• 瀏覽: 1,842
[隱藏]
除左夢一,其實美國一直以黎都未出齊最強既人,世錦賽唔講,先講奧運

2008年 奧尼爾 鄧肯 加納特 A米 馬利安 雷阿倫 唔打 (內線當時侯活同保殊表現平平,防守對方低位都幾差,換番以上幾個人其中兩三個,可以勝西班牙20分以上)

2012年 侯活 格芬 保殊 唔打 (贊特拿無主攻能功進攻打少個,路夫防守好差同戴維斯太嫩,當時nba都未打)

2016年 占士 居里 李安納 哈登 威斯布魯克 戴維斯 保羅 格芬 唔打 (基本上除左杜蘭特 美國派二隊打)

2004年奧運除左陣營唔夾,原本打2003年美洲賽既班底12個入面只餘下鄧肯同艾弗遜有打。兩個奧尼爾 鄧肯 加納特 卡達 麥基迪 高比 雷阿倫 傑特 (除左鄧肯同艾弗遜,成隊一隊唔打)

另外,美國近年一直單靠鋒線既強大,其實有一個有進攻能力既中鋒真係差好遠,2008年同2012兩次奧運都無咁既人,遇著內線比較強既球隊比唔到威脅對方,對方有更多空間同力量用內線進攻。

2016年K教練似開左竅,搵左吉臣斯,美中不足既吉臣斯比較慢熱,受脾氣所困,直至決賽終於可以發揮出黎。吉臣斯決賽對塞爾維亞上陣時間唔算太多,但一對黎將人地內線翻江倒海,佢出場果陣幫美國拉開比數,最後美國勝三十分

美國依家其實係掌握左世界男籃球例,亦會早一兩年集訓加操,我覺得美國分組賽可能會好似2016年有一兩場險勝,但去到淘汰賽就穩勝,當然先決條件係一隊球員大部份都有打



回覆 引用 TOP

[按此隱藏 Google 建議的相符內容]