註冊 登入



打印

[討論] 澳門懸掛風球標準一討

澳門懸掛風球標準一討 E-mail 此主題給朋友

[隱藏]
澳門氣象局於今年3月25日更新了網頁,包括:風速、雨量及氣壓等的二十四小時序列圖。還更改對風力的術語,以前12級叫做「颱風」,現在將以前叫做11級的「颶風」上調至12級與香港一樣。

過去幾年,氣象局的颱風預警屢受批評,多次出現「拒絕懸掛」、「太遲懸掛」、「過早除下」嘅情況。

當中市民最難以接受嘅係「拒絕懸掛」,三條大橋測出一小時持續疾勁程度(即風力達8級,平均風速超過每小時63公里),但仍然維持三號風球,最少4次出現此情況(2009年颱風莫拉菲、2011年熱帶風暴海馬、2015年颱風彩虹、2016年颱風妮妲)。

尤其是2016年颱風妮妲吹襲澳門,受到東南眼壁影響,多條跨海大橋風力達到8級疾勁程度,此時正值上班時段,令到過橋嘅市民冒著大風雨上班,然而馮瑞權表示未符合懸掛八號風球標準之中的「普遍性和持續性」,究竟要幾多個站以及幾多個鐘測得每小時63公里嘅風速才算達標?

又例如2012年颱風韋森特,凌晨01:00嘉樂庇總督大橋實測十分鐘持續颶風,錄得每小時132公里的最高風速,但氣象局到01:12先至給予預告:不排除改掛風球,去到01:47才宣佈將於凌晨兩點十五分懸掛九號風球,反映氣象局實測颶風後仍然要等超過一小時才能懸掛九號風球。

有部分市民質疑氣象局應該懸掛十號風球,我個人認同馮瑞權解釋澳門處於眼壁缺口,而令到風力較預期低無須懸掛十號風球,但不代表九號風球可以咁遲先掛,萬一澳門受最強眼牆雨帶吹襲,或突如其來加快速度更接近澳門,根本趕唔切,而且我認為九號風球應警示大橋上可能吹颶風。

直至天鴿事件,前局長馮瑞權向當地行政長官請辭後,雖然氣象局願意改善,但由妮妲事件講話會檢討懸掛風球標準,到現在仍然隻字不提。

唔知大家對澳門懸掛風球標準有咩睇法?



引用:
原帖由 mountain1745 於 2018-4-10 12:23 AM 發表

澳門氣象局於今年3月25日更新了網頁,包括:風速、雨量及氣壓等的二十四小時序列圖。還更改對風力的術語,以前12級叫做「颱風」,現在將以前叫做11級的「颶風」上調至12級與香港一樣。

過去幾年,氣象局的颱風預警 ...
SMG係話韋森特風眼冇登陸澳門,所以唔掛十號風球



根本應該要將成個熱帶氣旋風球標準改哂!有咩理因明明正面吹襲兼大橋吹埋颶風,都唔掛十號風球呀,重有,大橋都吹香港嘅烈風,都唔掛八號,係咪要澳門內街,甚至要打開晒窗門,係室內吹8級風先掛八號呢?


引用:
原帖由 商界消失的腳毛 於 2018-4-10 12:56 AM 發表




SMG係話韋森特風眼冇登陸澳門,所以唔掛十號風球
我唔知呢個係咪局內標準,初頭午夜零時氣象局(馮瑞權?)曾經表示:「除非颱風中心直接橫過澳門,否則改掛更高風球機會不大」。

事後馮瑞權接受澳廣視採訪解釋,颱風風眼最濃密雲帶無掠過澳門,較強的螺旋雲帶剛好掠過香港,而澳門處於雲牆與螺旋旋雲帶之間(眼壁缺口),故此風力比香港細,但仍然未有解釋十號風球標準。



回覆 引用 TOP

[隱藏]
我認為氣象局需要仔細說明三號、八號、十號風球的標準。

前局長馮瑞權有時話任何一站的60分鐘平均風速錄得相關標準,就會懸掛該風球。然而,到2016年颱風妮妲個案就「隨意搬龍門」,以前莫拉菲亦都試過出現這情況,表示8級疾勁程度持續時間短,只維持一兩小時。

我覺得呢澳門地方細小,並不如香港地大脈博,而且除了吹東北、偏東、東南風外都會受地型阻擋,如果學香港離岸吹暴風才能懸掛八號風球並不適合。

至於佢講到持續性,其實絕不應該好似(廉署調查報告指出)馮瑞權所講要最少一至三小時測得平均8級風力才能八號風球的嚴格標準,對於莫拉菲、妮妲這些東登北掠颱風絕不公平,因為一般情況下,登陸前會受地型屏障阻擋,到登陸後接近澳門時風速才會迅速上升,但隨著颱風遠離及減弱時風速就會迅速下降,也是8級風力為時短暫的原因,加上西北或西南有山勢阻擋,故此導致出現十年都無一次的八號西北或西南風球。

而2012年颱風韋森特,我覺得九號風球絕對遲掛,第一從實測風力角度上延誤超過一小時,第二從預警風球角度上萬一並非預期就會趕唔切,真係好離譜,諗起就激氣,三番四次出現呢D情況,有可能引致天鴿零預警的原因。



回覆 引用 TOP

澳門係咪用三條大橋做測風 如果係的話大橋錄得持續 烈風\暴風\颶風 先掛8\9\10 會吾會太遲


引用:
原帖由 1979abcd 於 2018-4-11 01:02 AM 發表

澳門係咪用三條大橋做測風 如果係的話大橋錄得持續 烈風\暴風\颶風 先掛8\9\10 會吾會太遲
近十年就係,天鴿過後好似改善咗



回覆 引用 TOP

引用:
原帖由 商界消失的腳毛 於 2018-4-10 12:56 AM 發表




SMG係話韋森特風眼冇登陸澳門,所以唔掛十號風球
回歸後直至今,似乎只有天鴿能做到



回覆 引用 TOP

引用:
原帖由 david19991999 於 2018-4-10 01:32 PM 發表

根本應該要將成個熱帶氣旋風球標準改哂!有咩理因明明正面吹襲兼大橋吹埋颶風,都唔掛十號風球呀,重有,大橋都吹香港嘅烈風,都唔掛八號,係咪要澳門內街,甚至要打開晒窗門,係室內吹8級風先掛八號呢?
咁你覺得幾多個測風站,以及幾多小時錄得標準(三號風球為每小時41公里,八號風球為每小時63公里)就需要掛風球



回覆 引用 TOP

[隱藏]
都唔知係從善如流定亡羊補牢,澳門風球嘅定義終於捨得改勒……
印務局 - 第61/2018號行政命令
http://www.smg.gov.mo/smg/pdf/c_tc_new.pdf



三民主義統一中國!
引用:
原帖由 samcheung08 於 2018-5-11 04:06 AM 發表

都唔知係從善如流定亡羊補牢,澳門風球嘅定義終於捨得改勒……
印務局 - 第61/2018號行政命令
http://www.smg.gov.mo/smg/pdf/c_tc_new.pdf
其實佢仍然未有講清楚,呢份file裏面嘅「澳門各站」,即係指每一個站。

假如其標準為其中一站錄得10分鐘颶風嘅話,2012年颱風韋森特需要懸掛十號風球,不過亦會衍生出另一問題,當有大橋(約海拔40米)吹颶風,但氣象局只評為強烈熱帶風暴,豈不是需要繼續維持八號風球?



回覆 引用 TOP

老實講句,我諗仲要睇多幾年以至十年時間先至睇到表現,局內高層變動後的確有改善,不過宜家先至啱啱開始,真正嘅風季都未呢,所以暫時都係睇定D,就算睇好都咪過份樂觀。


回覆 引用 TOP

引用:
原帖由 samcheung08 於 2018-5-11 04:06 AM 發表

都唔知係從善如流定亡羊補牢,澳門風球嘅定義終於捨得改勒……
印務局 - 第61/2018號行政命令
http://www.smg.gov.mo/smg/pdf/c_tc_new.pdf
澳門風球新定義: 強烈熱帶風暴最高掛八號?



引用:
原帖由 DemonGod 於 2018-5-15 01:13 AM 發表



澳門風球新定義: 強烈熱帶風暴最高掛八號?
咁之前貝姬得STS都九號點解釋?



[隱藏]
引用:
原帖由 商界消失的腳毛 於 2018-5-16 01:46 AM 發表




咁之前貝姬得STS都九號點解釋?
舊定義可能無所謂



回覆 引用 TOP

 39 123
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。