• 瀏覽: 863
[隱藏]
今期韓劇<熟女辛市長>,係一個非常能表現出「思想創造實相」嘅故事!
女主角辛薇萊(擺明玩諧音),本來係一個响市政廳(只有十三萬人口的小城鎮)做嘢嘅低級公務員。因為要討回一口氣去抗議,越玩越大,選咗做市長。因為一口氣,最後撼動咗政黨大佬同國企太子女。同埋溝埋男主角。

呢套劇好嘅地方係一反韓劇 formula:
幾十年前D冤孽,並不是構成故事發生的原因,只是副線。
D主角並唔係天大地大,偏偏要响首爾撞埋一齊咁樣。
無論忠定奸,D鬥爭都好有手段,個個都唔柒。而女主角又好合理地用師奶邏輯,化解咗好多次危機。

呢個故事教訓我地兩樣嘢。
第一係D政客之所以會輸俾一個低級工務員,係因為「表面上做緊呢樣嘢,實際上做果樣嘢」。
為利益輸送而形成嘅政治黨派,次次都用漂亮嘅演詞同派糖來拿取支持力量,上任後唔對現承諾,出咗事就賴人,係冇誠信可言。
只要利益輸送動搖,手下們就動搖。只要爆下醜聞,市民信任就崩潰。
但係一往無前的人,抱着「做果樣嘢就一定要做到」嘅心態,跟從者們都是為了追求理想,會拼命排除萬難,士氣完全唔同。
市民都會想將希望寄放在他們身上,就算俾人爆醜聞都會冇事。
所以真係想「做好一件事」嘅人,係會贏果D「扮做嘢」嘅人,即使大家最初嘅客觀條件差好遠。

第二係想要思想創造實相,實力係好重要嘅:
女主角做咗七年市政廳,好熟悉政府運作。雖然有男主角幫辛薇萊,但辛薇萊佢自己諗到嘅招數,都係好厲害的。
又周圍做兼職同幫人,好熟悉鎮內各行各業,又有好多人支持。
如果唔係咁,得罪D勢力人士,俾人整治,就冇辦法再玩落去。



[按此隱藏 Google 建議的相符內容]