註冊 登入



打印

[貓貓] 糖尿病貓

糖尿病貓 E-mail 此主題給朋友

[隱藏]
英短12歲, 14磅半, 近日尿非常多, 睇醫生驗完血/尿後驗出有糖尿病, 同時有膀胱炎要食兩星期消炎藥及抗生素.  醫生建議打胰島素, 我準備先比佢食完呢兩星期既藥先, 再利用這段時間同佢轉濕糧, 為療程作好準備.  扒文話濕糧對糖尿貓比較好, 請問有無咩野牌子可以介紹?  醫生話貓貓驗血報告除血糖高外其他指數算正常.  除轉糧外亦會盡快買驗血糖機.  請問除此之外還有什麼需要注意?


附件

Bluffee blood test 20181124.png (295.82 KB)

2018-11-26 03:22 PM

Bluffee blood test 20181124.png

精選樓盤
引用:
原帖由 ayr26755 於 2018-11-26 03:22 PM 發表

英短12歲, 14磅半, 近日尿非常多, 睇醫生驗完血/尿後驗出有糖尿病, 同時有膀胱炎要食兩星期消炎藥及抗生素.  醫生建議打胰島素, 我準備先比佢食完呢兩星期既藥先, 再利用這段時間同佢轉濕糧, 為療程作好準備.  扒文話濕糧對糖尿貓比較好, 請問有無咩野牌子可以介紹?  醫生話貓貓驗血報告除血糖高外其他指數算正常.  除轉糧外亦會盡快買驗血糖機.  請問除此之外還有什麼需要注意? ...
‘ary26755

濕糧等其他貓網友介紹啦!因我是養狗的,不太懂貓糧。

有膀胱炎,如服西藥後未痊癒可服用中藥,到時可再聯絡。

幾年前有2個糖尿貓網址,很多養糖尿貓的網友在交流意見,部份貓貓可以痊癒不用再打胰島素的,不知你看過了沒有?貼給你參考一下:
1個網址:20121
https://www.discuss.com.hk/viewthread.php?tid=17158407&extra=page%3D1&page=1

2個網址:20125
https://www.discuss.com.hk/viewthread.php?tid=18882809&extra=page%3D1

糖尿病患者最重要控制澱粉質、糖份的份量,就算食生果、蕃薯、薯仔、栗子、南瓜、白飯、米湯白粥等糖份較高的食物也可以,只要少量不要過量就可以,盡量不要過了黃昏或晚上食較多澱粉質或較甜的食物,就不會加重病情。 這是營養師說的,因我家人有糖尿病,而且我也測試過是可行的。

平時亦可煲黨參桑寄生豬肉汁飲用,對糖尿病、後腿無力患者有幫助。如想服用中藥到時再聯絡。

黨參桑寄生豬肉汁(5款藥材約5016-4-2018)

功效:如大便稀爛腸胃問題、腎衰竭、無氣力、後腳無力、抵抗力差、糖尿病、貧血、少飲水,可試煲以下湯汁補氣(脾肺腎氣)補腎補腰腿,可增強體質:

豬瘦肉15-20元,回家洗淨切片汆水。
黨參40克及淮山30克,可在藥房買(可各買80克和60克分2次用),淮山弄成小塊易煮熟透。
桑寄生30克,可在藥房買(如煲過一次飲用後有效,可自行買一盒分多次煲較平宜)
南棗30克,可在藥房買(剪碎易出味,亦可買1斤或半斤,自行分多次煲較平宜)
陳皮5克,可在藥房買(陳皮用清水浸10分鐘,用小刀把內層白色部份輕刮表層才煲)

將各藥材用較小孔的筲箕盛著,用清水輕輕沖洗一下。
用5碗清水泡浸半至1小時,浸水不用倒,直接用來煲湯便可。
將所有材料煲滾轉小火煲1.5小時,肉、淮山、大棗、湯都可食用。
由於淮山食多易便秘,所以每次先給少量,如指甲般1-2片,如大便困難就減少食用,或只飲湯食肉。
可用隔油壺去掉最面層的油份才飲用就更健康。
未飲完的湯和滓就如中藥般存於雪柜或冰格更好,每天蒸暖飲用和食滓。
飲用份量:10kgs以下重量,可飲湯50-150ml,可試少量10ml,無問題就加大份量。10kgs以上重量,可飲湯150-300ml。
以上飲用份量只作參考,如無問題,可飲超過以上之最高份量。





回覆 引用 TOP

我有努力睇之前有關糖尿病的part1,2,3, 今日睇左成日.  養左竉物廿幾年佢地算生生性性無咩大病痛, 舊年隻雪橇斷左十字韌帶已是最金既一單.  今次貓貓有糖尿我真係手足無措.  希望同貓貓一齊努力度過難關.


引用:
原帖由 ayr26755 於 2018-11-26 07:27 PM 發表

我有努力睇之前有關糖尿病的part1,2,3, 今日睇左成日.  養左竉物廿幾年佢地算生生性性無咩大病痛, 舊年隻雪橇斷左十字韌帶已是最金既一單.  今次貓貓有糖尿我真係手足無措.  希望同貓貓一齊努力度過難關. ...
‘ayr26755
係呀!果幾個網址好長架!真要好多時間才睇完!
咁你啲寶貝就好乖了,唔使你咁擔心!
希望今次都可以順順利利,早日康復!





回覆 引用 TOP

[隱藏]
多戲晒你.  希望快D有網友介紹濕糧比我, 我可以快D同貓貓開始大作戰.


回覆 引用 TOP

我不是有濕糧介紹, 只是想同貓貓打打氣, 要加油, 要健健康康!


回覆 引用 TOP

首先一定要轉"全"濕糧,我果隻出院前日日血糖高位2x,低位都係8左右
出院後到而家一星期,同佢轉左全部食罐頭後,幾乎冇再見過2字頭
高位keep住最多15左右,有三幾次未打針血糖都完全正常要skip一針
甚至試過低到2.x,所以而家胰島素劑量都要減
當然隻隻貓要復原時間都可以好唔同,但就算touch wood冇咁好彩斷唔到尾
但食低碳水濕食既話,病情都會比較受控

罐頭既話,我果隻食過Nature's varity instinct 雞/牛 (唔好買三文魚味,碳水化合物太高),汪喵星球普通罐/幼貓罐(因為我果隻間中要針筒餵,幼貓果隻唔使再用攪拌機都針筒餵到)

詳細可以睇呢份google doc自己揀
https://docs.google.com/spreadsh ... 2t2Xmu3_lKnJak/edit
總之要主食罐,碳水化合物一定要低過10%越低越好,有任何穀物都唔好揀
選擇都唔少架



回覆 引用 TOP

非常感謝你經驗分享.  我都好想同佢轉食全濕糧.  不過佢一向舔野黎食, 開罐罐時佢好開心好想食, 不過佢舔左好耐都食唔到幾多, 只係張D糧越舔越黏埋一堆, 佢舔得耐舔唔到幾多就無心機再食, 就算慢慢餵佢食都食唔晒一罐.  現在非常煩惱


引用:
原帖由 ayr26755 於 2018-11-29 02:23 PM 發表

非常感謝你經驗分享.  我都好想同佢轉食全濕糧.  不過佢一向舔野黎食, 開罐罐時佢好開心好想食, 不過佢舔左好耐都食唔到幾多, 只係張D糧越舔越黏埋一堆, 佢舔得耐舔唔到幾多就無心機再食, 就算慢慢餵佢食都食唔晒一罐.  現在非常煩惱 ...
我果隻一向係超細食,少少唔高興就直情絕食果啲黎,但要打胰島素一定要食夠野,所以都好煩惱。返到屋企頭幾日佢根本就一啖都唔食,於是要用針筒灌。果時都好煩惱,唔通同佢灌一世咩?超花時間又傷感情,但而家可能血糖穩定左,灌左幾日接受左,前兩日開始佢自己肯食,食到一半,到今日已經自己食剩幾啖。只係都係食少少就想走,唯有佢一走就擺兜食物喺佢面前,佢又會再食啲,重覆煩多佢幾次直到佢唔肯自己食,就手指"了"起d餵埋嘴邊,佢又會再食多少少....

如果你同我一樣以前放開長糧,咁佢食完就要收走,直到下一餐之前乜到無得食,重覆幾日佢就會開始明....除非出現低血糖,咁就一定要有d野比佢食下升返糖

加油呀,長期作戰黎



回覆 引用 TOP

[隱藏]
佢一向食乾糧, 一日兩餐好快食完, 無放長糧.  只係佢舔黎食食唔得多, 舔耐左就放棄.  我朝早已經等佢食足一個鐘至拎走.  今晚會再試下.  依家仲未開始打胰島素, 可唔可以餓下佢?  我會比心機同佢一齊努力


引用:
原帖由 ayr26755 於 2018-11-29 02:51 PM 發表

佢一向食乾糧, 一日兩餐好快食完, 無放長糧.  只係佢舔黎食食唔得多, 舔耐左就放棄.  我朝早已經等佢食足一個鐘至拎走.  今晚會再試下.  依家仲未開始打胰島素, 可唔可以餓下佢?  我會比心機同佢一齊努力 ...
太餓都唔好,糖尿本身就好易脂肪肝,加埋唔食野好似有d驚....我果隻已經中過招
而家主要都係靠不停擺兜糧喺佢面前煩到佢食多



回覆 引用 TOP

明白, 咁我就試下煩到佢食多D為止


回覆 引用 TOP

引用:
原帖由 ayr26755 於 2018-11-26 03:22 PM 發表

英短12歲, 14磅半, 近日尿非常多, 睇醫生驗完血/尿後驗出有糖尿病, 同時有膀胱炎要食兩星期消炎藥及抗生素.  醫生建議打胰島素, 我準備先比佢食完呢兩星期既藥先, 再利用這段時間同佢轉濕糧, 為療程作好準備.  扒文話濕糧對糖尿貓比較好, 請問有無咩野牌子可以介紹?  醫生話貓貓驗血報告除血糖高外其他指數算正常.  除轉糧外亦會盡快買驗血糖機.  請問除此之外還有什麼需要注意? ...
K9, 汪喵星
两個牌子罐罐都係低碳,高旦白,good for 糖尿貓


緊記,千萬不可食干糧,即升高血糖


你係本 Discuss 搵。。。貓糧資料庫



回覆 引用 TOP

真係多謝各位, 其實我都有爬 "貓糧資料庫", 入面推介紹既濕糧我幾乎全都買左兩/三罐, 試左幾日仲未有邊款佢肯自己食, 餐餐都係甲硬餵佢先食到少少, 我睇佢唔係口味既問題, 而係佢唔鐘意食濕野.  我會盡力再試試.


回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。