註冊 登入
 



打印

我好怕真的中了HIV

我好怕真的中了HIV E-mail 此主題給朋友

[隱藏]
 
2星期前,放工
心血來潮,想嘗試一下一樓一係點.
因為我除左自己女朋友,同其他陌生女性做,一定硬唔到.我係有帶套的,做左1分鐘左右就軟左,個套係仲係J到,但套得一半.
最後佢用消毒紙幫我抺J一次再環吹,我再自己用手打出來的.其實我進入時間 我諗2,3分鐘都沒.不過我知道同時間同你中唔中HIV沒關係.第2日約左朋友打籃球,打完反到屋企開始肚瀉.我都唔為意.上網見到MK掃黃,又有人話咩99個妓女,發現24個感染HIV,我當場呆左.上網CHECK HIV 資料.
如事者我從個日開始好留意自己個身體情況,肚瀉左第3日都沒去看醫生.因為小弟我,係長期得閒又會瀉下.
第4日開工時發現耳豬下有小小突起,唔知係心理作用定點,個日咳得好利害,咳到想嘔.就早退走左.
我從坐車到屋企沒停過係甘搜尋HIV照片,會有咩病徵.個一刻我發現我先知道我係幾甘沒腦幾甘不顧後果,明明有個女朋友點解仲要去玩,明明有個好好父母,時時刻刻都擔心住自己,有沒想過有事佢地會點.回家途中我真係哭出來.我上網看到有只叫doctoreyes hiv test,可以自己檢驗,當時沒看清楚空窗期要3個月先有用.反到家好像D女仔有左,好驚甘係廁所CHECK,3個月都沒夠.結果當然係陰性.個日個心都平靜左下來,但是會時不時去廁所照下個身會唔會有其他情況.
第2日約左女朋友,見到佢嗰一刻真係差點想哭.當我自己知我要忍,去到佢大家過夜,全晚佢都覺得我怪怪地好像沒咩精神甘個人好頹.到晚上佢睡左,我望住佢時候我真係好想好想打死自己,WHY??????????????你要出去玩.你不嬲都唔掂呢樣野
基本上我從發現耳豬下有粒野開始,我一日睡都唔夠5小時,睡一陣又起身照鏡.完全沒胃口吃飯.肚瀉沒停過.
第2日女朋友出左門口,我起身搜尋HIV資料,發現手邊出左粒紅點有小小突起.我立刻崩潰.上網去搵有沒D咩可以立刻CHECK到係咪中左.見到有個叫超高敏hiv rna檢測,$2000幾,我打比我朋友同佢講晒全件事,佢都叫我唔好甘擔心,一來唔會甘快有病徵,2來你有帶套,都有罵我做咩甘笨去玩呢D.呢2千幾都係呢個好朋友借比我,好多謝佢.一路開解我.
到左第日我都問清楚個姑娘,我今日岩岩好第8日,時間甘快會唔會驗唔到?佢話OK,呢個TEST空窗期係7日,就算有1個病毒都CHECK到出來,我同姑娘講晒我所有情況,佢話如果係甘你不如CHECK一下梅毒.最後我2個TEST都做左,
由抽完血後直到去問結果,我都覺得全世界好像崩潰甘.係人前要笑,人後就哭.一切都係自己攞黎.平時都唔信神的我,又去求神問卜.不停不停不停甘問罪自己.
已經控制唔到自己,你只會想家人,女朋友 日子要點過.中左呢種病最可怕唔係死,係你臉對唔到所有人,我沒知結果已經感受到HIV病人個一種壓力.我都想好左,如果係中左就一定同女朋友分手,沒謂害人.出發去問結果前個3小時,係屋企係甘哭係甘打自己.還好見到有個討論區講如果有問題可以去FB到找有種部隊,會幫到你.我呢3小時全靠佢地同傾我先渡過到,
結果出到來係陰性.同日我去左搵醫生,因為我足足瀉左一個星期.呢一個星期我都好平常渡過,不過會好留意自己身體情況,依家已經2星期了我仲係肚瀉,醫生都看左3次.開左抗生素,d糞便沒甘水.但昨天發現脛上幾粒唔紅的粒粒.今日只手腕出現左1,2紅點突起,正常肚瀉都唔會2星期,我真係唔知可以點..
我又再一次掉進恐慌,本來夠18日左右我都會去做P24.我估我呢幾晚又會再好像上星期甘.當我對住家人,女朋友就有一種強烈內疚感,好想好想同佢地講對唔住.如果一切大步攬過.我一定會好好對代佢地.
係呢度我只想同大家講,沒試過真係唔好試,仲有出去玩的,就停手啦..你到現在都沒事你真係好好運.輸唔係輸自己條命甘簡單,你對唔對得住愛你的人?你家人..?珍惜你有一切,你唔到最後都唔會發現你其實已經好好.20幾就中HIV,你有想過你後面日子怎過?唔係1日吃幾粒藥甘簡單.千萬唔好做後悔的事情.
我知道我好多廢話,但我再唔講再唔搵地方渲洩可能會痴線.
希望大家身體健康.

[ 本帖最後由 請給我機會 於 2018-8-13 12:21 AM 編輯 ]



精選樓盤
冇事嘅放心


多謝你.
我都希望沒事,問人就話我做嗰第1個TEST 都已經準,但係7日空窗期.真係好怕CHECK唔到.唉



回覆 引用 TOP

引用:
原帖由 鬼屋疑惑的腰部 於 2018-8-13 12:37 AM 發表

冇事嘅放心
多謝你.
我都希望沒事,問人就話我做嗰第1個TEST 都已經準,但係7日空窗期.真係好怕CHECK唔到.唉



回覆 引用 TOP

[隱藏]
 
Take care


引用:
原帖由 bitebite 於 2018-8-13 01:35 AM 發表

Take care
THZ,預計星期三就去TEST.希望大步攬過



回覆 引用 TOP

有女友仲搵g,鬼唔望你就一次扑中


回覆 引用 TOP

首先你唔好再自己嚇自己,由其係去睇HIV相關資訊。真係越睇越似,越睇越多徵兆架。我同我朋友都試過樓主既經歷。所以好明白你心情。但旁人點安撫都冇用,你自己要學識走出死胡桃。當年我係食唔落瞓唔著6個月,好難挨,再睇埋大陸既所為陰滋病,嘩,中九成,十幾廿個病徵中晒呀⋯不停尋醫,又中又西好似精神病咁⋯但老實講丫,男女性交感染HIV機率係好低好低...除非兩個都有傷口。而且你仲要帶套,真係接近零機率,咁易中既六合彩都比你中到啦。再講口交,當你冇套!口交感染係未有實例。換句話即係冇可能。係無套江交先叫會感染,因為冇潤滑之下大家會磨損有直接血液接觸。打左咁大篇野都係想樓主知道你既行為係唔會感染到。但都唔鼓勵去一樓一。試左次就算啦


.
引用:
原帖由 武仁勝乂 於 2018-8-13 01:55 AM 發表

首先你唔好再自己嚇自己,由其係去睇HIV相關資訊。真係越睇越似,越睇越多徵兆架。我同我朋友都試過樓主既經歷。所以好明白你心情。但旁人點安撫都冇用,你自己要學識走出死胡桃。當年我係食唔落瞓唔著6個月,好難挨,再睇埋大陸既所為陰滋病,嘩,中九成,十幾廿個病徵中晒呀⋯不停尋醫,又中又西好似精神病咁⋯但老實講丫,男女性交感染HIV機率係好低好低...除非兩個都有傷口。而且你仲要帶套,真係接近零機率,咁易中 ...
好多謝你,我都好想走出死胡桃.我唔諗都沒用.每日個身走幾粒點出來,話似皮疹又似唔到晒,差在真係沒發燒.
當然如果沒事,我永遠唔會再去呢D地方.



回覆 引用 TOP

[隱藏]
 
有女朋友老婆就唔好叫雞啦,傳染其他性病都死


引用:
原帖由 arsenal3k 於 2018-8-13 02:13 AM 發表

有女朋友老婆就唔好叫雞啦,傳染其他性病都死
我都知,好後悔了.



回覆 引用 TOP

過左去就算,十個男人九個滾,唔係第日影響左自己性生活,變左搞基就死


引用:
原帖由 arsenal3k 於 2018-8-13 02:20 AM 發表

過左去就算,十個男人九個滾,唔係第日影響左自己性生活,變左搞基就死
腦實講嗰日開始到依家,一啲性慾都沒.條路仲有好長..我諗沒1年半載驗清楚都唔算過左去.每一次TEST都好似係死門關徘徊



回覆 引用 TOP

性病好多種的,唔好自己攪喇,去睇政府門診啦,向醫生和盆托出,叫佢轉介你比專科跟進⋯⋯
以後真係唔好喇!



回覆 引用 TOP

[隱藏]
 
2000 檢查費都冇

但有錢去叫雞?



 62 12345
 提示:支持鍵盤翻頁 ←左 右→
 
 






 

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。