註冊 登入



打印

[遊記分享] ◤不預期但愉快的假期:手牽手,四日三夜,台北、桃園、礁溪、頭城、宜蘭 (完)◢

本主題由 mongkok brother 於 2018-8-15 10:11 AM 分類

◤不預期但愉快的假期:手牽手,四日三夜,台北、桃園、礁溪、頭城、宜蘭 (完)◢ E-mail 此主題給朋友

[隱藏]
今次是一次全沒預計的旅程,所以規劃旅程的時間較倉促,而且太太想到某些特定的食材店選購用品,所以沒有太周詳的計劃。

四日三夜,首尾兩天留在台北,第二天去了桃園市,第三天到了礁溪、頭城和宜蘭,話就話好似去左好幾個地方,但都玩得唔深入,加上由首晚起,一直下着微微細雨,即係勉強可以唔開遮,但又會搞到成面成身濕晒嗰種雨,第一晚去台北的夜市仲試過有陣幾大雨,所以都有少少掃興。

相較之前兩次獨遊,天氣真係天與地,上兩次油雞,見以下連結。
http://www.discuss.com.hk/viewthread.php?tid=26853215
http://www.discuss.com.hk/viewthread.php?tid=23627433

[ 本帖最後由 hamfan 於 2018-5-3 01:10 PM 編輯 ]



熱賣及精選
第一天行程,中午到台北,到飯店先放下行裝,跟手去番上次吃的鐵板燒店,太太食完的評語,係冇介紹錯,啲食材好新鮮,特別係原隻龍蝦,成餐食完飽到上心口!



食完已經約三點,返飯店登記攞房,梳洗一下,出左去買下野,去誠品行下,再返飯店放下物品。由於下午嗰餐食得太飽,根本唔想食晚餐住,所以決定留在飯店一陣,夜啲先去夜市再食過。

 



結果,天氣開始轉差。我們先去南機場夜市,其實已經一直落毛毛雨,過左陣仲落到好大,夜市都其實唔少人,氣氛幾好,但冇計,唯有決定空手和空肚離開。

當然不甘心,返返萬華站之後,轉陣地,去樂華夜市。好彩去到樂華,天氣好返啲,終於食左啲野:阿爸の芋圓同鴻爐發蜜汁燒烤!兩檔都唔錯,走之前,仲買多左兩隻燒雞髀返飯店餸杯麵。



今日寫住咁多先,一有時間再繼續。

[ 本帖最後由 hamfan 於 2018-1-28 06:42 PM 編輯 ]



回覆 引用 TOP

第二朝起身,先食早餐。今日重點是去桃園,原本有預算一啲景點,但天氣唔好,再加上太太想要多啲時間行食材店,所以放棄左一啲原本諗過去的景點。早餐的選擇,係去阜杭。去到,唔算太多人,排喺樓梯轉角,排左兩三個字左右就到,亦都唔難揾位。我都其實去過台北唔少次,今次先第一次去阜杭,最好係粢飯,夠熱,好足料,裡邊亦夠脆。食完,出發去桃園市,首站係去全國食材廣場(大有店)。

[ 本帖最後由 hamfan 於 2018-1-28 09:42 PM 編輯 ]



附件

IMG-20180128-WA0018.jpg (149.38 KB)

2018-1-28 09:40 PM

IMG-20180128-WA0018.jpg

IMG-20180128-WA0017.jpg (116.22 KB)

2018-1-28 09:40 PM

IMG-20180128-WA0017.jpg

IMG-20180128-WA0016.jpg (111.98 KB)

2018-1-28 09:40 PM

IMG-20180128-WA0016.jpg

回覆 引用 TOP

[隱藏]
如果落足4日3夜就真係黑 


引用:
原帖由 御伽草藍 於 2018-1-28 09:52 PM 發表

如果落足4日3夜就真係黑
好彩未至於落足四日,第一日下午仲只係陰天,晚上就開始落,一直落到第三日晚,第四日在台北,終於冇雨,但仍是陰天。咁多日,冇見過太陽,最黑係前一星期同後一星期,都有太陽。



回覆 引用 TOP

今次行程,去台北一程,KA/CX仍然係俾「Shit pie」乘客食 ,我上次已經食過,今次一見到又係佢,已經唔開胃,放棄。

太太唔信咁難食,攞離試試,結果?一啖就KO左佢! 真係攞離。佢呢,check-in時揀左blend meal,竟然有個雞肉burger食!攪錯!仲要味道過得去添,真激氣。

返港一程又點呢?佢揀「水果餐」,我跟佢去程,諗住有樣學樣,我又叫blend meal!      結果?空姐先派特別餐,來我個位同我confirm,唔知點解,硬係覺得佢陰陰嘴笑。

派到離,係魚!一舊冇味的魚!呢勻真係多舊魚!

水果餐就有菠蘿、蘋果、芭樂(番石榴),好新鮮。

補充:上次來回正常餐,都係shit pie,今次回程好啲,正常餐係食「重口味炒米粉」。我地冇食都知,因為聞都聞到!

[ 本帖最後由 hamfan 於 2018-1-29 07:15 PM 編輯 ]



回覆 引用 TOP

另外,今次影少左相,一來天氣,二來心情麻麻,不過去完返來已經收拾心情。之前提過,規劃行程好急,一星期前先買機票同訂飯點(住新驛三館)。

結果?有啲想去的地方,去唔到,例如:桃園市可樂汽水廠,由於要最少一星期前網上預約(免費),結果我上網check的時候,得番六日!冇得預約。所以,呢幾日去的地方,好多係一路行,一路揾,有啲仲係一路改添。


食方面,除左夜市,仲食左鐵板燒、阜杭、牛肉麵、日式午餐和晚餐、cafe三文治生果餐又便宜又飽到上心口、牛角包、朱古力撻、草莓撻等;又買左腐乳、醉雞翼、在地生果等。都算收獲不錯。



回覆 引用 TOP

support


[隱藏]
講返去桃園市。食完阜杭,就出發去坐台鐵。撞啱平日,又想快啲出發,去到台北車站,揾最快出發同到埗嗰班,係自強號,都唔理對唔對號座,心諗:桃園市都唔係好遠,最多咪企一陣,香港由荃灣企到柴灣、上水企到紅磡都唔係未試過啦。

好快上左車,是但坐低先!啲人陸續咁上,開車了,咦,咁好彩,真係唔駛起身!


...............開心得太早了,到了板橋市,兩個一齊起身,結果企到桃園,好在只是幾個站。

[ 本帖最後由 hamfan 於 2018-1-31 07:03 PM 編輯 ]



回覆 引用 TOP

引用:
原帖由 fb31fc217134d0 於 2018-1-31 11:07 AM 發表

support
多謝支持。



回覆 引用 TOP

一出桃園站,外邊在落住惱人的雨粉,一時密啲,一時又細啲。  心諗:都係滿足左太太要求先,否則冇運行,有時間先再去其他地方;另外,原本想行路去,有睇我另外兩隻油雞都知,但咁落雨法,太太又唔係特別鍾意行路(但行公司同超市另計,可一直行幾個鐘都全無累意),立刻決定:截的士!

一講,太太好開心,果然加分! 跳上站外的士,顯示姑姑地圖位置俾司機睇,佢即刻知點行,扭左扭右,左轉右轉,十分鐘多啲左右,好快就到達全國食材廣場大有店。

[ 本帖最後由 hamfan 於 2018-1-31 07:06 PM 編輯 ]



回覆 引用 TOP

這間食材公司,除了大有店,其實還有一間店在近桃園機場那邊。太太在店內選購一輪,都開始接近中午,但天氣都仲係咁,離開店後行左一陣,見到新光三越桃園大有店,都係歇一歇先!

行入去,好靜,店員多過客。我地到左地庫food court,都叫做有啲人行緊supermarket同食緊野,我地都行左一陣,跟手買左個牛肉麵餐,兩份食。點解兩份食,唔一人一客?因為出發前做資料搜集時,見到附近有間評價唔錯的日式cafe,決定食完牛肉麵,之後去cafe再食過。





講番個牛肉麵,呢個係今次旅程的第一碗,以food court而然,算是交到貨,正正常常,都唔會太大期望。套餐有牛肉麵、鹵蛋、豆乾同埋筍絲。



[ 本帖最後由 hamfan 於 2018-1-31 07:15 PM 編輯 ]



回覆 引用 TOP

食完牛肉麵,去下一間再食。  

唔駛十分鐘就到,途中經過呢間屋,幾靚,行近啲,原來都係餐廳,好似有啲貴,我都係食平西算。




好快行到日和·まいにち,入去坐低,叫左以下兩樣,埋單300(以下全是台幣)



[ 本帖最後由 hamfan 於 2018-1-31 09:19 PM 編輯 ]



回覆 引用 TOP

[隱藏]
謝謝分享


 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。