• 瀏覽: 68,936
  • 回覆: 146
  • 追帖: 67
[隱藏]
引用:
原帖由 fai2851 於 2017-5-2 23:17 發表



真攪笑, 你相裏竞然發覺我在其中
(一魚一會)
又會咁岩嘅
不過今個trip喺石垣都真係遇到好多香港人,仲要有D係唔止遇到一次



熱賣及精選

7月打算無自駕遊石垣 多謝分享
原本諗住參加巴士半天遊與跳島遊
但睇完你既遊記 發現自己去都好似好方便 可以參考 感謝

另外 想問樓主用咩上網卡定蛋
去石垣租平時去日本東京既上網蛋是否可以



Day 5 - 早餐(Family Mart)→幻の島浮潛、午餐(Hamburg Burger Shopきたうち牧場ハンバーガー店)→茶點(鮨人回轉壽司)→メイクマン石垣店→晚餐(石垣屋)→放煙花(Tadahama)→MaxValu→Family Mart
終於黎到旅程最期待嘅節目 - 浮潛,其實今次報浮潛我實在太老定,諗住黎咁多日黎到先報冇問題啦!點知原來英文導遊並唔係日日有,就算你話唔介意唔識聽跟日本導遊,為左安全起建旅行社會擔心有事嘅話冇人識同我地溝通,所以一定要安排英文導遊團俾我地。

我係19/4到步已經即刻去報團,都要22/4先有,而咁岩因為天氣問題,最終23/4先去到,所以建議大家如果去嘅日子唔長(仲要大家都知最後一日根本就係一早要上機),最好上網預訂或者email去book定,咁大家就唔怕去到會失望(除非因為天氣問題)。

我係去到石垣碼頭搵呢間公司book嘅,半日幻之島+浮潛,包潛水衣、浮潛工具、浮水相機,成人6000yen,小朋友4000yen:www.hirata-group.co.jp

由於一早8:30就要去到石垣碼頭旅行社集合,所以今朝我地決定坐巴士去到市中心,搵左間Family Mart便利店食個早餐,不過真心講句,日本便利店嘅包真係超好食,140yen買到流心芝士包同白汁小龍蝦包,呢日食完我夜晚都要買多個黎回味。



黎到旅行社集齊人,佢地就會車我地去另一個碼頭仔上船,車程3分鐘左右,我估因為我地集合果個屬於公共航班嘅碼頭(即係去外島果D),所以我地係需要喺另一邊上船的。

上船果陣佢已經會問大家需唔需要借潛水相機及派發潛水衣,上到船就會同大家講解安全指引及介紹周邊環境。大概15分鐘船程,我地就黎到第一個目的地 - 幻之島,由於幻之島只係一個沙洲,冇碼頭,所以船只能停泊喺海邊我地係要間水行上沙灘,其實路程唔係好遠,所以好易行,不過大家要著埋拖鞋,因為海底好「銀」腳。上到幻之島除左影相,大家仲可以扮美人魚,船上係會為大家準備尾巴。






大概逗留左20分鐘,我地就要上返船,駛出去海中心浮潛喇!由於今團唔識日文嘅只有我地三婆孫+另外一個香港家庭(4人),個爸爸有經驗已經帶左女女出海,而D水又凍左D所以媽媽陪細仔留左喺船上,而我家呢條美人魚去到驚驚,所以婆婆又陪佢坐船邊望下算數,結果英文導遊哥哥就可以帶我出去搵靚靚珊瑚礁睇喇!我係第一次玩浮潛,開頭用果舊野用口呼吸成日吸到咸水,但經過左一陣習慣左就冇問題喇!而導遊亦都會用一條浮條(兩端有繩)拉住我出去睇,所以係非常安全。





玩完浮潛,佢地會車返我地去石垣碼頭,我地跟住就同埋頭先認識呢家人一齊去左隔黎嘅Hamburg Burger Shopきたうち牧場ハンバーガー店食石垣牛漢堡。

下圖標示:
粉紅星星:Family Mart
黃色星星:石垣巴士總站
橙色星星:石垣碼頭

心心:石垣牛漢堡




食飽飽,我地就坐巴士返民宿沖涼換衫順便休閒一陣,因為玩完浮潛都幾攰,你睇下個小朋友上巴士已經訓到咁就知啦!


休息完已經三點幾,因為晚餐諗住去食石垣屋,所以打算再去附近行下,我地都係照舊坐返#10空港線巴士往石垣機場方向,不過今次諗住行下,所冇喺石垣屋落車,我地再坐多一個站先落車。

下圖標示:
粉紅星星:ベストインホテル站 (前站為石垣屋附近的「ショッピングプラザ站」,下站為ANA)
心心:ANA
黃色星星:石垣屋
橙色星星:24小時MaxValu、100yen店、藥妝店、メイクマン石垣店(家品店)


落左車,我地就向MaxValu果邊方向行,點知路經一間迴轉壽司店,見有D餓所以入去食左個下午茶...hahahaa




食完繼續行,喺路口見到間大型家品店メイクマン石垣店 (佢背後就係24小時MaxValu),呢間家品店有D似宜家傢俬咁,有小小野食、好多盆栽、少量傢俬、大量家品,仲有得睇寵物,都幾多野睇,我地仲喺到買到煙花,諗住食完飯約返浮潛果家人夜晚玩。




PS. 其實日本放煙花係合法嘅,不過大家一定要係沙灘/空擴嘅地方放,同埋記得準備水桶,將放完嘅煙花放落去咁就可以避免留下火種,而我地買煙花果陣向店完查詢邊到放得煙花,其實佢唔係好識英文,原先打算問唔成我都會向房東查詢,點知行開左陣個店員突然追返我地,原來佢手畫左一個小小地圖俾我地,真係好窩心。

行完家品店,我地就去石垣屋食晚飯喇!呢度嘅環境真係超靚,而且服務一流,食物質素亦好,大家黎到石垣都要黎感受一下呀!





食飽左我地就行返去MaxValu join返一家4口嘅朋友,然後行入去頭先店員介紹我地嘅TADAHAMA放煙花。其實個位就係我地一出家品店有條直路行入去,其實呢度係一個空地,我地唔使行到最入其實都可以放(因為入面真係好黑),但正正因為黑,所以我地可以好清楚喺度睇埋星星,真係好靚。

下圖標示:
紅色星星:MaxValu、100yen店、藥妝店
綠色星星:大型家品店(買煙花果度)



後記:
其實Day 5已經算係行程最後一日,因為Day 6一早已經要去機場,喺國際線check in完大家可以再去隔黎國內線building再行下,不過石垣返香港對行李檢查好嚴格,連hand carry都要上磅,所以大家要留意啊!

總結石垣係一個好舒服、好靚嘅一個地方,雖然唔自鴐真係會俾巴士時間局限,但經過今次發現只要計劃得好,其實每一日都過得好充裕,我地一定會再黎石垣島,因為其實都有好多地方未去,例如Banna Park、舟藏の里、西表島玩獨木舟、Fusaki Beach等等........不過就會等小朋友再打少少先去,希望到時佢夠膽潛落水啦!

完~~~~~



回覆 引用 TOP

引用:
原帖由 kobold 於 2017-5-4 11:34 發表


7月打算無自駕遊石垣 多謝分享
原本諗住參加巴士半天遊與跳島遊
但睇完你既遊記 發現自己去都好似好方便 可以參考 感謝

另外 想問樓主用咩上網卡定蛋
去石垣租平時去日本東京既上網蛋是否可以
我初頭都有諗過唔麻煩join巴士tour,但又覺得有D貴同埋來去匆匆,有D地點仲要只係經過唔落車,所以最後決定自己坐巴士。
我未試過租日本wifi蛋,因為唔想成日要為多舊野充電,我係買下面呢張卡,一插落手機去到機場連wifi,上一個網站click個制開通就用得(入面有哂說明非常簡單),最重要係接收非常好,去到外島都收得好好。



回覆 引用 TOP

[隱藏]
多謝提供非常詳細.


回覆 引用 TOP

謝謝回覆
因為我係帶家人去
想做足功課 安排好哂
張上網卡係深水埗買?



請問租潛水相機要幾錢?
另外 有冇救生衣提供 (唔識游水)



引用:
原帖由 kobold 於 2017-5-4 12:35 發表

謝謝回覆
因為我係帶家人去
想做足功課 安排好哂
張上網卡係深水埗買?
我係喺太子始創中心買嘅L&T買。



回覆 引用 TOP

引用:
原帖由 kobold 於 2017-5-4 12:39 發表

請問租潛水相機要幾錢?
另外 有冇救生衣提供 (唔識游水)
我join呢間tour係免費提供潛水相機架!
另外有提供救生衣,放心~~



[隱藏]
多謝細心分享


一個人能飛多高,並非由其他因素決定,而是由他的心態所致。假如你對自己目前的環境不滿意,想力求改變,則首先應該改變你自己。

回覆 引用 TOP

引用:
原帖由 Tear淚 於 2017-5-4 13:33 發表



我join呢間tour係免費提供潛水相機架!
另外有提供救生衣,放心~~
唔錯喎 ... 影完D相會用咩形式俾番你呢 ?



支持師姐,一次過睇哂,真係好好嘅非自駕遊嘅沖繩分享,有機會下次家庭遊可以諗吓石垣島呢


引用:
原帖由 Tear淚 於 2017-5-4 10:12 AM 發表



又會咁岩嘅
不過今個trip喺石垣都真係遇到好多香港人,仲要有D係唔止遇到一次
都係同事見到張相至知, 我都記得你係坐入門口轉左埋牆果張枱嘛!
其實D人熟口熟面係因為同一班機去, 同一班機返, 大家行既地方又大同少異, 一定見到, 我地都有同其他香港人倾左幾句



引用:
原帖由 Patrick1973 於 2017-5-4 18:42 發表



唔錯喎 ... 影完D相會用咩形式俾番你呢 ?
呢個我就唔清楚,因為我自己有帶,同船亦冇人需要借.....所以真係唔好意思
或者有機會係email,因為我當面book完個tour之後都係用email同佢地聯絡



回覆 引用 TOP

[隱藏]
引用:
原帖由 fai2851 於 2017-5-4 20:24 發表



都係同事見到張相至知, 我都記得你係坐入門口轉左埋牆果張枱嘛!
其實D人熟口熟面係因為同一班機去, 同一班機返, 大家行既地方又大同少異, 一定見到, 我地都有同其他香港人倾左幾句
哈哈.....你記性好好呀!當日坐我地後面(即入門口轉左第二張枱)都係香港人黎架!之後仲要去完民俗村再撞到,最開心係去平久保果日成班香港人一齊趕車食tea!!! 因為有小朋友再容易D玩埋,浮潛果日仲同其中一個家庭一齊玩左大半日添呀!



回覆 引用 TOP

提示:支持鍵盤翻頁左 右
[按此隱藏 Google 建議的相符內容]