註冊 登入



打印

[Rolex] 一錶一故事 香討焦點

本主題由 ken_kan 於 2018-8-8 04:39 PM 設置高亮

一錶一故事 E-mail 此主題給朋友

[隱藏]
2016年3月既某一個星期五, 我老友來電, 話去睇錶, 叫我等電話. 通常, 我地既習慣係, 佢一有乜錶睇, 就會預先通知我, 見到實物send相我睇, 然後我再決定要定吾要. 因為成個睇錶過程只有十數分鐘, 所以只可以喺極短時間決定, 一喺要, 一喺吾要. 吾要, 隻錶好大可能會落左去美國 (因為美金強, 佢地出得起價錢), 想返轉頭買都冇可能, 冇機會慢慢決定.

今次, 隻錶喺埠仔, 老友要揸兩個鐘頭車去睇, 來回四粒鐘. 終於電話傳來張相, 原來係4期雙紅, 靚! 面靚, 殻冇磨過, 原汁原味,  咁叫老友開底蓋睇下點樣, 佢話冇架撐, 開吾到, 只見到錶耳流水號 5.17 mil, 對期. 但買雙紅其中一樣要睇就係底蓋內有冇流水號, 對吾對隻錶, 冇得睇底蓋, 吾知啱吾啱, 價錢可以分別好大.

喺嗰一刻真係企左喺度吾知點算好, 如果價錢平, 可以不理照買, 不過價錢吾平, 大概HK$16萬 (未包我老友利潤, 以當時黎講吾平, dealer 價), 問老友可否遲一日答覆? 聽日攞架撐去開, 答覆係吾得, 因為已有美國dealer話要, 一放低就會去美國.  搏好吾搏好? 搏, 如果底蓋冇流水號或錯左, 蝕硬. 吾搏, 如果底蓋流水號啱既話就走寶, 塊面好靚, 值得收藏. 正在十五十六, 猶豫不決既時候, 老友知我有疑難, 就拍心口話, 佢吾想走左隻錶, 佢會照買, 如果底蓋啱, 佢會留畀我, 我可以買先, 如果底蓋錯, 我吾洗買, 佢自己想法子啃左佢, 一於就咁話, 不過佢當日帶吾夠錢, 只有落訂, 星期一大朝早先去攞.

第二日, 因為係週未, 我冇錢喺身, 佢返舖頭動用哂佢啲儲備金凖備幫我去攞錶, 但舖頭冇儲備金又吾得, 驚有人賣嘢冇錢買. 結果我眼白白睇住佢用成本價HK$5萬幾賣左隻綠黑畀佢細佬, 佢轉頭同我講, 佢須要錢同我去攞錶, 我真係好吾好意思.

到星期一大朝早佢又揸多四個鐘頭來回車, 幫我去攞錶. 最後攞左隻錶返黎, 好彩冇事, 我問佢要幾錢? 佢話隻錶吾平, 因為有美國佬爭, 咁我喜歡畀幾多利潤佢賺就畀幾多, 無所謂, 佢試過幫我搵錶, 因為好貴, 一個仙都冇賺我, 幫我白做, 結果我跟老規矩, 畀佢賺10%.  成隻錶, 佢揸左八個鐘頭車, 仲要幫我出錢先, 仲要監平監賤賣左隻綠黑, 仲要話如果底蓋有錯佢自己啃左佢, 擔保我冇事...咁大風險, 先賺我10% 萬六蚊, 我真係吾知講乜好, 只有心領.

好多朋友話我好彩, 有個咁好兄弟, 冇錯, 我識左佢廿六年, 我睇住佢由一個泥水佬出身, 搖身變成全城其中一個最大既錶佬, 我睇住佢冇錢, 只係利用信用卡大概三萬港紙限額買錶起家, 至到早幾年開舖, 佢話我知佢舖頭既保險額係過億. 喺依廿六年當中, 大家都有起有落過, 喺佢最困難既日子, 我幫佢吾少忙, 當年一句冇工開, 立即夾硬都要搵嘢畀佢做, 佢個修錶佬吾見左我隻金銀棺材仔, 我知佢冇錢賠, 我話吾緊要, 下次賣錶平d畀我補返數, 喺我最困難既日子, 我地出親街佢一個仙都吾洗我畀, 所以有好幾年我好少搵佢, 因為吾喜歡佢下下幫我找數.

直到2013年尾, 環境好返d, 有多餘錢玩錶, 我地又走返埋一齊, 大家仍然係好兄弟, 佢仍然盡量幫我忙, 佢畀我既價錢, 平過畀任何一個dealer, 甚至佢自己細佬. 佢幫我周圍去搵錶, 出錢出力, 最多只賺我10%利潤. 喺依五年當中, 最大得益吾係用HK$21萬買隻有盒有紙#6265 sigma, 吾係用HK$5萬買隻#5512平頭皇冠, 而係識左個可以為我兩脇插刀既好兄弟. 當今世上, 唯利是圖, 見吾少有利益輸送既就係好朋友, 亦見吾少冇利益關係既就識鬼你. 有人同我講過, 朋友吾須要多, 只要係真正朋友就夠..依句說話一啲都冇錯. 依幾年因為玩錶識多左幾個真正朋友, 實在感恩! 🙏🙏🙏











第一個打卡先,睇曬了,人生有老死如此,仲有乜好講?!

錶就算天價咁高,仍然是有一個價錢,但呢個世界上,有更多事及情係無價的

[ 本帖最後由 ken_kan 於 2018-8-8 04:39 PM 編輯 ]



每一天都要開心渡過
情比金堅


唔出勞力士得唔得㗎


PM G5 1.8G DP with 4G ram, ATI x800XT 256m Mac Edition
(using)
17" imac G5 with i-sight
PM G4 MDD 1.25G DP & 1G DP(2 sets)
ibook G4 1.2G 1.25G ram and 120G hdd
iphone 2G 8Gb
iphone 3GS 16Gb
[隱藏]
引用:
原帖由 ken_kan 於 2018-8-8 04:35 PM 發表

第一個打卡先,睇曬了,人生有老死如此,仲有乜好講?!

錶就算天價咁高,仍然是有一個價錢,但呢個世界上,有更多事及情係無價的
我地見好多人發左達或得左志就吾識人, 難得我老友發左達後, 喺我最困難既時候, 仲記得我依個窮朋友. 由出黎做嘢開始計, 人生有幾多個26年? 頂哂籠2個, 我既26年冇白費.



引用:
原帖由 cookie2013 於 2018-8-8 04:27 PM 發表

2016年3月既某一個星期五, 我老友來電, 話去睇錶, 叫我等電話. 通常, 我地既習慣係, 佢一有乜錶睇, 就會預先通知我, 見到實物send相我睇, 然後我再決定要定吾要. 因為成個睇錶過程只有十數分鐘, 所以只可以喺極短時間決定, 一喺要, 一喺吾要. 吾要, 隻錶好大可能會落左去美國 (因為美金強, 佢地出得起價錢), 想返轉頭買都冇可能, 冇機會慢慢決定.

今次, 隻錶喺埠仔, 老 ...
好兄弟,好錶友,十分十分之難得,珍惜眼前人!



引用:
原帖由 waikee 於 2018-8-8 04:47 PM 發表

唔出勞力士得唔得㗎
午安偉兄...吾出勞力士當然得..佢賣依隻全對期, full set 有盒有紙321畀我吾洗3皮, 就算當時黎講都平過市場半價. 佢只係來價加10%畀我.



















引用:
原帖由 cullangepp 於 2018-8-8 04:52 PM 發表


好兄弟,好錶友,十分十分之難得,珍惜眼前人!
係, 師兄, 我地見得太多所謂之朋友, 倒頭來吾踩你兩腳算你好彩



得意時, 朋友認識了你;落難時, 你認識了朋友.

一世人, 真"朋友"不多, 要好好珍惜.



[隱藏]
引用:
原帖由 cookie2013 於 2018-8-8 05:03 PM 發表


係, 師兄, 我地見得太多所謂之朋友, 倒頭來吾踩你兩腳算你好彩
所以好朋友難求,懂得欣賞錶的好朋友可遇不可求,兩脇插刀的,唔搵你着數,唔呃你錢的,真係你的真的是上天賜的福份!



回覆 引用 TOP

引用:
原帖由 Troways 於 2018-8-8 05:07 PM 發表

得意時, 朋友認識了你;落難時, 你認識了朋友.

一世人, 真"朋友"不多, 要好好珍惜.
Troways兄你好, 早兩日已經想喺FB同你打招呼, 可惜返轉頭又搵吾返你個”通渠”回覆, 吾好意思.



引用:
原帖由 cookie2013 於 2018-8-8 04:27 PM 發表

2016年3月既某一個星期五, 我老友來電, 話去睇錶, 叫我等電話. 通常, 我地既習慣係, 佢一有乜錶睇, 就會預先通知我, 見到實物send相我睇, 然後我再決定要定吾要. 因為成個睇錶過程只有十數分鐘, 所以只可以喺極短時間決定, 一喺要, 一喺吾要. 吾要, 隻錶好大可能會落左去美國 (因為美金強, 佢地出得起價錢), 想返轉頭買都冇可能, 冇機會慢慢決定.

今次, 隻錶喺埠仔, 老 ...
好文、好錶、好兄弟。

感謝曲兄一個高質分享



回覆 引用 TOP

靚表有價,友情無價!


真正同撈同煲 好兄弟!


[隱藏]
引用:
原帖由 cookie2013 於 2018-8-8 05:11 PM 發表


Troways兄你好, 早兩日已經想喺FB同你打招呼, 可惜返轉頭又搵吾返你個”通渠”回覆, 吾好意思.
曲兄, 小弟對舊裝認識只是在小學雞程度, 那會敢班門弄斧, 真的向你多多指教, 多多學習.



 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。