註冊 登入



打印

[遊記分享] 鹿兒島宮崎五天自駕遊

鹿兒島宮崎五天自駕遊 E-mail 此主題給朋友

[隱藏]
各位師兄師姐大家好!民婦又嚟一隻無乜肉食嘅油雞,旅遊日期為 09-13 April 2018。

四月份有一個小日子一個大日子可以趁機慶祝嗄,一個係民婦嘅生日一個係結婚週年,適逢港航假期又抵嘅 package...於是我哋就決定走多轉鹿兒島及宮崎五天自駕遊~

呢個 package $5,995 (連所有稅呀雜費果啲)兩個人包兩晚溫泉酒店(不連早晚餐),入住城山觀光酒店(Hotel Shiroyama Kagoshima) ,之後仲有兩晚住 AirBNB 一間好抵嘅民宿。

Day 1 (09 April)

今日由 check in 到上機....全程啲工作人員都非常友善,仲會識叫我做乜小姐,我當時心諗點解佢哋咁好記性咖!係食完飛機餐時我見到表哥食咗一半就收手已經好奇怪喇,佢閒閒哋食兩個餐都面不改容咖喎!原來有個傻佬偷偷哋搵 airline 通知人哋呢個 trip 係咁係生日同結婚週年嘅旅程,訂咗蛋糕俾我...當我係到煲 Once Upon A Time 煲到瘟瘟沌沌時...忽然間有一班空姐走埋嚟『 X 太生日快樂!祝你同X生結婚週年快樂!』,做咗快 16 年 X 太....都唔係好慣人哋咁叫我,會應唔切同俾唔到反應,於是 X 太就係 O 晒咀嘅情況下收咗一個蛋糕同果汁(有人唔太飲得兼陣間要揸車所以五日滴酒不沾)....仲要飽到反肚咁落機~






機場附近攞完車就直接去城山觀光酒店 Hotel Shiroyama Kagoshima....吖...預咗酒店係山上面但無諗過個山咁九曲十三彎同啲路都幾窄嗄,所以決定泊好車後搭酒店車落鹿兒島食晚飯,一來係巿中心搵位泊車都花時間,二來夜咗返酒店都唔駛咁大心理壓力嘛!呢到個車場係要落小小山(其實係轉個彎就到,但酒店會主動派一架私家車跟住你尾,再接返你去酒店門口,好體貼!)







今次入住經驗真係非常之好,好到係我哋一置認為比乃之風嘅服務更好,職員非常主動咁幫你拎行李(入住及離開當日),仲連你去濕平完啲戰利品都會幫你拎到上房,呢間酒店每層樓有 98 間房,而我哋係住係西翼 9 樓 88 號房....每一次出出入入都要由頭行到落尾咁滯。

Check in 時職員有問駛唔駛 upgrade 去望到櫻島火山嘅房,但我哋商量過又覺得酒店嘅時間唔多,而且返到都天黑望出去乜境都無,於是就維持原判喇!間房唔大咖,但張床舒服、浴衣舒服、廁所亦好光猛∼ 而且住咗兩晚,甚小遇到強國同胞,台灣人是有的但本地人超多!

去到巿中心,左行行右行行....行得嚟已經肚餓了~ 於是求其見到有間拉麵就入去食,又估唔到幾好食喎∼!我本身係唔鍾意食拉麵嘅人,尤其好杰身嘅豬骨湯決非我杯茶,但呢間薩摩思無邪嘅湯底係充滿著∼金∼華∼火∼腿∼嘅味道,有飲廣東老火湯嘅感覺而且食完唔口渴∼之後就再去食白熊刨冰!
















跟住返酒店浸溫泉∼佢得兩個風呂無乜花巧嘢,有個室內風呂同露天風呂、有個冷泉同桑拿房,無話男女風呂會隔日掉轉果啲,而且半露天果個風呂唔算好大,但可以邊望住櫻鳥火山 邊 slow cook 自己....確係雙重享受~

而且,佢嘅泉水浸完真係好滑好滑,望住自己全身浸到粉紅色...跟住再落冷泉到浸返脆啲皮(完全當咗自己係雞翼!),返到房間都忍唔住摸自己隻手讚自己滑~ 哈哈...好變態!😏

果晚我哋兩個瞓到 🐷 咁呀❗️

[ 本帖最後由 the8 於 2018-4-17 07:51 PM 編輯 ]



實用相關搜尋: 溫泉 空姐 台灣 行李 結婚 旅遊 酒店
Day 2 (10 April 2018)

第二日鬧鐘一响就標落去浸溫泉(有人話瞓多陣先喎),原來朝早係最多人去浸溫泉咖!望住櫻島火山又望嗄啲腳趾再望嗄啲霧氣咁...好梳乾呀喂!

到我返上酒店時表哥就落去浸溫泉喇,咁我就補眠喇!但呢覺瞓得好差,因為...我餓了!🤦🏻‍♀️

表哥一返上房就話落去食早餐!呢間酒店嘅早餐一啲都唔平,要 ¥2,700 一個人,但係佢嘅早餐係全國第7名咖,多嘢食而且好好食!

淨係門口個真鯛漬見到已經流口水喇!而且佢杯咖啡都相當好飲,戒啡嘅我都忍唔住飲咗幾啖。



















[ 本帖最後由 the8 於 2018-4-17 07:51 PM 編輯 ]



實用相關搜尋: 溫泉 酒店
食完早餐影一陣相先。









第一個境點就係仙嚴園,係薩摩蕃主島津家族嘅別邸跡和庭園,佔地面積約5公頃,連午餐同行埋兩個博物館我哋係到逗留咗超過六個鐘呀!
















[ 本帖最後由 the8 於 2018-4-17 07:52 PM 編輯 ]






回覆 引用 TOP

仙嚴園真係好大,古時啲有錢人已經興望海望山咁起屋住,識嘆呀!





























實用相關搜尋:
[隱藏]
因為...又餓了...所以係隔離一間叫小春日嘅 cafe 食午飯,佢嘅三文魚醃同煎都處理得好好!佢係用鹽粷去醃,魚肉嫩滑兩面焦香...唉打到自己依字都餓埋一份添!🤦🏻‍♀️ #為何深夜總是餓




















[ 本帖最後由 the8 於 2018-4-16 01:05 AM 編輯 ]



回覆 引用 TOP

呢幾日,櫻島火山出現嘅次數甚稱爆 show 仲勁過安德尊呀!連揸車都係你隔離遙望住你!



下一個『境點』係濕平!😂 我一見到呢間超巿已經雙眼發光!



表哥去咗隔離嘅釣魚用品度消費,呢個鐘頭各自各精彩了!



我買咗呢堆嘢,好忍手下先無買果包 2kg 嘅日清麵粉!



係車到嘆嗄吟釀食嗄魷魚燒餅等表哥...



係倒係鏡見到 ¥100 呢幾隻字已經 😍...原來係壽司店,咁相請不如偶遇...大家決定食個 early dinner 之後返酒店趁住客食飯時又浸多次溫泉!



所有食物由 ¥80 起跳...食咗 15 碟才 ¥2,145...仲要係幾好食喎!











[ 本帖最後由 the8 於 2018-4-16 01:23 AM 編輯 ]



實用相關搜尋: 溫泉 酒店 食物

回覆 引用 TOP

唯一遺憾係海膽賣晒...嗚~



































回覆 引用 TOP

浸完溫泉...決定去我流風食佢塊燒叉燒!



真係好好好味!縱使佢嘅麵同湯唔太對胃口,但叉燒已經補償一切!






仲有生果做 night food!


之前就瞓覺喇!






回覆 引用 TOP

引用:
原帖由 the8 於 16/4/2018 12:39 AM 發表

Day 2 (10 April 2018)

第二日鬧鐘一响就標落去浸溫泉(有人話瞓多陣先喎),原來朝早係最多人去浸溫泉咖!望住櫻島火山又望嗄啲腳趾再望嗄啲霧氣咁...好梳乾呀喂!

到我返上酒店時表哥就 ...
呢個早餐正 ,抄底先.



實用相關搜尋: 溫泉 酒店
[隱藏]
絕對惦當


熱門搜尋: 創業基金 貸款 旅行保險 借錢 保險公司
引用:
原帖由 reddogdog 於 2018-4-16 02:40 發表


呢個早餐正 ,抄底先.
有傳話如果你去慶兒島...就算唔係住城山都要入嚟食早餐咁話!真係可以一試!



熱門搜尋: tutor 日語課程 日本留學 mba 加拿大升學 補習老師 心理輔導

回覆 引用 TOP

引用:
原帖由 碌七仔 於 2018-4-16 04:01 發表

絕對惦當
有機會你都試嗄吖!







回覆 引用 TOP

Day 3 (11 April)

我哋就冇喺酒店食早餐,離開酒店嘅時候去咗下小小嘅西鄉龍盛銅像影嗄相。西郷隆盛,是日本江戶時代末期的薩摩藩武士、軍人、政治家。他和木戶孝允、大久保利通等人並稱「維新三傑」。曾任明治政府的陸軍大將,後與明治政府決裂,並與政府之間發生了西南戰爭,失敗而自決,由於傷重無法實質切腹,僅儀式性切腹後,由部下介錯(切腹儀式中,由他人砍下頭顱,盡快結束痛苦)。死後,因輿論的同情、聲援,明治天皇因而特赦之,並追贈從三位品秩。

雖然同明治天皇發生內戰,但西郷隆盛為理念而戰(佢嘅政治主張「尊皇攘夷」),尊崇天皇, 驅逐西洋勢力, 實際上反對幕府權威與藩主的「公武合體」有矛盾,再次被流放到小島。呢一點令就算希望國家趨向洋化嘅明治天皇都認同佢為理念而戰而非為反而反。所以西鄉龍盛係日本史上面佔左一個幾重要嘅位置咖。


1877年(明治十年)嘅西南戰爭,係日本史上最後一個內戰。



一心諗住去魚市場食早餐,明明尋晚 一心諗住去魚市場食早餐,明明尋晚 check 過 Google 今日係開架,點知忽然之間又話唔開喎,於是嗱嗱臨又搵其他嘢食啊。


碌吓碌下 Google 見到天文館有鰻魚飯食,於是揸咗架車過去啦。






呢家嘅鰻魚飯都相當好食,不過如果你哋有機會你食嘅話呢一定要適丼,咁啲鰻魚油就可以流晒落啲飯,又香又滑!









仲有呢個肝汁,食落去呢有啲啲爽口又有啲甘甘地咁。



I唉!尋晚又係餓今朝又係餓...


[ 本帖最後由 the8 於 2018-4-16 08:12 AM 編輯 ]







食完早餐呢我哋就去咗有村展望台睇櫻島火山,今日好大煙霞,同埋呢我哋都係覺得湯之平望出去嘅應到火山比呢度靚囉!





















睇完火山之後呢就去咗好近,大約 5 分鐘車程嘅黑神埋沒鳥居。1914 年1月12日櫻島發生了火山大爆發,簡稱『大正爆發』,大爆發造成了58人罹難,噴發出的岩漿除了造成人員傷亡以外,也將原本孤獨的櫻島與大隅半島相連在一起。「黑神神社」就這樣被大量的火山灰給掩埋了剩下最頂的一米露出地面。

不過呢如果你自駕去黑神神社,其實可以唔好泊呢個停車場,因為在前少少有一個呢講到明係無料嘅,呢一個呢雖然冇人企喺度收費但係呢佢有一個箱仔寫住 ¥100 ,咁我哋就好乖咁樣照入咗錢入去,其實駛前少少更加近神社嘅免費停車場。








[隱藏]
今日我哋就離開鹿兒島入宮崎,之前呢一路睇宮崎嘅酒店明明一個咁鄕郊嘅地方,唔知點解啲酒店都要收停車場錢,搵吓搵吓又比我搵到 Airbnb 入邊有一間唔收清潔費有免費停車位嘅民宿,於是就決定取消酒店住呢到喇!不過呢間民宿呢其實我覺得最多只可以住兩個人嘅咋,三個呢都有啲窄嘅。















有表哥鍾意嘅榻榻米



宮崎係咁樣搭棚起樓㗎!



因為揸咗太耐車入宮崎啦,所以我哋決定拍好部車就行出去慢慢搵嘢食。



好佩服日本人將間屋裝飾得好靚嘅,呢間屋係外圍啲石頭隙同隙之間種咗唔同顏色嘅花,真係行過都覺得賞心悅目啊。


[ 本帖最後由 the8 於 2018-4-17 12:34 AM 編輯 ]



實用相關搜尋: 日本 酒店 清潔

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。