• 瀏覽: 102,212
  • 回覆: 848
  • 追帖: 58
[隱藏]
引用:
原帖由 132014 於 2016-2-20 11:00 PM 發表




我地成日去三鄉玩,食得好住得好温泉是天然的,近近地hea住玩,輕鬆舒服



三鄉,等我紀錄在案先,謝謝妳






熱賣及精選
引用:
原帖由 auwai793 於 2016-2-20 07:12 AM 發表




有咁多野食好難唔熱情

有無影食緊麵包個時既相?
掛住餵,都唔幾得影佢地食緊嘢個樣






相比別海町,標津町旅遊資源相對較少,不過都會簡單提提。

標津町観光協會
http://www.visitshibetsu.com




標津サーモン科學館(標津鮭魚科學館)
標津町係出產較多鮭魚地方,於是有一個專門介紹鮭魚科學館,比較適合親子活動。
http://www.shibetsu-salmon.org




標津サーモンパーク(標津鮭魚公園)
剛才介紹科學館只係公園一部分。公園面積相當大,亦有戶外遊玩設施。
http://www.shibetsu.net/salmonpark/





北方領土館
之前提及根室市別海町都有關於北方領土設施,標準町有「北方領土館」
http://www.nemuro.pref.hokkaido. ... ry/7h-ryoudokan.htm




標津町営金山スキー場
http://www.nemuro.pref.hokkaido. ... /8o-kanayamaski.htm




有排追






[隱藏]
引用:
原帖由 mikasa 於 2016-2-22 09:28 PM 發表

有排追

http://i.discuss.com.hk/d/images/r10/androidD.jpg
咁會越黎越多債



引用:
原帖由 auwai793 於 22/2/2016 22:39 發表



咁會越黎越多債







每次睇遊記提及 HK Express 乘坐體驗,各人描述都唔太一樣。研究一下 HK Express 機艙配置後,終於理解係點樣一回事。

HK Express 係 2013 年中途轉營做低成本航空,要符合載客量高而成本低要求,一般都選擇 A320 。不過 A320 非常多訂單,一時間轉營邊度搵?最初就係香港航空轉過黎,之後有來自 Jetstar 舊機,然後捷星香港、Tigerair 用唔到訂單。由於飛機來自五湖四海,一切謎底解開。


以下簡單解釋各款機艙配置分別,資料截至2016年2月:(本篇圖片來自網上)






1. 香港航空塗裝(B-LPB, B-LPE, B-LPF, B-LPG, B-LPH)

自從 HK Express 轉做低成本航空,第一批採用 A320 就係來自香港航空。當時呢批機都只用一年左右,所以當時 HK Express 非常自豪話擁有最年輕機隊。

機身仍然使用香港航空塗裝,部分更改為 hkexpress.com,部分仍然標明「香港航空」,不過現階段都係屬於 HK Express 營運。



機艙當然係香港航空標準配置,只有 174 座位,座椅距離較闊,可165度躺後。不過使用暗紅色座椅的確影響觀感,明明係2012年開始用都好似舊機。




2. 舊款 Jetstar (B-LCA 燒賣, B-LCB 蝦餃, B-LCE 腸粉)

要盡快開拓新路線擴充機隊,唯有先向舊機埋手,2014年開始租三部原屬 Jetstar 三部 2004-06 年開始運行飛機。

原屬 Jetstar 飛機,HK Express 接收後,正式採用自家機身塗裝。



Jetstar 標準放置傳單在座位頂部,亦使用比 Peach/Vanilla Air 較厚身座椅,令乘坐時感覺稍為舒遍,不過需要用餐時相對空間較少。黑色座椅配橙色邊行李架,雖然使用超過十年,配色才感覺是現代使用飛機。




3. 原捷星香港 (B-LCF 手羽先, B-LCG, B-LCJ)/ Jetstar (B-LCD 春卷)

飛機編號較後三部其實較早生產完成,因為原本係捷星香港飛機,2013 年已交付。直到 2015 年香港空運牌照局拒絕捷星香港的牌照申請, HK Express 使用了其中三部。
至於 B-LCD「春卷」屬於未交付 Jetstar 時已經取消訂單,所以機內除座位外,細部配置會跟其他 Jetstar 的不一樣。



相中可以見到左邊第一行座椅前沒有隔板,相信係為左用盡空間,令每行座椅距離較闊。




4. 原 Tigerair 訂單 (B-LCC 叉燒包)

暫時唯一一部原屬 Tigerair 訂單,同樣未交付前已改為 HK Express。



同樣採用黑色普通厚身座椅,分別係第一行座椅前有隔板,傳單放在餐桌下面。




不過事前無辦法確認會上列邊類飛機,以上資料純粹滿足一下好奇心。



相比各師兄師姐遊日與乘坐飛機次數,特別係廉航,小弟絕對係新手一名。最近乘坐來回東京羽田航班,對我黎講都有唔少第一次新鮮體驗。

去程乘坐 UO624 ,預定 0010 香港出發, 0505 到達東京羽田。


一如往常回家食晚飯沖涼,然後脫離日常軌跡坐機場巴士,大約 2130 到達機場。然後先去 HK Express 首次轉去第二航廈 P 段行李寄艙。

依家 HK Express 香港總共分三條隊,普通隊外仲有需付費 Priority Check in ,同埋事前網上預辦登機可以用 Bag Drop。雖然 HK Express 午夜航班唔多,排 Bag Drop 隊都會快少少。




起飛前一日首次使用 HK Express 網上預辦登機,需要事先列印登機證,Seq No 都係排 11 號,好似唔係太多人用。
第一次用A4紙登機證(相信亦係 HK Express最後一次,2016年2月 HK Express 新推出 App,可直接用手機登機




個人習慣係返去一號客運大樓離境,因為唔鐘意坐多一段無人駕駛,亦順道參觀一號客運大樓。

HK Express 自2016年2月開始,香港機場主要使用中場客運廊以及接駁巴士上機。所以應該唔會再好似今次用北衛星客運廊登機。本來甚少設施北衛星客運廊,夜晚連僅餘 Starbucks 都收檔。




2340 可以登機,登機前最後檢查要我出番黎。原來因為網上預辦登機,要核對護照資料,咁點解頭先 Bag Drop 唔做埋 …




事先用機場 APP 查之前個班到左未,所以上機前已經知道係 B-LCA (燒賣)




去程想早少少入境,揀左唔使再額外加錢既 6D 路口位。始終部機用左接近十年,座椅邊位有少少舊,不過都可以接受。座位空間仲算可以。




其實只要前一班無問題,一般 UO624 都非常準時。今次 0009 push back, 0029 take off,同平時差唔多。

由於係零晨航班,雖然幾乎坐滿,全程都好靜。冬天日本去程一般較快,全程大約三個半小時,扣除填寫過關表格時間,聽住歌訓,感覺好快就到。0450 已經降落,諗諗下第一次坐飛機去日本方向,全程都係天黑。

一如所料,到東京羽田後都係去 HK Express 常用 143 閘口,需要行一段路先到入境位置。排隊前仲懶醒快手羅定幾張入境表格,點知排隊時睇清楚原來係韓文版。




現時使用羽田深夜時段航班越來越多,所以雖然小弟應該係全機第一位去到入境排隊欄,前面仍然排左幾十人。不過羽田國際線過關效率值得一讚,唔駛十分鐘已經完成,去到提取行李剛剛開始運送,望錶 0510 已經步出禁區。

之後故事請到東京國際空港國際線(入境篇)



承接東京國際空港國際線(出境篇),主要補遺乘坐 HK Express 部分。

回程乘坐 UO623 , 預定 2355 東京羽田出發, 第二日 0400 返回香港。呢班有時會遲少少,不過我自己都想遲,因為太早到未有車返屋企。去到羽田睇即時航班資訊,一切如常。




食完晚飯剛剛到 2100,可以 Check In 。當時 HK Express 剛剛提供日本網上預辦登機,東京羽田已經有獨立排隊欄。





雖然有做網上預辦登機,不過一來無辦法印A4版,二來今次想要張登機證。原來依家有自家登機證,唔使再借用 ANA 既。




用十分有限時間參觀羽田國際線及出境後,到達 143 閘口時已經 2328,上機前唯一記得影就係呢塊牌,真失策。




回程航班係暫時未有稱號 B-LCG ,明顯比去程 B-LCA 「燒賣」較新。有相為證第一行前面無板相隔,至於其餘機艙配置就同去程一樣。




回程無揀位,無其他人咁好彩編去前排座位,反正時間多的是。全機又係幾乎全滿,同樣都係全程好靜訓哂。不過感覺坐左好耐,事實亦需要五個鐘。




0349 已經到港,轉接駁巴士、入境,又係要等一陣全部送哂先有行李離開,已經接近 0430。




香港機場凌晨時份禁區外早餐係無選擇,行哂全個範圍只得老麥,無辦法唯有照食。
跟住就坐頭班機場巴士回家。

[ 本帖最後由 auwai793 於 2016-2-24 07:28 AM 編輯 ]



[隱藏]
C hing, 你真勁!
好詳盡的乘撘體驗 report, 真係有心。

我唔係好明點解你話臨上機前只影到塊登記閘口牌好失策,唔通嗰度還有很多有趣事物嗎?

另,你記不記得兩程去回凌晨機在起飛後飛機有否關燈讓乘客睡覺?我印象中近年他們只較暗了機艙照明少少,機艙內仍頗光猛,令我很難入睡,明明第一次坐是將照明全關的。






附和下Ching,小妹只坐過4次快運,燒賣、春卷、港航機及腸粉,
印象中燒賣及春卷都坐得感覺良好,而港航機坐椅好舊,4次體驗中老公只對腸粉不滿,因為在機倉內聽飛行中引擎聲好大,老公表示此機質數差,小妹當然明白老公暗示d咩






引用:
原帖由 132014 於 2016-2-24 09:09 AM 發表

附和下Ching,小妹只坐過4次快運,燒賣、春卷、港航機及腸粉,
印象中燒賣及春卷都坐得感覺良好,而港航機坐椅好舊,4次體驗中老公只對腸粉不滿,因為在機倉內聽飛行中引擎聲好大,老公表示此機質數差,小妹當然明白 ...
我唔明喎
即係話以後唔坐快運?






引用:
原帖由 justjack 於 2016-2-24 08:11 AM 發表

C hing, 你真勁!
好詳盡的乘撘體驗 report, 真係有心。

我唔係好明點解你話臨上機前只影到塊登記閘口牌好失策,唔通嗰度還有很多有趣事物嗎?

另,你記不記得兩程去回凌晨機在起飛後飛機有否關燈 ...
臨上機個度只係時間太少,去到閘口已經 Final Call ,當時已經無人排隊上機,地勤又好似好心急,想影多幾張相都唔得咁解。

我係第一次坐快運凌晨機,所以唔知以前點樣。今次兩程都只係關兩旁照明,通道就只較暗少少。所以去程坐路口位感覺好光,回程坐窗口位都只係稍為好少少。我記得以前坐過ANA晚機回港、日航羽田凌晨機、其他長途機,機外天黑時用餐後都係將照明全關,所以今次快運咁樣安排都幾唔慣。



引用:
原帖由 132014 於 2016-2-24 09:09 AM 發表

附和下Ching,小妹只坐過4次快運,燒賣、春卷、港航機及腸粉,
印象中燒賣及春卷都坐得感覺良好,而港航機坐椅好舊,4次體驗中老公只對腸粉不滿,因為在機倉內聽飛行中引擎聲好大,老公表示此機質數差,小妹當然明白 ...
原來飛機改點心名,真係會有人去記住。

港航機坐椅好似布面?如果係呢種好易污糟,唔明點會用。


個暗示我跟師姐諗法一樣,唔知係唔係 ...



[隱藏]
其實每次老公都反對搭廉航,因為所有都是我揸主意,師奶仔我成日貪平,唔會理老公意思






提示:支持鍵盤翻頁左 右
[按此隱藏 Google 建議的相符內容]