註冊 登入



打印

第一份工做到好大壓力 (續篇)

第一份工做到好大壓力 (續篇) E-mail 此主題給朋友

[隱藏]
2017年9月
話說小女最近終於搵到第一份全職,計埋今個星期已經返左第2個星期.但覺得日日壓力大
說話第1日返公司,先知道原來請咗4個新同事,佢地都比我學歷高同有好多年經驗,只有我係今年fresh grad,我呢間公司係做電子手錶,我第一個星期返工就被人狂問行內既術語,但我唔識答,佢地狂比咗400-500頁既報告我睇,我睇左一大半,睇完都唔係太明白,因為係化學野,我有問過我個啊頭,但佢講野太快同唔太明佢講咩,但我都盡力記.後來佢又我打excel表,咁我跟住打,但打完之後佢話佢份野本來有D字出唔到,話我打果陣唔覺得奇怪咩,話我傻嫁,無常識,雖然我都唔開心但我覺得自己係有錯.咁下次佢叫我再做excel表我都有唔明就問返佢.
可是,每一次佢assign工作比我果陣,我唔識問佢,佢都會講用既常識去諗啦,佢同其他同事又成日拿我黎開玩笑,作為新人既我又唔敢出聲.啊頭明知道我唔明白行內既術語,成日都當住其他同事面去問我..我話我即刻上網查,佢話問你都唔識啦
今個星期,佢要我幫手做計劃書入面一小部份,我問佢之前有無D報告既sample可以參考下,佢話請你返黎係幫老板解決問題,唔係比你問問題,仲話我做果部份要做到既程度係要好詳細,只欠用行動去實行咁,最好快D做完咁.我問佢問題,佢成日都唔答,而且係問返我轉頭,我唔識答,佢真係等我諗到個答案再問我...佢意思係要我獨自做完我果部份既計劃書,放左工回家後壓力大到哭了

佢叫我每日都係屋企用半個鐘去睇呢行既新聞,我真係每日早上特登早起一個鐘去睇新聞,日日都比佢問問題,但大部份問題我都唔識答,佢又要我返屋企自己上網搵答案,因為佢唔會話我知道.

其實我明白自己既實力係未達到佢地既預期,我對呢行係有興趣但無認識,係呢間公司全部人都係呢個行業最少做左好幾年,一d對佢地好簡單既問題對我黎講係好新,未接觸過,我係需要學,但依家覺得我無從入手,都唔知點做t.t...

有d想辭職,但又唔甘心t.t
------------------------------
2018年3月頭 -->我終於辭職了
係呢間公司的半年內,發生咗太多太多事
未辭職前,我同我上司同其他同事熟絡咗之後,佢地講咗當初點解一開始針對我既原因,因為佢地話我只係一張白紙,要教我需要好多時間,所以希望我自己走,但奈何自己唔識睇眉頭眼額,所以一直留係度比佢地恰.
係做滿第3個月既時候,我無故比大老板調咗做佢既私人秘書,要我去做埋HR,唔比我做返原本既職位,自此之後,我就知道呢間公司係唔適合我,所有人的態度對我180度大轉變,係公司的週年晚會上,有個高層送咗一隻幾千蚊既項鍊比我,希望我幫佢收風,當時作為一個fresh grad,無諗過會捲入呢D辦公室政治中,我再三推卻,但個高層話就算我丟入垃圾桶,都當係送咗比我,==''' 最後惟有收咗同請佢食餐飯,希望唔好欠佢太多

話說自此做咗秘書之後,之前既上司仲會比野我做,其他部門既上司都比野我做,我一個人,又要handle大boss既野,又要做之前個上司,其他部門既上司assign既野,仲要做埋hr,根本就唔夠時間去做,而且學到既野係好零碎. 不過做咗呢個所謂既秘書之後,我努力咁去學點樣睇眉頭眼額,雖然依家都唔係好叻,但有時都會睇得出DDD啦(呢個技巧唔知道將來有無用,哈哈哈)
由於秘書呢個職位,我被大boss要求職調到另一個新座位,而呢個新座位係正正對住大boss間房門口既位,個大boss一唔開心,見到我就拎我黎出氣,諗返起果陣日日返工都提心吊膽,因為日日都要猜測老板既心情同諗好每次同老板既對話,諗起都攰

仲記得最深刻一次,果日早上,我一返到公司就見到個大老板怒氣沖沖咁當住全部人面鬧我,原來係話點解係會議室既2張椅亂咗同無開個窗簾布,其實呢D係清潔姐姐既職責,不過可能我都有責任,但事後先知,因為個大boss果日損失咗幾百萬,而佢第一個就見到我,就拎我黎出氣了,我好記得佢果日當住全部人面講我,請你返黎咩都唔識做,我用萬幾蚊請你呢個大學生返黎連呢D咁簡單既野都唔識做,有無搞錯.當時個個都望著我,我當時有種衝動想喊,但最後忍著,臉上掛住勉強既笑容話,唔好意思,我明白了同我會注意.之後仲要比佢鬧你明咩啊,你一D都唔明白,做人咁蠢...

後來有好多好多次比佢鬧,但鬧下鬧下個心就麻木了,佢再鬧,我都無感覺....

至於點解我會選擇係呢個時候走呢,原因為身邊太多叻既人都走哂,剩低既都係成日玩辦公室政治但又做唔到野既人,最近坐我隔離果D同事已經走咗3個,有D係忍唔老板既善變,有D係覺得呢間公司捱唔到落去,私下有4-5個同事都叫我趁後生,快D走,唔係係呢間公司浪費青春.
係呢半年時間內,我已經見證住有10個人走咗,個個同事成日私下whatsapp我一係就叫我叫風,一係就同我吐苦水,我唔知道其他公司會唔會都係咁樣,但我知道我係時候出去闖闖,就算個大boss加咗我20%人工,係有D令我心動,但最後我都係選擇咗離開,因為我明白我所做既野唔係我想做既.

呢半年既經歷已經大約寫咗出黎~

最後希望2018年大家都搵到份好工

[ 本帖最後由 做個平凡人 於 2018-3-7 10:58 PM 編輯 ]



加油💪🏻
壓力太大影響身體,賺多多$都冇命亨



回覆 引用 TOP

對,不吃愁眉饭。
放鬆心情吧 不用下下咁著緊的 搞到自己精神緊張...  打工呀咋☺



回覆 引用 TOP

萬令蚊 仲要得個屌字 早就應該走


回覆 引用 TOP

[隱藏]
走啦


富貴險中求,榮華難中得,成功穩中取,貧窮樂中受。

回覆 引用 TOP

其實我覺得呢份工好正,點解呢?
第一)一方面可以對老闆投其所好,例如佢興趣係乜,研究吓之後講多兩句個人意見,另外多啲幫佢解決個人問題(公司或個人),例如老闆去旅行,啲狗狗寄養在狗房,你要時時探下狗狗並報告咁!另一方面睇佢有乜錯處,衰嘢,有無小三等,全部紀錄在案,到時一拍兩散睇下邊個死!
第二)一人之下,萬人之上(我地嗰時叫大紅人),根本就無人夠膽比嘢你做,就算有只要講一句老闆幾點叫我乜乜乜,以後就無人叫你做嘢!
不過你fresh grad無經驗又難怪!



回覆 引用 TOP

收工不理公事!加油啊!比多d心機學好學識佢,罵就罵,學識左d野最緊要!


回覆 引用 TOP

引用:
原帖由 做個平凡人 於 2018-3-7 10:55 PM 發表

2017年9月
話說小女最近終於搵到第一份全職,計埋今個星期已經返左第2個星期.但覺得日日壓力大
說話第1日返公司,先知道原來請咗4個新同事,佢地都比我學歷高同有好多年經驗,只有我係今年fresh grad,我呢間公司 ...
唔怪得之篇野咁熟 原來我都睇過 估唔到妳都可以係間咁既野做左咁耐 妳如果真係後生就早d搵工啦 呢d垃圾工做黎都無用



回覆 引用 TOP

睇開D


回覆 引用 TOP

[隱藏]
剛出來做,不只要學工作上的知識,人事更多野看及學。 社會是這樣,不用灰心,不要失望,此些事多時遇上。 做人定位最重要。不說事非,不要別人東西,有工作便做,合理便是。


呢份工有好有唔好
不過個老細都真係幾難頂,同埋啲做得嘢嘅同事一個一個走晒真係好大影響
出去搵過份好工啦



回覆 引用 TOP

其實前幾日我已經遞咗信,信中我有寫到我希望做返自己本科果行,個老板睇咗封信後無咩講就批我即日走,不過我自己又唔會咁衰即日走,咁無交帶,用咗2日既時間將所有野交返黎相關既同事去做(當然係講返每樣task既進度係點啦),哈哈哈
雖然唔知道將來會係點,但對於做出黎個決定,我真係無後悔過



回覆 引用 TOP

加油啦

離開這間公司是一件好事

一定有好公司等你的



回覆 引用 TOP

呢間咩公司嚟㗎 真係恐怖。。。樓主 你都係趁後生早走早著 唔做都罷。不過欣賞你嘅心態好好


回覆 引用 TOP

[隱藏]
好明顯你老細想吃你.哈哈哈哈


回覆 引用 TOP

 71 12345
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。