• 瀏覽: 899
  • 回覆: 5
  • 追帖: 1
不久以前,我屋企人去左"kum菩提禪修"跟佢地練功修法,據講係可以強身健體,導人向善。

咁有日我就跟左去個係九展開既法會,感覺佢地個女神出場方式同某D傳銷高層好似,都係有人會係側邊高聲吹噓完一輪,之後先登台。

跟住呢就講左一堆大道理再夾雜D奇怪野,例如係唔想扯鼻鼾就唔好食豬,因為豬D聲似扯鼻鼾聲。怕水就唔好食魚ETC..

再之後呢就開始發功幫在場既人醫病,播左D 好似催眠用既ALPHA聲波,搞到我頭都痛埋(我聽親UTUBE催眠聲帶就會頭痛)。在場既人有D又好配合係度咳黎咳去,我都有嘗試去感受一下,但係除左頭痛都無感覺,我頂唔順中途走左。

我屋企人之後都繼續成日有去佢地個佛堂度修練。跟住佢地就開始同我講佛堂會拎D加持過既茶餅、佛珠果類物品黎拍賣,幾千至幾萬不等。又成日同我屋企人灌輸呢D係好少錢好平常,邊個邊個師兄師姐捐左幾多十萬又捐間佛堂出黎。

當然,我屋企人過左一排之後真係比左舊錢買左野。

我懷疑我屋企人比佢地催眠同洗腦,同佢分析佢又話師傅唔可以被試探同懷疑,好大罪的,唔聽我地講。我地好怕佢繼續去比錢買野,玩身家。

有無人有關於呢間野既經歷分享下。



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[按此隱藏 Google 建議的相符內容]