山名物係古都芋，古都芋本舖就係三忠旁邊，Tabelog 3.55。古都芋一件¥150，叫左一白一黑試下。古都芋原來係類似蕃薯餅，薯蓉好幼滑，黑色嘅應該加左芝麻，但芝麻味淡淡的，兩者分別不大。

京豆庵
旁邊仲有一間舖頭人氣名店京豆庵(Tabelog 3.55)，最出名豆腐味雪糕，叫左一個混合口味(¥350) 試埋芝麻味先。雪糕質感好厚實，真係好Gelato，成杯反轉雪糕都唔跌落黎，豆腐味勁濃，芝麻味都不錯，值得推介。

京都嵐山サガパー本店
此行仲有一間雪糕名店Saga Par一定要食，就係某某食評網絡票選甜點唔知第幾名，反正就係好受歡迎嘅金獎名店。一場黎到，必試京都抹茶口味（¥300）。雪糕滑滑，抹茶味勁濃，難怪得獎!

中村屋総本店
嵐電車站外面，又發現另一間名店。嵐山有嵯峨野可樂餅出名，但日本最出名嘅就係中村屋，人龍已經證明呢一點。隨便買左一個牛肉可樂餅¥100，的確唔錯，更加香脆，牛肉味更濃郁。真佩服日本人整咁多炸來炸去，但食落全無油膩感，亦唔覺熱氣！

アリンコ京都嵐山本店
Arinco係Tabelog 3.53甜品名店。買左一個宇治綠茶味Arinco Sand (¥308)，類似雪糕三文治，微甜嘅清雪芳蛋糕加上抹茶雪糕，綠茶味OK嘅。

[ 本帖最後由 teeniehung 於 2015-8-4 03:04 PM 編輯 ]

回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#3

樓主發表於 2015-8-4 14:39

美々卯京都伊勢丹店

京都嘅晚餐試試傳統日本料理美々卯。就係京都伊勢丹11樓，上面有好多間食肆似乎都幾吸引，但既然有心水就唔好心大心細。美々卯可算係烏冬名店，係烏龍壽喜鍋嘅始創店，賣相的確好吸引，但份量似乎太多，所以最後放棄，選擇兩客賣相非常吸引，而且乜都有大雜錦定食。

最鍾意日本料理嘅賣相非常吸引，相機已經餵得飽飽。第一份係美々卯弁當¥2080。有六款小食、天婦羅、烏冬、白飯同甜品。開胃六小碟，有刺身、沙律、豆腐等。刺身新鮮不在話下，京都嘅豆腐真係好好味，豆味勁重而且質感軟滑。除左跟飯外，仲有一客迷你烏冬，可以試下傳說中達到百煮不爛境界嘅名物。烏冬果然不錯，甜味重，質感軟腍但不爛，吸收左湯底嘅味道，更加一絕。

另一客係花ゆばセット¥1770。以烏冬做主菜，配天婦羅、湯葉豆腐、季節香飯同甜品。呢個烏冬用木筒裝住，食法上有唔同。先倒出醬油，加入蔥、紫菜同芝麻混和，夾起烏冬點落去，形式似沾麵。烏冬加上醬油，係另一番風味。烏冬上仲加左豆皮，味道好清甜，豆味重，京都嘅豆製品真係比其他地方做得好。值得一讚，香飯真係好香好味。飯加上野菜、蝦米、雜菌一齊煮，飯煮到入晒味，菇味勁香。

雜錦天婦羅雖然不及天婦羅名店咁厲害，但材料新鮮，香口唔油膩已經抵讚。時令甜品更因應櫻花季節改為櫻花餅，實在太好啦！櫻花餅其實係類似糯米丸裡面加上紅豆饀，糯米好似仲加入左櫻花嘅味道，非常好食。今餐埋單¥3850，非常值得！

[ 本帖最後由 teeniehung 於 2015-8-4 03:04 PM 編輯 ]

回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#4

樓主發表於 2015-8-4 14:44

錦市場被稱為京都廚房，係京都午餐嘅不二之選。一點鐘黎到錦市場，市場商店街嘅標誌就係又紅又綠嘅彩色玻璃天幕。商店街左右兩旁都有唔同類型嘅店舖，慢慢行邊睇邊食。掃街掃一圈，食品類型幾多，食勻人氣食品其實都夠飽。

こんなもんじゃ

錦市場こんなもんじゃ專買豆腐製品。細細粒一口大小嘅豆乳冬甩(¥250十粒)。新鮮即炸，甜甜地有微微豆腐味。豆乳雪糕(¥250)。冰感十足，清甜有豆味，有啲似豆漿味嘅沙冰。

三木雞卵

超出名嘅三木雞卵，買左隻原味雞蛋卷(¥700)，價錢比預計中貴，雖然係凍食，但幾好食。外皮好實在，切開中間真真正正一層一層，味道好香，蛋味之外，仲有乾魚湯味，好甜好有味道，又有口感嘅厚燒玉子。

[ 本帖最後由 teeniehung 於 2015-8-4 03:05 PM 編輯 ]

回覆引用 TOP

boscokoko 高級會員帖子 759 積分 765 註冊 2012-6-29 發短消息加為好友	#5 發表於 2015-8-4 14:46 只看該作者大中小繁簡支持......
UID 4915312 帖子 759 精華 0 積分 765 金幣 0 閱讀權限 40 在線時間 840 小時註冊 2012-6-29 最後登錄 2019-2-9 查看詳細資料	回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#6

樓主發表於 2015-8-4 15:03

壹錢洋食

祗園、河原町可算係京都遊必經之路，的確呢度真係好多好野食。當中數最深刻嘅就係一間人氣名店壹錢洋食。淨係個門面已經殺左好多張相，非常特別。小店只賣一款食品，就係類似大阪燒餅嘅物體。因為店內都幾多人，所以選擇買一份外賣，去河邊坐喺岸上慢慢嘆，仲有風味。

就拎住外賣坐喺河邊，睇住流水，鴨仔游黎游去，呢個地點的確唔錯。外賣包裝好特別，用舊報紙包住，好有Feel。

壹錢洋食燒餅(¥650)麵漿加左大量青蔥、包住半熟蛋、豬肉、竹輪、櫻花蝦、紅薑等等，材料好豐富，再加上勁濃味嘅燒汁，真係好好味，而且都好飽肚。

六傳屋先斗町店

晚餐時間就去左食街先斗町，揀左六傳屋。一入到先斗町，真係有種時空錯錯亂嘅感覺。天氣漸暗，小街嘅店舖都開左紅燈籠，超級鍾意呢種感覺。

黎到六傳屋試下日中Fusion嘅擔擔麵。叫左一個白味噌擔擔麵¥850，另一個係黑胡麻擔擔麵¥850。

白味噌湯底勁濃味，甜味亦好夠，質感好忌廉咪，配上粗身麵條，再加上大量肉碎同白蔥，肉碎浸住喺湯裡面，充分吸收左湯嘅甜味，整體黎講係日式感幾重嘅麵。另一個係黑胡麻味，湯底改為用上黑芝麻加少許辣油，味道微辣，無咁忌廉咪，比較中式。個人較鍾意白味噌果款。

[ 本帖最後由 teeniehung 於 2015-8-4 03:12 PM 編輯 ]

回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#7

樓主發表於 2015-8-4 15:09

八ッ橋茶屋祇園店

到甜品時間，黎得京都，一定要試綠茶聖代。喺河原町見到好多間綠茶甜點，因為食物模型實在太靚，最後誤打誤撞去左呢間八ッ橋茶屋 (Tabelog 3.56)，不過錯有錯著，坐得幾舒服，質素已經好滿意。柯打左一個綠茶聖代(¥1200)，成品造型實在太靚啦，同相片有99%相似。份量都幾多，材料亦好好豐富。最頂有綠茶味Marcoon、薄脆、小丸子，再加上金薄。綠茶雪糕味道勁濃郁，配上勁甜勁好味嘅紅豆，仲有綠茶味嘅啫喱。聖代中層以綠茶清蛋糕分隔，最底繼續係綠茶雪糕，真係一個好豪華、好好味嘅甜品。

茶寮都路里祇園本店

離開小店無耐，先發現左Tabelog 3.62嘅超人氣名店茶寮都路里，見到排隊排到落樓下，註定同佢無緣。最後為左完成心願，買左一個期間限定櫻花味雪糕(¥370)當捧場。雪糕有淡淡櫻花香，上面灑上綠茶粉，質感好幼滑，不錯。

[ 本帖最後由 teeniehung 於 2015-8-4 03:55 PM 編輯 ]

回覆引用 TOP

yuenlaw 二星級會員帖子 420 積分 436 註冊 2006-11-4 發短消息加為好友	#8 發表於 2015-8-4 15:17 只看該作者大中小繁簡支持~流口水中~!
UID 1865368 帖子 420 精華 0 積分 436 金幣 11 閱讀權限 30 在線時間 1510 小時註冊 2006-11-4 最後登錄 2021-11-11 查看詳細資料	回覆引用 TOP

00026439 Silver Member 帖子 13862 積分 13727 註冊 2009-11-3 發短消息加為好友	#9 發表於 2015-8-4 15:26 只看該作者大中小繁簡 Support!~
UID 3944222 帖子 13862 精華 0 積分 13727 金幣 0 閱讀權限 70 在線時間 8363 小時註冊 2009-11-3 最後登錄 2019-12-30 查看詳細資料	回覆引用 TOP

tasmanbay	#10 提示: 作者被禁止或刪除內容自動屏蔽
tasmanbay 日夕問世間可有牛市在禁止發言宮崎駿可以拍貓之報恩續集帖子 37118 積分 38157 註冊 2013-11-10	#10 發表於 2015-8-4 15:49 只看該作者大中小繁簡提示: 作者被禁止或刪除內容自動屏蔽
UID 5301962 帖子 37118 精華 0 積分 38157 金幣 15 閱讀權限 0 在線時間 2148 小時註冊 2013-11-10 最後登錄 2015-10-5 查看詳細資料

teeniehung 貓貓 VIP 帖子 3771 積分 4178 註冊 2012-11-12 發短消息加為好友	#11 樓主發表於 2015-8-4 15:56 只看該作者大中小繁簡引用: 原帖由 tasmanbay 於 4/8/2015 15:49 發表謝謝, 如果介紹埋景點就very good! 因為我係上年去架，我驚倉底貨唔update呀
UID 5024336 帖子 3771 精華 2 積分 4178 金幣 0 閱讀權限 60 來自 Hong Kong 在線時間 1386 小時註冊 2012-11-12 最後登錄 2021-3-19 查看詳細資料	回覆引用 TOP

lamborghini4366 高級會員帖子 609 積分 541 註冊 2015-5-28 發短消息加為好友	#12 發表於 2015-8-4 15:57 只看該作者大中小繁簡
UID 5645284 帖子 609 精華 0 積分 541 金幣 0 閱讀權限 40 在線時間 200 小時註冊 2015-5-28 最後登錄 2016-9-30 查看詳細資料	回覆引用 TOP

夏日的摩摩西高級會員帖子 642 積分 637 註冊 2008-8-11 發短消息加為好友	#13 發表於 2015-8-4 16:03 只看該作者大中小繁簡呢個美食post真係無得頂,小弟去京都唔洗煩食乜啦
UID 3322509 帖子 642 精華 0 積分 637 金幣 425 閱讀權限 40 來自香港在線時間 3657 小時註冊 2008-8-11 最後登錄 2022-5-22 查看詳細資料	回覆引用 TOP

teeniehung 貓貓 VIP 帖子 3771 積分 4178 註冊 2012-11-12 發短消息加為好友	#14 樓主發表於 2015-8-4 16:07 只看該作者大中小繁簡引用: 原帖由夏日的摩摩西於 4/8/2015 16:03 發表呢個美食post真係無得頂,小弟去京都唔洗煩食乜啦多謝俾面喎, 計劃幾時去呀?
UID 5024336 帖子 3771 精華 2 積分 4178 金幣 0 閱讀權限 60 來自 Hong Kong 在線時間 1386 小時註冊 2012-11-12 最後登錄 2021-3-19 查看詳細資料	回覆引用 TOP

teeniehung

貓貓

VIP

帖子: 3771
積分: 4178
註冊: 2012-11-12

發短消息

加為好友

#15

樓主發表於 2015-8-4 16:09

天神橋筋商店街係日本最長嘅商店街，成條街橫跨三個地鐵站距離，全程有2.6公里，由七丁目行到一丁目差不多要用上一個鐘時間。商店街有成八百間店舖，好多都係舊式家居小店，體驗到傳統大阪街坊生活，仲有人氣鼎盛嘅食肆，特別係壽司舖，因為呢度係有名嘅壽司激戰區。
権太呂すし天六店

喺壽司激戰區裡面，隨便搵間食質素已經夠好，今行揀左一間権太呂試下。舖仔細細，全店十零個位都係Bar位。全店以木製裝修，正宗日本風情。

揀左兩份是日午餐，落單後，師傅係面前即整，係正宗嘅手握壽司。成品同食物模型幾乎一樣，色彩鮮艷，閃令令，好吸引。壽司飯上已經放左Wasabi，只需沾上少許豉油。壽司飯相當結實痴口，加上壽司醋，味道甜味帶微酸。每件刺身都非常新鮮，魚肉濃而且勁鮮甜。

小妹其係唔多敢刺身，怕唔新鮮太腥，但黎到日本係乜都夠膽試。今次係第一次食海膽，原來好甜好香，好有海味。吞拿魚完全無根，魚味好濃，食過之後發覺比三文魚更好味。又黎第一次試三文魚籽，咬開脆卜卜嘅外皮，中間嘅汁爆晒出黎，全個口都係海鮮味。跟餐嘅湯麵豉味非常濃郁，仲有一舊魚骨腩，少量豆腐同昆布，好好味。試過呢餐後發現原來好味嘅壽司真係可以好好味!

上にぎり1人折 (¥712)，八件加麵豉湯。另一份まんぷく1人折 (¥712)，有十二件壽司。

宇奈とと南森町店

晚飯時間選擇食鰻魚飯。名代宇奈とと出名平靚正，最平嘅鰻魚飯只需要¥500，¥500有得食鰻魚飯的確吸引。柯打左一客¥500鰻魚飯，另一客加左蔥同溫泉蛋嘅鰻魚飯 (¥800)。雖然價錢平，但鰻魚俾足一大塊，而且鰻魚仲係肥厚有肉地。日本嘅鰻魚真正係炭火燒烤，所以炭香味十足，鰻魚本身一啲都唔腥，醬汁好濃郁，細蔥香味極濃而且好甜好脆，加埋半熟溫泉蛋，送飯一流。值得一提，日本嘅飯除左比較煙韌外，飯粒本身已經好夠甜味。飲埋杯清涼麥茶，非常完美嘅晚餐！超抵食!

[ 本帖最後由 teeniehung 於 2015-8-6 09:26 PM 編輯 ]

回覆引用 TOP

引用:

引用: