• 瀏覽: 11,985
  • 回覆: 36
  • 追帖: 2
[隱藏]
本人爺爺同爸爸都有腸癌,爸爸舊年年頭喺深圳做完腸癌手術+化療,宜家每個月都要去複診,恢復情況都幾好。醫生叮囑爸爸一定要叫我地兩姐妹去做腸鏡,因為癌症是遺傳性的。
所以舊年家姐知道爸爸病后就已經先去咗深圳北大做腸鏡,而我當時因懷孕就推後到現在。

本來我喺打算去香港大學深圳醫院做腸鏡的,環境很好,香港醫院管理制度(本人大陸的親戚朋友生b都喺呢度生,入去探病,每次限定2人,只有規定時間可探,禁止12歲以下探病,而病房同香港私家醫院好似,但大d,非常整潔乾淨衛生),但自己竟然濛查查預約錯左,預約咗北大深圳醫院。

首先講預約,大陸有個91160網站喺預約各醫院的,註冊登記就可以預約,好簡單。但喺好的醫院你好難預約,D掛號比曬D黃牛搶曬,例如北大港大,本人當時都喺預約唔到,幫襯咗黃牛,50蚊黃牛服務費保證有號比你,但當時口快快自己唔小心港大講錯咗北大,anyway都冇所謂,北大都出名,只喺殘D。

之後按預約時間提前半個鍾到北大拿掛號,黃牛幫你預約好有個預約號碼比你,咁我只需去到預約掛號窗口,比個預約號碼護士,再加二十幾蚊掛號費,護士就會比張掛號單你,裏面會寫明你掛的科室喺邊座樓邊層。

咁我照腸鏡掛的喺消化內科,去到消化內科有幾排位比你坐喺度等,一般多人,十幾二十位左右,很安靜,有個電視屏幕會播到邊個預約號碼會診。(喺等候期間突然有個人開手機睇新聞好大聲,護士都會即刻提醒請關閉手機聲量保持安靜,呢一點我覺得幾好)。等咗半個鍾左右就見到電視播我個號碼叫我去x室見醫生。醫生問咗我咩原因照腸鏡,同佢講左後佢好好,仲安慰我雖然有遺傳性,生癌比一般人高一點點,但不是一定遺傳,叫我唔好太擔心,又問咗我有沒覺得邊度唔舒服,問埋我家姐上次照腸鏡出黎的結果。然後醫生就開咗單叫我去付費同排期預約照腸鏡,如不打麻醉就可以好快就有得照,要做無痛就要排耐D。

拿咗單繳費拿藥後按指示去咗xx房預約,姑娘幫我排到2個半月後去照腸鏡,2個半月我覺得可以接受,唔算太耐。姑娘見我選擇無痛,佢比咗張單我叫我再去約麻醉科醫生,咁我又翻返去消化內科,比張單比消化內科姑娘睇,姑娘又幫我掛咗麻醉科醫生號,坐咗10分鐘度就輪到我睇,麻醉科醫生比咗D麻醉注意我睇並簽名,然後叫我去現金窗口比麻醉費,今日的腸鏡預約已經完成了。

今日個腸鏡費用300+,麻醉費300+,掛號費50+,800有找。
大陸呢邊幾乎已經全部是手機支付,我覺得真喺好方便,唔洗排隊唔洗等,我呢次的腸鏡費就喺手機支付,真喺好方便。

本人家姐都喺呢間做,佢話呢間醫院醫生都非常有經驗也很出名,唯一缺點就喺醫院較殘,同照腸鏡前家屬也會在入面等待,覺得沒私隱。腸鏡我還未做,所以私隱方面點未知,但醫院殘我覺得可以接受,起碼都乾淨明亮,就喺樓舊咗小小。

兩個月后照腸鏡回來我會再開個P,希望自己都沒咩事啦,開呢個P都希望可以比D想上去照腸鏡的人小小幫助,祝大家身體健康!



熱賣及精選
引用:
原帖由 床上原始的牛牛 於 2018-9-8 02:45 PM 發表

本人爺爺同爸爸都有腸癌,爸爸舊年年頭喺深圳做完腸癌手術+化療,宜家每個月都要去複診,恢復情況都幾好。醫生叮囑爸爸一定要叫我地兩姐妹去做腸鏡,因為癌症是遺傳性的。
所以舊年家姐知道爸爸病后就已經先去咗深圳北大做腸鏡,而我當時因懷孕就推後到現在。

本來我喺打算去香港大學深圳醫院做腸鏡的,環境很好,香港醫院管理制度(本人大陸的親戚朋友生b都喺呢度生,入去探病,每次限定2人,只有規定時間可探,禁止12歲 ...
請問爺爺、爸爸是香港人嗎?治療費用收費如何。



照腸鏡邊度做都可以,北大醫院是深圳最好醫院,醫生和設備都比較好,至於樓舊不舊好似無咩關係。至於隱私,做腸鏡前可以提出要求。


原來喺深圳照腸鏡係咁平㗎 , 如果照左有事返來香港看唔知 承唔承認?


[隱藏]
引用:
原帖由 哈囉消失的核心 於 2018-9-9 12:50 AM 發表

原來喺深圳照腸鏡係咁平㗎 , 如果照左有事返來香港看唔知 承唔承認?
不承認。



引用:
原帖由 海邊OL 於 2018-9-8 04:11 PM 發表


請問爺爺、爸爸是香港人嗎?治療費用收費如何。
幾萬蚊治療費,每個人病情不一樣,所以費用未必一樣



[quote]原帖由 超新手達人 於 2018-9-9 09:36 AM 發表



引用:
原帖由 哈囉消失的核心 於 2018-9-9 12:50 AM 發表

原來喺深圳照腸鏡係咁平㗎 , 如果照左有事返來香港看唔知 承唔承認?
我大仔之前頸腫咗,喺大陸醫院睇話要手術治療,也可保守治療,我地當時話考慮下,拿咗份醫院報告翻香港政府醫院睇,政府醫院都照收,還立即安排入院,入院後都會重複做喺大陸醫院做過的檢查,所以我覺得未必承認,但會做診症參考



樓主. 唔知PET SCAN 又大約幾錢呢.


[隱藏]
引用:
原帖由 超新手達人 於 2018-9-9 09:36 AM 發表




不承認。
其實無話承認不承認的,香港醫生睇的,我屋企人試過,政府醫生會睇。



引用:
原帖由 chiwing64 於 2018-9-13 04:00 PM 發表



其實無話承認不承認的,香港醫生睇的,我屋企人試過,政府醫生會睇。
會睇但會叫你係香港再做相似檢查,同唔承認無分別。呢個係醫療責任問題,信份外地報告就定治療計劃,你估邊個揹飛。



引用:
原帖由 床上原始的牛牛 於 2018-9-8 02:45 PM 發表

本人爺爺同爸爸都有腸癌,爸爸舊年年頭喺深圳做完腸癌手術+化療,宜家每個月都要去複診,恢復情況都幾好。醫生叮囑爸爸一定要叫我地兩姐妹去做腸鏡,因為癌症是遺傳性的。
所以舊年家姐知道爸爸病后就已經先去咗深圳北大做腸鏡,而我當時因懷孕就推後到現在。

本來我喺打算去香港大學深圳醫院做腸鏡的,環境很好,香港醫院管理制度(本人大陸的親戚朋友生b都喺呢度生,入去探病,每次限定2人,只有規定時間可探,禁止12歲 ...
有分有痛無痛? 香港政府支助老人照大腸唔知係咪咁樣?辛苦嘛,係咪要先飲好多水先照?



提示: 違規內容已被屏蔽
引用:
原帖由 garykyl 於 2018-9-15 05:52 PM 發表


有分有痛無痛? 香港政府支助老人照大腸唔知係咪咁樣?辛苦嘛,係咪要先飲好多水先照?
喺呀,手術前有要求要飲幾多毫升水,藥水加埋水,都有二千幾毫升。香港政府資助我覺得一定有打無痛,唔喺D老人家頂唔住嫁!



[隱藏]
引用:
原帖由 ryohji 於 2018-9-10 12:22 PM 發表

樓主. 唔知PET SCAN 又大約幾錢呢.
呢個我都唔清楚哦,我去做腸鏡時問問



提示:支持鍵盤翻頁左 右
[按此隱藏 Google 建議的相符內容]