註冊 登入



打印

做左眼鏡佬5年,今日終於決心搵工轉行(文長) 香討焦點

做左眼鏡佬5年,今日終於決心搵工轉行(文長) E-mail 此主題給朋友

[隱藏]
開新account係為免比人起低,因為我暫時仲要騎牛搵馬......

小弟係一間比較知名既眼鏡舖做左5年眼鏡佬,其實一直都想轉行架啦,不過做開話哂上左手,所以次次都打消左念頭。
但今日一次遇著3個極品香港刁民、2個普通香港刁民,終於頂唔順啦

其實小弟想勸各位想入行既人,眼鏡佬係香港其中一個最難做既sales之一,特別係D有D名既公司。
PS.我唔係講緊視光師,係眼鏡佬

原因如下:
第一,香港人對眼鏡既要求真係好高,高到可以話係離譜。
比個例子大家,間中都會有人入黎投訴話鏡片花,ok fine 就 check 下你幾時配
1 check 原來係3年前 .... what the x
跟住個客就會同你講,佢上次眼鏡配左10年都冇花,你呢個用左3年就開始花,一定係你地D鏡既品質問題,仲話要去消費者委員會告你
叫佢拎返舊果副出黎睇下係咪玻璃鏡黎,佢又同你講話唔見左,總之就死無對証..........

再比多個例子,D人成日要眼鏡輕,輕到好似冇戴咁,但係又唔知自己度數深,仲要死都要鹼D大圓框
勸極都唔聽,講明做完會好重都係要配。
最後做完出黎又話重又話戴到頭疼,仲要話你點解之前唔阻止佢.....失憶既唔該搵個錄音機黎錄音呀
不過最大問題係,佢地會堅持坐係度,要你校副眼鏡校到佢覺得真係好似冇戴咁
你同佢講冇可能佢就話係你冇經驗,冇理由唔得

唔好覺得好離譜,因為以上呢D人係香港係好常見

第二,眼鏡鬆緊,度數岩唔岩,呢D除左戴果個知之外,其他人係冇辦法透過其他方法去証明
賣電話既,個客話開唔到機,你係佢面前開著部機既話佢就冇聲出啦
賣衫既,個客話好緊,你一比佢著落去見到佢鬆到XX既話就証明係佢玩野
但係眼鏡,就算岩size,都可能會好鬆或好緊,而你係冇辦法去證明佢認該覺得係鬆定係緊
度數,我唔知你望到幾遠幾近,度數岩唔岩只能透過你講黎證明
如果遇著有心玩野既客,你係完全冇符
又比個例子大家,有個客配眼鏡果陣鹼左A同B眼鏡 2選1
最後鹼左A,3日後佢打黎話佢都係想轉B,但係鏡片以經車緊所以冇得轉,因為落左刀既鏡形狀只能配你A鏡框
之後佢黎拎眼鏡果陣,點幫佢校佢都係話鬆話緊,又話度數唔岩好暈
視光師幫佢驗完,就加兩隻試鏡試佢(行內人應該會明,唔講到咁白),証明度數根本冇問題
最後視光師幫佢減25度就算,跟住佢就講啦,咁返正你地都要再做個鏡,咁索性幫我轉B眼鏡啦...........

第三,眼鏡佬雖然只係一個sales,但係你既工作其實係輔助性醫療,係要求你有一個專業既知識,但係你既人工總對唔係專業應有既人工,仲要不斷比人追數的
做眼鏡佬,你要識所有關於眼鏡既知識,包括唔同款既鏡框、鏡片、鏡片功能(有過百種鏡片同鏡框你要知仲要不斷update),仲有連眼疾、眼睛構造、度數加減呢D視光師野你都要識D,因為D客真係會問你,你唔識佢就覺得你冇料走人

第四,0進升機會
一日眼鏡佬,一世眼鏡佬,唔好諗住可以好似幾十年前學師做視光師,因為香港依家視光師有發牌制,一定要係poly神科中畢業先得。除非轉行,否則你一世都只係一個搵1xk既眼鏡佬

仲有好多唔講啦,手累,文長發洩左我呢5年大部份怨氣,多謝收看!



精選樓盤
揾食系甘嘅啦。都唔系一個行業問題,系通用問題喔。


眼累了先至會唸電子書閲讀器eReader

文章列表:
為什麼++>黑白色和刷新慢<++的平板都會有人買?
https://digital.discuss.com.hk/viewthread.php?tid=27810367&extra=page%3D1

回覆 引用 TOP

有興趣
還有嗎?



轉做咩工


[隱藏]
認同,我都係做呢行。辛酸野我都明


引用:
原帖由 佛系改名 於 2018-11-6 10:56 PM 發表

有興趣
還有嗎?
咁你睇好呢行既邊方面??我都可以話你知係咪你諗既咁樣



回覆 引用 TOP

引用:
原帖由 ShipunWong 於 2018-11-6 11:24 PM 發表

轉做咩工
睇下脫唔脫離到SALES呢行啦....唔係可能試下賣手機



引用:
原帖由 calcified 於 2018-11-6 11:50 PM 發表

認同,我都係做呢行。辛酸野我都明
同行並勉之
不過我已經打算轉行.....



引用:
原帖由 PeterChan2018 於 2018-11-6 11:52 PM 發表



睇下脫唔脫離到SALES呢行啦....唔係可能試下賣手機
但你轉其他行,你之前sales5年經驗白過,一切要重新開始。



[隱藏]
轉做乜?


回覆 引用 TOP

以前d客無甘西 依家麻煩要求多多


幾錢一個月?


引用:
原帖由 kenkit1995 於 2018-11-7 12:00 AM 發表



但你轉其他行,你之前sales5年經驗白過,一切要重新開始。
的確係...不過眼鏡呢行,5年經驗只會令人更傾向請你,而唔會令你人工增加,因為你係要跑數
所以分別真係唔大



引用:
原帖由 calcified 於 2018-11-7 12:01 AM 發表

以前d客無甘西 依家麻煩要求多多
我岩岩入行果陣都覺得D人好西,但仲係可接受範圍
但係依家真係......
特別係醫療卷開左配眼鏡之後
香港好多目光都放左係我地呢行,搞到做咩都要好小心



[隱藏]
引用:
原帖由 期勝股赢 於 2018-11-7 12:11 AM 發表

幾錢一個月?
睇跑數的,但除你係最top果幾個sales,否則你點跑都冇可能過2字頭,就算係旺季都係咁話



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。