• 瀏覽: 68,938
  • 回覆: 146
  • 追帖: 67
[隱藏]
引用:
原帖由 Tear淚 於 2017-4-28 11:22 AM 發表

其實親子旅行唔係第一次,但因為今次去�地方係日本沖繩石垣島,好多人都知道呢度�公共交通只有巴士,而且班次好疏,一般人黎都會係自駕遊,但因為我唔識揸車,而且得三個人包車好唔抵,所以只好選擇島上唯一公共交 ...
請問浮潛係邊度book?
同埋嗰個地方喺邊度?
唔識游水可唔可以參加



熱賣及精選
引用:
原帖由 kennam 於 2017-4-29 05:24 PM 發表



請問浮潛係邊度book?
同埋嗰個地方喺邊度?
唔識游水可唔可以參加
https://m.facebook.com/go2ishigaki/?locale2=zh_HK

或可去到酒店 碼頭報團

[ 本帖最後由 MTLC 於 2017-4-29 06:08 PM http://i.discuss.com.hk/d/images/r10/androidD.jpg 編輯 ]



回覆 引用 TOP

謝謝分享


回覆 引用 TOP

支持樓主精彩報告


回覆 引用 TOP

[隱藏]
引用:
原帖由 MTLC 於 2017-4-29 04:12 PM 發表


我五月初出發
住 ベッセルホテル石垣島
五晚雙人房 yen51,500
搶到 yen20,000 coupon
實付 yen31,500
邊到有coupon?



引用:
原帖由 01234361D 於 2017-4-30 11:08 AM 發表


邊到有coupon?
今年三月時取 jalan coupon
現在巳沒有

可以留意這個網址,有關各類 coupon 資訊
http://ikutabi.net/blog-entry-5.html



[ 本帖最後由 MTLC 於 2017-4-30 11:49 AM 編輯 ]



回覆 引用 TOP

多謝晒,真係好有用,我都用開JALAN


回覆 引用 TOP

支持!!!!!!!!!!


回覆 引用 TOP

引用:
原帖由 MTLC 於 2017-4-29 16:55 發表

請教川平巴士站
附圖是否乘往石垣巴士總站的巴士站
6796780
你呢幅圖並唔係川平站往石垣碼頭嘅巴士站位置,
由於我回程去碼頭係喺川平郵便局上車,所以都只係路過川平站唔能夠好確定,但兩個站之間好近,希望你唔好介意。

下圖標示:
粉紅星星:川平站 (川平線往川平灣方向)
黃色星星:川平站 (川平線往石垣碼頭方向) (即實景圖紅色星星位置)
橙色星星:川平郵便局站 (川平線往石垣碼頭方向)

PS. 其實回程去石垣碼頭時去到川平郵便局,睇巴士站牌唔見川平線嘅時刻表,一般會喺果個站停嘅車都會有時刻表貼喺巴士站牌,不過因為差不多時間,我唔夠時間行去川平站,但石垣嘅巴士司機好好,亦都可能因為佢地班次好少,我企喺巴士站頭遞手佢都會停車俾我地。





[隱藏]
引用:
原帖由 kennam 於 2017-4-29 17:24 發表



請問浮潛係邊度book?
同埋嗰個地方喺邊度?
唔識游水可唔可以參加
我當時係去到石垣碼頭先book,入面有好幾間浮潛、跳島遊嘅Tour俾你選擇,但要留意返因為英文導遊唔係日日有,而佢地為左安全起見唔識日文佢地係一定要安排我地喺有英文導遊嘅tour入面,所以如果你去嘅日子唔長,為免去到先發現冇tour而去唔到,我建議你可以預先book定,
我當時係book 呢間 ,佢大人6000yen半日,已包上幻之島同埋去浮潛,有齊哂浮潛工具及潛水相機,你可以send email問下架!佢地識得英文溝通,同埋唔識游水浮潛都冇問題~



回覆 引用 TOP

Day 4 - 早餐(杯麵)→川平灣→午餐
原先今日要去浮潛架!但因為天氣差,尋晚仲行雷落好大雨,今日雖然冇落雨,但明顯涼左好多,所以我地就改變行程去川平灣!

去川平灣,就緊係要坐川平線啦!因為川平線會途經日航八重山(09:43),所以我地今日冇出去食早餐,留喺民宿食杯面。



PS. 如果睇川平線嘅時刻表,你會見到「やいま村入口」站之後就係「川平」站,但其實中間仲有一個站叫「川平郵便局」站架!但其實兩個站都好近,如果你想早D落車行下,就可以喺郵便局落車,但係如果你想一落車就去報名玻璃船,咁就要「川平」站先好落喇!

下圖標示:
粉紅星星:停車場及商店(包括報名玻璃船嘅商店)
黃色星星:川平站
橙色星星:川平郵便局站
心心:公園茶屋


呢度其實有好幾間報名玻璃船嘅商店,其實價錢差不多(相差幾十yen啦!)大家可以選擇時間最適合果間,報左名後自己按時憑票經隔黎有條路入川平公園,然後經過公廁就已經見到落川平灣沙灘嘅樓梯,一落去就會見到好幾架船架喇!一般都係認制服,買票時你會見到職員著咩色制服,落到去搵返一樣就得架喇!(我印象中玻璃船收費成人1050yen,小朋友550yen,坐大概半個鐘)







坐完玻璃船,再行下川平灣影下相,都只係12點幾,而我地坐返出去果班嘅川平線,要14:00先有車,所以我地就上返頭先果D商店到行左陣及入去食野,間食肆好大間,有一面係手信店,另一面就餐廳,行入去中間仲有人教玩八重山樂器 - 三線琴 (1000yen半個鐘),原先食完野都見仲有時間,所以諗住俾小朋友試下,但我地唔識日文,個叔叔就教小朋友玩下八重山嘅鼓同埋一舊用手指控制、個樣有D似菠羅嘅木板,夾喺手指間敲擊嘅樂器,玩左半個鐘,但冇收我錢law~~





PS. 其實13:04喺川平站係有一架「米原線」嘅巴士可以返出市區,不過因為唔經我地下一站「八重山文俗村」,所以我地只好等到14:00先坐返「川平線」出去。就係因為咁俾我地行下行下見到有間「公園茶屋」(上面地圖有標示心心位置),原來都有野食架!D拉面望落去仲好正(雖然頭先食野果間唔係差),所以我地只係入去食左雪糕,豆腐味同紅芋味都好正。



回覆 引用 TOP

引用:
原帖由 Tear淚 於 2017-5-2 10:35 AM 發表



你呢幅圖並唔係川平站往石垣碼頭嘅巴士站位置,
由於我回程去碼頭係喺川平郵便局上車,所以都只係路過川平站唔能夠好確定,但兩個站之間好近,希望你唔好介意。

下圖標示:
粉紅星星:川平站 (川平線 ...
thanks



回覆 引用 TOP

Day 4 - 八重山民俗文化村→晚餐(七輪燒雞)→西松屋、Daiso(100yen店)、Mori

上回提到我地去完川平灣,跟住就坐14:00川平線巴士去八重山民俗文化村喇!其實我地喺川平郵便局上車後,跟住個站已經係「やいま村入口」,車程大概15分鐘,由於朝早玩左幾個鐘,小朋友係好易訓著架!大家要留意呀!

下圖標示:
粉紅星星:川平站 (川平線往川平灣方向)
黃色星星:川平站 (川平線往石垣碼頭方向)
橙色星星:川平郵便局站 (川平線往石垣碼頭方向)

PS. 其實回程去石垣碼頭時去到川平郵便局,睇巴士站牌唔見川平線嘅時刻表,一般會喺果個站停嘅車都會有時刻表貼喺巴士站牌,不過因為差不多時間,我唔夠時間行去川平站,但石垣嘅巴士司機好好,亦都可能因為佢地班次好少,我企喺巴士站頭遞手佢都會停車俾我地。



一落車已經見到好大個牌寫坐八重やいま村,沿隔黎條斜路行上去,大概5分鐘已經到達民俗村入口架喇!原先上網睇資料,最主要係想黎睇馬騮仔,順便睇下八重山以前嘅建築同文化,因為下一班車要17:35,初頭都諗過3個鐘會唔會太多時間呢....但今次行程呢度俾到我地驚喜。



首先入到去手信店入面最角落位就有得買飛入場(當時大概2:30),職員已經話我地知3:30會有八重山音樂表演睇,所以我地諗住入去就直接搵馬騮仔。村入面D建築其實得幾座,圍繞入口附近,行過左建築群會見到好大片草地,如果有吹泡泡喺手小朋友應該可以盡慶D。




繼續行點知未見到馬騮,我地見到個雀仔籠,諗住再行去後面望下啦!點知行行下開始唔係石屎路,仲要兩邊D樹好高,行行下仲要開始落斜,心諗係咪行錯路係咪應該返轉頭呢?但又諗唔俾人行應該一早已經block左啦!望返買飛時俾我地嘅民俗村地圖,原來我地行緊入紅樹林,繼續行落去就見到人造木橋同埋好大片紅樹林,小朋友見到都嘩嘩聲,因為平時冇機會接觸到。






行下睇下影下相,行返上去已經差不多夠鐘睇表演,表演果間屋對正入口,而其實村入面嘅建築我地都可以行入去架!不過記得除鞋。

原來八重山音樂表演之餘,仲會比遊客參與其中一齊玩樂器,由於姨甥女頭先喺川平灣玩過下,所以識識地,黎到呢度玩得特別投入。






表演大概半個鐘就完,我地之後就真係去到馬騮仔度喇!而呢度嘅馬騮係完全唔驚人,你仲可以喺扭蛋機買野食餵佢地,200yen一個波波入面放左野食,一見你有野食喺手,馬騮仔就會爬上你個身,好過引架!入到去大家要記得將所有袋嘅拉鏈拉好同埋咩前面,婆婆就係有個小袋冇拉好,有隻馬騮爬上黎伸手入去搵野食law!超可愛,其實馬騮好細隻,小朋友都唔驚,不過當一大班爬哂上黎,確實令人硬哂咁企定定係度嘅,哈哈~~





玩完馬騮 (其實係俾馬騮玩完...hahaa)!行過隔黎原來有得著八重山民俗服,500yen一個人,著好佢會幫我地影幾張相,當然又係好似D主題樂園咁曬返兩張大嘅搵個靚靚卡紙套好睇下你買唔買啦!(2000yen),不過唔買都唔緊要,其實佢幫你影完係俾你自己繼續著住係屋內及屋外自己影相架!所以真係好抵玩。



影完相行多陣我地就要落返去頭先落車果個位等17:35嘅巴士,呢度真係好值得帶小朋友黎參觀,3個鐘原來係岩岩好。原先我地有諗過跟住去舟藏の里食晚飯,因為川平線係會經過,呢度係食八重山一D地道嘅料理,好值得試,不過唔知係咪今早川平灣好大風甚至凍,個人有D唔舒服,所以都係直接出返去石垣市中心先算。

舟藏の里http://www.go2ishigaki.com/post/144633260128/funakuranosato

出到石垣巴士總站已經係18:05,原先諗住行下睇下邊間居酒屋吸引,點知巴士站隔黎有座好似food court嘅建築(其實係入面有三層有好多唔同食店),所以就走左入去睇下有咩岩食,結果我地去左一間叫做「七輪燒雞」嘅餐廳食炭火烤肉,因為坐露台位置,所以都係有D凍,個炭爐一上台我地係拎黎取暖先law!當然呢度野食都ok呀!我地仲認識左一個喺香港開公司嘅日本人,佢咁岩返黎石垣探家人law!不過大家黎到石垣要留意一樣野(可能我見識少),我地平時叫「五花肉」一般都係指豬肉,原來石垣嘅五花肉係牛肉黎架!大家叫嘅時候要留意呀!

下圖標示:
粉紅星星:food court建築
黃色星星:石垣巴士總站






完飯,因為要去返西松屋果邊嘅大型藥妝店幫朋友買野,所以我地就去返石垣巴士總站坐巴士,而#4 或者#10 空港線巴士都可以去到嘅,如果你坐#4巴士,就要坐到平得東站,正正係西松屋門口落車(粉紅星星)但如果你係坐#10巴士,咁就要喺「ショッピングプラザ」站落車(黃色星星,即「中央運動公園」站之後果個站),我當時係坐#10線(因剛好有車),亦即係會經日航八重山果架車,由於如果我喺Google map輸入石垣巴士站往石垣空港路線,好大機會會出#4線路線,咁我就唔識睇上面果個日文站名,所以輸入起點係日航八重山,咁路線就一定係#10線喇!而且會喺地圖上睇到個站名。



去到我地就係行藥妝店同埋100yen店,Day 3行程有講到都係差不多嘅野所以唔多講喇!行完我地就去返頭先黃色星星落車位嘅對面上返21:19途經嘅#10空港線往石垣碼頭嘅巴士返民宿喇!

TO BE CONTINUOUS



回覆 引用 TOP

  相靚資料詳細 ...
Thanks for sharing  !!!



回覆 引用 TOP

[隱藏]
引用:
原帖由 Tear淚 於 2017-4-29 11:21 AM 發表

Day 2 - 早餐(比嘉豆腐)→小濱島→竹富島→晚餐(一魚一會)→海鹽專門店(食雪糕)
第二日,我地決定先黎個跳島遊,一起身先去左比嘉豆腐食早餐,由於果度係冇巴士到達,所以又令我地發現我地間民宿嘅又一大好處,就係 ...
真攪笑, 你相裏竞然發覺我在其中
(一魚一會)

[ 本帖最後由 fai2851 於 2017-5-2 11:28 PM 編輯 ]



提示:支持鍵盤翻頁左 右
[按此隱藏 Google 建議的相符內容]