• 瀏覽: 3,305
  • 回覆: 23
[隱藏]
(本在米記寫開,但不能在別人地盤打臉,特回塘月旦,下筆會暢快些。純是個人累積觀察。Facts如有錯,請指出。不會和人爭抝見解)

網神Siu終於忍不住,於16-03-28〈消搖遊〉中炮打人力,狂踢快必腎囊,三日後,又執多劑。話Siu忍不住,其實忍九咗兩年幾。人力(核心幚)成班係離地廢柴,早應掃把。快必帶搶投靠,古靈精怪,桀敖不馴,單打成性,比光頭達更錐心錐肺,Siu吹佢唔漲。(不表示我反對快必,我只是講古)

先講新人力的組成。話說郁人離去時(2013-03),Siu氏本有心棄船(+摺人網)。我記得當時Siu趷過陳大舊---話陳大舊代表人力,佢唔就,可見當時幾憎人力---點知陳大舊反水郁人,而新人力權力架構似回復Siu氏近衛軍形態﹕幾個舊選力(慢必、劉嗡、林CEO、星屑、靚女袁、快必、哨牙蘇、嚴達明…)揸哂fit。Siu氏騎住伙計CEO,CEO又係袁主席條仔。另一「權臣」劉嗡又係所謂頭號弟子,慢佬全系出人網....。

(1)

[ 本帖最後由 william.c 於 2016-4-2 10:31 PM 編輯 ]



回覆 引用 TOP

熱賣及精選
網神Siu炮打人力、踢快必腎囊

我猜想,當時Siu氏應感覺到人力又回歸蕭氏樂園麾下,所以再玩落去---話就話唔再支持政黨,但盲都睇得到,米網呢個竇能量大過政黨本身---但誓估唔到班廢柴三年來郁都未郁過(籌款、論述、群眾、組織等),Siu氏早年心血,化為流水。靚女袁成海怡女(未䇔當䊨),劉嗡基本上係鳩夾(佔中無發生過,而更激烈的79天佔領又失敗了),而雙陳根本係隔離著核心幫。最有表現的反而是快必,可惜是個精神上反骨仔(常皮裏陽秋地趷老Siu),下再述。

講返2012年選舉,二奶仔慢佬必意外當選。三年下來,此同志(無眨意)竟是個高手,問政無得頂(但我反對他的立場),處世行事更勝快必百倍,陰滋全。選前,已側聞他和老Siu不和。當選後,Siu迫住硬啃。我當時以為慢佬會飛起Siu,點知一樣黐住迷網,上下節目咁(最大黨),但唔上身。永遠笑騎騎,不囂士。對人力猶是(注),佔超然地位,據人力排頭,但不會揩埋核心幫堆(近來影返張新選力相,算是俾面,但低調地企係邊位) 。

近聽Siu氏炮打人力,話會支持慢佬再選,卻透露一年未見過慢佬(?),而蕭太更反對再支持慢佬(!)。旁邊四眼昌霎下霎下,如鴨子聽雷。我輩中人則看到慢佬的「反骨味」(指Siu氏費了180萬,卻得不到慢佬應有的尊重---2013年初Siu氏罵過人力只注重議會、不注重街頭抗爭,明顕不like雙陳---一年未見過面,算不上是尊重,成個鄧小平對毛澤東咁款(1960-1967)。女人(蕭太)是唔抵得頸的,Siu氏則想借住老婆把口呻下。

(2)

[ 本帖最後由 william.c 於 2016-4-4 12:39 PM 編輯 ]



回覆 引用 TOP

記唔記得2014年,好似係6月,老蕭藥房開張時同袁主席關係緊張單嘢?






"SYLLABUS無,考試唔考,問黎做乜?識左都搵唔食啦!"你就係呢種人!

回覆 引用 TOP

網神Siu炮打人力、踢快必腎囊

咁點解呢一期Siu又高調地撐慢佬?第一,慢佬係議會上表現真係不錯。第二,是慢佬砌低了版權條例,同謎網慳返好多麻煩(唔止係錢嘅問題)。第三,慢佬點無情無義,從實用主義角度看,點都好過核心幫班爛泥,尤其是耍隊住快佬必。

Siu氏大概也看出快佬必之熱中(政治),實受慢佬中選之影響,可謂過氣DJ奇遇記。現觀之,快佬必的頭腦及口才是高於慢佬的(但個格衰D),有理由追趕(又來一個奇遇)。佔領之後(2015年初),我寫過,我話最開心的可能是Siu氏,因為光頭達和快佬必或會坐籠,咁就無得選,點知似乎無件事(排期有排等)。可笑迷記討論區班網x,仍噏嗡x叫,不知西東,Siu氏早就憎快佬必憎到出汁。

--<>--<>---<>--<>---<>--<>---<>---<>---

先放下爛泥核心幫不論,講下網神Siu狂踢快必腎囊始未。據我記憶,早在2014年時,快必就在節目中不著意地單打老Siu。我初時有點詫異,後來觀察下去,咦,呢條壽頭(我覺得佢似洋蔥頭)幾有能耐,拍得住光頭達---指witty。之咁,他和Siu氏不能比較。Siu氏聰明絕頂、博聞多學,意志力強,但卻是一個聰明懵佬。而快佬必則是個心水清的人(儘管有其他性格弱點),所以前兩天(〈天外有天〉)他向Siu氏隔空懺悔的剖白,頗以為他是矯情。難道他不知道,二人衝突主要是意氣之爭,路線/思想之不合只是皮相。

細佬,難道你唔知道你從來無欣賞過老細(把口話尊重係無用的),內心太寸?第二,路線/思想(由佔中到現在)係不合(反暴力),卻陽奉陰違地多次地藉此單打老細---我很多地方讚成快必的見解主張,但我是保守派角度。我更反對他港獨心態,另話---這叫做不敬,佛都有火。不尊不敬,兼玩嘢(你話唔係就得呀?),老細唔妥你呀!虧迷記討論區班網x還睇不出這一點,仲醬係路線/思想不合的泥掉中。

(3)

[ 本帖最後由 william.c 於 2016-4-4 12:43 PM 編輯 ]



回覆 引用 TOP

[隱藏]
網神Siu炮打人力、踢快必腎囊

無錯,呢一次Siu終於忍唔住,又一次借傷成毒---上一㳄係黃郁入,為咗攬光頭達---但不能話Siu氏虛偽,另一方面,他又真的為「反種族仇恨」及「反暴力」而鬥爭。但這叫唔化,乜倫嘢逍遙遊,自欺欺人。但相信我,這是次要的。

Besides,Siu氏這兩三年來路線/思想變化很大。請大家倒帶看,政改不過後,此君言論雖然不是為建制派(含中共)講話,但是是站在建制派(含中共)角度講話(我也是)。2016-03-17的三節〈逍搖遊〉講反自決(注1),聽得我目定口呆,老Siu幾時變了另一個william.c?成反獨健將?---坦白說,我講得無佢咁好---快必霎下霎下,幾天後在《本土自決論壇》上還露出了港獨面目(大公報點了名)(注2)。難道佢無聽呢一集?

但唔明老Siu(31/03)點解話佢已改過(口話唔讚成暴力就叫改過?),話佢講得好好。快必27號講話基本上是踢17號老Siu的主旨。兩人思想明顯撞車,一個由溫和激進派轉為進步維隱派(我作的名詞),一個是皮裹陽秋的勇武派(雖然廁身人力)卻明揭自己是一個港獨,除非他不明白什麼是自決。兩人究竟鬧邊一齣?快佬必以後點兜?我唔明快必點解前兩天在〈天外有天16-03-30〉仲向老Siu懺悔(話不是暴力革命之類),難道是假惺惺?or,真懵?(除非無聽17號蕭遙遊)。

(4)
(注1)
《蕭遙遊286集》2016-03-17
http://www.>><</player-7441-%E8%95%AD%E9%81%99%E9%81%8A-%E7%AC%AC286%E9%9B%86#16601
(注2)
本土自決論壇 2016 - 譚得志2016-03-27
https://www.youtube.com/watch?v=l_O1AMiTR-U

[ 本帖最後由 william.c 於 2016-4-3 07:05 PM 編輯 ]



回覆 引用 TOP

引用:
原帖由 singleman2006 於 2016-4-1 06:08 PM 發表

記唔記得2014年,好似係6月,老蕭藥房開張時同袁主席關係緊張單嘢?
http://i.discuss.com.hk/d/images/r10/androidD.jpg
記得,分兩part,這裏先講踢腎囊。靚女袁一向養唔熟(老siu角度),但袁基本上是金魚(非眨詞),排下第二位,OK。俾班佬推個女人去前台做主席,no guts,吾不欲觀之矣!所以嚴達明要走(老siu唱出)。連成員都不是的兩個佬,越俎代庖在〈網上最大黨〉中揚言政黨名唔重要(理念才重要),意圖「去人力」,乜撚嘢人嚟架,乜撚嘢政黨嚟架!-

[ 本帖最後由 william.c 於 2016-4-3 07:08 PM 編輯 ]



回覆 引用 TOP

網神Siu炮打人力、踢快必腎囊

激進派呢一班人幾時變咗堅持意識形態的革命理論家?尤其是Siu氏,一身銅臭,卻大談鬥爭原則。對同路人以致戰友,翻面如翻書,上綱上線。係,內中不免有思想上的沖突,但何來會有咁多思想衝突?又使乜搞到你死我活咁。試數數﹕王岸然、劉慧卿(倒董)、陶君行、光頭達、黃郁人、黎則奮…等等。不禁令人懷疑,一如毛澤東的內鬥,一定以階級敵人,路線分岐先行。中國人都係咁嘅?

Siu氏可怕之處是,一是翻面之後往死裡打。比如,不見他聲討譚耀宗葉國謙,倒將昔日最親密戰友黃郁人視為殺父仇人(郁人語),將多年老友黎則奮打為死敵(如我無記錯,黎則奮只不過將金融界政協x太和Siu氏關係說出,Siu氏屈黎則奮說他投共,因而翻檯)。

第二點可怕之處是﹕毒舌。如唱足劉慧卿四五年為四方西(注1)﹔唱黃郁人開車門+乞兒、等等(注2),十分不厚道。今次唱尚是人力成員謎米主持人的快佬必酗酒,也是不該的,十分不漂亮。作為網台老板,可立馬炒之,而永遠不提有人酗酒,而不是作為鬥爭手段。(Btw,激進派多有呢種內鬨,黃郁人都俾班舊社民連友纏鬥多年,陳雲更長期被xx叛徒噬擊,民主黨公民黨就少發生這種情況,所以我說此派多為鳥合之眾)

(5)

注1﹕另一例子是查小欣。查㧗評過Siu,S恨得牙癢癢。後查被電台炒尤,Siu在節目中評論,話查是失婚婦人,會令兒子無面(大意)。聽到我目定口呆,世界上邊有咁foolish的知識人?我倒聽聞消定欣幾次抱怨父親on this subject。(上述siu言論,我如記錯,請指出)

注2﹕郁人百分百係條仆街友,但這是另一回事,無理由在網台上咁掲私式唱人的,又無第三者。你睇下余若薇、梁家傑、劉慧卿,甚或李慧婛、會唔會咁樣唱人?

[ 本帖最後由 william.c 於 2016-4-4 01:58 PM 編輯 ]



回覆 引用 TOP

網神Siu炮打人力、踢快必腎囊

有朋友不太明上文這一句﹕「細佬,難道你唔知道你從來無欣賞過老細(把口話尊重係無用的),內心太寸」。啊,我無將背景講清楚。

眾所周知,人網-謎網都是「蕭氐樂園」,外間參加者(如嘉賓主持人,如譚炮長毛等)都是參加俾面派對。而「入伙者」(以信徒及仰慕者為主)多多少少是入教性質,精神上及態度上要奉Siu為尚。雖然Siu氏狀若開明大度,但個人認叻成性,自我爆棚,喜歡別人崇拜。「入伙者」不獻媚似不能立足,或者埋唔到蕭幫主近身(人網-謎網新人如走馬燈般,其實很傷成本)。本人在本版多年前已諷剌Siu氏為丁春秋或洪教主。

近年人網-謎網還多了個「吹燒幫」稱號(吹燒幫本來是個眨詞,一如教主、國師、熱狗是諷語,現在四眼昌可以當住Siu面前說出來)。查吹燒幫可分為幾類﹕

(A)死忠之士---
(a)無保留地崇敬Siu氏---天鵝婆,于非。
(b)崇敬Siu但知道老人家有弱點、「認真你就輸」---林雨陽、劉嗡、肥亨利、哨牙蘇。

(B)俾面派對友---太子甄、陳大舊,劉夢熊。

(C)養唔熟之士---靚女袁、慢佬全。

(D) 陽奉陰違友---快必,林匡正(已離開)。

(E)) 反骨仔---
(a) 一早睇唔起Siu氏的---光頭達。
(b) 典形(唔識講嘢)的韋小寶---鬼食泥近。
(c) 俾面派對友、黐老細友---黃郁人。
(d) 陽奉陰違、怕死的---梁台長。
(e) 陽奉陰違,內心睇唔起Siu氏的「潛伏反骨仔」---快必。

(6)

[ 本帖最後由 william.c 於 2016-4-4 02:34 PM 編輯 ]



回覆 引用 TOP

網神Siu炮打人力、踢快必腎囊

眾人吹燒有太多形態,毋須下下「燒山好嘢」,但態度上(神情上)起碼要欣賞燒山的「才學」。肥享利是一個好例子,雖疑似黃教幫,但面對燒山,婉轉盛歡,舒眉展顏鳩笑,殺死人。

快佬必是帶槍投靠,桀敖不馴。試睇下七年前的一條片,鋤燒山麾下的一個被黑社會養大的人(四年後、郁消才分裂)。聽下他的語氣,當年已不屑「蕭氐樂園」作為,態度上與Siu平起平坐(他自己也有網台)﹕

〈黄毓民被快必寸到盡,if 黑社會養大,黑社會文化思維,有私義無公義〉2009/10
https://www.youtube.com/watch?v=moYK4URWbU0

(7)

[ 本帖最後由 william.c 於 2016-4-3 01:00 PM 編輯 ]



回覆 引用 TOP

[隱藏]
很久沒見W兄發表高見了......

想問下W兄:如你所說,慢佬咪好大機會連任成功?

流力本身如果大舊唔選,就算圓主席取代佢選新西,腦燒都唔會大力支持個喎......



回覆 引用 TOP

#10

2015年起轉去meme寫,因為那邊多人些,但就住就住。

我注視大選(美國為主)有幾十年之譜,2008年成功地預測到馬英九Vs謝長廷選舉結果%。年紀越大越不敢預測(尤其是香港),憑什麼?真的是沒條件,非政治人,足不出戶(指少交際),2012年就估錯慢佬不能當選。

立會選舉變數(factor)太多太多,主要看選舉工程及對手---講咗等於無講。今期〈大君伐〉(01/04)阿陶講得好,認清咗(美國)民主(選舉)是一種形式,是錢發生主要作用。

慢佬全係新東,照正路應連任。因為議會上表現不錯(拉布卻無乜上街),當任議員多數會連任,因為多人認識。慢佬全佔據三種票源,他雖然是溫和激進派代表,但形像上是中產溫和民主派(D選民多數分唔開乜溫和激進,乜溫和民主) 。

第二,當然所謂激進派選民,呢一方面,要同所謂本土派爭,目前有陳雲及楊天琦(未公佈參選)。〈本土力量〉何志光話楊天琦不會出選。我早已說過6.6萬票是抗議政府票,非支持掟磚票(所謂本土派主張)。楊天琦倘參選也不會當選(太靚仔),況且,新近爆出,黃台仰楊天琦個底似乎好臭。呢一區,要識同長毛分票至得,同時側翼對手是張超雄,票源有重疊之處。

第三,同志票及同情性別平等票。

弱點係,無地區樁腳,以及反同選民不投他,反拉布者憎死他(阿爺唔知會唔會出手)。老Siu支持,是利好,起碼money ,money。老Siu似乎要利用慢佬以建立第三個人力(what ever),以對抗潛伏反骨仔快佬及爛泥核心幫。Meme老Siu派信徒(新東選民)會全部支持慢佬全。

[ 本帖最後由 william.c 於 2016-4-4 02:41 PM 編輯 ]



回覆 引用 TOP

#10

>>流力本身如果大舊唔選,就算圓主席取代佢選新西,腦燒都唔會大力支持個喎......<<

偽命題。老Siu增死人力,猶如毛澤東增死唔做嘢的鄧小平一樣(1960-1967。開會坐到遠遠地,詐諦不睬老毛)。靚女袁係最養唔熟的人,老Siu點會支持佢?況且,靚女袁財力與老Siu相若(指出資),使乜老Siu支持?

人力參選佈局,4月10日公佈。

我諗,靚女袁九成不會出選,因為出咗遊惠幀等人,好無㽼。港島又難選---假如唔去港島,係海怡搞咁多嘢做乜---新西?格格不入咘,縱使陳大舊全力支持,都好um。陳大舊在新西似乎不是用人力牌頭,而靚女似乎入返選力(九唔搭八)---參看人力官網新改首頁。咁等於新人空降,點服侍D新界佬?

[ 本帖最後由 william.c 於 2016-4-4 02:46 PM 編輯 ]



回覆 引用 TOP

一路寫一路眼睇快佬必、靚女袁、肥仔劉的Fb,以及肥趙博質靚女的節目,以及太子甄的近乎老淚縱橫的撐「慈祥老人」。又聞老Siu預告周一重大公佈,真有的跟不上形勢發展。但堅持初衷,先寫埋「意氣之爭大於路線/思惒之爭」的argument。

--<>--<>--<>--<>--<>--

暗湧處處,meme討論區內涌現一股反蕭潮(自28號起)。人力公佈了4月10號大會,似乎是想頂住(暫時看不出是反擊)太上皇/老豆的壓迫,看看call不call到500人。

看到kameyou找出6年前快必鋤黃郁人+蕭先生youtube,再看快必近日的FB,有豁出去的意思。那30號(三)的〈天外有天〉快必是假惺惺了,虧懵閅閉的大衛主教還鳩談篤責,快必分明是個潛伏份子(我不是幫老Siu,只state the fact),但論述無錯,只是老Siu迂迥鬥爭 (我不是幫快必,只state the fact)。

老Siu於31號(四)執多劑,加強攻擊快必,但又話願意和談。再看劉嗡Fb,話唔表態,但明顯幫快必。靚女袁無表態,但不無是4月10日「反㩓大會」組織者。關鍵是「皇夫」林先生,訊號係會唔會辭ceo職。那邊廂,快必已刊登表格招募自己的義工...,似投入戰鬥位置。

老幫主聞到羅味,4月10日大會搞不好,會成擁快反Siu大會(or,非 Siu大會)。於2號(六)21:42祭出「下周一蕭遙遊節目預告---有大事公告」,頓時有山欲來之感,癢煞了一眾八卦網友、嗡嗡x叫。Siu氏又掌握了主動,看看會不會把4月10日大會打下去!害得我漏夜將meme討論區帖文copy存底,以妨meme forum突然shut down,阿門!

[ 本帖最後由 william.c 於 2016-4-4 12:21 PM 編輯 ]



回覆 引用 TOP

(續前)

網神Siu炮打人力、踢快必腎囊

Siu氏第一晚開口就話唔支持快必當選(+人力歷史任務終結),仲叫人唔好支持,顯然是蓄謀而久的攻擊,第二晚則狂踢腎囊。Siu氏話唔俾人自由評論咩?又來一貫的Long黎。好比,1966年時老毛不是國家主席,理論上是個平民,有無言論自由話劉少奇係躺在他身邊的赫魯曉夫先?

Siu氏唔係mark仔丫馬,話同人力完全無關係,話堅持主持人言論自由,真係攞嚟講。係就唔使迫到快必一連兩晚扮死狗般「反省」,係就唔使搞到meme信徒亂成一窩粥,搞到人力-謎網瀕臨分裂邊緣。

Siu氏錯在初時(2013年)唔為意呢個潛伏份子(meme角度),被趷兩年之後才反噬,已莫及。快必是「異族-腹非-異心-詐諦反省-圖謀脫離」﹔Siu氏是「袁紹式的大意-鄉愿式姑息-暗啞底被趷-阻敵輕進主動出擊-從挖路線思想分岐入手-大石壓死蟹式踢腎囊-周一重大公佈」。我的角度及觀察是,又一激進派制式內訌。

(8)

[ 本帖最後由 william.c 於 2016-4-4 12:24 PM 編輯 ]



回覆 引用 TOP

[隱藏]
網神Siu炮打人力、踢快必腎囊

快必的「罪狀」很多,據說,大犖者是破䃶團結(真有點文革味),主要証據是罵戴書生&雙學(&公民黨)。

我的推理,核心矛盾是,快必從來都是曲線支持「佔中是鳩做」者。而老Siu近年心頭痛(不是疼)是被光頭達痛宰(超踰反骨),傷了自尊(指分裂之時,詳情不知)。光頭達的武器就是「佔中是鳩做」,「勇武」。

老Siu未必是全心全意擁護佔中派(係就唔會容許人力夾實),但由於光頭達,對「佔中是鳩做」論是痛心疾首。然而快必兩年前(2013-2014)明質暗質戴書生,並曲線單打老細,何解老Siu唔出聲,而拖到今天呢?係咪有點秋後算帳意味?我猜測的是,老Siu初時還看不穿這個潛伏份子---六年前已和Siu分庭抗儷,抗爭中大部份行動都和Siu相左---中間又暗啞底,咬條友唔入。到今天,可能realise到此君是另一個光頭達(或者更利害)---27號晚有一句話暗示此意---於是出手!

至於快必會不會成為議員,心高氣敖的Siu大概是睇死他的。但連參選都唱衰你﹕無錢無能力搞破壞,讓你不爽。Siu氏還有「第三點」未講呢!that is the story!

(9)

注﹕快必的趷法是,把口唔收,永遠拉扯Siu氏,正然若反,話「我的反暴力蕭生不會反對啦」。講得太多,近乎挑釁。連打著紅旗反紅旗都不是,是口臭。快必又成日講反話,叫人「唔好犯法」,相當smart-ass,奇怪的是,他以為自己咁就好聰明。Project到「蕭生點點點」身上,就是反話,我叫暗趷,大陸叫曲線打臉。27號之後快必Fb status都係咁。

[ 本帖最後由 william.c 於 2016-4-4 03:02 PM 編輯 ]



回覆 引用 TOP

提示:支持鍵盤翻頁左 右
[按此隱藏 Google 建議的相符內容]