註冊 登入



打印

(個人分享)我對佛法的認知和體驗

(個人分享)我對佛法的認知和體驗 E-mail 此主題給朋友

[隱藏]
有鑑於版規所限,不能直接帖一些文章開示內容,所以改用第一身的方法分享交流,雖然可能隔了一重。

佛法

佛陀教授的一個離苦方法,是一個使人獲得真正安詳、和諧、快樂、智慧、健康的方法,是一個有明確步驟可以隨時練習的方法,是一個自我淨化過程,它不是法術或魔法,這方法是被佛陀重新發現,是一個宇宙運行法則,可以被科學解釋,十分易懂,十分實用。

體驗

這是我的個人體驗,2008年去過一次一個十日非宗教課程,2014年三月才第二次參與一個三日課程。很有趣,課程全程禁語、禁行為眼色騷擾其他人、關手機、9:30pm睡4:00am起等等,這些羈絆可以在課程期間放下,十分難得,用意是使人平靜,也像持戒;其他時間就是密集式的打坐、前三日學習「定」(專注呼吸氣息流動並觀察上唇以上和鼻子表皮以靜心,方便執行全身觀察任務)、之後學習「慧」(由頭到腳,由腳到頭的觀察身體每處表皮)、最後學習慈悲觀。

2008年那次,第六晚睡覺重拾兒時睡眠感覺;朝早行去打坐途中看見月亮,企定定看時那種踏實和幸福;課程過後亦感覺到自己心境平和不少;手掌腳掌短暫但明顯變得柔軟、紅潤,這方法感覺不錯。(其實全程都未必跟足指示,修慈悲觀也不太明白,似乎是形式上象徵式地)

斷斷續續在家閉目練習,在沒有教材下,方法並不十分準確。有次去廈門有幸見到此課程內容的中譯本,買下了,望了幾眼,不錯,是課程播放的開示內容,但無錯,真係懶得最後也沒有把書看完,所以對習修沒有幫助。

2014年那次,才再一次認真地聽內容,認真去跟住做(或跟住唔做),今次真係察覺到了課程經常提及的震動,觀察到比脈搏更細微的震動,電流般的震動,觀察到它的生起滅去,感覺到這燒溶(有人用消融)過程,繃緊神經會放鬆,是個淨化身心的過程,觀察到多少就淨化多少。(人生不斷接收宇宙波動,這方法是排出長期積累於腦髓的波動能量,可以想像波動從表面入,倒轉過程的話,似乎是 first in last out 原路從表面釋放出)

這個學習是個漫長過程,至現在,暫時明白了確切方法的重要,平等心在燒溶過程的作用,淨化的有效性,也大概猜到慈悲觀的目的和應用。

雖然懶惰又劇集控遲睡,但潛意識層放鬆的方法確是找到了這個,有了要勤習精進的方向,課程建議平日在家睡前一小時,起床一小時練習,以應付日常壓力和生活,即是理論上 8:30 pm - 5:00am,連睡眠只佔共8個半小時的作息時間而已,另外,如果熟練又勤力的話,坐公共巴士港鐵,甚至可能連行路都可以保持這種覺知練習。

極樂不在遠方,在當下。

這就是我的經歷和認知,是我需要的方法。和同修們一起努力找尋和實踐佛法,互勉之。

(已更改字眼,避免誤會)
1.探索 link
3.苦的直接起因 link
4.苦的根源 link
5.戒的訓練 link
6.定的訓練 link
7.慧的訓練 link

[ 本帖最後由 MICMIC_2ND 於 2017-6-14 10:58 AM 編輯 ]



我認知的佛法 link

耳: Atrix/su ax7/su ax01 + E4c/GMP 8.35D
音: CS-725+MA BX2
手: BALL CM1011c
機: MBP/iPad4

回覆 引用 TOP

精選樓盤
引用:
原帖由 MICMIC_2ND 於 2016-4-12 09:50 AM 發表

有鑑於版規所限,不能直接帖一些文章開示內容,所以改用第一身的方法分享交流,雖然可能隔了一重。

佛法

佛陀教授的一個離苦方法,是一個使人獲得真正安詳、和諧、快樂、智慧、健康的方法,是一個有明確步驟可 ...
係香港正常人捱得住跟足指示做係會覺得比一般減壓方法心法都好
但人地有提醒係佛教標準嚟睇
連幼稚班都冇, 所以唔好吹咁大
佢地消融有條instruction無傳出嚟, 解大念住經都無傳
葛印卡死後我冇再跟落去, 所以淨係得條方
如果你想跟個條傳承嘅精神
建議你認識阿毗達磨, 因為雷迪尊者希望俗家人嘗試學習阿毗達磨
有本觀禪手冊好概略介紹阿毗達磨
另外有本專講觀息法嘅手冊
瑪欣德尊者對阿毗達磨的開示非常值得一聽
你除左認識多D佛教術語教義理論之外, 會消除一D衝突
緬甸靠普傳阿毗達磨擋晒D邪教
內觀原本無慈心, 係因為有人學左入返世俗社會內心有衝突而後加
俗家人衣食無憂之前不宜太沈迷
一年一次靜落嚟觀察自己OK

[ 本帖最後由 quarry 於 2016-4-12 12:43 PM 編輯 ]



回覆 引用 TOP

我反而認為,能成功參襌比閱讀經典重要,才能知道如何筏舟,有精進方向。

成功參襌,便不會再從知識層面去咀嚼經典立說,執於經典立說,而是日常生活中勤於淨化身心。(如筏喻者,法尚應捨,何況非法。)

正如貪瞋痴,淨化過程中會自然被處理,無需要去執於認識或行為規範。

佛學得意之處是要淨化潛意識,方法唯有止襌觀襌。

至於本人所學的方法的有效性,可以從這區另一篇論文引證 (link)。

[ 本帖最後由 MICMIC_2ND 於 2016-4-13 10:03 PM 編輯 ]



我認知的佛法 link

耳: Atrix/su ax7/su ax01 + E4c/GMP 8.35D
音: CS-725+MA BX2
手: BALL CM1011c
機: MBP/iPad4

回覆 引用 TOP

引用:
原帖由 MICMIC_2ND 於 2016-4-13 07:54 AM 發表

我反而認為,能成功參襌比閱讀經典重要,才能知道如何筏舟,有精進方向。

成功參襌,便不會再從知識層面去咀嚼經典立說,執於經典立說,而是日常生活中勤於淨化身心。(如筏喻者,法尚應捨,何況非法。)

正如 ...
我話跟到解大念住經嘅意思
係我真係親身上門學到四念住個度
之後有外國嘅朋友手多多公開過消融嘅指引出嚟
知道佢地對當時狀態有一定要求, 對當時狀態有清晰描述
所以知道你個度唔係消融
我睇完知道唔做得
一係冇效果一係入青山

你返去睇多幾次開示
人地講明你之後每日嘅練習
真係複習個方法, 冇乜效果
香港人唔容易有條件真正禪修

[ 本帖最後由 quarry 於 2016-4-13 09:55 AM 編輯 ]



回覆 引用 TOP

[隱藏]
南傳嘅論藏唔係咬文嚼字
係出家人用嚟指導引證禪修
雖然俗家人唔夠功夫但都可以學到佛教嘅義理



回覆 引用 TOP

如果你對傳統南傳教理仲未有興趣
得閒睇下D外國人討論分析內觀法
你會睇到多D野

但我都係建議唔好沈迷



回覆 引用 TOP

引用:
原帖由 MICMIC_2ND 於 2016-4-13 07:54 AM 發表

我反而認為,能成功參襌比閱讀經典重要,才能知道如何筏舟,有精進方向。

成功參襌,便不會再從知識層面去咀嚼經典立說,執於經典立說,而是日常生活中勤於淨化身心。(如筏喻者,法尚應捨,何況非法。)

正如 ...
"無需要去執於認識或行為規範"
你未知入面搞乜
到你話想上二十日/三十日
教嘅人interview你睇下批唔批你去
其中會問你有冇如實遵守五戒
期限冇記錯係一年內

[ 本帖最後由 quarry 於 2016-4-13 12:36 PM 編輯 ]



回覆 引用 TOP

簡回Quarry

如果師兄成功參透過四念住,無可能察覺唔到有時候回文的語氣用詞,可能會製造某程度的負面波動,影響別人安詳。不過小弟都係初哥,無資格評論別人。也感謝你在另一帖的出言幫助,希望見到佛道區建設性的討論。

師兄提出了兩點幾好討論,

1. 無效果或入青山,2. 習修或沉迷。

1. 自己有少少體會。如果專注影像、記憶、妄念而不是身體知覺,是沒有效果的。課程強調 平等心(equanimity) 去觀察(observe)身體表面微細震動的生起滅去,如果錯誤地專注於腦髓神經,是會有不悅的脹實感,甚至會走火入魔(道家角度就是意到氣到、氣到血到,令人腦充血,因此極需要專注於表皮)。所以留意課程錄音講解并跟住做十分重要。

2. 內觀可以隨時用於日常生活,佛家也有行禪、生活禪等日常保持覺知的建議,沉迷一詞,我倒覺得如果有人逃避世俗責任去追求虛無飄渺的來世潛修,或 沉迷追求怪力亂神方面的方法,我覺得這樣是沉迷。


[ 本帖最後由 MICMIC_2ND 於 2016-4-14 07:51 PM 編輯 ]



我認知的佛法 link

耳: Atrix/su ax7/su ax01 + E4c/GMP 8.35D
音: CS-725+MA BX2
手: BALL CM1011c
機: MBP/iPad4

回覆 引用 TOP

赞叹师兄,既有禅悦也有法喜。
请师兄继续精进



回覆 引用 TOP

[隱藏]
引用:
原帖由 MICMIC_2ND 於 2016-4-13 06:54 PM 發表

簡回Quarry

如果師兄成功參透過四念住,無可能察覺唔到有時候回文的語氣用詞,可能會製造某程度的負面波動,影響別人安詳。不過小弟都係初哥,無資格評論別人。也感謝你在另一帖的出言幫助,希望見到佛道區建設性 ...
煩惱皆因強出頭
得喇朋友
小菜一碟

四念住即係開示個時將巴利語大念經逐句解再身受心法整部分解, 網上公開晒
冇特別技術教
要二十日先會教消融指引
問題係做到個時
好深刻嘅心結會現出嚟
個時冇人睇住會好危險
所以長課程要老師批准/自己一個人唔做得

葛印卡D野係有用嘅, 十日開示係唔錯嘅佛學入門
但佢問題搞得太大規模, 冇/唔夠師傅跟手尾
外國人思想開放D
睇到好多人講上完之後好多手尾冇人跟
D心結走晒出嚟唔知點搞
一係搵西醫一係搵返本身宗派嘅師父執手尾

尼套野由緬甸僧人雷迪尊者傳出
緬甸佛教實際定義止觀
止至少要去到近行定
觀至少要去名色分別智
由四界差別觀觀地水火風到觀透色聚密集
所以你會見到有學南傳佛教多年嘅人話葛印卡套野好皮毛
所以先提一提葛印卡有話明十日內觀真係好皮毛, 記得睇睇祖師D開示
唔好吹咁大
唔係比D有真材實學嘅老前輩鬧一餐
都唔知咩事

[ 本帖最後由 quarry 於 2016-4-16 08:01 PM 編輯 ]



回覆 引用 TOP

引用:
原帖由 quarry 於 2016-4-16 07:59 PM 發表



煩惱皆因強出頭
得喇朋友
小菜一碟

四念住即係開示個時將巴利語大念經逐句解再身受心法整部分解, 網上公開晒
冇特別技術教
要二十日先會教消融指引
問題係做到個時
好深刻嘅心結會現出嚟
個時冇 ...
師兄所講本人也有認同,我曾參加過葛印卡老師的10日課程!的確!如果初機入門是合適的,但葛印卡課程裡有四念住課程,是比學生參加了10日課程3次才準許參加的!
師兄說課程導師有限。是的,但學員若有問題可參加一天課程提問!另一方面不得不承認此課程成就了好多人!幫助了不少人!有機會參加一次你便會知道。好過只看網上文章評論!加上些課程不時有出家人參加!
內觀可以說是干觀沒有四禪定而進入慧,但它有的是剎那定,一連串生起的剎那定也可導入觀後到滅盡智!當然干觀是必須要持戒非常嚴格下才可進行!
現世要成就四禪已確是很少人,四十個業處要有非常好的老師知道你的根基才可以取!
如果要跟著戒,定,慧去修。即是要守227條戒再問導師取業處,獨自修習,尋,伺,喜,樂,舍五禪支。初禪至四禪等等再修慧,我想都市人應該無興趣吧!
樓主好有心,不過行者不應只搬字,應該分享下上了課程後的得著比較好!



回覆 引用 TOP

要真真正正去修習禪修,戒,定,慧必須讚研清淨道論!



回覆 引用 TOP

引用:
原帖由 Vedana 於 2016-4-17 03:51 PM 發表


師兄所講本人也有認同,我曾參加過葛印卡老師的10日課程!的確!如果初機入門是合適的,但葛印卡課程裡有四念住課程,是比學生參加了10日課程3次才準許參加的!
師兄說課程導師有限。是的,但學員若有問題可參加一天 ...
套方法係走直接修觀, 用剎那定/中國以前叫電光三昧
雷迪尊者明知俗家人唔可以好似佢地咁花時間證禪那
佢地對佛教教義解得好少好少, 一來實行到費事講咁多, 十日都講唔到幾多
冇解好麻煩
學完出返去,
佢一心以為比一般靜心方法效果好, 以為係好好嘅佛法
第一對住一類學到有少少似老頑固一舊飯嘅佛教徒, 又南傳又中國大乘又日本真言宗又學藏傳
一大堆傳統意見吹水吹到天花龍鳳好似好勁咁, 但D俗務唔係一鑊粥就冇乜起色,
做唔起大善人又冇條件出家專修止觀
所以少唔好同D傳統佛教徒講咁多
扮晒傳統又冇功夫好心正正常常唔好扮野

第二開始感覺同世俗價值觀有D格格不入
會心理平衡唔到, 比人排擠兩下好易變怪人
一定要有人問, 有人同佢解釋如何取捨應對



回覆 引用 TOP

引用:
原帖由 quarry 於 2016-4-19 05:26 PM 發表



套方法係走直接修觀, 用剎那定/中國以前叫電光三昧
雷迪尊者明知俗家人唔可以好似佢地咁花時間證禪那
佢地對佛教教義解得好少好少, 一來實行到費事講咁多, 十日都講唔到幾多
冇解好麻煩
學完出返去,
佢一心 ...
其實是有定的但比例上較少。頭三日是觀息法,其實希望能以輕安去修觀。
你講得對!就是知道一般人無法花時間去證得小禪那,所以他們反覆試驗才用10日才開始,他們也不停再三地提醒10內不能離開!葛老師亦不停地提醒此課程是BB班!
但毫無疑問此課程給在家人一種禪修入門及古代佛教認識的一個好開始!
現世代莫說阿拉漢,連證得小禪那的人已經很少!以一個下下根人為例如方法對的話,他必須閉關30年才可有機會證得阿拉漢果!不停熟練40個業處,出入自在,再導入16觀智!
有無機會更深入修下去一切講緣份!



回覆 引用 TOP

[隱藏]
提示: 作者被禁止或刪除 內容自動屏蔽
 22 12
 提示:支持鍵盤翻頁 ←左 右→




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。