註冊 登入



打印

對這次巴士意外之我見 香討焦點

對這次巴士意外之我見 E-mail 此主題給朋友

[隱藏]
本人在網上看到很多人對這次意外之評論,所以有小小意見想發表
本人任職過九巴,城巴,旅遊巴,小巴,的士,UBER...對這次意外有不同睇法,通常意外都係由幾樣外在的因素做成
1,開始,司機與乘客爭執,好多人認為就算任何情況下司機都要保持冷靜,係,講就易,代入角色,當開車前,開車時,比人問侯了媽媽,大多車長在果程車內,心情都好難平服到,腦中不停回想當時嘈梗的情況,司機都係人,係有情緒和思想,麻煩大家專重大家,你可以黑司機面,但唔好同佢有正面衝突,只係為左自己條命仔著想,司機9成9唔會主動挑釁乘客,打份工,只係想安安全全完成當日的工作,收錢收工!!!
2,司機,司機比乘客鬧完,一般唔會同乘客嘈,一係開車,一係報警,這次司機選擇錯誤,自以為EQ高可控制情緒,最後用了一個錯的駕駛態度黎報服,構成大錯,上當年我就會大油停車CHOT下班人,下下CHOT,一個累全車人,乘客投訴都無用,CHOT唔CHOT係乘客單方面的感覺,巴士公司唔會理
3,公司制度問題,如果司機選擇停車報警,之後要寫報告,有機會仲要上寫字樓解釋情況,所以一般司機都懶得煩,比人無理吊都焗住吞左佢.九巴這兩年內部做的小動作,另員工壓力很大,個個都話司機載成百人壓力大,但公司偏偏修改行車時間(例如原先比1小時行車時間,一般行車45-50分鐘就到總站,司機有十多分鐘休息,這兩年,修改到50分鐘,即係司機要楂得更快更亡命來爭取多幾分鐘去厠所時間,本來可援慢腳步拍完卡,放放水,抽根煙,又上車開工,依家要極快拍卡,谷篤尿出來,再食半枝快煙又上車,上到車仲分分鐘比人話佢大煙味,問你死味?諗縮數,另車長士氣很差,好多人一家大細靠一個人養,無計,焗住上,出事好正常.仲有好多制度問題,講多1萬字都講唔晒
4,香港人喜歡鬧人和投訴的態度,應真講,九巴楂車呢份工叫好柔,人工算係咁<--如果只係楂車,但為何365日全天侯請人?成日都話唔夠人???好多人唔做,大多因為唔想背負住大量人命的車而受氣,一開始楂巴士時,已有任職多年的車長講,2萬蚊,一萬係楂車,一萬係受氣,岩就黎,有個1牌,有呼吸都請,楂得快又話舞龍咁舞,楂得慢又吊係唔係玩野,停車又話CHOT,停唔正個站又比人吊,在巴士WHATSAPP群組成日都見到有D古靈精怪野嘈,日日都有.....個個乘客認為自己唔會咁野蠻,但日日都有發生.
好多乘客覺得巴士司機成日黑口塊面,其實佢地大多只係想同乘客保持距離,唔想有衝突,一般乘客拍完卡順口講聲唔該,車長木口木面,但個心都會甜一甜,你對人有禮,對方無可能想鬧你,當然,有個別事件唔係咁...
今次意外的開始,極有可能就係那位為了幾分鐘未開車而同車長爭執就而開始,或司機心情已經唔好,但仲要比人火上加油,個個只識鬧司機開得快,但又唔會話個乘客點解鬧司機先?咁個乘客係咪會間接誤殺?我唔識呢D法律野
4,看網上或電視新聞都有人話,有不小心駕駛紀錄的司機應該唔好請,大家唔可以用一種假日私家車的心態放上營運車到,2014年撞完車扣左分,到2018年再黎,佢呢幾年,日日係街碌8個鐘以上,巴士一般會行D好繁忙多車的路,其實難度好大,轉灣要偷位,打燈CUT線無人讓,被近距離切線閘頭,巴士車型又多,我試過一日楂3款不同型號既車,單單講指揮燈,一部係右,一部係左,一部又係右,如果呢幾年間無意外,其實叫叻仔,如果有不小心駕駛紀錄D人就炒或唔請,九巴應該小左一半人,
討論區有的士司機,巴士司機,乘客,大家的觀點與角度唔同,不喜勿插


車長唔比保釋,好大機會往後幾年都要在獄中過,危駕正常計3年以上,10年最多
但如果係誤殺,有機會10年以上到終身 [/quote]
為何香港人只係鬧車長,無人會反思鬧人乘客的對與錯?對人態度的問題?顧客永遠是對的?
如果係咁,將來只係乘客不停對車長的責罵,意外隨時再次發生


我雖然都楂車搵食,已無楂九巴好耐,但我睇呢件事好中立
法例就係法例,有人受傷,死,車長已經輸硬
但呢到好多人好偏激話我偏幫車長
我都撞過幾次車,扣過分,講左好多次,一次意外,會有幾種外來因素做成
D人唔明白,唔禮貌對人,先係重點,佢遲咪遲,(到底係咪遲,定係改左班次,都無人知)唔岩咪投訴佢,九巴有機制可以投訴,但無預司機成日比人吊,我相信香港大部份人都有禮,但小部份人喜歡小事化大,出言挑釁,來來去去呢到先係重點,唔係話服務性行業就應該要受氣,但都要睇情況,佢完成行程返到總站,落晒車無客咪同佢鬥吊囉,打交都有,起碼唔會連累到其他乘客的安全先
之後就話佢咁樣就要殺人?
車長咁ON9為啖氣專登殺十幾人?佢兼職黎,做又36唔做又36,使唔使咁做呢?為啖氣搞到要坐監?寫張報告,聽個公司電話都嫌煩啦
做得司機應該要保持心境平靜,講就易,講得出呢句果個人試下比人兜口兜面吊老母又點?仲要不停吊,係咁炸...
停車報警?咁做每日香港3成車脫班,有呢D事,巴士一定停在路中心,唔比其他乘客落車,直到有九巴職員來到先,唔通大家想次次都咁?

[ 本帖最後由 biobioyu 於 2018-2-14 01:30 PM 編輯 ]



的士行業中,有些司機很差,劏遊客搶行李,一D就簡客唔過海,但諗諗,依家的士司機成日都話唔過海和簡客的原因,1,如果真係唔識路,亂咁衝的確危險,如果司機住九龍區,唔識港島區D路唔出奇,但一般都係因為唔想塞條紅隧先唔過海,無必要強人所難同佢地鬥吊,吊贏左又如何?2,的士工會有講過,如果佢地5點旺角交更,4點上枝旗佐敦去鴨脷洲,未必夠時間回程交比下更,大家話可以用暫停載客牌,岩,佢唔載你去鴨脷洲係拒載,但社會上,家家有求,無非為兩餐,何必又大怒肝火呢,咪比佢做多幾廿蚊囉...但好多司機太濫用黎簡客,係的士業界中的問題
UBER,唔合法的白牌車,岩到港時只有BLACK,好好搵,依家有X頂的士,惡性循環又黎,無啦啦走間公司出黎做唔合法的生意吸錢,直接打擊的士生意,楂X做到嗌晒救命,價錢低,短程多,UBER司機一樣好多唔鐘意過海,搞45分鐘賺30蚊未扣油錢,邊個想做?無事時好好地,有意外時,無保險,後果自負,意外意外,邊個想撞車?政府應做就唔做,隻眼開隻眼閉,係咪要到死左人時先識做野?
小巴,一般綠頂好小同客嘈,但綠頂司機做夠轉數後有拆佣,所以又係跑跑跑,連飯都要係車食,底薪低,個個都想賺多D.紅頂就使講,出名亡命,但又好小見有客吊紅頂佬,奇怪,
大家睇到每一行都有大家的難處,行行都有壓力,唔好成日抱住比左錢就做大爺的心態對事,大家互相尊重,忍讓,意外便會減小



總之, 如果撇除靈異的東西, 基本上係合理事件, 正如比著邊個都會無可避免地會咁做囉!










個人簽名: 黃金工程 (256 字節以內)

回覆 引用 TOP

引用:
原帖由 biobioyu 於 2018-2-13 01:29 AM 發表

的士行業中,有些司機很差,劏遊客搶行李,一D就簡客唔過海,但諗諗,依家的士司機成日都話唔過海和簡客的原因,1,如果真係唔識路,亂咁衝的確危險,如果司機住九龍區,唔識港島區D路唔出奇,但一般都係因為唔想塞條紅隧 ...
小巴差D, 一來小巴車廂有陣味, 搭完全身都臭,
二來小巴好專制。

例如由中途站M站搭去下一個好近的N站, 直路不超過150米, 其實步行也可以, 只收$2蚊 ;
但當掉轉, 回程時, 由N站搭回M站, 直路也不超過150米, 畀$2蚊會關門唔畀你落車, 咁都得!

同一條線, 同一隻顏色的小巴:
當無建議上車時可以畀錢時, 上車時畀錢又得, 中途幾時畀錢都得, 落車時畀錢亦得。
但當規定落車時先可以畀錢時, 竟然全程, 無論幾時畀錢, 司機都唔收,
上車唔收, 紅燈唔收, 有人落車時順便畀錢, 司機都係唔收,
規定要我落車時, 我隻手都臭晒, 先肯收錢, 咁衰格!

[ 本帖最後由 黃金工程 於 2018-2-13 02:07 AM 編輯 ]











個人簽名: 黃金工程 (256 字節以內)
[隱藏]
其實司機係唔係唔准賭馬?










個人簽名: 黃金工程 (256 字節以內)
我覺得重點係佢點解俾人鬧
到底係因為未夠鐘開車~
所以佢先唔上車~定係特登偷懶
因為之前都試過起總站等巴士等足半粒鐘~架車未返~禁大家都無嘈~
亦試過有車無司機~之後排頭位D人就問點解禁遲
司機就話佢都係突然黎頂更~之後大家都無嘈
所以~如果係因為佢自己偷懶,禁佢係應該俾人鬧
相反,佢係按公司時間開車既話...禁就係罵人既乘客唔岩https://hk.news.yahoo.com/%E4%B9%9D%E5%B7%B4%E7%BF%BB%E5%81%B4-%E5%80%96%E5%AD%98%E8%80%85%E9%82%84%E5%8E%9F%E5%8F%B8%E6%A9%9F%E8%A2%AB%E7%BD%B5%E9%81%8E%E7%A8%8B-%E8%BB%8A%E7%A6%8D%E5%BE%8C%E7%96%91%E6%89%BE%E4%BA%BA%E4%BB%A3%E7%86%84%E5%8C%99-064000178.html

【星島日報報道】大埔公路巴士翻側嚴重車禍中,駕駛肇事九巴872路線的30歲陳姓車長,因涉及危險駕駛引致他人死亡及危險駕駛引致他人嚴重受傷仍被扣查。新界北總區刑事總部重案組正跟進案件,車長是否涉及誤殺會是調查方向之一。
車禍中受輕傷、死里逃生的丘先生今早致電電台,還原巴士由開車前至出事的過程。他指出,當日共有兩班車準備由馬場開往大埔,涉事的巴士排前方,但當時車上並無車長,反而排後方的巴士上車長經已上車。他表示,首班車的乘客多數也是輸錢馬迷,當等了車長十多分鐘,看見他還未上車,各人經已眼望望。後來涉事車長之後才「施施然」上車,但依然無即時開車門,惹來部分候車乘客不滿。
丘先生指,其後自己上到巴士上層坐下,一度聽見樓下有人爭吵,但未知到底是司機抑或乘客。開車後,他感覺巴士車速很快,「掟彎」時有離心力,但想不到經已發生車禍,多人在車內頭破血流。據丘先生所見,車長當時自行走到車尾視察後,眼見巴士引擎開著,便着人幫忙利用車身的熄匙掣熄匙。期間已有乘客上前指罵車長,後來被勸開。不過,立法會航運交通界議員易志明認為熄匙做法正確,因一旦漏油而巴士仍未熄匙,風險便更大,但認同司機在離座前熄匙會更好。



他指出,當日共有兩班車準備由馬場開往大埔,涉事的巴士排前方,但當時車上並無車長,反而排後方的巴士上車長經已上車。他表示,首班車的乘客多數也是輸錢馬迷,當等了車長十多分鐘,看見他還未上車,各人經已眼望望。後來涉事車長之後才「施施然」上車,但依然無即時開車門,惹來部分候車乘客不滿。

可能司機只係跟足公司開車時間,先「施施然」上車,比我都會,咁快上晒客,未夠鐘開車,就算上爆左都唔開得車,乘客又會吊,巴士司機好惡做,呢次有機會係有人輸左錢,見到司機「施施然」唔順眼
就算司機過左鐘先開車,呢樣係佢同公司的問題,乘客唔應該鬧佢,佢可以話肚痛岩岩去完厕所,司機有人權的,巴士公司唔會因為佢話肚痛遲幾分鐘開車而炒佢,所以嘈黎無意思,當然,如果發生肚痛呢D情況時,通知站長可能會遲幾粒先開到車,站長會安排,可比乘客先上車,但馬場站應該無站長
前車車長未夠鐘開車,可以去休息室,可以去食煙,可以去爆石,上上層打打手鎗都得,呢段係車長的休息時間,後車有車長上左車,無關係,佢唔識休息室的人,唔食煙,唔使爆石,梗係上返車等,唔通企係到食風咩,就算唔使食風,你企係到,就會做左詢問處,大把人行黎問LEE問路...剛剛新做車長時,無乜所謂,做耐左覺得唔答好過答,答錯左,你話唔識唔知,分分鐘又比人吊,我記得上當年我係某區站頭食梗煙,比人問呢到有咩車去某區?話唔識就比人吊,詳情唔想多講,自此以後,一係有同事吹水食煙就唔怕,如果一個食煙有人想行埋黎,都馬上行開或扮傾電話,費事又比人吊
好多傷者係到嘈,話車長開得快,但如果<未知>佢無超速叫唔叫快?所有野係睇證據,正如如果一架雙層係彌敦道開50=亡命飛車,但係吐路港開50=龜速,唔可以靠感覺,呢D就叫新聞誇大報導,所有人認為定車長有超速,實質有無超速要到開庭時先知

[ 本帖最後由 biobioyu 於 2018-2-13 03:04 PM 編輯 ]



引用:
原帖由 黃金工程 於 2018-2-13 02:06 AM 發表

其實司機係唔係唔准賭馬?
楂巴士唔係坐監,巴士公司唔會理
只要正正常常,夠鐘開車,無意外就得



回覆 引用 TOP

總括,司機一定有罪,洗乾淨8月15入去食豬牛雞飯,法官會話司機有絕對責任保持行車安全,你比人挑釁完,覺得影響到你,可以唔開車,你開得車,責任就係你到
死左19個,上晒國際新聞,如果呢單危駕判小過5碌,又上多次國際新聞
但其實那個鬧人的乘客先係幕後黑手,一時之氣出口傷人,間接害死左19條人命

[ 本帖最後由 biobioyu 於 2018-2-13 03:13 AM 編輯 ]



[隱藏]
引用:
原帖由 黃金工程 於 2018-2-13 01:59 AM 發表


小巴差D, 一來小巴車廂有陣味, 搭完全身都臭,
二來小巴好專制。

例如由中途站M站搭去下一個好近的N站, 直路不超過150米, 其實步行也可以, 只收$2蚊 ;
但當掉轉, 回程時, 由N站搭回M站, 直路也不超過150米, ...
對於今次巴士車禍我最清楚,因為我住所在附近。

我肯定司機發脾氣導致意外翻側,引致即時乘客死亡,原來大部分死者父在上層,因為巴土當時上重下輕'導致翻側,當時上層(59)满座,下層(31)不满座。

[ 本帖最後由 tonylam07 於 2018-2-13 09:36 AM 編輯 ]



佛家話齋,凡事有因必有果


回覆 引用 TOP

引用:
原帖由 biobioyu 於 2018-2-13 03:11 AM 發表

總括,司機一定有罪,洗乾淨8月15入去食豬牛雞飯,法官會話司機有絕對責任保持行車安全,你比人挑釁完,覺得影響到你,可以唔開車,你開得車,責任就係你到
死左19個,上晒國際新聞,如果呢單危駕判小過5碌,又上多次國際新聞
...
X2



回覆 引用 TOP

引用:
原帖由 sunnytam2002 於 2018-2-13 02:06 AM 發表

我覺得重點係佢點解俾人鬧
到底係因為未夠鐘開車~
所以佢先唔上車~定係特登偷懶

因為之前都試過起總站等巴士等足半粒鐘~架車未返~禁大家都無嘈~
亦試過有車無司機~之後排頭位D人就問點解禁遲
司機就話佢都係突然 ...
討論咗咁多日你仲未明白有咩問題 仲未知成件事重點係乜 依家死19人 19個都係乘客 你明唔明呀?
引用:
原帖由 biobioyu 於 2018-2-13 03:11 AM 發表

總括,司機一定有罪,洗乾淨8月15入去食豬牛雞飯,法官會話司機有絕對責任保持行車安全,你比人挑釁完,覺得影響到你,可以唔開車,你開得車,責任就係你到
死左19個,上晒國際新聞,如果呢單危駕判小過5碌,又上多次國際新聞
但其實那個鬧人的乘客先係幕後黑手,一時之氣出口傷人,間接害死左19條人命
呢個先係最重要






[隱藏]
引用:
原帖由 biobioyu 於 2018-2-13 03:11 AM 發表

總括,司機一定有罪,洗乾淨8月15入去食豬牛雞飯,法官會話司機有絕對責任保持行車安全,你比人挑釁完,覺得影響到你,可以唔開車,你開得車,責任就係你到
死左19個,上晒國際新聞,如果呢單危駕判小過5碌,又上多次國際新聞
...
係啦,鬧人果個先真正害死人。好多L 樣成日以為俾左錢就大晒,重話做司機要預左俾人屌,佢地都痴L 線,佢老母就真係預左俾人屌。

[ 本帖最後由 alexbenhk 於 2018-2-13 05:37 AM 編輯 ]



 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。