註冊 登入



打印

細數中肯十宗罪

細數中肯十宗罪 E-mail 此主題給朋友

[隱藏]
1.     早左半個鐘返工都叫遲到
明明8:50am先係打卡開工計錢時間,但你要8:30am前就返去準備開工、換衫、拎錢箱、開電腦,因為8:40am就係official開會時間。你8:40am先返黎?咁你咪遲到囉?你準備既時間唔係返工時間喎!開會明明係用緊自己私人時間開,但你連飲杯咖啡食個早包都唔得,因為開緊會唔可以食野。你早返係應份既,係你要貼比中肯既時間,你明唔明呀?

2.     你以為遲走一定有OT咩?
5:50pm係每日收工時間,但你6:30pm後走先算係OT喎!仲要你開會到八點都唔叫OT呀,係要你branch manager肯簽個名話你係OT先叫OT呀!你開會到八點係你辦事能力慢,明明銀行五點關門你要做八點先走得,完全係你自己既問題呀!
星期六就仲慘,1點收工,佢夠膽2:30pm先計你OT,點解?因為通常同事執埋手尾就岩岩好2:30pm先走得。哇中肯CEO真係搞盡腦汁剝削員工,事前無通知,就咁一句達落黎中銀改左制就要員工接受,你係得o既!

3.     OT唔會有補水
轉晒D CEO後,你仲想有1.5倍人工?想錯你個心,由我係到做果一日開始我從來都得倒過一毫子OT錢,因為你根本唔會申請倒OT,除左要得到OM、BM批,當你排除萬難經歷重重障礙,你諗住負責關門果個攞硬OT錢o既時候,HR就同你講唔會有錢補,只有假補,仲要係一日補一個鐘,即係你每日你可以遲一個鐘頭返。哇真係多X謝晒,我每日要返8點半,遲一個鐘即係我9點半要返到,仲未計要換3準備,即係我每日遲返半個鐘等於補左一個鐘!

4.     星期六為正常值班日
即係乜?簡單D黎講就係無啦啦無左五天工作。星期六返工本來就係overtime working,要計1.5倍人工,不過中肯不嬲都唔會比錢你就眾所周知,以前逐分鐘同你計,由你返工打咭果一刻計到你收工果一分鐘,當你平時一日返8:50am至5:50pm,計一計即係你星期六返夠480分鐘就可以平日放一日假。當佢改左星期六係正常值班日,即係你返足兩個星期六先當係一日平日補休,唔少老一輩員工怨聲載道,但高層一於少理!仲好興星期六先落order叫你星期一前換晒全分行O既海報同傳單,D時間邊到黎?咪又係員工自己貼自己私人時間,做到兩點連午飯都無得食,係到幫你換海報囉!

5.     全民皆sell
唔知大家有無發現入親中銀無論teller,定係出面customer service都好落力sell,話知你有無需要,總知就乜都hard sell一餐、乜都比你申請左先比你走。無他o既,d高層認為比果少少錢就要全部人都係sales,話知你係一個月出一萬蚊糧o既teller仔,定係幾萬蚊糧既RM,總知你無成績就續個問,迫到你發癲為止。除左teller要sell,連係內部做野o既supervisor 都要交數,結果咪就係迫前線員工幫佢地手跑埋,唔係邊到得黎有數呀?話時話,佢地知唔知teller人工得一萬架?

6.     RM拆佣得7成
仲有3成去左邊?講就講得好聽要激勵下operation同事,哇即係teller都有佣分?你就想呀!唔係分左比referral同事,而係將果3成轉化為你個人成績,年尾計花紅高分D咁話!話時話,你咁樣迫害D員工,你覺得仲有人會留倒年尾分花紅咩?果3成佣咪又係中銀自己袋返!

7.     服務分10分滿分,但10分先叫合格
中肯好興係你做完交易後第二日打返比個客問你覺得琴日o既交易感覺如何。當佢話10分係滿分,你覺得個女仔笑容幾好,態度都幾親切,做野都幾快手,諗住比8分,仲要覺得8分都已經係幾高分o既話,咁你就錯晒啦!因為10分滿分,要9.3分先叫合格,換言之你比9分都叫唔合格呀!你真係以為8分好高分???

8.     Marketing推出優惠笠笠亂 前線員工無所適從
自從中銀轉左高層要求每一位員工都係sale得之人,marketing推出連串優惠,要求每位前線員工熟讀優惠。因為咁無論係每月賺緊一萬蚊o既teller,定係幾萬 o既RM,個個人心徨徨記住D優惠,皆因高層花錢請左大量人做蛇每日去唔同分行考前線員工,如果問到唔識,你間分行就榜上有名(臭名)。之但係咁,marketing推出o既優惠五時花六時變,前線員工叫苦連天。今日講優惠做到10月31號,到果日又同你講優惠延長,延長都唔緊要,延長後D優惠又加少少減少少,結果D優惠亂七八糟無限loop,D客走黎問返D優惠回贈,根本無人識答,因為連上頭都查唔返。

9.     私人時間上堂 CS做埋行街
唔好以為銀行係朝9晚5,好多時同事放學仲要去上堂到10點先返屋企。然後第二日又要8點返到公司,去上堂唔緊要,但永遠只會放工用自己私人時間上,1蚊OT錢公司都唔會比你。有D同事住到天水圍咁遠,莫講話OT錢,連車錢都唔會有,返到屋企得個累字,仲要準備第二日既午餐,完全係攞命。
近年中肯力推工商業發展,仲要求D CS做埋行街,去分行附近續間商舖搵生意。依家9月初都話好D,上個月暑假日日三十幾四十度,D CS個個都做到喊晒口。

10.  不珍惜人力資源 新血做一年就走
中肯每年都以management trainee招募一大班freshgrad 入行,經過2個月在職培訓,三至六個月試用期,終於叫做上手。但呢個時候你先發現中銀對員工係咁「好」,個個做完一年都頂唔順,攞埋花紅就走。然後中肯以management trainee呢個靚名請過另一批新血。你比辭職信?無緊要,我地中肯最多錢請過D新血,咪叫HR搞多幾個招聘日,請過另一批新血囉!邊個最辛苦?緊係留係中銀幾十年等退休果班啦,佢地仲處處為公司諗,結果中肯點對你地?一個人做三個人o既野,全部新血做一年就走,走左D野邊個做?大家自己諗下。

中肯對員工差的例子又點止咁少,但實在太多不能盡錄。其實前線員工每日對住班出名難服侍的香港人客已經好辛苦,但人客還人客,收左工咪當佢地唱歌。當你每日返住果間公司咁對你,你真係會忍無可忍,所以我已經係用前員工身份黎發洩對中銀的不滿。奉勸所有打算入銀行界o既Fresh grad你地千萬要三思,銀行請你就易,但你要做真係唔係想像中咁易,千萬唔好因為少少利誘(銀行假、醫療福利)而誤入歧途,尤其是中資行。

[ 本帖最後由 snowqueen.ELSA 於 2016-10-5 12:30 PM 編輯 ]



回覆 引用 TOP

熱賣及精選
樓主,我諗你走去做巷鐵仲火滾。


回覆 引用 TOP

狗鐵出名狗


回覆 引用 TOP

中肯即係邊間?




[hide]http://g.udn.com.tw/upfiles/B_M1/m100227459/PSN_PHOTO/656/f_10768656_1.JPG[/hide]

回覆 引用 TOP

[隱藏]
中肯精神 做撚死人


回覆 引用 TOP

其實做銀行真係媽好辛苦,多謝樓主好有心機寫咁大篇文章


回覆 引用 TOP

現實世界就係咁殘酷
其實「天下烏鴉一樣黑」
只能怨一句「生不逢時」 ...




+++ 以上言論, 純屬個人意見,「不喜勿插」!
+++ 對於「吹毛求疵、不友善」之發言, 一律不會作出回應 !

回覆 引用 TOP

樓主,第一宗已過時,最新係8:05開門,8:30開會,不準食嘢。


回覆 引用 TOP

中肯零容忍員工,我哋貧窮日日夜夜要容忍。


回覆 引用 TOP

[隱藏]
基本上間間銀行都係咁。


回覆 引用 TOP

有些分行星期六,開門營業到5点,冇錢補


回覆 引用 TOP

好多樓主用咁多時間去道出分行不為人知苦,不堪言現狀。


回覆 引用 TOP

引用:
原帖由 知足常樂. 於 2016-11-16 06:54 PM 發表

基本上間間銀行都係咁。
我都有做幾間銀行,沒有像中肯,人變政變,浪費金錢,對不起股東



回覆 引用 TOP

恭喜樓主脫苦海,離職中肯你身體一定會健康了


回覆 引用 TOP

[隱藏]
樓主應該寄給蘋果,等多些年輕人,入行三思而行


回覆 引用 TOP

 54 1234
 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。