註冊 登入



打印

[其他] 陳智燊原來係隱藏肌肉男 收埋40吋胸肌:40歲先練唔係咁容易

陳智燊原來係隱藏肌肉男 收埋40吋胸肌:40歲先練唔係咁容易 E-mail 此主題給朋友

[隱藏]


TVB小生陳智燊(Jason),曾經係TVB嘅當家小鮮肉,雖然依家已經40歲,兼且已經封埋盤,但佢依然Keep得好fit,甚至比以前更fit,今日佢出席護膚品牌活動,雖然著咗件白色西裝,但都掩蓋唔到佢嘅二頭肌同胸肌,Jason接受《香港01》訪問,話佢依家有40吋胸肌,佢仲分享佢健身嘅秘訣,首先係飲食方面:「朝早食個奄列都有6隻蛋白,加埋夜晚嗰餐,每日都要食十幾隻蛋,同埋食多啲雞胸,吸收多啲蛋白質。」

從營養學上嚟講,蛋白質對身體組織,如肌肉的生長和復元尤其重要,而除咗飲食,當然要配合運動,Jason話以前無好認真咁去研究點樣練肌肉,直到呢一年先認真咁去健身,搵咗相熟嘅健身教練朋友,同佢制定健身目標:「一個星期跑三至四日步,每次半個鐘,之後就去做GYM,做吓推胸同引體上升,加埋熱身拉筋前後都要個零鐘頭。」Jason仲有補充話如果屋企附近無GYM,遊樂場都有一啲設施可以健身,前提當然係唔好同小朋友爭嘢玩啦。

Jason說做運動可以令皮膚更好:「做完運動,出一身汗,當身體強壯,抵抗力好的時候,皮膚會更緊緻一點,同更加有光澤。」其實Jason都講得有道理,運動可以提高整個身體嘅血液循環,將更多的氧氣和營養輸送到皮膚,令全身容光煥發,除咗運動,Jason都有敷吓Masks:「其實男士都要護膚,試過拍劇拍到好Chur,落妝嗰下好辛苦,因為皮膚太乾,就拎Sarah(宋熙年)啲Mask嚟急救。」

不過Jason話只係畀自己依家嘅狀態75分:「仲有好大嘅進步空間,希望可以練得更加fit,始終40歲先嚟練唔係咁容易,要再努力啲!」睇Jason依家咁fit,佢真係下好多苦功去Keep㗎,各位男士都要加油!



[ 本帖最後由 大家樂合伙人 於 2018-3-13 06:16 PM 編輯 ]



回覆 引用 TOP

28歲我都信....


其實食大家樂


引用:
原帖由 肌建工程師 於 2018-3-13 06:15 PM 發表

其實食大家樂
ha ha thx support大家樂

男人真係過咗30接近40歲係最正...



[隱藏]
引用:
原帖由 肌建工程師 於 2018-3-13 06:15 PM 發表

其實食大家樂



回覆 引用 TOP

引用:
原帖由 大家樂合伙人 於 2018-3-13 06:18 PM 發表


ha ha thx support大家樂

男人真係過咗30接近40歲係最正...
有大家樂食,歲數只不過是數字



回覆 引用 TOP

佢呢個歲數同身型,又唔係要出賽/影相…

有無需要一日十幾隻蛋白呀…

又係一篇令人誤解健身人士既報導



回覆 引用 TOP

其實唔係巧大隻傘


回覆 引用 TOP

一個星期跑三至四日步,每次半個鐘,之後就去做GYM,做吓推胸同引體上升,加埋熱身拉筋前後都要個零鐘頭。

先帶氧後重訓?



回覆 引用 TOP

[隱藏]
普羅大眾計最受歡迎的身型


攝取過量蛋白質對腎臟造成傷害。


引用:
原帖由 大家樂合伙人 於 2018-3-13 06:13 PM 發表

28歲我都信....
佢都未生B,咁梗係啦。



回覆 引用 TOP

做完運動,出一身汗,當身體強壯,抵抗力好的時候,皮膚會更緊緻一點,同更加有光澤。」
其實Jason都講得有道理,運動可以提高整個身體嘅血液循環,將更多的氧氣和營養輸送到皮膚,令全身容光煥發


↑ 呢點我有親自體會,前排無做運動成個月,D 皮膚差左好多,好油又浮,
呢排做番發覺好番D。



回覆 引用 TOP

引用:
原帖由 wy020305 於 2018-3-13 07:34 PM 發表

普羅大眾計最受歡迎的身型
及相頭



[隱藏]
引用:
原帖由 大家樂合伙人 於 2018-3-13 06:18 PM 發表


ha ha thx support大家樂

男人真係過咗30接近40歲係最正...
睇人,有D 係過左40歲才正,
例如:Richard Gere
當年佢拍pretty woman 時40歲左右,開始散發型男味道,
40歲前個樣仲係好 o靚仔。
40歲前:


40歲後:




 58 1234
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。