• 瀏覽: 1,871
  • 回覆: 21
[隱藏]
我記得我以前一位教授講過 , 佢話司馬千寫韓信有勾結人做反 ,
但又完全無證據 ... 係咪司馬千化身特務 , 匿左係韓府偷聽???

其實中國正史之中 , 有好多歷史 , 其實只要用常理推論 ,
就知道件事係無事實基礎支持
(注意 : 唔係話佢一定係假 , 而係唔太有可能證明佢係真 ... )
就好似拿前年大紅既<武媚娘傳奇>中 , 歷史既經典一幕 :
武媚娘殺女 ... 電視改成係其他人殺 , 結果好多人話亂改歷史 ,
但係 "武媚娘殺女" 呢個結論又是從何而來???

又是後人穿越兼化身特務 , 匿左係罪案現場偷睇嗎???
要知道當時既官方調查結果 , 絕對唔係武媚娘殺女 , 如果係咁 ,
就係佢比人處死 , 而唔係王王后拉 ...
"武媚娘殺女" 的確可能係一個共識 , 不過係士人吹完水既共識 ,
而唔係事實真相

如果咁樣唸 , 中國歷史其實就有唔少部份值得反思 ...
就似大陸最近既<軍師同盟>就開始為郭女王洗白 , 咁郭女王到底
係咪真係衰人呢???
我都係果句 , 我唔敢講佢唔係 , 但我幾懷疑歷史咁寫 ,
係咪有事實基礎 ... 由話郭女王幫曹丕爭世子 , 到叫曹丕殺甄伏
到話要甄伏長髮披 , 全部唔係房幃之事 , 都係內堂做既行為 ,
其他人又點會知???

[ 本帖最後由 taikongbaby 於 2017-11-6 09:01 PM 編輯 ]



熱賣及精選
。。。大家無呢種同感咩?

每次見到d大大話“你講咩呀?人地係正史來架”,
講到正史就一定係事實咁。。。同人佢地解釋返,佢地又唔明
(>﹏<")



... 沒人對這個題材有興趣嗎???
我原本倒以為這是個挺好的TOPIC , 可以把好多歷史事件  人物
重新定位(或者應該叫 "去定位化")



回覆 引用 TOP

引用:
原帖由 taikongbaby 於 2017-11-2 02:43 PM 發表

。。。大家無呢種同感咩?

每次見到d大大話“你講咩呀?人地係正史來架”,
講到正史就一定係事實咁。。。同人佢地解釋返,佢地又唔明
(>﹏
其實大陸有個學者話古希臘古羅馬歷史係偽造,之於留低落嚟嘅文物係後世文藝復興時期所建造出來



死去原知萬事空,但悲不見九州同。王師北定中原日,家祭毋忘告乃翁
[隱藏]
我覺得最難解釋係
有時歷史書寫

兩個高官 係一個房入面密謀造反, 仲會將佢地既對話寫出來

其實歷史書係點樣知道佢地係對話??

莫非兩個高官密謀造反時, 會係身邊放一個史官, 紀錄自己的對話??



引用:
原帖由 taikongbaby 於 2017-11-2 09:04 AM 發表

我記得我以前一位教授講過 , 佢話司馬千寫韓信有勾結人做反 ,
但又完全無證據 ... 係咪司馬千化身特務 , 匿左係韓府偷聽???

其實中國正史之中 , 有好多歷史 , 其實只要用常理推論 ,
就知道件事係無事實基礎支持 ...
你說的沒錯,所以有時有些歷史研究要參考幾個獨立歷史記錄為準



引用:
原帖由 yin848 於 2017-11-2 09:04 PM 發表



其實大陸有個學者話古希臘古羅馬歷史係偽造,之於留低落嚟嘅文物係後世文藝復興時期所建造出來
咁又太過份 ...
不過唔可以唔補充 , 近代唔少考古學家都認為 ,
現在刻板印象中的古希臘 , 並不是真正的古希臘
... 尤其近代對古希臘的設定是 "純白的文明" ,
但有考古學家話 , 話其實古希臘D建築同雕像 ,
本來都有彩色 , 係年代太久遠 , 甩晒色姐 ...



引用:
原帖由 朱仔成.... 於 2017-11-3 12:41 AM 發表

我覺得最難解釋係
有時歷史書寫

兩個高官 係一個房入面密謀造反, 仲會將佢地既對話寫出來

其實歷史書係點樣知道佢地係對話??

莫非兩個高官密謀造反時, 會係身邊放一個史官, 紀錄自己的對話??
呢個就係我所講問題 ... 不過回頭又說一句 ,
係近代之前 , 中國好可能就係歷史記述最完整的國家 ,
如果佢有錯漏 , 那恐怕其他國家的只會更多

不過 , 我唔覺得咁就應該故步自封 ...
唔好有 "中國正史你都唔信 , 咁仲有咩野好信" 既心態

記得以前讀 "基督文化史" 睇過一篇一個教士既文化 :
我地係要追求知識 , 但我地也要知道自己係無知 ,
有D唔知既野就唔知 , 唔好作D可能上去就當真 !!!



回覆 引用 TOP

引用:
原帖由 McLoneV 於 2017-11-3 12:49 AM 發表


你說的沒錯,所以有時有些歷史研究要參考幾個獨立歷史記錄為準
其實以我所知 , 史學界普遍認為縣誌  起居注等 ,
都會比 "正史" 更接近真相 ... 所以有人會用縣誌  起居注 ,
反推正史既記述是否真確



回覆 引用 TOP

[隱藏]
其實對於曹丕殺甄伏一事 , 小弟也有一點自己的睇法 ...

我地潛意識覺得甄伏係忠既 , 係因為歷史對佢評價幾高 ; 
而咁其實係因為時人對佢評價幾高 ... 
東漢~三國其實都己經進入世族社會 , 世族絕對掌握輿論
所以對甄伏評價高既人 , 也就是世族

對甄伏評價高於郭女王 , 都有客觀原因 , 一就是家世 ,
二就是文才 ... 但如果咁好 , 點解曹丕要殺佢???

一般解釋係 "綠帽疑雲" , 不論怎樣 , 小弟就是不信 !!!
咁真正原因係咩???
我反而覺得可能係同前朝有關 ... 要知道曹植以文才
係朝中文人之中影響力大 , 而甄伏深受文人喜愛 ,
估計唔會同文人意見相左 , 由此小弟作一個大膽假設 :

甄伏既真正死因 , 會唔會係 , 當曹丕與文人意見相左 ,
結果甄伏多數都傾向朝臣 , 而非自己夫君???

唔好睇少男人吃醋 , 康熙唔鐘意八爺 , 雍正唔鐘意弘時
都係因為佢地站隊時 , 站大臣而係站自己老一隊 ;
如果咁睇 , 相對於甄伏既 "大眾賢后FEEL" , 郭女王對曹不 
就更顯得 "同心同德" ... 
如果係咁 , 亦好似解釋到點代文人要黑化郭女王



引用:
原帖由 taikongbaby 於 2017-11-3 08:48 AM 發表


咁又太過份 ...
不過唔可以唔補充 , 近代唔少考古學家都認為 ,
現在刻板印象中的古希臘 , 並不是真正的古希臘
... 尤其近代對古希臘的設定是 "純白的文明" ,
但有考古學家話 , 話其實古希臘D建築同雕像 ,
本來 ...
講真丫,歐洲文藝復興倚仗既與其說是古希臘羅馬文明,
倒不如說是當時的伊斯蘭文明。人家大翻譯運動把東至中國,
西至歐洲既知識合在一起,引發知識大爆炸,再傳回意大利,
咁先有文藝復興咋!



引用:
原帖由 京兆韋氏 於 2017-11-4 01:32 PM 發表


講真丫,歐洲文藝復興倚仗既與其說是古希臘羅馬文明,
倒不如說是當時的伊斯蘭文明。人家大翻譯運動把東至中國,
西至歐洲既知識合在一起,引發知識大爆炸,再傳回意大利,
咁先有文藝復興咋!
絕對係拉 , 醫學  動物學  植物學  化學  物理 ,
好多歐洲復興既知識 , 古希臘羅馬時代根本遠遠未到果個好水平
... 甚至坦白講 , 我覺得歐洲歷史一直黑化左黑暗時代 ,
太美化左古典時代 , 黑暗時代既一D武器工藝 , 其實唔見得差



引用:
原帖由 taikongbaby 於 2017-11-4 08:16 AM 發表

其實對於曹丕殺甄伏一事 , 小弟也有一點自己的睇法 ...

我地潛意識覺得甄伏係忠既 , 係因為歷史對佢評價幾高 ;
而咁其實係因為時人對佢評價幾高 ...
東漢~三國其實都己經進入世族社會 , 世族絕對掌 ...
其實,曹丕唔放心曹植都好合理,曹植文采好,同士人族群熟,
而曹丕都唔太妥士人族群。。。你叫曹丕點放心?



引用:
原帖由 京兆韋氏 於 2017-11-5 12:03 AM 發表


其實,曹丕唔放心曹植都好合理,曹植文采好,同士人族群熟,
而曹丕都唔太妥士人族群。。。你叫曹丕點放心?
其實D人成日替曹植不平 , 咁曹植除左寫野 ,
其實仲做過D咩??? 佢係真正合格既繼承人???



[隱藏]
不過講開又講 , 其實說曹丕係一般世子之爭 , 也不能說太合理 ,
始終曹丕成長於曹操崛起之中 ... 即使不能說有大功 ,
但佢至少有份參與創業 , 唔係從純宮廷長大既富二代 !!! 



提示:支持鍵盤翻頁左 右
[按此隱藏 Google 建議的相符內容]