• 瀏覽: 7,086
  • 回覆: 5
  • 分享: 1
香港執業事務律師,如果想在英國、美國、加拿大、澳洲、新加坡、台灣等地執業,要點做????

需唔需要在當地重新實習?????

不是用海外律師身份執業,是使用當地本地律師身份執業。

[ 本帖最後由 hkmydavid 於 2018-6-14 03:50 PM 編輯 ]



MY WEB SITE
I am finding the answer to this question too.
For England and Wales, you need to take the QLTS; for New York, you need to take the new york bar exam



提示: 作者被禁止或刪除 內容自動屏蔽
美國 - 冇實習制度。只要考試合格同通過品格要求就可以攞牌。問題係要符合一啲資格先可以參加考試。所須資格每個州都唔同。

紐約州嘅話,如果你個法律學位唔係喺美國認可嘅當地學校攞,一般要喺美國嘅法學院補番兩年先至有資格參加考試。

如果你喺其他國家已經有牌,加州應該最容易,因為可以直接參加考試。

另外,就算攞到牌只係代表有執業資格。真係要係當地工作,如果你冇美藉或者綠卡嘅話,就要有工作簽證。



[隱藏]
加拿大 - 如果你個法律學位唔係喺加拿大嘅法學院攞,要先將你嘅法律學歷交去一個叫做 NCA (National Committee of Accreditation) 嘅機構做評核。之後 NCA 會話比你知你要考幾多科嚟到將你嘅學歴去等同一個加拿大法學位。通常要考 5 - 8 科。

合格晒呢啲 NCA 考試之後就有資格去考 bar exam 同實習。bar exam 合格同完成實習就可以攞牌。視乎你喺邊個省,例如安省嘅實習期係 10 個月,喺其他國家有牌有經驗嘅通常可以將實習期減半。實習工要自己搵。問題又係,要做工就要有當地國籍或者永久居民卡。我諗幾個月實習工都唔會有 firm 肯幫你攞個工作簽證。



星加坡 - 遊戲玩法同美加完全唔同。同香港一樣,喺星加坡有冇當地牌係唔重要嘅。星加坡同香港一樣崇洋媚外。有大把由美國、英國、澳洲、加拿大嘅律師喺呢度嘅 financial services 有關行業做上把位。呢啲人根本係好睇唔起當地本身嘅專業資格,完全不屑去考當地個牌。情況就同香港中環差唔多。當然,如果你想做啲同當地 local 有關嘅嘢,咁就要攞個當地牌。不過大家都知嗰啲係下把位。問題係你本身個牌係邊度嘅。美國當然最好,其次就英國,之後加拿大澳洲都 OK。香港牌就或者冇咁有 market,不過一般都夠,唔使諗攞當地。

唔係公民又冇永久居留權嘅就要攞 employment pass。星加坡而家好旺,佢又冇歐美咁排外,專業人士搵工同攞 employment pass 唔難。



[按此隱藏 Google 建議的相符內容]