註冊 登入



打印

[翡翠台] 入黎睇!!TVB「2018最低收視五部劇集」出爐!!!

入黎睇!!TVB「2018最低收視五部劇集」出爐!!! E-mail 此主題給朋友

[隱藏]
早前公布TVB的「2018年十大收視最高劇集」名單中,毫無懸念由熱爆亞洲的內地劇《延禧攻略》以平均總收視31.4點奪冠,至於收穫不少口碑的《跳躍生命線》和《宮心計2深宮計》就分別以平均總收視29.3點以及28.6點排名第二和第三。一如以往,排行榜出爐一定有人歡喜有人愁,到底哪五部劇成為全年最低收視劇集呢?

第五名

由袁偉豪及唐詩詠主演的《棟仁的時光》本身題材相當新穎,袁偉豪要偷取人的時間來換取生命,但劇本冇張力、唔吸引成為其中最大的致命傷,劇中最大的懸念竟然在頭兩集穿橋,大大減少追看性。


第二集就穿橋,好難再睇落去!(劇照)


第四名

中港合拍網絡劇《再創世紀》雖然有郭晉安、楊怡和周勵淇等好戲之人坐陣,又打著的經典港劇《創世紀》續集的名號製作,但劇情老土毫無新意,只顧食老本成為最大死因!


好演技都救唔返收視!(劇照)

第三名

又一中港合拍網絡劇《無間道》是根據香港電影《無間道》電影故事系列的後續,更找來羅嘉良、羅仲謙、劉松仁等主演,但劇集雖然投入大量人力物力,但劇本欠缺創新,一味只顧叫演員「Chok」,實在令人大失所望。而且整部劇「大陸味」甚濃,難以吸引香港觀眾追看!


劇本欠缺創新!(劇照)

第二名

《天命》自首播以來,平均收視從未有接觸過23點的位置,完全不符合預期。這部《天命》由陳展鵬和譚俊彥,李施嬅、唐詩詠和姚子羚三位女主角,最後全劇平均收21.74點,成為了全年第二低收視的劇集!雖然劇情以創新手法用一集淨講一日發生的事來做主打, 但其實取巧,皆因每集都跳幾次講回前幾次的事,令連續性大減,更睇到人頭暈!


譚俊彥第一部TVB劇集就仆直!(劇照)

第一名

由王晶擔任監製的中港合拍劇《冒險王衛斯理》三季的平均收視只有16點,成為2018年度最低收視劇集!雖然倪匡的科幻小說陪着不少人成長,小說中的主角衛斯理更是港人的集體回憶,但王晶找來余文樂飾演衛斯理以及內地演員胡然飾演仙氣十足的完美女主角,被指還原度低及格格不入!


王晶的作品又一次...(劇照)


出動埋華哥都冇用!(劇照)

不難發現,五名低收視劇集中竟然有三部都是中港合拍劇,這正正反映香港觀眾未能完成接受「唔鹹唔淡」的合拍劇。原本合拍劇的初衷是開發內地市場,提升劇集質素,但數據反映高成本製作未必能製作出同樣高水準的劇集,反而TVB可以更集中炮製以及支持更多貼地的本土小品劇!

https://www.hk01.com/即時娛樂/281333


再創世紀真係睇左d就已經唔想再睇



熱賣及精選
支離人搵余文樂做就注定迫人熄機

袁木做主角個套搵鬼人睇,由選人到劇情都係講句:算9數吧啦



5部中,只有《棟仁的時光》係小本製作,但已經略高於其餘四部。
合拍劇死得仲慘。



最仆街張衛斯理個故事、.人物改到不知所謂,邊個做都唔係乜嘢大問題,都唔好將幫會龍頭變咗國際刑警吖


回覆 引用 TOP

[隱藏]
唔知係男一錯定男二錯


回覆 引用 TOP

合拍劇tvb少D制作費,tvb跟本吾恨香港呢個市場!


回覆 引用 TOP

引用:
原帖由 ooo111 於 2019-1-11 11:50 AM 發表

5部中,只有《棟仁的時光》係小本製作,但已經略高於其餘四部。
合拍劇死得仲慘。
又話香港人好鍾意睇大陸演員既??



救妻呢


衛斯理真係一集都無睇過...


[隱藏]
胃C你

[ 本帖最後由 rabbit13 於 2019-1-11 01:53 PM 編輯 ]



人生從痛苦開始,可幸經歷從不平凡,但願生命中能有一點歡笑,餘下生命能與意中人一齊渡過。

回覆 引用 TOP

衛斯理d女女好正


回覆 引用 TOP

證明合拍片敗北。

想平衡兩地市場,只會導致吃力不討好的結果。



回覆 引用 TOP

居然無特技人?唔係仲低過天命咩?


無間道係幾年tv super剛出時就播
過左幾年先拎返出嚟炒…
唔低就假



with Dunlop Aerogel 4D 300 Tour + Polyfibre Black Venom  @56lb
向NTRP 3.5進發

能見證香港足球隊係主場創造傳奇一刻
真係"有今生, 冇來世"

回覆 引用 TOP

[隱藏]
屌!关人七事!有时间看多一些国内剧,人家剧本写的非常地道,演员演技了不得,看电视剧就是看电影感觉,完全实景又有时代感写实!你有些脑都能看出来香港剧正走下坡路,理由很间单,市场细,投资更少!所以每套剧最长都只拍二十多集!拱红了星仔又北上赚人仔,那有好戏拍得出来!


 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。